Rhaglen, penderfyniadau a chofnodion drafft

I dderbyn unrhyw ymddiheuriadau am absenoldeb

Derbyniwyd ymddiheuriadau gan John Pughe Roberts a John Brynmor Hughes

I dderbyn unrhyw ddatganiad o fuddiant personol

Dim i’w nodi

Nodi unrhyw eitemau sy’n fater brys ym marn y cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 16 Medi 2024 fel rhai cywir  

Bu i’r Cadeirydd dderbyn cofnodion y cyfarfod a gynhaliwyd ar 16 Medi 2024 fel rhai cywir.

I dderbyn a nodi’r wybodaeth

PENDERFYNIAD:

Derbyn a nodi’r wybodaeth

Amlygodd y Rheolwr Buddsoddi bod yr adroddiad bellach yn un rheolaidd sy’n nodi’r wybodaeth ddiweddaraf ar waith PPC. Tynnwyd sylw at drafodaethau cyfarfod Medi 2024 o’r Cydbwyllgor oedd yn cynnwys gwybodaeth am y cronfeydd sydd wedi eu pwlio (Gwynedd yr ail uchaf gyda 85%), y cynllun busnes safonol a’r gofrestr risg.

Cyfeiriwyd at ddiweddariad y Gweithredwr dros y cyfnod ac amodau’r farchnad maent yn monitro. Adroddwyd bod perfformiad y cronfeydd wedi bod yn amrywiol gyda’r cronfeydd ecwiti yn perfformio yn gryf tra bod cronfeydd incwm sefydlog wedi llusgo dros y chwarter dan sylw. Nodwyd mai buddsoddiadau tymor hir yw’r cronfeydd ac y bydd y swyddogion, ar y cyd gyda’r ymgynghorwyr Hymans Robertson, yn asesu’r perfformiadau dros gyfnodau o 3 mis, 12 mis a 3 blynedd.

Ategwyd bod Russell Investments, y Rheolwr buddsoddi hefyd yn asesu’r rheolwyr yn barhaus a byddant yn lleihau, cynyddu neu’n dileu taliadau i geisio gwella perfformiad hir dymor yr is- gronfeydd - cyfeiriwyd at enghraifft o waith sy’n cael ei wneud ar hyn o bryd gydag is gronfa Global Growth, sydd wedi bod yn tanwario yn hanesyddol. Adroddwyd bod Russell Investments wedi rhoi diweddariad ar gronfa newydd Credit Preifat gyda Chronfa Pensiwn Gwynedd wedi buddsoddi £29m yn y gronfa gyda bwriad o gynyddu’r swm yn sylweddol dros amser.

Tynnwyd sylw at ddau ymarfer caffael oedd wedi digwydd yn ddiweddar (ar gyfer Ymgynghorydd Goruchwylio a Darparwr Gwasanaeth Pleidleisio ac Ymgysylltu). Nodwyd bod cyfweliadau wedi eu cynnal gyda bwriad cyflwyno argymhelliad i’r cydbwyllgor nesaf.

Yng nghyd-destun yr ymgynghoriad ‘Galw am Dystiolaeth’ lle mae Llywodraeth San Steffan yn adolygu cynlluniau pensiwn yr LGPS, tynnwyd sylw at ymateb Cronfa Bensiwn Gwynedd. Adroddwyd bod y sefyllfa bellach wedi newid gydag ymgynghoriad pellach, yn dilyn araith “Mansion House” Canghellor y Trysorlys, wedi ei gyhoeddi yn galw am dystiolaeth sy’n awgrymu’n fras y trywydd mae Llywodraeth San Steffan yn disgwyl i’r LGPS ei ddilyn. Adroddwyd bod yr ymgynghoriad newydd yn edrych ar feysydd megis pwlio asedau, buddsoddi yn lleol ac yn y Deyrnas Unedig, a Llywodraethu gyda 30 cwestiwn i ymateb iddynt erbyn 16eg o Ionawr 2025.

Prif negeseuon yr ymgynghoriad oedd nad oedd newid i gronfeydd lleol, fel Cronfa Bensiwn Gwynedd, ond bod angen ystyried uno cronfeydd, er nad yn fandadol. Nodwyd y bydd newidiadau disgwyliedig i’r pwls, megis Partneriaeth Pensiwn Cymru yng nghyd-destun Gwynedd, gyda gofyn iddynt fod wedi cofrestru gyda’r FCA (Financial Conduct Authority), fod yn gallu rhoi cyngor i’r cronfeydd lleol, fod y dyraniad ased strategol yn eistedd gyda’r pŵl yn hytrach nac ar lefel lleol fel y mae ar hyn o bryd, bod 100% o asedau yn cael eu pwlio, ac adrodd yn barhaus yn yr Adroddiad Blynyddol ar gynlluniau lleol.

Ategwyd bod y gofyniad i fod wedi cofrestru gyda’r FCA yn un sylweddol fydd yn golygu newid yn strwythur presennol PPC gan greu strwythur rheolaethol newydd gyda phrif swyddog a phrif swyddog buddsoddi gofynion llywodraethu. Nodwyd y byddai angen cynllunio a gweithredu hyn erbyn Mawrth 2025. Yn ychwanegol, bydd gofynion llywodraethu newydd yn galw am benodi  ...  gweld y cofnod llawn ar gyfer eitem 5.

Gofynnir i'r Pwyllgor i ystyried a derbyn y wybodaeth

PENDERFYNIAD

Derbyn a nodi’r wybodaeth

Cyflwynwyd adborth a gwybodaeth gan y Cyng. Goronwy Edwards

Cynhaliwyd y Fforwm Buddsoddi yn Loch Lomond, Medi 2024 a bu i’r Cyng. Goronwy Edwards a’r Cyng. John Brynmor fynychu’r fforwm. Nodwyd bod y gynhadledd wedi bod yn fuddiol ac wedi ei amseru yn dda o ystyried Adolygiad Pensiynau Llywodraeth San Steffan (Galw am Dystiolaeth).

Diolchwyd am yr adborth

PENDERFYNIAD

Derbyn a nodi’r wybodaeth

Bydd y Cadeirydd yn cynnig y dylid cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraff  Paragraff 14 o Atodiad 12A o Ddeddf Llywodraeth Leol 1972 Gwybodaeth ynglŷn â thrafodion ariannol neu fusnes unrhyw berson penodol( yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig mewn bod yn agored ynglŷn â defnydd adnoddau cyhoeddus a materion ariannol cysylltiedig. Cydnabyddir fodd bynnag fod adegau, er gwarchod buddiannau ariannol awdurdod cyhoeddus fod angen trafod gwybodaeth fasnachol heb ei gyhoeddi. Byddai cyhoeddi gwybodaeth fasnachol sensitif o’r math yma yn amhriodol o ran buddiannau cydnabyddedig trydydd bartïon ac yn gallu tanseilio hyder i ddod a gwybodaeth ymlaen gerbron y Cyngor a felly gallu’r Cyngor i wneud penderfyniadau ar ran y gronfa. Byddai hyn yn groes i’r budd cyhoeddus ehangach o sicrhau gwerth am arian a’r allbwn cyfansawdd gorau ac felly am y rhesymau yma mae’r materion yn gaeedig er y budd cyhoeddus.

PENDERFYNWYD cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972 Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny). Mae budd cyhoeddus cydnabyddedig mewn bod yn agored ynglŷn â defnydd adnoddau cyhoeddus a materion ariannol cysylltiedig. Cydnabyddir fodd bynnag fod adegau, er gwarchod buddiannau ariannol cyhoeddus fod angen trafod gwybodaeth fasnachol heb ei gyhoeddi. Mae’r adroddiadau yn benodol ynglŷn â phroses gaffael arfaethedig. Byddai cyhoeddi gwybodaeth fasnachol sensitif o’r math yma yn gallu bod yn niweidiol i fuddiannau’r Cyngor a’i bartneriaid drwy danseilio cystadleuaeth. Byddai hyn yn groes i’r budd cyhoeddus ehangach o sicrhau'r allbwn cyfansawdd gorau. Am y rhesymau hyn mae’r materion yn gaeedig er y budd cyhoeddus.

I ystyried yr adroddiad

(copi i’r Aelodau yn unig).

PENDERFYNIAD

Derbyn a nodi’r wybodaeth

Cyflwynwyd adroddiad chwarterol yn crynhoi'r gwaith mae Robeco (Darparwr Pleidleisio ac Ymgysylltu PPC) yn cyflawni ar ran y Gronfa Bensiwn, gan gynnwys y gwaith ymgysylltu.

Trafodwyd cynnwys yr adroddiad a mynegwyd pryder unwaith eto gan yr Aelodau am safon gwaith ymgysylltu ac ymgynghori'r cwmni. Nodwyd, er bod nifer o elfennau positif yn eu gwaith, bod elfennau negyddol mawr i’w gweld hefyd ac felly angen sicrhau i’r dyfodol bod mwy o wybodaeth am ddatblygiadau a sut maent yn cael eu mesur. Ategwyd bod y cwmni yn ymddangos yn ‘dawel’ - angen gweld mwy o rannu barn ac arweiniad; y cwmni angen tystiolaethu effeithiolrwydd a gosod cyd-destun.

Mewn ymateb nodwyd bod bwriad, wrth lunio cytundebau i’r dyfodol, bod PPC am sicrhau bod elfen ragweithiol yn rhan o’r cyfrifoldebau ymgysylltu, ynghyd a gofynion cyflwyno gwybodaeth glir a dealladwy. Nodwyd bod angen i PPC adolygu trefniadau ymateb i’r wybodaeth sydd yn cael ei gyflwyno gan Ddarparwr Pleidleisio ac Ymgysylltu i wneud y gorau o’r berthynas.

Sylwadau pellach yn codi o’r drafodaeth ddilynol:

·       Bod angen ystyried materion bioamrywiaeth yn ogystal â materion hinsawdd

·       Bod angen monitro'r sefyllfa gan sicrhau bod y cwmni yn cadw at eu gair

·       Bod angen sicrhau camau nesaf i faterion sydd yn ymddangos fel ‘closed non-effective’. Sut mae modd ail agor trafodaethau / ail edrych ar y materion hyn?

·       Bod trefn mewn lle i ddilyn i fyny ar faterion

PENDERFYNWYD derbyn a nodi'r wybodaeth