Rhaglen a chofnodion

I ethol Cadeirydd ar gyfer 2022 / 2023

Penderfynwyd ethol y Cynghorydd Hywel Eifion Jones yn Gadeirydd y Bwrdd ar gyfer 2022-23

Diolchwyd i’r cyn gynghorydd Aled Evans am ei waith fel Cadeirydd y Bwrdd dros y flwyddyn ddiwethaf

I ethol Is gadeirydd 2022 / 2023

PENDERFYNWYD ethol Mr Huw Trainor yn Is-gadeirydd y Bwrdd ar gyfer 2022-23

I dderbyn unrhyw ymddiheuriadau am absenoldeb

Dim i’w nodi

Amlygodd Cyfarwyddwr y Gronfa, yn dilyn ymadawiad y Cyng Aled Evans, bod swydd wag ar gyfer cynrychiolydd cyflogwyr ar y Bwrdd. Ategodd bod hysbyseb wedi mynd allan i’r Aelodau am enwebiad. Nododd bod tri ymateb wedi ei dderbyn hyd yma ac mai’r dyddiad cau oedd y 1af o Awst 2022

I dderbyn unrhyw ddatganiad o fuddiant personol

Dim i’w nodi

Nodi unrhyw eitemau sy’n fater brys ym marn y cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 4ydd Ebrill 2022 fel rhai cywir  

Llofnododd y Cadeirydd gofnodion cyfarfod blaenorol y pwyllgor hwn a gynhaliwyd 04 Ebrill 2022 fel rhai cywir.

I ystyried yr adroddiad

a)    Cyflwynwyd, er gwybodaeth, adroddiad gan y Rheolwr Buddsoddi yn darparu manylion gweithgareddau ariannol y Gronfa Bensiwn yn ystod y flwyddyn a ddaeth i ben Mawrth 31ain 2022. Amlygwyd bod y Pennaeth Cyllid, Mr Dewi Morgan, yn ei rôl fel Swyddog Cyllidol Cyfrifol, eisoes wedi ardystio’r cyfrifon drafft a bod y cyfrifon, a oedd wedi eu cwblhau o fewn amserlen heriol, bellach yn destun archwiliad gan Archwilio Cymru

Adroddwyd bod y cyfrifon yn dilyn ffurf statudol CIPFA gyda’r canllawiau yn dehongli beth sydd i’w gyflwyno yn y cyfrifon. Nodwyd bod y flwyddyn wedi bod yn un brysur i’r gronfa gyda throsglwyddiad marchnadoedd datblygol i Bartneriaeth Pensiwn Cymru, gosod targed sero net, a monitro effaith digwyddiadau megis rhyfel Wcráin. Tynnwyd sylw at Gyfrif y Gronfa gan nodi bod y ffigyrau yn eithaf cyson.  Cyfeiriwyd at leihad yn y costau rheoli o flwyddyn 2021/22 (oedd yn eithriad mewn gwirionedd) oherwydd ffioedd uchel gan Partners (oedd yn cyd-fynd a’u perfformiad) a chostau trosglwyddiadau i Bartneriaeth Pensiwn Cymru. Adroddwyd bod y sefyllfa bellach wedi sefydlogi.

Cyfeiriwyd at gynnydd yng ngwerth marchnad y gronfa o £247 miliwn oedd yn dod a gwerth y gronfa bellach i £2.7biliwn. Nodwyd, yn dilyn cwblhau’r archwiliad bydd y fersiwn derfynol yn cael ei chyflwyno am gymeradwyaeth i’r Pwyllgor Pensiynau

Diolchwyd am yr adroddiad.

b)    Yn ystod y drafodaeth ddilynol nodwyd y sylwadau canlynol gan aelodau:

·         Bod cynnydd eto yng ngwerth y gronfa hyd ddiwedd Mawrth er gwaethaf ansefydlogrwydd

·         Awgrym i nodi perfformiad Gwynedd yn nhermau lefelau cyllideb yn unol â diweddariad annibynnol Hymans Robertson i feini prawf Prisiad Adran 13.

c)    Mewn ymateb i gwestiwn ynglŷn â pherfformiad marchnad stoc siomedig, gydag effaith amlwg rhyfel Wcráin a chyfraddau chwyddiant, nodwyd mai dychweliadau  tymor hir yw prif amcan y buddsoddi, ac er gwaethaf perfformiad y farchnad stoc, bod cynnydd sylweddol wedi bod ers y prisiad diwethaf

PENDERFYNWYD derbyn y wybodaeth.

I ystyried yr adroddiad

a)    Cyflwynwyd adroddiad gan y Rheolwr Buddsoddi yn hysbysu’r Aelodau o’r gwaith monitro chwarterol (a blynyddol) sydd yn cael ei wneud gan y Panel Buddsoddi ar berfformiad buddsoddiadau’r Gronfa Bensiwn. Adroddwyd bod Cronfa Bensiwn Gwynedd mewn sefyllfa gymharol iach gyda gwerth y gronfa bellach yn £2.7 biliwn ac wedi cynyddu yn raddol ers 2011.

Er cafwyd perfformiad o 10.0% gan y Gronfa, siom oedd bod hyn islaw'r meincnod am y flwyddyn. Er hynny, nodwyd bod sefyllfa fel hyn yn gyffredin i gronfeydd cynlluniau pensiwn llywodraeth leol, a bod perfformiad Cronfa Bensiwn Gwynedd yn parhau i fod o fewn chwartel uchaf cronfeydd Prydain a hynny yn safle 23 allan o 100.

Yng nghyd-destun perfformiad rheolwyr buddsoddi ecwiti lle gwelwyd canran uchel o fuddsoddiadau’r Gronfa wedi ei buddsoddi, amlygwyd bod y perfformiad, a oedd yn is na’r meincnod, yn cael ei yrru gan berfformiad negyddol Baille Gifford yng ngronfa Global Growth. Ategwyd bod Baillie Gifford wedi perfformio yn wych dros y blynyddoedd blaenorol a phwysleisiwyd pwysigrwydd yn yr angen i asesu dros gyfnod o oleiaf tair blynedd yn y maes yma cyn codi pryderon.

Yng nghyd-destun rheolwyr incwm sefydlog, eglurwyd bod y perfformiad yma hefyd wedi bod islaw’r meincnod gydag ansefydlogrwydd ym marchnad Rwsia. Ategwyd bod y buddsoddiadau hyn yn weddol newydd (wedi dechrau buddsoddi yn y ddwy flynedd diwethaf) ac felly’r sefyllfa yn cael ei monitro’n rheolaidd i sicrhau nad oes lleihad pellach.

Cyfeiriwyd at berfformiad hanesyddol y Gronfa dros y ddegawd ddiwethaf gan nodi pwysigrwydd asesu’r perfformiad dros nifer o flynyddoedd gan mai buddsoddi tymor hir yw’r amcan. Ategwyd bod gwerth y gronfa wedi cynyddu yn raddol ers peth amser, a bod y Gronfa yn safle 7 allan o holl gronfeydd Cynllun Pensiwn Llywodraeth Lleol, ac felly wedi perfformio’n dda.

Diolchwyd am yr adroddiad

b)    Mewn ymateb i gwestiwn ynglŷn â pherfformiad Baille Gifford a phryd fydd Hymans yn camu i mewn petai perfformiad gwael yn gyffredin dros amryw o flynyddoedd, amlygwyd bod y mater wedi ei drafod yn ddiweddar mewn cyfarfod o Bartneriaeth Pensiwn Cymru lle daethpwyd i’r canlyniad y byddai rhaid ymgynghori gyda’r Bartneriaeth cyn cyflwyno’r farn i’r Cydbwyllgor am benderfyniad.  Ategwyd bod Baille Gifford wedi bod yn gyfrifol am berfformiad rhagorol yn flaenorol oedd yn rhoi hyder yn y cwmni. Nodwyd bod trafodaethau yn cael eu cynnal ac er bod y cyfnod yn un ansicr, bod hyder yn eu dewisiadau stoc a chred y daw pethau yn dda.

Ategodd Cadeirydd y Pwyllgor Pensiynau bod rhaid ystyried sicrwydd ansawdd a bod cynnal trafodaethau yn hanfodol.

c)    Mewn ymateb i gwestiwn ynglŷn â chysylltiadau i droseddau hawliau dynol trafodwyd datblygiadau cenedlaethol ynghylch materion megis symudiad ‘Boycott, Divestment, Sanctions (BDS) gan sicrhau bod y Bwrdd yn ymwybodol o faterion neu honiadau sydd yn codi yn y wasg. Awgrymwyd gwneud cais i’r Rheolwyr, neu i’r Darparwr Pleidleisio ac Ymgysylltu (Robeco), am wybodaeth a bod trafodaeth ar y cyd gydag aelodau’r Pwyllgor Pensiynau mewn sesiynau chwarterol gyda Rheolwyr yn cael ei drefnu.

PENDERFYNWYD derbyn  ...  view the full COFNODION text for item 8.

Penderfynu pwy fydd yn mynychu'r digwyddiadau

a)    Enwebwyd yr aelodau isod i fynychu’r digwyddiadau

08-09-22 – 09-09-22 LGC Investments Summit, Leeds

Osian Richards

07-12-22 – 09-12-22 Cynhadledd LAPFF, Bournemouth

Osian Richards

19-01-23 – 20-01-23 LGA PF Governance, Caerdydd

Sioned Parry

Nodwyd bod dyddiadau Cynhadledd Carden Park Mawrth 2023 i’w cadarnhau cyn rhannu gwahoddiad

b)    Enwebwyd yr aelodau isod i arsylwi Pwyllgorau Pensiwn 2022-23

12-09-22 Huw Trainor

14-11-22 Eifion Jones

18-01-23 Sioned Parry

27-03-23 Sharon Warnes

Yn ychwanegol, bydd gwahoddiad i’r holl aelodau fynychu (Fforwm Cyflogwyr Cronfa Bensiwn Gwynedd (26-10-22) a Chyfarfod Blynyddol Cronfa Bensiwn Gwynedd (24-11-22)

I ystyried yr adroddiad

a)     Cyflwynwyd adroddiad cynhwysfawr gan y Rheolwr Pensiynau yn rhoi trosolwg cyffredinol o weinyddu pensiwn dros y 6 mis diwethaf ynghyd a gwybodaeth am y gwaith a gyflawnwyd dros y cyfnod, diweddariad ar amrywiol brosiectau ynghyd a rhestr o’r heriau yr oedd yr Uned Weinyddu yn eu hwynebu o ddydd i ddydd. Amlygwyd, yn unol â chais y Bwrdd, bod manylion cwynion a dderbyniwyd yn ystod y cyfnod wedi cael eu cynnwys

Diolchwyd am yr adroddiad.

b)     Yn ystod y drafodaeth ddilynol nodwyd y sylwadau canlynol gan aelodau:

·         Er prinder staff a phroblemau recriwtio bod yr uned yn parhau i godi safon

·         Yn llongyfarch pedwar aelod o staff am gwblhau cwrs Gradd Sylfaen Mewn Gweinyddu a Rheoli Pensiynau

·         Yn llongyfarch y gwelliant ar yr hyn oedd yn dda yn y lle cyntaf

·         Bod y gwasanaeth hunanwasanaeth a’r cynllun i-connect yn derbyn sylwadau positif iawn

·         Bod yr adroddiad yn rhoi sicrwydd i’r Bwrdd bod pethau yn mynd i’r cyfeiriad cywir.

c)      Mewn ymateb i sylw bod staff wedi cael eu secondio allan o’r uned i gynorthwyo gyda chartrefu ffoaduriaid Wcráin yng Ngwynedd ac a fyddai modd cynnig secondiad i eraill ymuno a’r Tîm, nodwyd nad oedd dewis i ryddhau aelod ar secondiad, ond bod pob ymgais yn cael ei wneud i ddenu staff newydd.

  ch)     Mewn ymateb i sylw ynglŷn â bod oddeutu 3% o aelodau’r gronfa heb gyfeiriad penodol, awgrymwyd ymweld â’r cyfeiriad a chynnal sgwrs gyda’r aelod ynglŷn â’u cynllun pensiwn.

          PENDERFYNWYD derbyn yr adroddiad