Agenda item
La Cabana, 2 Mitre Place, Pwllheli
I ystyried y cais uchod
Cofnod:
1.
CAIS AM DRWYDDED EIDDO - LA CABANA, 2, MITRE TERRACE, PWLLHELI
Cyflwynwyd y panel a’r swyddogion i bawb oedd yn
bresennol a chyhoeddwyd bod gan bawb hyd at 10 munud i gyflwyno sylwadau
uniongyrchol ar y cais.
Ar ran yr eiddo: Mr
Ayoub Dohech (ymgeisydd) a Ms Nia Jones
Eraill a wahoddwyd: Ian
Williams (Heddlu Gogledd Cymru), Heather Jones (Gwasanaeth Tan) a Kevin Jones
(perchennog busnes cyfagos)
a)
Adroddiad ac argymhelliad yr Adran Trwyddedu
Cyflwynwyd adroddiad y Rheolwr Trwyddedu yn manylu ar gais am drwydded
eiddo ar gyfer La Cabana, 2 Mitre Terrace, Pwllheli mewn perthynas â darparu
bwyd poeth ac oer ar ac oddi ar y safle.
Tynnwyd sylw at fanylion yr oriau arfaethedig yn yr
adroddiad. Nodwyd bod gan Swyddogion yr Awdurdod Trwyddedu dystiolaeth ddigonol
bod y cais wedi ei gyflwyno yn unol â gofynion y Ddeddf Drwyddedu 2003 a’r
rheoliadau perthnasol.
Cyfeiriwyd at y mesurau yr oedd yr ymgeisydd yn ei
argymell i hyrwyddo’r amcanion trwyddedu ynghyd a’r ymatebion a dderbyniwyd yn
ystod y cyfnod ymgynghori.
Nodwyd bod un llythyr wedi ei dderbyn yn gwrthwynebu’r cais ar sail yr
amcan trwyddedu o atal trosedd ac anrhefn. Tynnwyd sylw at y sylwadau a
gyflwynwyd gan Heddlu Gogledd Cymru. Nodwyd bod trafodaethau wedi eu cynnal
gyda’r ymgeisydd a bod cytundeb wedi ei wneud i ostwng yr oriau gwerthu
lluniaeth hwyr y nos ac oriau agor i 2:00 ar nos Wener a Sadwrn. Nodwyd hefyd
bod yr ymgeisydd wedi cytuno ar amodau penodol mewn perthynas â Theledu Cylch
Cyfyng (TCC).
b)
Wrth
ystyried y cais dilynwyd y drefn ganlynol-:
·
Rhoddwyd
cyfle i aelodau’r Is-bwyllgor a’r ymgeisydd ofyn cwestiynau i’r Rheolwr Trwyddedu.
·
Gwahoddwyd
yr ymgeisydd i ymhelaethu ar y cais
·
Rhoddwyd
cyfle i’r ymgynghorai gyflwyno eu sylwadau
·
Gwahoddwyd
deilydd y drwydded neu ei gynrychiolydd i ymateb i’r sylwadau
·
Rhoddwyd
cyfle i aelodau’r Is-bwyllgor ofyn cwestiynau i ddeilydd y drwydded.
·
Rhoddwyd
cyfle i aelodau’r Is-bwyllgor ofyn cwestiynau i’r ymgynghorai
c)
Wrth
ymhelaethu ar y cais, nododd yr ymgeisydd ei fod yn hapus gyda’r hyn oedd wedi
ei gyflwyno ac ategwyd y sylwadau
canlynol:
·
Bod trafodaethau helaeth wedi
eu cynnal gyda’r Heddlu a’r Gwasanaeth Tan i drafod a rhagweld datrysiadau i
bryderon
·
Gweld
yr eiddo yn gyfle i wneud buses
·
Clwb Nos gyfagos yn agored tan
2:30 - dim eisiau mynd tu hwnt i’r amser yma yn gweini bwyd felly cytuno ar
gau'r eiddo am 2:00 er mwyn sicrhau nad yw pobl yn cronni mewn un lle
·
Yn byw
ar y Stryd Fawr ac felly dim eisiau gweld difrod i adeiladau cyfagos
·
Bod
bwriad i lanhau unrhyw lanast
ch) Mewn
ymateb i gwestiwn ynglŷn â sut roeddynt yn mynd i sicrhau cau ar amser,
nodwyd bod gan yr ymgeisydd drwydded SIA
(Awdurdod y Diwydiant Diogelwch). Ategwyd y byddai posib cyflogi aelod
arall ar y drws pe bai angen - mater o asesu'r sefyllfa fel y byddai’r busnes
yn datblygu.
d)
Cadarnhaodd Swyddog o’r Heddlu
bod Heddlu Gogledd Cymru wedi trafod y cais gyda’r ymgeisydd cyn i’r cais gael
ei gyflwyno a bellach bod cytundeb wedi ei wneud i gau am 2:00 dydd Gwener a
dydd Sadwrn, sydd yn cysoni oriau agor gydag eiddo cyffelyb. Amlygwyd hefyd bod yr ymgeisydd;
·
yn barod i dderbyn sylwadau
ac i amodau TCC gael eu cynnwys ar y
drwydded.
·
yng nghyd-destun goruchwyliwyr
drysau, oherwydd maint yr eiddo, bod un yn ddigonol.
·
bod
cytundebau sbwriel wedi eu cytuno
·
bod yr ymgeisydd yn gwrthod
gadael i sŵn ac anrhefn gael effaith ar drigolion a busnesau cyfagos.
·
Bod cydweithio da wedi bod
gyda’r ymgeisydd a’r heddlu ac felly, nid oedd gan yr Heddlu wrthwynebiad i’r
cais.
dd) Manteisiodd
yr ymgynghorai oedd yn bresennol ar y cyfle i ymhelaethu ar ei wrthwynebiad i
ganiatáu trwydded gan ategu at y sylwadau a gyflwynwyd trwy lythyr.
·
Bod
problemau hanesyddol wedi bod gyda’r eiddo.
·
Rhagweld y byddai problemau o
ddifrod a chreu llanast yn y stryd yn mynd i ail ddechrau
·
Nad
oedd eisiau adnewyddu a thalu am wydr ffenestr yn rheolaidd – pryderu am yr
effaith ar ei fusnes
·
Byddai pobl yn cronni tu allan
i’r bwyty gan greu sŵn ac anrhefn
e)
Wrth
grynhoi ei gais, amlygodd yr ymgeisydd nad ei fwriad oedd creu problemau,
llanast a difrod.
f)
Wrth
ystyried y cais ystyriwyd adroddiad y Swyddog
Trwyddedu, y ffurflen gais, y sylwadau ysgrifenedig a ddaeth i law oddi wrth y
partïon gyda diddordeb ynghyd â’r sylwadau llafar a gyflwynwyd gan yr holl
bartïon yn bresennol yn y gwrandawiad. Bu i’r Is-bwyllgor hefyd ystyried Polisi
Trwyddedu'r Cyngor, arweiniad y Swyddfa Gartref ynghyd ag egwyddorion Deddf Trwyddedu 2003
• Trosedd ac Anrhefn
• Diogelwch
y Cyhoedd
• Rhwystro
Niwsans Cyhoeddus
• Amddiffyn
Plant rhag Niwed
PENDERFYNWYD caniatáu y cais yn ddarostyngedig
i amodau arfaethedig a gytunwyd rhwng yr
Heddlu a’r ymgeisydd o ran TCC ac oriau agor
Rhoddir trwydded fel a ganlyn:
1.
Caniateir darparu lluniaeth
hwyr yn nos i’w fwyta ar ac oddi ar yr eiddo, o ddydd Llun i ddydd Iau rhwng
23:00 a 01:00, o ddydd Gwener i ddydd Sadwrn rhwng 23:00 a 02:00, ac ar ddydd
Sul rhwng 23:00 ac 01:00.
2.
Caniateir darparu lluniaeth
hwyr yn nos i’w fwyta ar ac oddi ar yr eiddo, rhwng 23:00 a 02:00 ar
nosweithiau Sul cyn dyddiau Llun gŵyl banc.
3.
Bod oriau agor i’r cyhoedd o
ddydd Llun i ddydd Iau rhwng 11:00 a 01:00, o ddydd Gwener i ddydd Sadwrn rhwng
11:00 a 02:00, ac ar ddydd Sul rhwng 11:00 a 01:00.
4.
Bod oriau agor i’r cyhoedd ar
ddydd Sul cyn dydd Llun gŵyl banc rhwng 11:00 a 02:00.
5.
Bod materion sydd wedi eu
cynnwys yn rhan M o’r cais (h.y. yr atodlen weithredu) yn cael eu hymgorffori
fel amodau i’r drwydded.
6.
Ychwanegir fel amodau i’r
drwydded, yr amodau a argymhellwyd gan yr Heddlu o ran teledu cylch cyfyng.
Wrth ystyried pryderon perchennog busnes cyfagos, y byddai rhoi’r drwydded
yn golygu cynnydd mewn pobl yn ymgynnull yn y dalgylch yn hwyr yn y nos, fyddai
yn arwain at gynnydd mewn sbwriel a risg o ddifrod troseddol i’w fusnes ei hun,
derbyniodd yr Is-bwyllgor bod sbwriel mewn egwyddor yn gallu bod yn berthnasol
i’r amcan o atal niwsans cyhoeddus. Roedd yr Is-bwyllgor hefyd yn derbyn bod
difrod troseddol yn gallu bod yn berthnasol i’r amcan o atal trosedd ac
anrhefn.
Fodd bynnag ni chafwyd tystiolaeth y byddai rhoi’r drwydded yn arwain at broblemau
sbwriel na difrod troseddol. Damcaniaethol yn unig oedd y pryderon a nodwyd.
Roedd yr Is-bwyllgor hefyd yn nodi er bod nifer o fusnesau eraill yn y cylch
nid oeddynt wedi cyflwyno sylwadau yn gwrthwynebu’r cais. Nodwyd hefyd nad oedd
yr Heddlu yn gwrthwynebu’r cais. Petai rhoi’r drwydded yn debygol o arwain at
broblem sbwriel neu ddifrod troseddol byddai’r Is-bwyllgor wedi disgwyl
gwrthwynebiadau oddi wrth yr Heddlu ac eraill.
Nodwyd hefyd bod sefydliadau eraill trwyddedig yn yr ardal yn agor yn hwyr,
ac ni ddaeth tystiolaeth i law bod bodolaeth y trwyddedau hyn wedi arwain at
broblemau trosedd ac anhrefn na niwsans cyhoeddus yng nghanol Pwllheli.
Yn yr amgylchiadau roedd yr Is-bwyllgor yn fodlon bod y cais, yn
ddarostyngedig i amodau arfaethedig a gytunwyd rhwng yr Heddlu a’r ymgeisydd o
ran TCC ac oriau agor, yn gwbl gydnaws â’r amcanion trwyddedu.
Adroddodd y
Cyfreithiwr y byddai’r penderfyniad yn cael ei gadarnhau yn ffurfiol drwy
lythyr i bawb oedd yn bresennol. Hysbysebwyd hefyd o’u hawl i apelio i’r
dyfarniad o fewn 21 diwrnod o dderbyn y llythyr hwnnw
Dogfennau ategol: