Rhaglen, penderfyniadau a chofnodion drafft

I dderbyn unrhyw ymddiheuriadau am absenoldeb

Derbyniwyd ymddiheuriadau gan John Brynmor Hughes, a Robin Williams (Cyngor Sir Ynys Môn)

Yn dilyn penderfyniad y Cyng. R Medwyn Hughes i sefyll i lawr fel Aelod, a Chyn-gadeirydd o’r Pwyllgor Pensiynau, diolchwyd iddo am ei waith a’i gefnogaeth i’r Pwyllgor dros ei gyfnod fel Aelod.

I dderbyn unrhyw ddatganiad o fuddiant personol

Dim i’w nodi

Nodi unrhyw eitemau sy’n fater brys ym marn y Cadeirydd fel y gellir eu hystyried.

Dim i’w nodi

I ystyried a nodi cynnwys yr adroddiad yma a’r atodiadau.

Argymell y Cytundeb Rhyng-Awdurdod (IAA) diwygiedig i'r Cyngor Llawn ar 5 Mawrth 2026 am gymeradwyaeth fel mater wedi ei neilltuo.

PENDERFYNIAD:

Nodi cynnwys yr adroddiad yma a’r atodiadau.

Argymell y Gytundeb Rhyng-Awdurdod (IAA) ddiwygiedig i'r Cyngor llawn ar 5 Mawrth 2026 am gymeradwyaeth fel mater wedi ei neilltuo

Cyflwynwyd adroddiad gan y Pennaeth Cyllid a’r Rheolwr Buddsoddi yn amlygu'r angen i’r Pwyllgor argymell yn ffurfiol i’r Cyngor Llawn gymeradwyo’r Cytundeb Rhyng-Awdurdod (IAA).

Atgoffwyd yr Aelodau mai fframwaith cyfreithiol a  llywodraethu ffurfiol sydd yn rhwymo wyth awdurdod gweinyddu Cynllun Pensiwn Llywodraeth Leol Cymru i Bartneriaeth Pensiwn Cymru yw’r Cytundeb Rhyng-Awdurdod. Adroddwyd bod y Cytundeb Rhyng-Awdurdod (IAA) wedi ei gymeradwyo yn gyntaf yn 2017 pan sefydlwyd PPC, ond yn dilyn ymgynghoriad ‘Addas i’r Dyfodol’, a’r addasiadau oedd eu hangen i sicrhau cydymffurfiaeth â gofynion Llywodraeth y DU, sefydlwyd ac ymgorfforwyd cwmni rheoli buddsoddiadau ‘WPP IM Co. O ganlyniad, ystyriwyd ei bod yn angenrheidiol cynnal adolygiad cynhwysfawr o’r IAA i sicrhau ei fod yn parhau i fod yn briodol. Ategwyd, er bod  PPC  wedi  bod yn  llwyddiannus gyda llywodraethiant a threfniadau da yn arwain at ddychweliadau da, nid oedd Llywodraeth y Deyrnas Unedig yn fodlon parhau â’r trefniant ac felly bu rhaid ffurfio cwmni buddsoddi newydd; o dan ofynion ‘Addas i’r Dyfodol’ bydd addasiadau sylweddol i’r strwythur presennol, fydd angen bod yn weithredol erbyn y 1af o Ebrill 2026.

Cyfeiriwyd at brif newidiadau'r strwythur newydd ynghyd a’r nodyn sicrwydd roedd Hymans Robertson (ymgynghorydd goruchwylio a llywodraethu PPC) wedi ei baratoi i’r wyth awdurdod gweinyddol. Nodwyd bod y nodyn sicrwydd, yn cynnwys mewnbwn gan yr wyth awdurdod, ac yn rhoi trosolwg annibynnol ar y drefn newydd a’r diwygiadau allweddol arfaethedig oedd yn rhan o’r argymhelliad.

Tynnwyd sylw at waith a  baratowyd gan Burges Salmon (cynghorydd cyfreithiol PPC) oedd yn manylu at holl ddiwygiadau arfaethedig i’r IAA. Rhoddwyd sicrwydd i’r Pwyllgor bod sawl haen o oruchwyliaeth wedi craffu’r cytundeb arfaethedig oedd yn cynnwys trafodaethau gyda’r Grŵp Llywio, a Swyddogion Monitro'r wyth awdurdod gweinyddol wedi rhoi mewnbwn i sicrhau bod y Cynghorau unigol yn ddiogel; Bydd pob un o’r wyth awdurdod gweinyddol yn dilyn yr un drefn i gymeradwyo’r Cytundeb Rhyng-Awdurdod.

Diolchwyd am yr adroddiad.

Diolchwyd am y gwaith cefndirol oedd wedi ei wneud i baratoi’r cytundeb o fewn amserlen dynn, ac i Hymans Robertson a Burges Salmon ar eu gwaith craffu da o amlygu’r goblygiadau.

Diolchwyd am y gweithdy rhannu gwybodaeth a drefnwyd ar gyfer aelodau’r Pwyllgor Pensiynau a’r Bwrdd Pensiwn (23-02-26) y drafodaeth wedi bod yn werthfawr a buddiol ac wedi ei gynnal o fewn awyrgylch hynaws – yn rhoi sicrwydd bod y Pwyllgor yn gwneud penderfyniadau cywir.

Sylwadau yn codi o’r drafodaeth ddilynol:

·        Pryder bod rôl y Pwyllgor yn ymddangos fel corff goruchwylio ac yn colli’r hawl o fod yn rhan o drafodaeth buddsoddiadau

·        Pryder bod y Pwyllgor yn colli’r rôl reolaethol a’u cyfrifoldebau

·        Pam mai Uwch Swyddog ac nid Aelod sydd ar y Fforwm Cyfranddalwyr? Cyfle yn cael ei golli o gael llais Aelodau ar y Fforwm - bydd y cyhoedd yn cysylltu / rhannu eu pryderon gydag Aelodau Etholedig os na fydd pethau yn  mynd yn dda, felly doeth fyddai iddynt gael mewnbwn

·        Rhaid pwysleisio mai ymateb i ofynion statudol yw cymeradwyo’r Cytundeb Rhyng-Awdurdod

·        Bod ansawdd y gwaith cefndirol o safon uchel iawn,  ...  view the full COFNODION text for item 4.

Bydd y Cadeirydd yn cynnig y dylid cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraff  Paragraff 14 o Atodiad 12A o Ddeddf Llywodraeth Leol 1972 Gwybodaeth ynglŷn â thrafodion ariannol neu fusnes unrhyw berson penodol (cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig mewn bod yn agored ynglŷn â defnydd adnoddau cyhoeddus a materion ariannol cysylltiedig. Cydnabyddir fodd bynnag fod adegau, er gwarchod buddiannau ariannol awdurdod cyhoeddus fod angen trafod gwybodaeth fasnachol heb ei gyhoeddi. Byddai cyhoeddi gwybodaeth fasnachol sensitif o’r math yma yn amhriodol o ran buddiannau cydnabyddedig trydydd bartïon ac yn gallu tanseilio hyder i ddod a gwybodaeth ymlaen gerbron y Cyngor a felly gallu’r Cyngor i wneud penderfyniadau ar ran y gronfa. Byddai hyn yn groes i’r budd cyhoeddus ehangach o sicrhau gwerth am arian a’r allbwn cyfansawdd gorau ac felly am y rhesymau yma mae’r mater yn gaeedig er y budd cyhoeddus.

PENDERFYNWYD cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972 Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig mewn bod yn agored ynglŷn â defnydd adnoddau cyhoeddus a materion ariannol cysylltiedig. Cydnabyddir fodd bynnag fod adegau, er gwarchod buddiannau ariannol cyhoeddus fod angen trafod gwybodaeth fasnachol heb ei gyhoeddi. Mae’r adroddiadau yn benodol ynglŷn â phroses gaffael arfaethedig. Byddai cyhoeddi gwybodaeth fasnachol sensitif o’r math yma yn gallu bod yn niweidiol i fuddiannau’r Cyngor a’i bartneriaid drwy danseilio cystadleuaeth. Byddai hyn yn groes i’r budd cyhoeddus ehangach o sicrhau'r allbwn cyfansawdd gorau. Am y rhesymau hyn mae’r materion yn gaeedig er y budd cyhoeddus.

I ystyried yr adroddiad

Cymeradwyo'r Cytundeb Cyfranddalwyr (SHA) sydd newydd ei greu, sy'n ofyn cyfreithiol.

Cymeradwyo'r Cytundeb Gwasanaeth Cleientiaid (CSA) sydd newydd ei greu, sy'n ofyn cyfreithiol.

Lle bo hynny’n briodol, i ddirprwyo pwerau i'r Pennaeth Cyllid, mewn ymgynghoriad â Chadeirydd y Pwyllgor Pensiynau, i wneud mân ddiwygiadau i'r cytundebau, ar yr amod na fydd yn newid sylwedd y cytundebau.

(copi i’r Aelodau yn unig)

PENDERFYNIAD

1. Cymeradwyo'r Cytundeb Cyfranddalwyr (SHA) sydd newydd ei greu, sy'n ofyn cyfreithiol.

2. Cymeradwyo'r Cytundeb Gwasanaeth Cleientiaid (CSA) sydd newydd ei greu, sy'n ofyn cyfreithiol.

3. Lle bo hynny’n briodol, i ddirprwyo pwerau i'r Pennaeth Cyllid, mewn ymgynghoriad â Chadeirydd y Pwyllgor Pensiynau, i wneud mân ddiwygiadau i'r cytundebau, ar yr amod na fydd yn newid sylwedd y cytundebau

4. Ymhen 12 - 18 mis, dylid adolygu'r Cytundeb Cyfranddalwyr (SHA) i archwilio sut i gynnwys cynrychiolwyr etholedig mewn swyddogaeth di-bleidlais.

5. Fel rhan o raglen waith y Pwyllgor, bod angen edrych ar wella trefniadau craffu a herio adroddiadau PPC IM Co

6. Bod angen cynnwys cymal yn rhaglen waith y Pwyllgor i roi ystyriaeth i gyfleoedd buddsoddi yn lleol / a neu ystyriaeth i gynigion o fuddsoddi yn lleol

Cyflwynwyd adroddiad gan y Pennaeth Cyllid a’r Rheolwr Buddsoddi mewn ymateb i fodloni uchelgeisiau "Addas ar gyfer y Dyfodol" Llywodraeth y Deyrnas Unedig (bydd disgwyl iddynt ddod yn Ddeddfwriaeth ar 31 Mawrth 2026), drwy  wneud newidiadau angenrheidiol i drefniadau llywodraethu presennol Partneriaeth Pensiwn Cymru (PPC) tra hefyd yn cyflwyno dogfennau annibynnol newydd - Cytundeb Cyfranddalwyr (SHA) a Chytundeb Gwasanaethau Cleientiaid (CSA).

Eglurwyd, yn wahanol i’r Cytundeb Rhyng-Awdurdod, bod y Cyngor Llawn (Gorffennaf 2025) wedi dirprwyo’r hawl i’r Pwyllgor Pensiynau gymeradwyo dogfennaeth ffurfiol derfynol ar gyfer gweithredu’r Cwmni Rheoli Buddsoddi  a rhoi hawl i Swyddog Adran 151 mewn ymgynghoriad â Chadeirydd y Pwyllgor Pensiynau i fwrw ymlaen gyda Phrosiect yr Wyddfa gydag Awdurdodau Gweinyddu PPC yn unol ag amserlen y Llywodraeth o fewn y gyllideb gymeradwy.

Trafodwyd Cytundeb Cyfranddalwyr (SHA) a’r Cytundeb Gwasanaethau Cleientiaid (CSA).

PENDERFYNWYD

1.         Cymeradwyo'r Cytundeb Cyfranddalwyr (SHA) sydd newydd ei greu, sy'n ofyn cyfreithiol.

2.         Cymeradwyo'r Cytundeb Gwasanaeth Cleientiaid (CSA) sydd newydd ei greu, sy'n ofyn cyfreithiol.

3.         Lle bo hynny’n briodol, i ddirprwyo pwerau i'r Pennaeth Cyllid, mewn ymgynghoriad â Chadeirydd y Pwyllgor Pensiynau, i wneud mân ddiwygiadau i'r cytundebau, ar yr amod na fydd yn newid sylwedd y cytundebau

4.         Ymhen 12 - 18 mis, dylid adolygu'r Cytundeb Cyfranddalwyr (SHA) i archwilio sut i gynnwys cynrychiolwyr etholedig mewn swyddogaeth ddibleidlais.

5.         Fel rhan o raglen waith y Pwyllgor, bod angen edrych ar wella trefniadau craffu a herio adroddiadau PPC IM Co

6.         Bod angen cynnwys cymal yn rhaglen waith y Pwyllgor i roi ystyriaeth i gyfleoedd buddsoddi yn lleol / a neu ystyriaeth i gynigion o fuddsoddi yn lleol