Agenda item

Cais ar gyfer newid defnydd tir ar gyfer creu safle gwyliau teithiol ar gyfer carafanau, 'motor homes’ (25 uned) a pebyll (10), dymchwel adeilad cyfleusterau presennol a chodi adeilad cyfleusterau o'r newydd ynghyd a datblygiadau cysylltiol

 

AELOD LLEOL: Cynghorydd Llio Elenid Owen

 

Dolen i'r dogfennau cefndir perthnasol

DECISION: To approve with conditions

1.         Time

2.         In accordance with the amended plans.

3.         Limit the number of touring units to 25 caravans and 10 tents only.

4.         Holiday use only and keep a register.

5.         Touring unit's holiday season - 1 March to 31 October.

6.         No storing of touring caravans on the site.

7.         Trunk Road Conditions

8.         Natural Resources lighting condition

9.         Biodiversity Conditions

10.       Construction work hours

11.       Welsh name

12.       Welsh language Signs

13.       Hard-standing condition

14.       Footpaths Condition

 

Notes:

NRW letter note

SUDS note

Licensing Note

PENDERFYNIAD: Caniatáu gydag amodau

1.         Amser

2.         Yn unol â’r cynlluniau diwygiedig.

3.         Cyfyngu nifer o unedau teithiol i 25 carafán a 10 pabell yn unig.

4.         Defnydd gwyliau yn unig a chadw cofrestr.

5.         Tymor gwyliau'r unedau teithiol - 1af Mawrth i 31 Hydref

6.         Dim storio carafanau teithiol ar y safle.

7.         Amodau Cefnffyrdd

8.         Amod goleuo Cyfoeth Naturiol

9.         Amodau Bioamrywiaeth

10.       Oriau gwaith adeiladu

11.       Enw Cymraeg

12.       Arwyddion Cymraeg

13.       Amod llawr caled

14.       Amod Llwybrau

 

Nodiadau:

Nodyn llythyr CNC

Nodyn SUDS

Nodyn Trwyddedu

 

Cais ar gyfer newid defnydd tir ar gyfer creu safle gwyliau teithiol ar gyfer carafanau, 'motor   (25 uned) a phebyll (10), dymchwel adeilad cyfleusterau presennol a chodi adeilad cyfleusterau o'r newydd ynghyd a datblygiadau cysylltiol; lledu a gwella’r fynedfa i Gefnffordd yr A487, gan gynnwys gosod arwyddion rhybudd ffurfiol, fydd yn hwyluso llif traffig diogel ac effeithlon rhwng y safle a’r A487

 

Tynnwyd sylw at y Ffurflen Sylwadau Hwyr

 

a)           Amlygodd y Swyddog Cynllunio bod y safle yn un cefn gwlad gyda’r fynedfa wedi ei lleoli yn union oddi ar Gefnffordd A487. Eglurwyd, ar hyn o bryd, bod y fynedfa un trac presennol yn gwasanaethu’r fferm a’r safle ardystiedig presennol, sy’n caniatáu 5 carafán a 10 pabell drwy gydol y flwyddyn; y safle wedi ei leoli mewn Safle Bywyd Gwyllt ac o fewn parth Llifogydd Dŵr Wyneb a Chyrsiau Dŵr Bach 2 a 3.

 

Eglurwyd, gan mai datblygiad ar gyfer carafanau teithiol yw’r bwriad, y byddai’n cael ei ystyried o dan Bolisi TWR 5 CDLl, sy’n gosod cyfres o feini prawf ar gyfer caniatáu datblygiadau o’r fath.

 

Byddai’r datblygiad arfaethedig wedi’i leoli mewn cae gwastad sydd wedi’i amgylchynu gan goed aeddfed ar ei derfynau, ac felly’n guddiedig o leoliadau cyhoeddus; yn cynnwys cadw’r gwrych presennol o fewn y safle ac yn atgyfnerthu’r sgrinio drwy gynnig plannu gwrych newydd brodorol o amgylch y safle i wahanu’r cae carafanau o’r cae ehangach. Nodwyd y byddai’r adeilad cyfleusterau presennol sy’n cynnwys toiledau a chawodydd, y cael ei ddymchwel a’i ddisodli ag adeilad cyfleusterau modiwlaidd symudol o safon uwch. Ategwyd bod y bwriad wedi ei ddylunio i gwrdd â gofynion trwyddedu o safbwynt gofod a chyfleusterau ac felly derbyniwyd bod y datblygiad yn un safonol ac  felly yn cydymffurfio â Pholisi TWR 5 gan ei fod yn bodloni’r meini prawf perthnasol.

 

Adroddwyd bod y datblygiad o ansawdd uchel o ran dyluniad, gosodiad ac ymddangosiad, wedi’i leoli mewn safle anymwthiol sydd wedi’i guddio’n effeithiol gan nodweddion presennol y dirwedd. Nid yw’n arwain at ormodedd o arwynebau caled, ac mae’r safle mewn lleoliad hygyrch o safbwynt y prif rwydwaith ffyrdd, lle gellid darparu mynediad addas heb amharu’n sylweddol ar gymeriad y dirwedd. Yn ogystal, gellid sicrhau, drwy amodau cynllunio, fod y safle’n cael ei ddefnyddio at ddibenion gwyliau yn unig, ar gyfer defnydd carafanau teithiol yn unig, a bod unrhyw unedau’n cael eu symud o’r safle yn y cyfnodau pan nad ydynt yn cael eu defnyddio.

 

Ategwyd bod y safle’n dibynnu ar fynediad uniongyrchol oddi ar Gefnffordd yr A487 ac fel rhan o’r cais, cynigiwyd gwelliannau i’r gyffordd er mwyn galluogi dau gerbyd i basio’n ddiogel wrth ymuno â’r gefnffordd neu ei adael, ynghyd â gosod arwyddion rhybuddio priodol. Yn wreiddiol, roedd Uned Cefnffyrdd Llywodraeth Cymru wedi nodi gwrthwynebiad oherwydd diffyg gwybodaeth a phryderon am ddiogelwch y fynedfa, yn benodol bod y gyffordd yn culhau i oddeutu 3–4m o fewn 7m i’r gefnffordd. Fodd bynnag, yn ystod cyfnod y cais cyflwynwyd gwybodaeth a chynlluniau ychwanegol, gan gynnwys Nodyn Technegol Trafnidiaeth, i ymateb i’r pryderon hynny. O ganlyniad, nid oedd gwrthwynebiad bellach gan yr Uned, ar yr amod bod unrhyw ganiatâd yn ddarostyngedig i amodau penodol fel y nodwyd yn eu hymateb. Ar sail hyn, ynghyd â’r gwelliannau arfaethedig a’r posibilrwydd o osod amodau cynllunio i sicrhau diogelwch ffyrdd, ystyriwyd bod y bwriad yn dderbyniol o safbwynt polisïau TRA 2 a TRA 4 y CDLl.

 

Yng nghyd-destun materion bioamrywiaeth, nodwyd bod lleoliad y safle carafanau arfaethedig o fewn Safle Bywyd Gwyllt Llain Ffynnon, ac oddeutu 25m o Ardal Cadwraeth Arbennig (ACA) a Safle o Ddiddordeb Gwyddonol Arbennig (SoDdGA) Glynllifon, sydd wedi’i ddynodi oherwydd ei phoblogaeth o Ystlumod. Fel yr Awdurdod Cymwys dan Reoliadau Cadwraeth Cynefinoedd a Rhywogaethau 2017 rhaid i’r Cyngor, cyn penderfynu rhoi caniatâd ar gyfer prosiect sy’n debygol o gael effaith sylweddol ar y SAC, naill ai ar ei ben ei hun neu ar y cyd â chynlluniau neu brosiectau eraill, ystyried unrhyw effeithiau sylweddol tebygol ar Ardaloedd Cadwraeth Arbennig ac Ardaloedd Gwarchodaeth Arbennig. Nodwyd bod y cynnig yma yn ceisio lliniaru’r effaith ar ystlumod drwy blannu gwrych i greu rhwystr i ollyngiad golau, yn ogystal â chreu cynefin bwydo a darparu glaswelltir cyfoethog ei rywogaethau.

 

Ategwyd bod Cyfoeth Naturiol Cymru bellach yn fodlon y gellid rheoli’r goleuo drwy amod cynllunio i sicrhau na fydd yn effeithio ar lwybrau hedfan ystlumod. Yn unol â’r wybodaeth a gyflwynwyd, ynghyd ac amodau i sicrhau eu bod yn cael eu cwblhau, ni ystyriwyd y byddai’r  bwriad yn cael effaith ychwanegol nac andwyol ar boblogaeth Ystlumod Pedol Leiaf Glynllifon, ac yn golygu sefyllfa niwtral i’r Ardal Cadwraeth Arbennig Glynllifon.

 

O ganlyniad i’r datblygiad bydd ardal o laswelltir, sy’n cael ei ddefnyddio yn bresennol ar gyfer pori ceffylau, yn cael ei golli. Er bod mesurau lliniaru wedi’u cynnig, derbyniwyd sylwadau pellach gan y Swyddog Bioamrywiaeth yn nodi bod angen gwelliannau ychwanegol i liniaru effaith y datblygiad, a cynhigiwyd amodau pellach. Yn ddarostyngedig i’r amodau hynny, nid oedd  gwrthwynebiad i’r cais. Yn ddarostyngedig i osod amodau priodol, ystyriwyd bod y datblygiad yn cydymffurfio â Pholisïau PS19, AMG 5 ac AMG 6 y CDLl, ynghyd â Rheoliadau 2017 a Phennod 6 Polisi Cynllunio Cymru, drwy warchod safleoedd dynodedig a sicrhau gwelliannau bioamrywiaeth.

 

Adroddwyd bod materion mwynderau gweledol, mwynderau cyffredinol a phreswyl, draenio a llifogydd, ieithyddol, a chynaliadwyedd, yn cael eu hystyried yn dderbyniol. Roedd y swyddogion yn argymell caniatáu’r cais gydag amodau.

 

b)         Yn manteisio ar yr hawl i siarad, nododd yr ymgeisydd y sylwadau canlynol:

·        Yn diolch i’r swyddog cynllunio am y gwaith a wnaed wrth asesu’r cais

·        Bod ganddi hi a’i theulu gysylltiad cryf gyda’r gymuned a’r ardal leol

·        Wrth ddechrau’r busnes gwersylla yn Grafog y bwriad oedd datblygu safle o safon uchel i ymwelwyr aros a mwynhau’r ardal  - wedi gweithio’n galed i’w ddatblygu

·        Gobeithio’n gryf y byddai’r cynllun yn parhau i roi hwb i’r economi leol

·        Yn gofyn i’r pwyllgor ganiatáu y cais

 

c)           Amlygodd y Cadeirydd bod yr Aelod Lleol wedi ymddiheuro nad oedd yn gallu mynychu’r cyfarfod, ac nad oedd ganddi sylwadau ar y cais

 

ch)    Cynigiwyd ac eiliwyd caniatáu y cais

 

d)           Yn ystod y drafodaeth ddilynol, nodwyd y sylwadau canlynol gan Aelod:

·        Tymor gwyliau o 1/3 – 31/10 – a oes angen adolygu’r amserlen i hybu’r economi leol?

 

Mewn ymateb i gwestiwn ynglŷn â beth yw pwynt rhoi amod storio carafanau teithiol os nad oes swyddogion gorfodaeth ar gael i wirio’r weithred, nodwyd bod y mater yn fater gorfodaeth, ond os yw’r Aelodau yn ymwybodol o safleoedd penodol sydd yn torri’r rheolau hyn, gellid gwneud cais i’r safle hwnnw gael ei archwilio. Ategwyd, bod rhaid cael caniatâd cynllunio i storio carafannau, ac nad oedd storio carafannau yn rhan o’r cais yma. Nid oedd gan yr ymgeisydd wrthwynebiad i’r amodau a gynigwyd - yn rhai safonol ar gyfer safleoedd carafanau teithio.

 

PENDERFYNWYD: Caniatáu gydag amodau

1.            Amser

2.            Yn unol â’r cynlluniau diwygiedig.

3.            Cyfyngu nifer o unedau teithiol i 25 carafán a 10 pabell yn unig.

4.            Defnydd gwyliau yn unig a chadw cofrestr.

5.            Tymor gwyliau'r unedau teithiol - 1af Mawrth i 31 Hydref

6.            Dim storio carafanau teithiol ar y safle.

7.            Amodau Cefnffyrdd

8.            Amod goleuo Cyfoeth Naturiol

9.            Amodau Bioamrywiaeth

10.          Oriau gwaith adeiladu

11.          Enw Cymraeg

12.          Arwyddion Cymraeg

13.          Amod llawr caled

14.          Amod Llwybrau

 

Nodiadau:

Nodyn llythyr CNC

Nodyn SUDS

Nodyn Trwyddedu