Rhaglen, penderfyniadau a chofnodion

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cynghorwyr Cai Larsen a Huw Rowlands. Cyng. Linda Ann Jones (Aelod Lleol cais 6.1)

I dderbyn unrhyw ddatganiad o fuddiant personol ac i nodi materion protocol. 

a)         Datganodd yr aelod canlynol ei fod yn aelod lleol mewn perthynas â’r eitem a nodir:

·         Y Cynghorydd Alan Jones Evans  (nad oedd yn aelod o’r Pwyllgor Cynllunio hwn), yn eitem 5 (cais am orchymyn dan Ddeddf Rheoli Traffig) ar y rhaglen

Nodi unrhyw eitemau sy’n fater brys ym marn y cadeirydd fel y gellir eu hystyried.

Fel mater o drefn, adroddwyd, gyda’r Cadeirydd yn ymuno yn rhithiol, mai’r Swyddog Cyfreithiol fyddai’n cyhoeddi canlyniadau’r pleidleisiau ar y ceisiadau.

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 20fed o Fai 2024 fel rhai cywir  

Fel mater o drefn, adroddwyd, gyda’r Cadeirydd yn ymuno yn rhithiol, mai’r Swyddog Cyfreithiol fyddai’n cyhoeddi canlyniadau’r pleidleisiau ar y ceisiadau.

I gymeradwyo gyflwyno gorchymyn clirffordd yn ar y B4403 rhwng Llanuwchllyn a’r Bala yn ei gyfanrwydd.

DECISION:

PENDERFYNIAD:

Cymeradwyo cyflwyno cynllun clirffordd ar y B4403 rhwng Llanuwchllyn a’r Bala yn ei gyfanrwydd

Cymuned Llangywer                           Ward: Llanuwchllyn a Llangywer

Bwriad: Gorchymyn Cyngor Gwynedd (Clirffordd 24awr) Llangywer 2023

Cyflwynwyd adroddiad gan y Rheolwr Gwasanaeth Traffig a Phrosiectau yn manylu ar y cynnig i gyflwyno gorchymyn rheoli traffig ar Ffordd Ddosbarth II - B4403 (Llangywer), mewn ymateb i gwynion a phryderon roedd yr Uned Draffig wedi eu derbyn gan Swyddogion Y Parc Cenedlaethol ac aelodau o Gyngor Plwyf Llangywer. Mynegwyd pryderon am effeithiau andwyol parcio diystyriol sydd wedi achosi tagfeydd traffig, sydd yn bryder i bobl leol, ond sydd yn amharu ar amser ymateb y gwasanaethau brys i argyfwng. Roedd yr Uned Drafnidiaeth yn cynnig gweithredu cyfyngiad clirffordd ar y ffordd ac fe ymgynghorwyd ar y cynnig rhwng Mawrth ac Ebrill 2023. Yn ystod y cyfnod ymgynghori derbyniwyd un gwrthwynebiad i’r bwriad gan aelod o’r cyhoedd. Cyfeiriwyd at y gwrthwynebiad oedd yn nodi bod y gorchymyn yn cymryd camau eithafol i ddatrys y sefyllfa, ynghyd ag ymateb y Cyngor i’r sylwadau.

Amlygwyd bod yr Aelod Lleol hefyd wedi cyflwyno barn ar y sefyllfa gan ategu pryderon swyddogion y Parc Cenedlaethol a’r gymuned leol.

Cynigiwyd ac eiliwyd i gyflwyno’r gorchymyn

Yn ystod y drafodaeth ddilynol, nodwyd y sylwadau canlynol gan yr aelodau:

·         Bod problemau dwys yn yr ardal yn ystod misoedd yr haf

·         Rhaid rhoi blaenoriaeth i ddiogelwch ffyrdd

·         Bod angen ystyried gosod arwyddion perthnasol yn amlygu bod angen cadw'r ffordd yn glir ar gyfer cerbydau brys - yn unol â chanllawiau’r Llywodraeth

·         Bod cyfle yma yn lleol, i greu ardal parcio fyddai yn lleddfu’r broblem

PENDERFYNWYD

Cymeradwyo cyflwyno cynllun clirffordd ar y B4403 rhwng Llanuwchllyn a’r Bala yn ei gyfanrwydd.

Cyflwyno adroddiad Pennaeth Adran Amgylchedd.

Rhoddodd y Pwyllgor ystyriaeth i’r ceisiadau canlynol i ddatblygu. Ymhelaethwyd ar fanylion y ceisiadau ac ymatebwyd i gwestiynau mewn perthynas â’r cynlluniau ac agweddau o’r polisïau

Cais o dan Adran 73 i amrywio amod 2 ar ganiatâd cynllunio 5/59/500 (Estyniad i'r Chwarel Lechi ac ail gyfeirio Ffyrdd y Chwarel) er mwyn ymestyn yr amser ar gyfer cloddio a gweithio deunydd hyd at 2048 yn Chwarel Cwt y Bugail, Cwm Teigl, Llan Ffestiniog  

AELOD LLEOL: Cynghorydd Linda Ann Jones

Dolen i'r dogfennau cefndir perthnasol

PENDERFYNIAD:

Dirprwyo'r hawl i Bennaeth yr Adran Amgylchedd gymeradwyo'r cais, gydag amodau'n ymwneud â'r canlynol:

·        Y gwaith i ddod i ben ar 31/12/2048, adfer y safle erbyn 31/12/2049.

·        Gweithgareddau a ganiateir a chydymffurfiaeth â’r lluniad / manylion / cynlluniau / gwybodaeth a gyflwynwyd.

·        Marcio ffin y safle ac ardaloedd cloddio am fwynau ynghyd â'r ardaloedd tipio.

·        Dirymu hawliau GPDO Rhannau 19 a 21 ar gyfer offer neu beiriannau sefydlog, adeiladau a strwythurau a gwastraff mwynau.

·        Terfyn allforio o 15,000 tunnell y flwyddyn.

·        Deunydd wedi'i allforio wedi'i gyfyngu i'r briffordd gyhoeddus bresennol.

·        Gweithrediadau tipio i'w cyfeirio tuag at y tirffurf terfynol.

·        Capasiti tipio wedi'i ddiweddaru.

·        Rheoli cyfyngiadau sŵn.

·        Cyfyngu ar ffrwydro rhwng 07:00 a 20:00 o ddydd Llun i ddydd Sadwrn. Dim ffrwydro ar ddydd Sul na gwyliau banc na chyhoeddus. ⁠

·        Cyflymder gronynnau brig wedi'i gyfyngu i 50mm/ s ar gyfer 95% o ffrwydradau gorlwytho dros gyfnod o dri mis a heb fod yn fwy na 60mm/ s ar unrhyw adeg.

·        Rhaid mesur anterth cyflymder gronynnau ar y pwynt agosaf at safle'r ffrwydrad o fewn yr ardal gysgodol a ddangosir yn Lluniad Cyfeirnod WCYBG2312 Rhif 10.

·        Monitro gweithrediadau ffrwydro i gofnodi cyflymder gronynnau brig.

·        Adolygiad bob pum mlynedd o’r gweithrediadau.

·        Cyflwyno'r adolygiad cyntaf o fewn 12 mis.

·        Cynllun Adfer manwl.

·        Gwaith adfer graddol / blaengar.

·        5 mlynedd ôl-ofal/monitro.

·        Bydd cynllun ailfodelu tirffurf yn cael ei gymhwyso i feinciau Chwarel y North Pole a wynebau cysylltiedig fel y nodir ar gynlluniau ar gyfer creu tirffurf sefydlog a nodweddion i gyd-fynd â bwtresi a chreigiau a sgri cyfagos.

·        Ar ôl rhoi'r gorau i weithio, bydd y chwareli/peiriannau/deunyddiau/offer yn cael eu clirio a bydd y safle’n cael ei gadael mewn cyflwr glân/taclus, meinciau chwarel yn cael eu paratoi, eu trin a'u plannu gyda fflora o darddleoedd lleol, ffyrdd cludo i gael eu symud.

·        Cyfyngu mynediad i dda byw i'r ardaloedd sydd wedi'u hadfer.

·        Dim peiriannau nac offer i'w gweithredu heb sgriniau 'lladd' sain priodol ac wedi'u cynnal yn iawn, distawyddion ac ati.

·        Bydd pob cerbyd sy'n cludo deunydd crai neu wastraff yn cael eu gweithredu mewn modd fel nad ydynt yn cynhyrchu gormod o sŵn.

·        Dim gweithrediadau fydd yn achosi i lwch ffoi godi a bod pob ardal sy'n cael eu tramwyo gan gerbydau yn cael eu dyfrio i lawr.

·        Bydd cael gwared ar lystyfiant, atgyweirio neu ddymchwel adeiladau a gweithio ardaloedd ble yn flaenorol cafodd mwynau eu tynnu/chwarelu/tipio yn digwydd y tu allan i'r tymor nythu er mwyn gwarchod adar sy'n nythu. Ecolegydd cymwys  ⁠

·        Dim gweithrediadau i'w gwneud ar yr wyneb heb dynnu a storio'r pridd uchaf, isbriddoedd a mawn.

·        Priddoedd uchaf ac isbriddoedd i'w hailddefnyddio cyn gynted â phosibl (Wrth adfer).

·        Priddoedd uchaf i gael eu storio mewn twmpathau heb fod yn fwy na 2m o uchder.

·        ⁠Cofnodi adeilad hanesyddol y cyfleusterau storio celf a Chynllun Ymchwilio Ysgrifenedig.

·        Cynllun monitro a difa rhywogaethau anfrodorol/ymledol.

Cais o dan Adran 73 i amrywio amod 2 ar ganiatâd cynllunio 5/59/500 (Estyniad i'r Chwarel Lechi ac ail gyfeirio Ffyrdd y Chwarel) er mwyn ymestyn yr amser ar gyfer cloddio a gweithio deunydd hyd at 2048 yn Chwarel Cwt y Bugail, Cwm Teigl, Llan Ffestiniog

Tynnwyd sylw at y ffurflen sylwadau hwyr oedd yn cynnwys sylwadau yn ymwneud  a threftadaeth a thrafnidiaeth

a)    Amlygodd yr Uwch Swyddog Cynllunio Mwynau a Gwastraff bod Chwarel Cwt y Bugail wedi ei  lleoli ar grib Manod Mawr ac yn cynnwys chwareli Manod, Graig Ddu a Bwlch y Slater. Adroddwyd bod y chwarel hefyd yn cynnwys ardal i brosesu a storio sydd wedi eu lleoli ar lwyfandir (wedi ei greu o domen gwastraff llechi) ar lethrau dwyreiniol y mynydd ac yn cynnwys siediau torri, ardal storio, siediau ffitio, maes parcio staff, swyddfa a chyfleusterau llesiant. Er eglurder, ategwyd nad oedd yr ardal brosesu'r chwarel, y siediau torri, gweithdai, maes parcio staff ac isadeiledd cysylltiedig eraill i'r dwyrain o wagle'r chwarel wedi eu cynnwys yng nghaniatâd cynllunio 5/59/500. Er hynny, roedd Cytundeb Adran 106 cysylltiedig yn berthnasol i'r holl safle ac yn sicrhau bod cynigion adfer yn cael eu gweithredu. ⁠

Eglurwyd bod ardal gronnus gwaith y chwarel (sydd wedi ei gynnwys yn y cais Cynllunio) yn fwy na 25ha ac felly dros drothwy datblygiadau Atodlen 1 dan y Rheoliadau Cynllunio Gwlad a Thref (Asesu Effaith Amgylcheddol) 2017. Cyflwynwyd Datganiad Amgylcheddol (DA) fel rhan o'r Asesiad Effaith Amgylcheddol (EIA) mewn ymateb i'r gofyniad hwn. 

Yng nghyd-destun egwyddor y datblygiad nodwyd, ar hyn o bryd mai’r polisïau cynllunio lleol perthnasol oedd Polisi Mwynau Strategol PS 22 a Pholisi MWYN 3 Cynllun Datblygu Lleol ar y Cyd Gwynedd ac Ynys Môn 2011 (CDLl). Datgan Polisi PS 22 y bydd y Cyngor yn cyfrannu at y galw rhanbarthol a lleol parhaus am gyflenwad o fwynau yn unol ag amcanion allweddol datblygu cynaliadwy. Nodwyd hefyd bod Polisi Cynllunio Cymru - Argraffiad 12 (PCC 12) yn ymgorffori polisïau cynllunio Llywodraeth Cymru ar gyfer datblygiadau mwynau ym Mholisi Cynllunio Mwynau Cymru (2001).  Yn unol â gofyn PCC 12, mae gan Cyngor Gwynedd fel yr Awdurdod Cynllunio Mwynau ddyletswydd i sicrhau bod adnoddau mwynau yn cael eu defnyddio mewn modd cynaliadwy, fel y gallant gyfrannu'n briodol at ofynion deunyddiau adeiladu'r ardal. ⁠Ategwyd bod y cais hefyd yn cydymffurfio a meini prawf Polisi MWYN 3 sydd yn caniatáu cynigon datblygu ar gyfer chwilio am fwynau, mwyngloddio neu ymestyn gweithfeydd presennol i gynnal banc tir agregau ardal y Cynllun neu ddiwallu’r galw am fwynau eraill. ⁠ ⁠

Yng nghyd-destun mwynderau gweledol a’r dirwedd, nodwyd y byddai’r datblygiad arfaethedig yn achosi effeithiau uniongyrchol i dirwedd safle'r cais nad oes modd eu hosgoi oherwydd natur echdynnu mwynau. Fel rhan o'r dogfennau ategol, roedd yr ymgeisydd wedi darparu Arfarniad Tirwedd a Gweledol (LVIA) sy'n ystyried sensitifrwydd dynodiadau tirwedd, ardaloedd preswyl a derbynyddion hamdden cyfagos.  ...  gweld y cofnod llawn ar gyfer eitem 7.