Rhaglen a Phenderfyniadau

·        Derbyniwyd canlyniadau gwaith Llechen Lân - Gwasanaethau Cymdeithasol Pobl Hŷn i’r Dyfodol (Atodiad 1).  

·        Mabwysiadwyd cyfeiriad strategol a chynllun gweithredu Llechen Lân (Atodiad 2). 

Derbyniwyd a nodwyd y wybodaeth yn yr adroddiad sy’n adrodd ar waith y Panel Rhiant Corfforaethol ar gyfer y flwyddyn 2023-24. 

Derbyniwyd yr adroddiad a chymeradwywyd yr argymhellion. 

Cymeradwywyd yr adroddiad blynyddol ar gyfer 2023/24.  

1.               Cymeradwywyd a galluogwyd y Gwasanaeth Parcio i fwrw ymlaen i wireddu dau gynllun arbedion sydd wedi eu cymeradwyo gan Gabinet y Cyngor yn 2023/24, sef:  

·      1.1.1 Cynyddu ffioedd parcio Pen y Gwryd o £2.00 am hanner diwrnod a £4.00 am ddiwrnod llawn i £4.00 am 6 awr a £8.00 am 12 awr. 

·      1.1.2 Cynyddu pris Tocyn Parcio Blynyddol o £140 i £145 y flwyddyn a phris Tocyn Parcio Lleol o £70 i £75 y flwyddyn. 

2.               Cymeradwywyd a galluogwyd y  Gwasanaeth Parcio i fwrw ymlaen i wireddu dau gynllun arbedion sydd angen ystyriaeth bellach cyn dod i benderfyniad terfynol yn 2024/25, sef:  

·      1.2.1 Ymestyn oriau gorfodaeth meysydd parcio arhosiad byr o 10:00 hyd at 16:30 i 9:00 hyd at 17:00.  

·      1.2.2 Addasiad i Strwythur Ffioedd Arhosiad Hir Band 2 yn unol a’r hyn a welwch yn Atodiad A. 

3.               Cytunwyd cynyddu holl ffioedd parcio 40% i alluogi’r Gwasanaeth Parcio gyfarch targed incwm sydd yn creu diffyg sylweddol yn y cyllidebau. 

4.               Nodwyd petai Aelodau’r Cabinet yn penderfynu cymeradwyo’r cynlluniau arbed a nodir oddi fewn 1.2.1 ac 1.2.2  bydd 10 diwrnod o gyfnod segur cyn medru trosglwyddo’r mater i Adran Gyfreithiol y Cyngor er mwyn cyflawni cyfnod ymgynghori statudol yn unol a Rheoliadau Gorchmynion Traffig Awdurdodau Lleol.  

5.               Nodwyd, fel rhan o’r cyfnod ymgynghori, bydd gofyn hanfodol i’r Cyngor hysbysebu’r newidiadau arfaethedig yn y papurau newydd lleol yn ogystal ag arddangos y wybodaeth (cynnwys y ffioedd newydd) mewn safle amlwg yn y meysydd parcio a cheir eu heffeithio. 

6.               Cadarnhawyd y bwriad o fwrw mlaen gyda’r paratoadau er mwyn gweithredu’r holl newidiadau o 1af Ebrill 2025

Derbyniwyd adroddiad Monitro Blynyddol 6 (Atodiad 1) a chytunwyd i’w gyflwyno i’r Llywodraeth erbyn diwedd mis Hydref 2024. 

Gan nodi bod rhagolygon o orwariant o £7.6 miliwn gan adrannau’r Cyngor, derbyniwyd yr adroddiad ar adolygiad diwedd Awst 2024 o’r gyllideb refeniw, a chefnogwyd y camau mae’r Prif Weithredwr wedi eu cyflwyno i ymdrin â’r gorwariant sylweddol gan yr Adran Oedolion, Iechyd a Llesiant, Adran Plant a Theuluoedd, Adran Priffyrdd, Peirianneg ac YGC a’r Adran Amgylchedd. 

Cymeradwywyd trosglwyddiad o £1,868k o danwariant ar gyllidebau corfforaethol i Gronfa Cefnogi Strategaeth Ariannol y Cyngor. 

·        Derbyniwyd yr adroddiad ar adolygiad diwedd Awst (sefyllfa 31 Awst 2024) o’r rhaglen gyfalaf. 

·        Cymeradwywyd yr addasiadau canlynol i’r Gyllideb Gyfalaf a gymeradwywyd ar 7 Mawrth 2024 o safbwynt dulliau ariannu’r rhaglen (fel nodir yn rhan 3.2.3 o’r adroddiad), sef:  

Derbyniwyd y wybodaeth yn yr adroddiad a nodwyd y cynnydd tuag at wireddu cynlluniau arbedion 2024/25 a blynyddoedd blaenorol. 

Bydd y Cadeirydd yn cynnig y dylid cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraff 14 o Atodiad 12A o Ddeddf Llywodraeth Leol 1972 – Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig mewn bod yn agored ynglŷn â defnydd adnoddau cyhoeddus a materion ariannol cysylltiedig. Cydnabyddir fodd bynnag fod adegau, er gwarchod buddiannau ariannol cyhoeddus fod angen trafod gwybodaeth fasnachol heb ei gyhoeddi. Mae’r adroddiad yn benodol ynglyn a materion ariannol a busnes ynghyd a thrafodaethau cysylltiedig Byddai cyhoeddi gwybodaeth fasnachol sensitif o’r math yma yn gallu bod yn niweidiol i fuddiannau’r tendrwyr a’r Cyngor Byddai hyn yn groes i’r budd cyhoeddus ehangach o sicrhau yr allbwn cyfansawdd gorau . Am y rhesymau yma rwy’n fodlon fod y mater yn gaeedig er y budd cyhoeddus.

(Dogfennaeth i Aelodau Cabinet yn unig)

·      Rhoddwyd awdurdod cyllidol i fwrw ymlaen ar sail yr achos busnes i brynu system ddata Gwasanaethau Cymdeithasol newydd ar y cyd â’r Clwstwr Rhanbarth Gogledd Cymru.  

·      Er cyflawni (a), rhagdybiwyd y broses ceisiadau ariannol ar gyfer 2025/26 ar gyfer cyllid un-tro ac yna cyllid refeniw blynyddol o 2026 ymlaen.