Cyflwyno adroddiad y Swyddog Morwrol a Pharciau Gwledig.
Cofnod:
Tywysodd y Swyddog Morwrol a Pharciau Gwledig yr aelodau
drwy’r adroddiad, gan dynnu sylw
at y prif bwyntiau canlynol:
·
Ni dderbyniwyd
sylwadau o ran y Côd Diogelwch Morwrol yn y cyfnod ers
y cyfarfod diwethaf.
·
Roedd y Gwasanaeth yn mawr
obeithio derbyn adolygiad gan arbenigwr
allanol Asiantaeth Gwylwyr y Glannau ym mis Ionawr.
Yn anffodus, oherwydd diffyg capasiti nid oedd
yr archwiliad wedi ei gynnal
ac roedd y Gwasanaeth yn disgwyl i
ail drefnu’r adolygiad. Rhagwelwyd y cynhelir yr adolygiad ym
mis Medi 2017.
·
Cynhelir archwiliad manwl gan archwilwyr Awdurdod Goleudai Tŷ’r Drindod ar yr 31ain o Orffennaf
2017. Nodwyd oherwydd y buddsoddiadau diweddar rhagwelir y byddai’r adroddiad yn cadarnhau
parhad mewn gwelliant yng nghyflwr
a lleoliadau Cymhorthion Mordwyo Harbwr Porthmadog.
·
Bod 2 Rybudd i Forwyr
mewn grym yn Harbwr Porthmadog.
Roedd y rhybudd yn gyfredol ar
gyfer Bwi Rhif 1 (Traethell) - oedd ddim ar
ei safle (rhybudd rhif 10.). Nid oedd cymhorthydd
Bwi Rhif 3 (rhybudd rhif 9) ar ei safle
ac fe rybuddir
morwyr i fordwyo gyda gofal
yn yr ardal
hon hyd fydd y cymhorthion wedi eu hail leoli ar
eu safle cywir. Nodwyd yr
hysbyswyd Tŷ’r Drindod o’r sefyllfa
ym Mhorthmadog drwy system PANAR yn unol â’r gofynion.
·
Bod sianel
fordwyo Harbwr Porthmadog wedi newid yn sylweddol
yn ystod yr wythnosau diwethaf
yn enwedig yn ardal Cwt Powdwr.
Nodwyd bod y Gwasanaeth yn archwilio’r sianel yn rheolaidd
ar lanw isel
er ceisio sicrhau fod y cymhorthion
mordwyo yn y lleoliad fwyaf addas. O ganlyniad i’r newid cyson
yn y sianel, roedd sicrhau fod
y cymhorthion yn eu safle cywir
yn heriol.
·
Fel yr adroddwyd yn
y cyfarfod diwethaf, ymestynnwyd cyfnod cyflogaeth 2 Cymhorthydd Harbwr at ddiwedd mis Rhagfyr 2016 er sicrhau cefnogaeth
a pharhad i’r gwasanaeth ar draws y Sir. Nodwyd yr ymestynnwyd
cyfnod y swyddi ymhellach hyd at ddiwedd mis Mawrth
2017 ar drefniant tri diwrnod yr wythnos.
Adroddwyd yr hysbysebir y swyddi Cymhorthyddion Harbwr ar gyfer y cyfnod
1 Ebrill 2017 i 30 Medi 2017.
·
Diogelwyd cwch a adawyd i ddirywio
ger Cei Balast
a fe’i symudwyd i ardal y llithrfa.
Nodwyd bod y Gwasanaeth yn cysylltu gyda’r
perchennog gan dynnu sylw bydd
yn fwriad gwerthu neu waredu’r
cwch oni bai bod y cwch yn cael ei
chludo o’r Harbwr yn ystod
y ddeufis nesaf. Nodwyd os oedd
yr aelodau yn ymwybodol o unrhyw brosiectau a fyddai’n dymuno derbyn y cwch iddynt
gysylltu â’r Gwasanaeth.
·
Y sefyllfa
gyllidebol hyd at ddiwedd Ionawr 2017, gan nodi na ragwelir y cyrhaeddir y targed incwm ar gyfer
y flwyddyn ariannol.
·
Y byddai cwch newydd o wneuthuriad
‘Powercat’ yn cael ei leoli
ym Mhorthmadog.
·
Bod ffioedd drafft Harbwr Porthmadog
ar gyfer blwyddyn ariannol 2017-18 wedi eu cyflwyno
yn y cyfarfod diwethaf, cadarnhawyd y bwriedir cynyddu’r ffioedd 2% ar gyfartaledd
er cwrdd â her cyllideb a tharged incwm y gwasanaeth. Eglurwyd y byddai’r Aelod Cabinet - Economi yn cadarnhau’r ffioedd erbyn diwedd
Mawrth 2017.
·
Bod rhaid
i’r Cyngor ychwanegu ffi am bob angorfa ym
mhob Harbwr o dan reolaeth y Cyngor yn 2017. Eglurwyd bod y ffi wedi ei ychwanegu
gan Ystad y Goron a fyddai’n hawlio £25.00 am bob angorfa yn yr Harbwr.
Nodwyd bod gofyn ar y Cyngor, fel
yr Awdurdod Harbwr, i godi
a chasglu’r ffi ar ran Ystad y Goron. Ychwanegwyd bod y ffi ychwanegol hefyd yn daladwy
am angorfeydd ymwelwyr ac fe fydd gofyniad i’r taliad
hwn gael ei ariannu drwy
gyllideb yr Harbwr.
Croesawyd yr Uwch Swyddog Harbyrau yn ôl yn
dilyn cyfnod o salwch.
Manylodd yr Harbwr Feistr ar y rhaglen
waith cynnal a chadw. Nododd
aelodau bod y mesurau rheoli o ran atal ceir rhag parcio
ar y man storio cychod ym Mhorth
y Gest wedi gwella’r sefyllfa.
Mewn ymateb i gwestiwn gan
aelod o ran cysoni ffi Tollau Harbwr
fel nad
oedd gwahaniaeth rhwng Ffi Leol
a Ffi Eraill, nododd y Swyddog Morwrol a Pharciau Gwledig er bod cysoni o ran y ffi Tollau Harbwr, bod disgownt yn parhau
i drigolion lleol o ran y ffioedd eraill. Nodwyd er bod cynnydd ffioedd Borth y Gest yn uwch na chwyddiant y credir ei fod
yn rhesymol.
Mewn ymateb i sylw gan
aelod, nododd y Swyddog Morwrol a Pharciau Gwledig bod galw am angorfeydd parhaol yn lleihau
gyda nifer ymwelwyr yn cynyddu
ac fe edrychir
ar ffyrdd i ddenu mwy
o gwsmeriaid. Cadarnhaodd yr Harbwr Feistr
bod 76 unigolyn wedi cadarnhau angorfa barhaol a oedd gyfystyr a 50% o’r ddarpariaeth ar gael. Ychwanegodd
y Swyddog Morwrol a Pharciau Gwledig bod rhai unigolion ddim yn cadarnhau
tan fis Mai.
PENDERFYNWYD nodi a derbyn yr
adroddiad.
Dogfennau ategol: