Rhaglen a chofnodion

To receive apologies for absence

Croesawyd Aelodau a Swyddogion i’r cyfarfod.

Derbyniwyd ymddiheuriadau gan y Cynghorwyr Ioan Thomas a Dyfed Edwards, a Dilwyn Williams (Prif Weithredwr).

Datganodd y Cynghorydd Peredur Jenkins fuddiant personol yn eitem 7 ar y rhaglen (Ysgol Machreth, Dalgylch Ysgol y Gader), oherwydd bod ei Ferch yn Bennaeth Ysgol Gynradd Rhydymain/Brithdir.

Roedd yr aelodau o’r farn ei fod yn fuddiant oedd yn rhagfarnu a gadawodd y Siambr yn ystod y drafodaeth ar yr eitem.

Datganodd y Cynghorydd Dyfrig Siencyn fuddiant personol yn eitem 7 ar y rhaglen (Ysgol Machreth, Dalgylch Ysgol y Gader), oherwydd perthynas deuluol gyda’r Cyng. Peredur Jenkins.

Roedd yr aelodau o’r farn nad oedd yn fuddiant oedd yn rhagfarnu ac fe gymerodd ran yn y drafodaeth ar yr eitem.

Nid oedd unrhyw faterion brys.

Nid oedd unrhyw faterion yn codi o Bwyllgorau Craffu.

Llofnododd y Cadeirydd gofnodion cyfarfod y Cabinet a gynhaliwyd ar 2 Mehefin 2015.

Cyflwynwyd yr adroddiad gan y Cyng. Dyfrig Siencyn.

Eiliwyd gan y Cyng. Gareth Thomas.

PENDERFYNIAD

Argymell i’r Cyngor Llawn eu bod yn mabwysiadu Cynllun Strategol 2015-17 fel ag y’i cyflwynwyd i’r cyfarfod, ond gyda man ddiwygiadau, gan gynnwys y canlynol i’r adran ‘Tlodi, Amddifadedd, Economi, Tai’ –

·         Yn y cyflwyniad i’r adran hon, ychwanegu cyfeiriad at y rôl y Cyngor fel Partner ar Fwrdd Uchelgais Gogledd Cymru, a’r angen i gymryd cyfleoedd sy’n codi ar lefel rhanbarthol.

·         T2 – ychwanegu cyfeiriad at bwysigrwydd cadwyni cyflenwi lleol.

·         Ychwanegu pennawd – Gwella mynediad pobl y Sir i waith ac ymateb i rwystrau.

Cyflwynwyd yr adroddiad gan y Cyng. Gareth Thomas.

Eiliwyd gan y Cyng. Dyfed Edwards.

PENDERFYNIAD

1.    Tynnu’r rhybudd statudol ynglŷn ag Ysgol Machreth yn ôl.

2.    Cymeradwyo cychwyn proses amgen ar sail cynnig i gau yr ysgol yn fuan yn 2016 – Opsiwn 3 yn yr adroddiad a gyflwynwyd i’r cyfarfod.

3.    Wrth ddilyn y prosesau statudol, cynnig lle i ddisgyblion Ysgol Machreth yn Ysgol Ieuan Gwynedd, Rhydymain yn ystod y cyfnod trosiannol cyn sefydlu’r Ysgol Ddilynol Ddalgylchol ar 1 Medi 2017.

Cyflwynwyd yr adroddiad gan y Cyng. John Wynn Jones.

Eiliwyd gan y Cyng.

PENDERFYNIAD

1.    Mabwysiadu Ail Gynllun Rheoli Carbon ar gyfer y cyfnod 2015/16 – 2020/21, gan osod targed o leihad carbon o 40% yn erbyn y waelodlin erbyn diwedd oes y Cynllun.

2.    Ariannu cyfanswm gwariant y Cynllun (£3.259m) drwy gyfuniad o ffynonellau ariannol –

Cyflwynwyd yr adroddiad gan y Cyng. Ioan Thomas.

Eiliwyd gan y Cyng. Mair Rowlands.

PENDERFYNIAD

1.    Cymeradwyo Polisi’r Cyngor ar Gronfeydd fel a ganlyn –

1.1 Mae’r Cyngor yn dal nifer o gronfeydd fel rhan o’i strategaeth i reoli adnoddau yn ddarbodus. Defnyddir y cronfeydd yma i bwrpasau penodol er lles cymunedau Gwynedd. Mae’r defnydd o gronfeydd yn cefnogi cyflawni gwasanaethau a gwelliannau yn y sir, fel amlinellir yn y cynllun strategol corfforaethol.

1.2 Cedwir cronfeydd penodol (neu reserfau wedi’u clustnodi) naill ai dan rym wedi’i ddirprwyo i brif swyddogion, neu gan y Cabinet.

1.3 Er mwyn diffinio “cronfeydd”, rhaid nodi’r driniaeth o “darpariaethau”. Mae darpariaethau wedi’u nodi yn y cyfrifon ar gyfer setlo amcangyfrif o ymrwymiadau sy’n codi o ddigwyddiadau yn y gorffennol.

1.4 Mae cronfeydd yn symiau sydd wedi’u neilltuo ar gyfer pwrpasau penodol, neu yn arian wedi’i adeiladu i gwrdd ag ymrwymiadau a ragwelir.

1.5  Ar gyfer pob cronfa a sefydlir, bydd y pwrpas / defnydd (rheswm dros ei greu / sut gellid ei ddefnyddio) wedi’i ddiffinio, a bydd rheolaeth dros drafodion (pa brif swyddog sydd â’r grym dirprwyedig i’w wario) wedi’i adnabod.

1.6  Dim ond yn lleol gellid cyrraedd barn ystyrlon, a chymerir penderfyniadau gan aelodau etholedig wedi iddynt ystyried gwybodaeth a chyngor a ddarperir gan y Prif Swyddog Cyllid.

1.7 Defnyddir cronfeydd adrannau unigol neu gronfeydd corfforaethol er mwyn llyfnhau pwysedd dros flynyddoedd (e.e. y gronfa argyfwng tywydd garw yn y maes gwasanaeth Priffyrdd).

1.8 Mewn cyfnod o galedi parhaus, bydd mwy o ofyn i feysydd gwasanaeth newid ac addasu i fod yn effeithiol. Mae cynlluniau effeithiolrwydd yn cynnwys newidiadau gyda chostau un-tro, ac mae polisi cronfeydd y Cyngor yn adnabod hynny, gyda’r Adrannau yn dal cronfeydd i’w defnyddio yn unol ag egwyddorion cyffredinol wedi’u cytuno gan y Prif Swyddog Cyllid a’r Cabinet.

1.9 Sefydlir cronfeydd adrannol o adnoddau tanwariant o fewn blwyddyn, a bydd yr Aelod Cabinet perthnasol yn goruchwylio’r defnydd o gronfeydd ar brosiectau penodol. Lle ni ellir cwrdd â phwysau ar wasanaethau o fewn blwyddyn, yna gellid defnyddio cronfeydd adrannol er mwyn wynebu’r pwysedd net.

1.10 Sefydlir / defnyddir cronfeydd corfforaethol gan y Prif Swyddog Cyllid a’r Cabinet, ar sail angen a gofynion wedi’u cynllunio / rhagweld.

1.11 Gellid ariannu gwariant anorfod anrhagweledig / argyfwng o’r balansau cyffredinol, dim ond gyda chymeradwyaeth y Cabinet.

1.12 Mae gan y Prif Swyddog Cyllid gyfrifoldeb personol statudol (dan Adran 25 o Ddeddf Llywodraeth Leol 2003) i sicrhau stiwardiaeth briodol o gronfeydd, felly bydd yn cynnal adolygiad parhaus o’i digonolrwydd a’i defnydd. Bydd yr adroddiad cyllideb blynyddol i’r Cyngor yn cynnwys barn y Prif Swyddog Cyllid ar gronfeydd, yng nghyd-destun y strategaeth ariannol tymor canol. Hefyd, adroddir i’r Cabinet er cymeradwyaeth o addasiadau sylweddol i gronfeydd.

1.13 Bydd archwilwyr allanol yn adolygu trefniadau i sicrhau fod statws ariannol y Cyngor yn gadarn, a bydd hyn yn cynnwys adrodd ar y lefel o reserfau, yng nghyd-destun eu gwybodaeth o berfformiad ariannol yr awdurdod. Er hynny, nid cyfrifoldeb yr archwilwyr yw pennu lefel gorau neu isafswm y  ...  gweld y cofnod llawn ar gyfer eitem 9.

Cyflwynwyd yr adroddiad gan y Cyng. Dyfrig Siencyn.

Eiliwyd gan y Cyng. Gareth Thomas.

PENDERFYNIAD

Cymeradwyo’r Flaenraglen a gyflwynwyd i’r cyfarfod.