Rhaglen, penderfyniadau a chofnodion

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cynghorydd Huw Rowlands

I dderbyn unrhyw ddatganiad o fuddiant personol ac i nodi materion protocol. 

a)             Y Cynghorydd Gruffydd Williams (oedd yn Aelod o’r Pwyllgor Cynllunio hwn), yn eitem 5.3 C23/0883/43/LL ar y rhaglen, oherwydd ei fod yn fab i’r ymgeisydd

Roedd yr Aelod o’r farn ei fod yn fuddiant a oedd yn rhagfarnu ac ni fu iddo gymryd rhan yn ystod y drafodaeth na phleidleisio ar y cais.

b)             Datganodd yr aelodau canlynol eu bod yn aelodau lleol mewn perthynas â’r eitem a nodir:

·       Y Cynghorydd Angela Russell (nad oedd yn aelod o’r Pwyllgor Cynllunio hwn), yn eitem 5.3 C24/0413/30/LL ar y rhaglen

·       Y Cynghorydd Jina Gwyrfai (nad oedd yn aelod o’r Pwyllgor Cynllunio hwn), yn eitem 5.4 C23/0883/43/LL ar y rhaglen

Nodi unrhyw eitemau sy’n fater brys ym marn y cadeirydd fel y gellir eu hystyried.

Fel mater o drefn, adroddwyd, gyda’r Cadeirydd yn ymuno yn rhithiol, mai’r Swyddog Cyfreithiol fyddai’n cyhoeddi canlyniadau’r pleidleisiau ar y ceisiadau.

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 9fed Medi 2024 fel rhai cywir  

Derbyniodd y Cadeirydd gofnodion cyfarfod blaenorol y pwyllgor hwn a gynhaliwyd 9fed o Fedi 2024 fel rhai cywir.

Cyflwyno adroddiad Pennaeth Adran Amgylchedd.

Rhoddodd y Pwyllgor ystyriaeth i’r ceisiadau canlynol i ddatblygu. Ymhelaethwyd ar fanylion y ceisiadau ac ymatebwyd i gwestiynau mewn perthynas â’r cynlluniau ac agweddau o’r polisïau.

Cais i ddiwygio amod 2 o ganiatâd cynllunio C21/1210/38/LL er mwyn cyfeirio at gynlluniau diwygiedig fel rhan o'r cais s73 yma yn hytrach na'r cynlluniau a gyflwynwyd ar 14/12/21 fel y cyfeiriwyd atynt yn amod 2

Aelod Lleol: Cynghorydd Angela Russell

Dolen i'r dogfennau cefndirol perthnasol

PENDERFYNIAD: Gohirio yr cais er mwyn rhoi cyfle i’r ymgeisydd cywiro’r cynlluniau gan fod y trefniadau parcio a mynediad fel y gwelir ar y safle yn wahanol i beth sy’n cael ei arddangos ar y cynlluniau.

Cais i ddiwygio amod 2 o ganiatâd cynllunio C21/1210/38/LL er mwyn cyfeirio at gynlluniau diwygiedig fel rhan o'r cais s73 yma yn hytrach na'r cynlluniau a gyflwynwyd ar 14/12/21 fel y cyfeiriwyd atynt yn amod 2

a)    Amlygodd y Rheolwr Cynllunio bod y swyddogion cynllunio yn argymell fod y pwyllgor yn gohirio trafodaeth ar y cais er mwyn rhoi cyfle i’r ymgeisydd gywiro’r cynlluniau gan fod y trefniadau parcio a mynediad fel y gwelir hwy ar y safle yn wahanol i beth sy’n cael ei arddangos ar y cynlluniau. Nodwyd bod yr asiant yn ymwybodol o hyn ac yn y broses o gywiro’r cynlluniau.

b)    Cynigiwyd ac eiliwyd gohirio’r cais

          PENDERFYNWYD:

Gohirio'r cais er mwyn rhoi cyfle i’r ymgeisydd cywiro’r cynlluniau gan fod y trefniadau parcio a mynediad fel y gwelir ar y safle yn wahanol i beth sy’n cael ei arddangos ar y cynlluniau

Cais llawn i newid defnydd cae amaethyddol i gynnwys 10 llain carafán teithiol tymhorol yn ychwanegol i'r prif safle ynghyd a chodi adeilad toiledau/cawodydd, gwelliannau tirlunio meddal, creu mynedfa/allanfa bwriedig a gosod offer trin

Aelod Lleol: Cynghorydd Gareth Williams

Dolen i'r dogfennau cefndir perthnasol

PENDERFNWYD: Cais wedi ei dynnu yn ôl yn wirfoddol gen yr ymgeisydd.

Cais llawn i newid defnydd cae amaethyddol i gynnwys 10 llain carafán teithiol tymhorol yn ychwanegol i'r prif safle ynghyd a chodi adeilad toiledau/cawodydd, gwelliannau tirlunio meddal, creu mynedfa/allanfa bwriedig a gosod offer trin

          Amlygodd y Rheolwr Cynllunio bod yr ymgeisydd,  yn wirfoddol, wedi tynnu’r cais yn ôl.

Cais llawn i drosi stablau presennol i eiddo preswyl ynghyd a chodi estyniad unllawr

Aelod Lleol: Cynghorydd Jina Gwyrfai

Dolen i'r dogfennau cefndir perthnasol

PENDERFYNIAD: I ganiatáu’r cais yn ddarostyngedig i:

Amodau

1.     Amser

2.     Cydymffurfio gyda cynlluniau

3.     Deunyddiau/gorffeniadau allanol

4.     Cyfyngu meddiannaeth i menter gwledig

5.     Tynnu hawliau datblygiadau a ganiateir

6.     Cynllun draenio tir

7.     Tirlunio

8.     Materion Bioamrywiaeth

9.     Enw Cymraeg i’r eiddo

Nodiadau:

Materion draenio Dŵr Cymru/CNC.

Trwydded rhywogaethau gwarchodedig

Cais llawn i drosi stablau presennol i eiddo preswyl ynghyd a chodi estyniad unllawr

a)     Amlygodd y Rheolwr Cynllunio mai cais ydoedd ar gyfer trosi adeilad allanol presennol ynghyd a’i ymestyn er mwyn creu tŷ annedd unllawr newydd gyda thair llofft ar gyfer gweithiwr amaethyddol/busnes twristiaeth. Ategwyd bod y bwriad hefyd yn cynnwys addasu adeilad arall er mwyn darparu clwydfan ystlumod parhaol.

Eglurwyd bod y cais yn cael ei gyflwyno i bwyllgor gan fod gan yr ymgeisydd berthynas teuluol agos gyda Aelod Etholedig o’r Cyngor.

Yng nghyd-destun egwyddor y bwriad, amlygwyd bod polisi PCYFF 1 yn gofyn am gyfiawnhad dros ddatblygiadau newydd yng nghefn gwlad ynghyd a pholisi PS17 sy’n esbonio bod angen i geisiadau am dai menter wledig gydymffurfio a Pholisi Cynllunio Cymru a Nodyn Cyngor Technegol (NCT) 6: Cynllunio ar gyfer Cymunedau Gwledig Cynaliadwy gyda rhan 4.5 o NCT 6 yn ymwneud gydag ail anheddau ar ffermydd sefydledig. Nodwyd bod y polisi yn annog pobl iau i reoli busnesau fferm a hybu arallgyfeirio ar ffermydd sefydledig ac i gefnogi’r amcan polisi hwn gall fod yn briodol caniatáu ail annedd ar ffermydd sefydledig.

Adroddwyd, er mwyn gallu asesu’r bwriad yn erbyn gofynion y canllaw, derbyniwyd asesiad tŷ menter gwledig, cynllun busnes a chopi o gyfrifon y busnes. Mynegwyd bod yr ymgeisydd yn byw gyda'i wraig a dau o blant mewn tŷ teras oddeutu milltir a hanner o safle'r cais. Derbyniwyd tystiolaeth yn dangos fod angen 1.95 o weithwyr amaethyddol ar y daliad a bod y mab eisoes gyda phrif gyfrifoldebau o redeg y ffarm. Ystyriwyd y byddai’r bwriad yn dderbyniol yng nghyd-destun egwyddor y bwriad a bod trefniadau eisoes mewn lle i’r person ifancach fod yn rhedeg y busnes.

Cyfeiriwyd at y’r asesiad a’r manylion a gyflwynwyd gyda’r cais oedd yn datgan bod y busnes fferm bresennol yn hyfyw; wedi ei sefydlu’n gadarn, yn ariannol gadarn a bod tebygolrwydd o aros felly. Amlygwyd nad oedd gan y busnes dai neillog ar gael ac nad oes llety addas yn yr ardal leol ar gyfer yr ymgeisydd o ystyried ei rôl fel prif weithiwr amaethyddol y daliad. Ystyriwyd hefyd fod maint yr annedd yn rhesymol o ystyried angen yr ymgeisydd a maint y daliad. O ganlyniad, roedd yr Awdurdo Cynllunio Lleol yn mynegi’r farn bod egwyddor y datblygiad yn dderbyniol ac yn unol â pholisi PCYFF 1, PS 17 a’r Nodyn Cyngor Technegol 6.

Yng nghyd-destun mwynderau gweledol, cyffredinol a phreswyl ynghyd a dyluniad ac effaith weledol y bwriad, ystyriwyd bod yr addasiadau i’r adeilad yn sympathetig ac yn addas ar gyfer cyn adeilad ffarm ac na fyddai’n cael effaith niweidiol ar yr adeilad rhestredig gerllaw. O ystyried lleoliad y ffarm ymysg adeiladau arall, ni ystyriwyd y bydd yn cael effaith negyddol ar fwynderau gweledol yr ardal na’r AHNE.

Amlygwyd bod ystyriaeth lawn wedi ei roi i faterion archeolegol, trafnidiaeth, ieithyddol a bioamrywiaeth ac ni ddarganfuwyd unrhyw faterion o bwys. Wedi ystyried yr holl faterion cynllunio perthnasol yn llawn gan gynnwys polisïau a chanllawiau lleol a chenedlaethol, ystyriwyd fod y bwriad  ...  gweld y cofnod llawn ar gyfer eitem 8.