Agenda item
I gadarnhau cofnodion y cyfarfod diwethaf a gynhaliwyd ar 12 Tachwedd 2015.
Cofnod:
Cyflwynwyd: Cofnodion cyfarfod Pwyllgor Ymgynghorol Harbwr Aberdyfi gynhaliwyd ar y 12 Tachwedd 2015.
Penderfynwyd: Derbyn
a chymeradwyo’r cofnodion fel rhai cywir.
2.1 MATERION
YN CODI O’R COFNODION
(a)
Eitem
5 (A) – Ffigyrau ymwelwyr i Harbwr Aberdyfi
Ymddiheurwyd nad oedd y ffigyrau
uchod wedi eu cynnwys o fewn
yr adroddiad gerbron a sicrhawyd y byddir yn eu
cylchrhedeg i’r Aelodau yn y dyddiau nesaf. Fodd bynnag, yn y cyfamser
nodwyd y ffigyrau isod:
2014 - 53 o gychod
wedi ymweld ag Aberdyfi
2015 - 18 cwch wedi ymweld ag Aberdyfi
Nodwyd ymhellach bod y tywydd wedi bod yn anffafriol
iawn a hyderir y ceir tywydd gwell
y tymor hwn. Diolchwyd hefyd am y pecyn gwybodaeth a ddarparwyd gan Aelodau ar gyfer ymwelwyr ac y byddir yn ceisio
annog morwyr i ymweld a’r
gwahanol harbyrau o fewn y Sir.
(b)
Rheolaeth Badau
Dwr Personol
Ni ragwelwyd y byddir yn gallu
cael llawer mwy o reolaeth yn ardal y Leri
serch trafodaeth gyda swyddogion perthnasol o Cyfoeth Naturiol Cymru. Fodd bynnag, hyderir y gellir gwella rheolaeth
o ochr yr awdurdod Harbwr drwy benodiad swyddog
i gynorthwyo’r Harbwr Feistr ac a fydd yn weithredol
ar y dwr yn ystod cyfnod
prif wyliau’r haf.
Mewn ymateb i ymholiad
gan y Cadeirydd ynglyn a pha gamau
gall yr Harbwr Feistr gymryd i
ymdrin a rheolaeth y badau dwr personol,
eglurwyd bod gan yr Harbwr Feistr
bwerau statudol ond nad oedd
ganddo’r hawl i roi dirwy
ar y pryd ond pe byddir
yn cadw tystiolaeth
o unrhyw gam ddefnydd o’r rheolau, gellir
eu herlyn. Nodwyd ymhellach bod yr Heddlu yn rhoi
cefnogaeth dda mewn achosion o’r
fath.
(c)
Cynnal a Chadw
Adroddodd Mr Desmond George ei fod yn parhau
i drafod dyluniad winsh pwrpasol ar gyfer
defnydd gan gychod sy’n cael
eu lansio ac yn glanio wrth
y Clwb Hwylio. Diolchwyd iddo gan y Swyddog
Morwrol a Pharciau Gwledig ac unwaith y daw unrhyw wybodaeth
i law y byddir yn ei anfon
i’r peiriannydd fel bo modd
ystyried y posibilrwydd fel rhan o gynllun
ehangach wal y cei. Y dewis gorau fyddai
i’r winsh fod wedi ei
leoli mewn un man ac ddim yn rhan
o gerbyd neu winsh symudol.
(ch) Symud Tywod
Adroddwyd bod y gwaith o symud y tywod wedi ei
gwblhau dros yr wythnosau diwethaf
ac yr un pryd bod gwaith yn mynd
rhagddo i glirio tywod oddi
ar y maes parcio a’r promenad.
Mewn
ymateb i bryder amlygwyd ynglyn a thywod, amlygodd Mr Paul Fowles y canlynol:
Drwy ymestyn y twyni o 4
metr hyd at risiau maes parcio
amddiffynfa’r môr a chau’r llifglawdd bach sy’n rhedeg
tu ôl i’r
bryniau tywod, sy’n gorlifo bob Llanw Mawr, byddai
hyn yn caniatáu
i system y twyni i symud tua’r
dwyrain a’r de ddwyrain heb orfod
cael dyfeisiau rheoli fel ffens
byst. Er hynny, byddai
grwynau traeth ar ogwydd o gymorth
i ddargyfeirio’r tywod yn y tymor
byr i ffwrdd
o’r maes parcio a gorsaf y bad achub, hyd nes
fo’r twyni wedi sefydlu yn
y pen o’r traeth sy’n agosach at y clwb hwylio.
Hyd at ddiwedd y 1960au, cyn
i’r maes parcio gael ei
adeiladu, roedd grîn bach a thwyni
tywod yn rhedeg ar hyd
blaen traeth y pentref hyd at Hen Siediau Du OBSS, gyda’r lein rheilffordd gysylltiedig. Roedd unrhyw dywod
a chwythwyd gan y gwynt yn cael
ei atal gan
y twyni a’r morhesg cyn mynd
i’r pentref neu fynd dros
trac y trên. Roedd llawer o blaid peirianneg i’r gwrthwyneb a chadw’r traeth fel yr
oedd heb yr angen am wariant
mawr.
Addawodd
y byddai’n anfon adroddiad oedd yn y cyfeirio
at engreifftiau fel yr uchod i’r
Swyddog Morwrol a Pharciau Gwledig fel mater o ddiddordeb.
Nododd y Cadeirydd bod llawer o dywod wedi chwythu
eleni a phryderai am y dyfodol yn enwedig
gan mai hon fydd y flwyddyn olaf i gyllid
fod ar gael
ar gyfer ei glirio.
Penderfynwyd: (a) Derbyn a nodi’r uchod.
(b) Gofyn i’r Swyddog Morworol
a Pharciau Gwledig anfon llythyr ar
ran y Pwyllgor Ymgynghorol i Gwmni Brodyr
Jones i gyfleu eu diolch am y gwaith a gyflawnwyd ganddynt i symud
y tywod.
Dogfennau ategol: