Rhaglen a chofnodion

I dderbyn unrhyw ymddiheuriadau am absenoldeb.

Dafydd Edwards (Swyddog Cyllid – Awdurdod Arweiniol), Emlyn Jones (Cyngor Sir Ddinbych), Ian Roberts (Cyngor Sir y Fflint).

 

I dderbyn unrhyw ddatganiad o fuddiant personol.

Datganwyd buddiant personol gan Y Cynghorydd David Bithell ar Eitem 6 gan ei fod yn gweithio i Network Rail.

 

I nodi unrhyw eitemau sydd yn fater brys ym marn y Cadeirydd fel y gellir eu hystyried.

Nid oedd unrhyw fater brys.

 

I gadarnhau cofnodion cyfarfod o’r pwyllgor hwn a gynhaliwyd ar 7 Rhagfyr 2020.

Derbyniwyd y cofnodion o’r cyfarfod blaenorol a gynhaliwyd ar y 7fed Rhagfyr, 2020  fel rhai cywir yn ddarostyngedig: 

 

-       Cywiro cofnodion Saesneg i nodi mai i Gyngor Sir Ddinbych ac nid Cyngor Sir y Fflint y mae Peter Daniels yn gweithio.

 

 

Rhoi diweddariad i Aelodau ar waith Bwrdd Uchelgais Economaidd Gogledd Cymru (Y Bwrdd Uchelgais) a'r Grŵp Trafnidiaeth Rhanbarthol.

 

Cyflwynwyd adroddiad gan y Cadeirydd yn diweddaru’r Is-Fwrdd ar y ffrydiau gwaith a’u cynnydd dros y ddeufis diwethaf.

 

Trafodwyd y prif bwyntiau gan gynnwys y canlynol;

-       Bod yr Is-Fwrdd i gyflwyno adroddiad i’r Bwrdd Uchelgais Economaidd dwywaith y flwyddyn i’w diweddaru ar y gwaith.

-       Rhoddwyd trosolwg ar y sefyllfa gyda’r Cyd Bwyllgorau Corfforaethol gan nodi y byddant yn trafod materion mwy cyfyng nag a thrafodwyd yn yr Is-Fwrdd hwn.

-       Nodwyd eu bod yn disgwyl am arweiniad pellach yn dilyn yr etholiadau seneddol diweddar

 

 

Diolchwyd am yr adroddiad.

 

Ni chafwyd sylwadau pellach.

 

Rhoi cyflwyniad a diweddariad i Aelodau ar gynnydd Trafnidiaeth Cymru ar waith sy'n cael ei wneud ar Adolygiad Rhwydwaith Bws Cenedlaethol Cymru.

 

Rhoi cyflwyniad a diweddariad i Aelodau ar gynnydd Trafnidiaeth Cymru ar waith sy'n cael ei wneud ar brosiectau o fewn Metro Gogledd Cymru.

 

 

Cyflwyniad gan Lee Robinson, TfW.

 

Metro Gogledd Cymru

 

Rhannwyd cyflwyniad gyda’r Is-Fwrdd yn egluro’r darlun cenedlaethol ac yna ffocysu ar Ogledd Cymru a’r prosiectau sydd ar waith. Eglurwyd cyd-destun y rhaglen Metro Gogledd Cymru a thywyswyd yr Is-Fwrdd drwy’r amserlen arfaethedig a’r parthau dan sylw.

 

Trafodwyd y prif amcanion ynghylch Metro gogledd Cymru gan gynnwys:

 

-       Bod angen diwygio ambell i amserlen bresennol gan eu bod yn gyfyng

-       Nifer o adrannau gydag arwyddion wedi dyddio

-       Ar y cyfan, mae cyflymdra isel ar y lein

-       Bod angen gwerthuso cyflwr presennol asedau sy’n ymwneud a’r Metro

-       Nodi bod rhai gorsafoedd yn parhau i fod yn anhygyrch

-       Croesfannau rheilffordd yn amharu ar y gallu i gynnal trenau sy’n rhedeg yn gyflymach ac yn amlach.

 

Amlygwyd y camau nesaf fel a ganlyn:

 

-       Gwaith parhaus gydag Network Rail er mwyn gwerthuso croesfannau rheilffordd a chyfarch yr anghenion yn y gobaith o gyrraedd datrysiad parhaol i’r sefyllfa.

-       Gwelliannau i ddod er enghraifft yn Shotton a Glannau Dyfrdwy er mwyn cynyddu cynhwysedd.

-       Dealltwriaeth o pan ddefnyddir ceir fel modd trafnidiaeth wrth deithio rhwng Gogledd Cymru a dinasoedd fel Manceinion. Archwilio cysylltiad gyda HS2.

-       Archwilio llefydd lle gallai addasu’r ddarpariaeth heb angen newid sylweddol i’r isadeiledd, er enghraifft o amgylch Gaer a Llandudno.

-       Archwilio estyniad gwasanaeth yn llefydd megis Caernarfon a Lein Amlwch.

 

 

Bysiau Rhanbarthol

 

Aethpwyd ati i drafod materion ynghylch bysiau rhanbarthol, gan dynnu sylw at y prif egwyddorion fel a ganlyn:

 

-       Awdurdodau lleol wedi cytuno mai prif amcan yw cynyddu defnydd ar y rhwydwaith bysiau.

-       Amlygwyd yng Ngogledd Cymru mewn sawl ardal nad oedd dewis amgen gan ddefnyddwyr a dyna pam mae cyfrannau uchel o ddefnyddwyr i’w gweld.

-       Canfyddiad yw cyflwyno’r rhwydweithiau mewn modd sy’n caniatáu gwella cysylltedd gan fod y rhwydwaith mor gymhleth.

-       Trefnwyd cytundebau tocynnau er mwyn hwyluso prynu tocynnau, i gael mynediad at ddata defnyddwyr, ac i wella effeithlonrwydd.

-       Soniwyd am brosiectau traws Gogledd Cymru mewn ardaloedd megis Bangor, Prestatyn a Chaergybi.

-       Nodwyd bod gwaith yn digwydd gydag Awdurdodau Lleol er mwyn adnabod safleoedd posib Parcio a Theithio megis Bangor, Rhyl a Chyffordd Llandudno a fyddai hefyd yn cael effaith bositif ar y Parc Cenedlaethol gan leihau’r problemau parcio.

-       Eglurwyd bod cynllun peilot ar waith er mwyn cyfyngu prisiau tocynnau

-       Cwmni bysiau Traws Cymru yn edrych ar ffyrdd o ganiatáu integreiddio gyda’r trenau er mwyn hwyluso teithio.

 

 

Cododd y sylwadau isod yn ystod y drafodaeth:

 

 

-       Gofynnwyd y Cadeirydd am fwy o wybodaeth ynghylch y raddfa amser tebygol ar gyfer y camau nesaf.

-       Mynegwyd un aelod bod angen gweithio ar frandio Metro Gogledd Cymru er mwyn ei hyrwyddo.

-       Cytunwyd bod gwasanaeth amserlennu yn bwysig iawn pan mae nifer uchel o ddefnyddwyr er mwyn cadw hyder yn y gwasanaeth

-       Gofynnwyd a oes unrhyw gynlluniau i addasu’r weledigaeth wrth i’r gweinidog trafnidiaeth newydd ymgymryd yn ei swydd.

Holwyd aelod ynghylch cyllid ac os oedd cadarnhad o gyllid tymor hir er mwyn  ...  gweld y cofnod llawn ar gyfer eitem 6.

Darparu trosolwg o brosiect Hwb Hydrogen Caergybi o ran y cynnydd hyd yma ac

amlinellu'r camau nesaf yn natblygiad y prosiect.

 

Diweddaru'r Aelodau ar y cynnydd gyda datblygu cynigion prosiect ar gyfer prosiectau trafnidiaeth carbon isel a di-garbon yn y Gogledd.

 

 

 

Cyflwynwyd yr eitem yma er gwybodaeth yn unig.

 

Croesawyd yr adroddiad gan nodi ‘r cyfleoedd a swyddi a ddaw yn sgil datblygiadau gorsafoedd llenwi Hydrogen.

 

Ategwyd y byddai cerbydau hydrogen at berthynas casglu sbwriel ayyb ar gael erbyn diwedd y flwyddyn

 

Codwyd  y sylwadau isod mewn perthynas â’r adroddiad:

 

-       Nodwyd nad yw aelodau’r Is-Fwrdd yn ymwybodol o’r camau sydd ar y gweill gyda Hydrogen. Ategwyd bod cyfle i sefydlu os oes angen rhanbarthol ar gyfer hydrogen gwyrdd er mwyn adrodd hyn i Lywodraeth Cymru.

 

 

-------------------------------------------------------------------------------------------------------

 

Gofynnodd cyn aelod yr Is-Fwrdd Carolyn Thomas AS, petai fodd iddi fynychu cyfarfodydd fel sylwedydd yn y dyfodol .

 

Cytunwyd nad oedd gwrthwynebiad, ac ategwyd y byddai’n ddefnyddiol i Aelod Seneddol fynychu.