Agenda item

Cais o dan Adran 73 i amrywio amodau 2, 5 a 37 o ganiatâd cynllunio C12/0495/36/MW er mwyn ymestyn yr amser ar gyfer cloddio a gweithio deunydd hyd at 31/12/2030 ac adfer y safle erbyn 31/12/2031,  cynyddu allbwn blynyddol o ddeunydd o'r safle i 100,000 tunnell ar gyfradd gyfartalog o 14 llwyth y diwrnod a defnyddio deunydd sydd heb ddeillio o'r gweithgareddau sydd wedi eu caniatáu o fewn cynllun adfer

 

AELOD LLEOL: Cynghorydd Stephen Churchman

 

Dolen i'r dogfennau cefndir perthnasol

 

PENDERFYNIAD: Dirprwyo pwerau i Bennaeth yr Adran Amgylchedd i gymeradwyo'r cais, gydag amodau. Noder nad yw Amod 1 o ganiatâd cynllunio C12/0495/36/MW, sy'n gofyn i'r datblygiad gychwyn ymhen pum mlynedd, yn berthnasol mwyach gan fod y datblygiad wedi cychwyn eisoes.

 

1. Daw'r gwaith o echdynnu gwastraff a'r gweithrediadau ategol i ben erbyn  31/12/2030. Adfer y safle erbyn 31/12/2031
2. Yn unol â'r cynlluniau a gymeradwywyd.
3. Cynnal a chadw’r ffordd fynediad.
4. Dim mwy na 100,000 tunnell o ddeunydd y flwyddyn yn cael ei waredu o'r safle ar gyfradd gyfartalog o ddim mwy na 14 llwyth y dydd.
5. Plannu llwyni a choed cyn echdynnu yng Ngham 4.
6. Cynnal a chadw’r llwyni a'r coed a blannwyd (amod 5).
7. Rhybudd ysgrifenedig ymlaen llaw; cychwyn datblygiad, baeau pasio, gwaith draenio, strip pridd, gwaredu'r gorlwythiad, echdynnu mwynau, adfer.
8. Yn unol â'r manylion a'r cynlluniau cymeradwy.
9. Marcio ffin yr ardal echdynnu.
10. Adfer ac ôl-ofal yn unol â'r manylion cymeradwy.
11. Cyfyngiad ar Rannau 19 a 21 y GPDO.
12. Oriau Gwaith.
13. Adolygiad ffurfiol blynyddol o weithrediadau.
14. Cyfyngiadau Sŵn.
15. Hysbysiad am waith dros dro a allai fod yn uwch na'r cyfyngiadau sŵn.
16. Monitro sŵn blynyddol.
17. Gosod larymau bagio sŵn gwyn ar offer symudol a cherbydau.
18. Yr holl gerbydau, offer a pheiriannau i'w gweithredu yn unol â manylebau'r gweithgynhyrchwr, ac wedi'u ffitio â sgriniau lleihau sŵn priodol, ‘caseworks’, ‘silences’, ac ati.
19. Rhoi dŵr ar yr ardaloedd lle mae cerbydau'n gyrru drostynt, neu drin yr ardaloedd i atal llwch rhag dianc.
20. System ddraenio dŵr yn unol â'r cynlluniau cymeradwy.
21. System ddraenio i gasglu a gwaredu'r holl ddŵr sy'n mynd i mewn i'r safle neu sy'n codi ynddo.
22. Olew, tanwydd, iraid, paent, sylweddau neu unrhyw gemegolion eraill ar y safle i'w storio mewn ardal wedi'i bwndio'n addas er mwyn atal halogiad.
23. Arfarniad Effaith Hydrolegol i'w gyflwyno os bydd dŵr daear yn codi.
24. Cynnal arolwg o'r Rhywogaethau Ymledol a'u trin.
25. Gwaith yng Nghamau 3 a 4 i'w gynnal yn unol â'r Fanyleb Archeolegol.
26. Mynediad yn cael ei roi i archeolegwyr i gynnal gwaith lliniaru a chofnodi archeolegol ac adroddiad ysgrifenedig yn cael ei gyflwyno i'r Awdurdod Cynllunio.
27. Ni fydd unrhyw offer neu gerbydau yn croesi unrhyw ardal o dir heb ei stripio ac eithrio lle mae traffig o'r fath yn hanfodol neu lle nad oes modd ei osgoi er mwyn ymgymryd â'r gweithrediadau a ganiateir.
28. Bydd yr holl uwchbridd ac isbridd y deuir ar ei draws yn cael ei gadw yn unol â'r cynigion datblygu sy'n cael eu disgrifio yn y manylion cymeradwy.
29. Bydd yr holl lystyfiant, uwchbridd ac isbridd sy'n cael ei stripio o bob cam gwaith ac ardaloedd wedi'u heffeithio gan waith echdynnu, ardaloedd storio, gwaith adeiladu, lleiniau caled ac adeiladwaith arall yn cynnwys ffyrdd mynediad a llwybrau cludo cerbydau dros dro, yn cael eu storio yn yr ardaloedd sy'n cael eu clustnodi ar gyfer y diben hwnnw, fydd wedi'u cytuno yn ysgrifenedig ymlaen llaw gan yr Awdurdod Cynllunio Mwynau.
30. Bydd yr holl uwchbridd ac isbridd sydd wedi'i stripio a'i storio yn unol â'r amod uchod yn cael ei ddefnyddio yn y gwaith o adfer ac ni fydd deunyddiau o'r fath yn cael eu gwaredu o'r safle heb ganiatâd ysgrifenedig ymlaen llaw gan yr Awdurdod Cynllunio Mwynau.
31. Bydd yr uwchbriddoedd yn cael eu cadw mewn sypiau storio, ddim uwch na 2m, gyda'r isbridd a'r gorlwythiadau wedi hynny yn cael eu cadw mewn sypiau storio ar wahân ac yn cael eu cadw rhag cymysgu.
32. Bydd yr Awdurdod Cynllunio Mwynau yn derbyn o leiaf 48 awr o rybudd ysgrifenedig o'r dyddiad pan fo unrhyw weithrediadau stripio pridd am gychwyn ar unrhyw ran o'r tir o fewn ardal y caniatâd. Ni fydd y pridd yn cael ei symud oni bai ei fod mewn cyflwr sych a brau a phan fo amodau'r ddaear yn sych.
33. Bydd y sypiau storio uwchbridd ac isbridd a'r rhannau hynny o'r safle lle nad yw uwchbridd ac isbridd yn cael ei stripio yn cael eu cadw'n rhydd o chwyn / llystyfiant sy'n cystadlu a bydd pob cam angenrheidiol yn cael ei gymryd i ddinistrio chwyn ar gam cynnar o'u tyfiant fel nad ydynt yn hadu.
34. Bydd yr holl ffiniau caeau newydd ar ffurf waliau cerrig sych a chloddiau pridd wedi'u creu o ddeunyddiau sy'n tarddu neu wedi'u hadfer o'r ffiniau caeau presennol yn Llecheiddior Uchaf a Llecheiddior Ganol.
35. Gweithredir mesurau osgoi rhesymol wrth ddymchwel ffiniau caeau a waliau cerrig er mwyn sicrhau bod ymlusgiaid yn cael eu gwarchod.
36. Dim ond gwastraff mwynau sy'n codi o'r gwaith echdynnu yn Llecheiddior, yn cynnwys deunydd wedi'i gludo a'i broses yn Chwarel Bryncir dan ganiatâd cynllunio C09D/0375/36/LL, fydd yn cael ei ddyddodi yn y safle er dibenion adfer. Ni fydd unrhyw ysbwriel, gwastraff cyffredinol neu ddeunyddiau gwastraff anadweithiol o ffynonellau allanol yn cael eu cludo i'r safle. Gellir defnyddio priddoedd neu ddeunyddiau sy'n ffurfio priddoedd er dibenion adfer yn unig, a dim ond lle mae eu haddasrwydd fel cyfrwng tyfu wedi'i gytuno yn ysgrifenedig ymlaen llaw gan yr Awdurdod Cynllunio Lleol. Ni fydd cyfanswm cyfaint y deunydd a ddyddodir yn fwy na'r hyn sydd ei angen i gyflawni'r amlinellau adfer cymeradwy. Bydd y gweithredwr yn cynnal cofnod manwl o'r holl wastraff mwynau a deunydd pridd wedi'i gludo i'r safle neu oddi yno, yn cynnwys ei darddiad, lleoliad, cyfaint a phwrpas. ⁠Bydd crynodeb o'r cofnodion hyn yn cael ei gyflwyno i'r Awdurdod Cynllunio Lleol bob chwe mis, neu ar unrhyw amlder sy'n cael ei gytuno yn ysgrifenedig gan yr Awdurdod.
37. Oni bai y cytunir yn ysgrifenedig fel arall, o leiaf 3 mis cyn y bwriad i amnewid priddoedd ar unrhyw ran o'r ardal i'w hadfer i ôl-ddefnydd amaethyddol, bydd y gweithredwr yn cyflwyno er cymeradwyaeth yr Awdurdod Cynllunio Mwynau, gynllun yn dangos yr amlinelliad terfynol i'w cyflawni yn y cynllun adfer.
38. Bydd cynnydd a hyd yn oed ail wasgaru’r gorlwythiad yn cael ei wneud yn ystod cyfnod y gwaith mwynau.
39. Pe byddai'r gwaith echdynnu mwynau yn dod i ben yn gynnar ar unrhyw gam o'r datblygiad, bydd cynllun diwygiedig ar gyfer adfer y safle yn cael ei gyflwyno i'w gymeradwyo gan yr Awdurdod Cynllunio Mwynau i gynnwys cynllun yn dangos yr amlinelliad terfynol i'w gyflawni yn y cynllun adfer.
40. Ar ôl ffurfio'r tirffurf terfynol yr amlinelliadau cymeradwy, bydd deunydd sylfaen y ddaear wreiddiol yn cael ei rwygo yn gynhwysfawr i isafswm dyfnder o 50cm i dorri i fyny ar unrhyw gywasgiad arwyneb cyn bod unrhyw ddeunydd pridd yn cael ei wasgaru.
41. Bydd y deunydd pridd (uwchbridd ac isbridd) sydd wedi'i glustnodi ar gyfer adfer amaethyddol yn cael ei wasgaru yn unffurf ac yn y drefn gywir dros y deunydd sylfaen a bydd, lle bo'r angen, wedi'i wreiddio a'i sgriffio i'r dyfnder llawn heb achosi cymysgu rhwng haenau gwahanol o bridd. Bydd dyfnder pridd isaf o 280mm (110mm o isbridd, 170mm o uwchbridd) uwchben y deunydd sylfaen yn cael ei ddarparu dros yr holl ardaloedd.
42. Bydd yr holl rwygo deunyddiau, gwasgaru pridd a gweithrediadau amaethu yn cael eu gwneud yn y fath ddull er mwyn isafu'r cywasgiad.
43. Bydd unrhyw ran o'r safle sydd wedi'i adfer er dibenion amaethyddol sy'n destun setlo lleol ac sy'n cael effaith andwyol ar yr ôl-ddefnydd amaethyddol yn cael ei ail-raddio yn cynnwys ail-adeiladu'r proffil pridd i'r fanyleb gymeradwy.
44. Bydd y safle yn cael ei ddwyn i'r safon ofynnol ar gyfer defnydd amaethyddol.
45. Cyflwyno cynllun ôl-ofal.
46. Dadansoddiad cemegol ar ôl amnewid yr uwchbridd.
47. Ail-gynnal y dadansoddiad cemegol yn y flwyddyn gyntaf a'r pedwerydd blwyddyn o ôl-ofal.⁠ ⁠⁠
48. ⁠Bydd y tir yn cael ei reoli yn unol â rheolau hwsmonaeth dda ac yn unol â'r canllawiau wedi'u hamlinellu yn Atodlen B, Nodyn Cyngor Technegol Mwynau (Cymru) 1: Agregau.
49. Ni chadwir unrhyw dda byw ar y tir oni chytunir fel arall yn ysgrifenedig gan yr Awdurdod Cynllunio Mwynau.
50. Bydd yr holl dir yn y safle sydd wedi'i gloddio, wedi'i ddefnyddio i storio pridd neu ffyrdd neu sydd wedi'i droedio gan offer trwm, yn cael ei ddarparu â chyflenwad dŵr a chyfleusterau draenio tir digonol, yn cynnwys cyrsiau dŵr, ffosydd caeau a system tan-ddraeniad wedi'i phibellu, os yw'n cael ei hystyried gan yr Awdurdod Cynllunio Mwynau i fod yn hanfodol er mwyn adfer y safle yn foddhaol. 
51. Sicrhau gorchudd ar gefn loriau

 

Nodyn:

Sicrhau cytundeb cynnal a chadw cyflwr ffyrdd

Cais o dan Adran 73 i amrywio amodau 2, 5 a 37 o ganiatâd cynllunio C12/0495/36/MW er mwyn ymestyn yr amser ar gyfer cloddio a gweithio deunydd hyd at 31/12/2030 ac adfer y safle erbyn 31/12/2031,  cynyddu allbwn blynyddol o ddeunydd o'r safle i 100,000 tunnell ar gyfradd gyfartalog o 14 llwyth y diwrnod a defnyddio deunydd sydd heb ddeillio o'r gweithgareddau sydd wedi eu caniatáu o fewn cynllun adfer

 

Tynnwyd sylw at y Ffurflen Sylwadau Hwyr

 

a)           Amlygodd y Uwch Swyddog Cynllunio Mwynau a Gwastraff mai cais ydoedd i amrywio amodau ar ganiatâd presennol ar gyfer chwarel dywod a graean ger Bryncir sydd wëid ei leoli ar dir amaethyddol blaenorol ac yn parhau i gael ei adfer i ddefnydd amaeth. Adroddwyd nad oedd y mwyn yn cael ei brosesu ar y safle ei hun ond yn Chwarel Bryncir gerllaw. Er bod y datblygiad yn dod o fewn categorïau Atodlen 2 o’r Rheoliadau Asesiad Effaith Amgylcheddol (EIA), daethpwyd i’r casgliad nad oedd yr effeithiau posibl yn ddigon sylweddol i ofyn am EIA.

 

O ran egwyddor y datblygiad, nodwyd bod y cais yn cynnwys ymestyn oes y chwarel, cynyddu’r allbwn blynyddol, mwy o symudiadau traffig, a chaniatáu defnyddio deunyddiau allanol ar gyfer adfer. Byddai ymestyn y cyfnod gweithredu hyd at 2030 yn unol â pholisïau’r CDLl ar y Cyd a Pholisi PS 22, sy’n mynnu cynnal banc tir digonol o dywod a graean. Nodwyd bod Polisi Cynllunio Cymru (PCC) hefyd yn pwysleisio’r angen i sicrhau cyflenwad cynaliadwy o fwynau wrth ddiogelu’r amgylchedd a llesiant pobl, a sicrhau safon uchel o adfer safleoedd. Ategwyd bod y Datganiad Technegol Rhanbarthol (RTS) yn nodi diffyg yn y cyflenwad tywod a graean yng Ngwynedd (6.7 mlynedd o fanc tir yn lle’r gofyn o 7 mlynedd), gan bwysleisio’r angen i gynnal a chynyddu’r cyflenwad. Ystyriwyd bod y cynnig yn dderbyniol gan y bydd yn helpu i gynnal cyflenwad hanfodol o dywod a graean i’r economi adeiladu leol ac yn cyfrannu at ofynion rhanbarthol fyddai fel arall yn cael ei golli.

 

Yng nghyd-destun mwynderau gweledol a thirwedd adroddwyd bod y polisïau perthnasol yn gofyn am asesu effaith ar y dirwedd a gwelededd. Er bydd ymestyn oes y chwarel yn ymestyn yr effeithiau hyn dros gyfnod hirach, ni ystyriwyd y bydd yn creu effeithiau ychwanegol arwyddocaol gan fod y safle eisoes yn weithredol. Ategwyd bod adfer y safle wedi bod yn llwyddiannus hyd yma, gyda’r tir yn cael ei ddychwelyd yn bennaf i ddefnydd amaethyddol ac yn integreiddio’n dda â’r dirwedd. Byddai diwygiadau i amod 37 yn caniatáu mwy o hyblygrwydd wrth adfer drwy ganiatáu mewnforio deunyddiau addas, ond o dan reolaeth lem a chymeradwyaeth ymlaen llaw. Bydd hyn yn sicrhau nad yw gwastraff anaddas yn cael ei ddyddodi ac nad yw’r datblygiad yn newid ei natur. Yn ychwanegol, bydd gofyn cadw cofnodion o symudiadau deunyddiau yn sicrhau tryloywder a monitro effeithiol. Ystyriwyd na fydd y newidiadau’n cael effaith sylweddol ychwanegol ar y dirwedd, a’r cynnig yn cydymffurfio â’r polisïau cynllunio perthnasol.

 

Wrth ystyried mwynderau preswyl, nodwyd bod Polisi MWYN 3 yn mynnu na ddylai estyniadau i safleoedd mwynau achosi niwed annerbyniol i fwynderau trigolion, megis sŵn, llwch, dirgryniad, golau neu draffig. Er bod un eiddo o fewn 100m i’r safle, mae’r ardaloedd agosaf eisoes wedi’u cloddio a’u hadfer, a’r gwaith sy’n weddill y tu allan i’r pellter byffer a argymhellwyd. Tynnwyd sylw at yr asesiad trafnidiaeth oedd yn dangos y bydd tua 14 llwyth HGV y dydd ar gyfartaledd (uchafswm 28), sy’n unol â’r caniatâd presennol ac felly ni fydd cynnydd cyffredinol mewn traffig. Bydd y llwybr cludo yn aros yr un fath. O ystyried bod y safle eisoes yn gweithredu heb broblemau sylweddol, a gydag amodau priodol i reoli sŵn, llwch ac oriau gwaith, ystyriwyd na fydd y cynnig yn niweidio mwynderau lleol ac yn cydymffurfio â’r polisïau perthnasol.

 

Yng nghyd-destun materion trafnidiaeth nodwyd bod y cais yn cynnwys cynyddu’r allbwn blynyddol o 50,000 i 100,000 tunnell ond mai dim ond Cam 4 o’r safle sy’n weddill, gyda thua 347,040 tunnell o adnoddau ar gael. Ni gyflwynwyd unrhyw wrthwynebiad gan yr awdurdodau priffyrdd, ac ystyriwyd bod y rhwydwaith ffyrdd yn ddigonol i ymdrin â’r traffig; y cais yn dderbyniol o safbwynt trafnidiaeth ac yn cydymffurfio â’r polisi perthnasol.

 

O ran materion hydroleg, amlygwyd nad yw’r cais yn newid y trefniadau hydrolegol presennol ac er bod Nodyn Cyngor Technegol (TAN 15) newydd wedi’i gyhoeddi yn 2025, rhaid oedd asesu’r cais yn ôl fersiwn 2004 oherwydd dyddiad cyflwyno’r cais. Eglurwyd bod rhannau bach o’r safle mewn parth llifogydd, ond ni chodwyd unrhyw bryderon gan ymgynghorwyr statudol;  ystyriwyd na fydd y datblygiad yn cynyddu’r risg llifogydd nac yn effeithio’n niweidiol ar nodweddion hydrolegol.

 

Lleolir y safle mewn ardal amaethyddol gyda safleoedd bioamrywiaeth gerllaw, sydd yn cynnwys Safle Bywyd Gwyllt Ymgeisiol a Safle o Ddiddordeb Gwyddonol Arbennig Llystyn Gwyn. Fodd bynnag, mae’r cais yn un dan Adran 73 ac nid yw’n newid ardal y gwaith, y dulliau gweithredu na’r cynllun adfer presennol; yr amodau ecolegol a hydrolegol presennol yn parhau mewn grym ac yn darparu mesurau diogelu digonol, gan gynnwys gofynion monitro a “stand-off” o’r tabl dŵr. Ni fydd colled cynefin ychwanegol na risgiau newydd sylweddol, a’r trefniadau presennol ar gyfer atal llygredd a diogelu cyrsiau dŵr yn parhau’n berthnasol. O ganlyniad, ystyriwyd nad oedd  angen mesurau ecolegol pellach a’r cynnig yn cydymffurfio â’r polisïau cynllunio perthnasol.

 

Cyflwynwyd asesiad archeolegol gyda’r cais gwreiddiol, a’r gwaith archeolegol angenrheidiol eisoes wedi’i gymeradwyo ac yn parhau i gael ei weithredu. Ategwyd bod y fframwaith presennol yn darparu mesurau lliniaru addas ar gyfer unrhyw effeithiau ar dreftadaeth archeolegol; nid oedd angen newidiadau pellach, a’r cynnig yn cydymffurfio â Pholisi AT 4 y CDLl.

 

Yng nghyd-destun materion yr Iaith Gymraeg, cyflwynwyd Datganiad Iaith Gymraeg gyda’r cais. Nid yw’r bwriad yn creu swyddi newydd nac yn ehangu’r safle, ond yn addasu caniatâd presennol ac felly nid yw’n debygol o gael effaith negyddol ar yr iaith Gymraeg, gan y bydd y gweithlu presennol yn parhau a’r safle eisoes wedi’i sefydlu. O safbwynt economaidd, mae’r datblygiad yn bwysig i gynnal cyflenwad mwynau ac yn gwneud cyfraniad sylweddol i’r economi leol a chyflogaeth ac wrth gefnogi cymunedau lleol a’r defnydd o’r Gymraeg.

 

Cyfeiriwyd at yr hanes Cynllunio perthnasol gan adrodd bod oediad cyn gwneud penderfyniad ar y cais yn deillio’n bennaf o ddatblygiad anawdurdodedig ar y safle. Yn 2023, canfuwyd bod gwastraff nad oedd yn tarddu o’r safle wedi’i ddyddodi yng Ngham 3, a hynny yn groes i amodau’r caniatâd cynllunio. Cadarnhawyd bod y deunydd yn dod o Chwarel Bryncir ac felly’n anawdurdodedig o safbwynt cynllunio. Ystyriwyd nad yw caniatâd ôl-weithredol yn debygol, ond oherwydd natur anadweithiol y deunydd, nid yw’n peri risg amgylcheddol sylweddol. Caniateir i’r deunydd aros yn ei le gan y gall ei symud achosi mwy o niwed. Bydd unrhyw benderfyniad ar y cais presennol yn gorfod cydymffurfio â gofynion CNC ac ni fydd yn amharu ar reoleiddio’r safle.

 

Ystyriwyd bod y cais yn dderbyniol gan nad yw’n creu effeithiau annerbyniol ychwanegol ac yn cydymffurfio â’r polisïau cynllunio perthnasol. Roedd y swyddogion yn argymell caniatáu gydag amodau.

 

b)           Nid oedd yr Aelod Lleol yn bresennol, ond roedd wedi cynnig sylwadau yn ystod y cyfnod ymgynghori. Rhannwyd y sylwadau hynny gan y Pennaeth Cynorthwyol.

·        Ei fod yn rhannu pryderon trigolion

·        Ei fod yn cydnabod y bydd cyfleoedd cyflogaeth yn parhau yn sgil parhad gweithredu yn y chwarel

·        Pryder am faint y cerbydau, maint y llwyth, y cynnydd mewn llwythi a’r deunydd sydd yn cael ei golli ar y palmant / ffordd

·        Nad oedd ymestyn y cyfnod echdynnu i 2030 yn dderbyniol i drigolion oherwydd yr effaith parhaus ar fwynderau preswyl

·        Nad oedd yn gallu cefnogi’r cais fel a gyflwynwyd, ond pe byddai’r Pwyllgor yn penderfynu caniatáu y cais y bydd hynny yn ddarostynedig i amodau fyddai yn goresgyn y pryderon.

 

c)           Cynigiwyd ac eiliwyd caniatáu y cais

 

d)           Yn ystod y drafodaeth ddilynol, nodwyd y sylwadau canlynol gan Aelodau:

·        Yn unol â sylwadau’r Cyngor Cymuned, bod angen sicrhau bod y ffordd a’r palmant yn cael eu glanhau yn rheolaidd

 

Mewn ymateb i’r sylw nododd y Pennaeth Cynorthwyol bod y cwmni, dros y blynyddoedd wedi bod yn ysgubo’r ffyrdd, ond nad oedd modd i ddweud yn bendant mai’r chwarel yma oedd yn bennaf gyfrifol. Ategwyd bod trefniant ffurfiol i ymdrin â’r mater law yn llaw a chyfrifoldebau’r Uned Priffyrdd ac nad oedd hawl gorfodi hyn o fewn y drefn cynllunio. Nid oedd ganddo wrthwynebiad i osod nodyn i annog trefniant cytundeb cynnal a bod amod safonol ar gyfer chwareli yn cael ei gynnwys. Mewn ymateb i gwestiwn ategol ynglŷn â monitro'r gwaith cynnal, nodwyd bod hyn yn cael ei wneud yn ffurfiol unwaith y flwyddyn ond pe byddai cwynion yn cael eu derbyn gan drigolion bydd yr Adran yn cysylltu gyda’r cwmni. Nodwyd bod yr Aelod Lleol hefyd yn cysylltu â rhannu cwynion gyda’r cwmni.

 

PENDERFYNWYD: Dirprwyo pwerau i Bennaeth yr Adran Amgylchedd i gymeradwyo'r cais, gydag amodau. Noder nad yw Amod 1 o ganiatâd cynllunio C12/0495/36/MW, sy'n gofyn i'r datblygiad gychwyn ymhen pum mlynedd, yn berthnasol mwyach gan fod y datblygiad wedi cychwyn eisoes.

 

1.              Daw'r gwaith o echdynnu gwastraff a'r gweithrediadau ategol i ben erbyn  31/12/2030. Adfer y safle erbyn 31/12/2031

2.              Yn unol â'r cynlluniau a gymeradwywyd.

3.              Cynnal a chadw’r ffordd fynediad.

4.              Dim mwy na 100,000 tunnell o ddeunydd y flwyddyn yn cael ei waredu o'r safle ar gyfradd gyfartalog o ddim mwy na 14 llwyth y dydd.

5.              Plannu llwyni a choed cyn echdynnu yng Ngham 4.

6.              Cynnal a chadw’r llwyni a'r coed a blannwyd (amod 5).

7.              Rhybudd ysgrifenedig ymlaen llaw; cychwyn datblygiad, baeau pasio, gwaith draenio, strip pridd, gwaredu'r gorlwythiad, echdynnu mwynau, adfer.

8.              Yn unol â'r manylion a'r cynlluniau cymeradwy.

9.              Marcio ffin yr ardal echdynnu.

10.            Adfer ac ôl-ofal yn unol â'r manylion cymeradwy.

11.            Cyfyngiad ar Rannau 19 a 21 y GPDO.

12.            Oriau Gwaith.

13.            Adolygiad ffurfiol blynyddol o weithrediadau.

14.            Cyfyngiadau Sŵn.

15.            Hysbysiad am waith dros dro a allai fod yn uwch na'r cyfyngiadau sŵn.

16.            Monitro sŵn blynyddol.

17.            Gosod larymau bagio sŵn gwyn ar offer symudol a cherbydau.

18.            Yr holl gerbydau, offer a pheiriannau i'w gweithredu yn unol â manylebau'r gweithgynhyrchwr, ac wedi'u ffitio â sgriniau lleihau sŵn priodol, ‘caseworks’, ‘silences’, ac ati.

19.            Rhoi dŵr ar yr ardaloedd lle mae cerbydau'n gyrru drostynt, neu drin yr ardaloedd i atal llwch rhag dianc.

20.            System ddraenio dŵr yn unol â'r cynlluniau cymeradwy.

21.            System ddraenio i gasglu a gwaredu'r holl ddŵr sy'n mynd i mewn i'r safle neu sy'n codi ynddo.

22.            Olew, tanwydd, iraid, paent, sylweddau neu unrhyw gemegolion eraill ar y safle i'w storio mewn ardal wedi'i bwndio'n addas er mwyn atal halogiad.

23.            Arfarniad Effaith Hydrolegol i'w gyflwyno os bydd dŵr daear yn codi.

24.            Cynnal arolwg o'r Rhywogaethau Ymledol a'u trin.

25.            Gwaith yng Nghamau 3 a 4 i'w gynnal yn unol â'r Fanyleb Archeolegol.

26.            Mynediad yn cael ei roi i archeolegwyr i gynnal gwaith lliniaru a chofnodi archeolegol ac adroddiad ysgrifenedig yn cael ei gyflwyno i'r Awdurdod Cynllunio.

27.            Ni fydd unrhyw offer neu gerbydau yn croesi unrhyw ardal o dir heb ei stripio ac eithrio lle mae traffig o'r fath yn hanfodol neu le nad oes modd ei osgoi er mwyn ymgymryd â'r gweithrediadau a ganiateir.

28.            Bydd yr holl uwchbridd ac isbridd y deuir ar ei draws yn cael ei gadw yn unol â'r cynigion datblygu sy'n cael eu disgrifio yn y manylion cymeradwy.

29.            Bydd yr holl lystyfiant, uwchbridd ac isbridd sy'n cael ei stripio o bob cam gwaith ac ardaloedd wedi'u heffeithio gan waith echdynnu, ardaloedd storio, gwaith adeiladu, lleiniau caled ac adeiladwaith arall yn cynnwys ffyrdd mynediad a llwybrau cludo cerbydau dros dro, yn cael eu storio yn yr ardaloedd sy'n cael eu clustnodi ar gyfer y diben hwnnw, fydd wedi'u cytuno yn ysgrifenedig ymlaen llaw gan yr Awdurdod Cynllunio Mwynau.

30.            Bydd yr holl uwchbridd ac isbridd sydd wedi'i stripio a'i storio yn unol â'r amod uchod yn cael ei ddefnyddio yn y gwaith o adfer ac ni fydd deunyddiau o'r fath yn cael eu gwaredu o'r safle heb ganiatâd ysgrifenedig ymlaen llaw gan yr Awdurdod Cynllunio Mwynau.

31.            Bydd yr uwchbriddoedd yn cael eu cadw mewn sypiau storio, ddim uwch na 2m, gyda'r isbridd a'r gorlwythiadau wedi hynny yn cael eu cadw mewn sypiau storio ar wahân ac yn cael eu cadw rhag cymysgu.

32.            Bydd yr Awdurdod Cynllunio Mwynau yn derbyn o leiaf 48 awr o rybudd ysgrifenedig o'r dyddiad pan fo unrhyw weithrediadau stripio pridd am gychwyn ar unrhyw ran o'r tir o fewn ardal y caniatâd. Ni fydd y pridd yn cael ei symud oni bai ei fod mewn cyflwr sych a brau a phan fo amodau'r ddaear yn sych.

33.            Bydd y sypiau storio uwchbridd ac isbridd a'r rhannau hynny o'r safle lle nad yw uwchbridd ac isbridd yn cael ei stripio yn cael eu cadw'n rhydd o chwyn / llystyfiant sy'n cystadlu a bydd pob cam angenrheidiol yn cael ei gymryd i ddinistrio chwyn ar gam cynnar o'u tyfiant fel nad ydynt yn hadu.

34.            Bydd yr holl ffiniau caeau newydd ar ffurf waliau cerrig sych a chloddiau pridd wedi'u creu o ddeunyddiau sy'n tarddu neu wedi'u hadfer o'r ffiniau caeau presennol yn Llecheiddior Uchaf a Llecheiddior Ganol.

35.            Gweithredir mesurau osgoi rhesymol wrth ddymchwel ffiniau caeau a waliau cerrig er mwyn sicrhau bod ymlusgiaid yn cael eu gwarchod.

36.            Dim ond gwastraff mwynau sy'n codi o'r gwaith echdynnu yn Llecheiddior, yn cynnwys deunydd wedi'i gludo a'i broses yn Chwarel Bryncir dan ganiatâd cynllunio C09D/0375/36/LL, fydd yn cael ei ddyddodi yn y safle er dibenion adfer. Ni fydd unrhyw ysbwriel, gwastraff cyffredinol neu ddeunyddiau gwastraff anadweithiol o ffynonellau allanol yn cael eu cludo i'r safle. Gellir defnyddio priddoedd neu ddeunyddiau sy'n ffurfio priddoedd er dibenion adfer yn unig, a dim ond lle mae eu haddasrwydd fel cyfrwng tyfu wedi'i gytuno yn ysgrifenedig ymlaen llaw gan yr Awdurdod Cynllunio Lleol. Ni fydd cyfanswm cyfaint y deunydd a ddyddodir yn fwy na'r hyn sydd ei angen i gyflawni'r amlinellau adfer cymeradwy. Bydd y gweithredwr yn cynnal cofnod manwl o'r holl wastraff mwynau a deunydd pridd wedi'i gludo i'r safle neu oddi yno, yn cynnwys ei darddiad, lleoliad, cyfaint a phwrpas. ⁠Bydd crynodeb o'r cofnodion hyn yn cael ei gyflwyno i'r Awdurdod Cynllunio Lleol bob chwe mis, neu ar unrhyw amlder sy'n cael ei gytuno yn ysgrifenedig gan yr Awdurdod.

37.            Oni bai y cytunir yn ysgrifenedig fel arall, o leiaf 3 mis cyn y bwriad i amnewid priddoedd ar unrhyw ran o'r ardal i'w hadfer i ôl-ddefnydd amaethyddol, bydd y gweithredwr yn cyflwyno er cymeradwyaeth yr Awdurdod Cynllunio Mwynau, gynllun yn dangos yr amlinelliad terfynol i'w cyflawni yn y cynllun adfer.

38.            Bydd cynnydd a hyd yn oed ail wasgaru’r gorlwythiad yn cael ei wneud yn ystod cyfnod y gwaith mwynau.

39.            Pe byddai'r gwaith echdynnu mwynau yn dod i ben yn gynnar ar unrhyw gam o'r datblygiad, bydd cynllun diwygiedig ar gyfer adfer y safle yn cael ei gyflwyno i'w gymeradwyo gan yr Awdurdod Cynllunio Mwynau i gynnwys cynllun yn dangos yr amlinelliad terfynol i'w gyflawni yn y cynllun adfer.

40.            Ar ôl ffurfio'r tirffurf terfynol yr amlinelliadau cymeradwy, bydd deunydd sylfaen y ddaear wreiddiol yn cael ei rwygo yn gynhwysfawr i isafswm dyfnder o 50cm i dorri i fyny ar unrhyw gywasgiad arwyneb cyn bod unrhyw ddeunydd pridd yn cael ei wasgaru.

41.            Bydd y deunydd pridd (uwchbridd ac isbridd) sydd wedi'i glustnodi ar gyfer adfer amaethyddol yn cael ei wasgaru yn unffurf ac yn y drefn gywir dros y deunydd sylfaen a bydd, lle bo'r angen, wedi'i wreiddio a'i sgriffio i'r dyfnder llawn heb achosi cymysgu rhwng haenau gwahanol o bridd. Bydd dyfnder pridd isaf o 280mm (110mm o isbridd, 170mm o uwchbridd) uwchben y deunydd sylfaen yn cael ei ddarparu dros yr holl ardaloedd.

42.            Bydd yr holl rwygo deunyddiau, gwasgaru pridd a gweithrediadau amaethu yn cael eu gwneud yn y fath ddull er mwyn isafu'r cywasgiad.

43.            Bydd unrhyw ran o'r safle sydd wedi'i adfer er dibenion amaethyddol sy'n destun setlo lleol ac sy'n cael effaith andwyol ar yr ôl-ddefnydd amaethyddol yn cael ei ail-raddio yn cynnwys ail-adeiladu'r proffil pridd i'r fanyleb gymeradwy.

44.            Bydd y safle yn cael ei ddwyn i'r safon ofynnol ar gyfer defnydd amaethyddol.

45.            Cyflwyno cynllun ôl-ofal.

46.            Dadansoddiad cemegol ar ôl amnewid yr uwchbridd.

47.            Ail-gynnal y dadansoddiad cemegol yn y flwyddyn gyntaf a'r bedwaredd flwyddyn o ôl-ofal.⁠ ⁠⁠

48.            ⁠Bydd y tir yn cael ei reoli yn unol â rheolau hwsmonaeth dda ac yn unol â'r canllawiau wedi'u hamlinellu yn Atodlen B, Nodyn Cyngor Technegol Mwynau (Cymru) 1: Agregau.

49.            Ni chadwir unrhyw dda byw ar y tir oni chytunir fel arall yn ysgrifenedig gan yr Awdurdod Cynllunio Mwynau.

50.            Bydd yr holl dir yn y safle sydd wedi'i gloddio, wedi'i ddefnyddio i storio pridd neu ffyrdd neu sydd wedi'i droedio gan offer trwm, yn cael ei ddarparu â chyflenwad dŵr a chyfleusterau draenio tir digonol, yn cynnwys cyrsiau dŵr, ffosydd caeau a system tan-ddraeniad wedi'i phibellu, os yw'n cael ei hystyried gan yr Awdurdod Cynllunio Mwynau i fod yn hanfodol er mwyn adfer y safle yn foddhaol. 

51.            Sicrhau gorchudd ar gefn loriau

 

Nodyn:

Sicrhau cytundeb cynnal a chadw cyflwr ffyrdd