Rhaglen, penderfyniadau a chofnodion drafft

I ethol Cadeirydd ar gyfer 2025/26.

Ethol y Cynghorydd Wendy Cleaver fel Cadeirydd Pwyllgor Ymgynghorol Harbwr Abermaw ar gyfer 2025/26.

PENDERFYNWYD

Ethol y Cynghorydd Wendy Cleaver fel Cadeirydd Pwyllgor Ymgynghorol Harbwr Abermaw ar gyfer 2025/26.

I ethol Is-Gadeirydd ar gyfer 2025/26.

Ethol y Cynghorydd Eryl Jones-Williams fel Is-gadeirydd Pwyllgor Ymgynghorol Harbwr Abermaw ar gyfer 2025/26.

PENDERFYNWYD

Ethol y Cynghorydd Eryl Jones-Williams fel Is-gadeirydd Pwyllgor Ymgynghorol Harbwr Abermaw ar gyfer 2025/26.

I dderbyn unrhyw ymddiheuriad am absenoldeb.

Derbyniwyd ymddiheuriadau gan Robert Williams (Cyngor Tref Abermaw ), Ashley Field (Ras Hwylio'r Tri Chopa), Robert Aeron Williams (Grŵp Gwella Cyrchfannau Abermaw).

I dderbyn unrhyw ddatganiadau o fuddiant personol.

Ni dderbyniwyd unrhyw ddatganiad o fuddiant personol.

I ystyried adroddiad gan yr Uwch Swyddog Harbyrau.

Nodi a derbyn yr adroddiad.

Cyflwynwyd yr adroddiad gan yr Uwch Swyddog Harbyrau a Harbwrfeistr Abermaw.

Data Perfformiad

Cyflwynwyd yr adroddiad gan yr Uwch Swyddog Harbyrau.

Mynegwyd balchder bod nifer y cytundebau angori yn yr harbwr wedi cynyddu yn ystod y tymor. Yn ogystal, gwelwyd cynnydd o 10% yn nifer y cychod pŵer a gofrestrwyd y tymor hwn o’i gymharu ag y llynedd.

Soniwyd am y system gofrestru ar lein sy’n cael ei defnyddio er mwyn ceisio arbed papur.

Adborth a gafwyd am Harbwr Abermaw

Eglurwyd bod codau QR i’w gweld o gwmpas yr harbwr er mwyn i gwsmeriaid allu rhoi adborth ar yr harbwr. Datgelwyd bod cynnydd yn yr adborth cadarnhaol sydd wedi ei dderbyn o gyfnod 2023/24 hyd at eleni.

Tywyswyd y pwyllgor drwy’r adborth cadarnhaol a dderbyniwyd, gan dynnu sylw at y ffaith mai tîm o staff ifanc sy’n gweithio yn yr harbwr. Nodwyd eu bod yn darparu gwasanaeth o’r safon uchaf, fel sydd i’w weld o’r adborth.

Ategwyd bod yr angorfeydd newydd i ymwelwyr wedi gweithio’n wych gan ei gwneud yn haws ac yn fwy diogel i ymwelwyr ddod i’r harbwr.

Symudwyd ymlaen i drafod yr adborth negyddol a dderbyniwyd, gan nodi bod pob adborth yn cael ei gydnabod a bod ymdrechion parhaol i wella’r harbwr yn cael eu gwneud.

 Cod Diogelwch Morol a Chyfleusterau Porthladd (PMSC)

Nodwyd bod y Cod Diogelwch hwn yn amlinellu'r safon genedlaethol ar gyfer pob agwedd ar ddiogelwch morol porthladdoedd. Eglurwyd bod archwiliadau gan arbenigwr allanol yn cael eu cynnal er mwyn sicrhau fod yr harbwr yn cyd-fynd â gofynion y Cod. Ychwanegwyd bod archwiliwr newydd wedi ei benodi.

Adnabuwyd bod sicrhau hyfforddiant cyson i staff yn rhan allweddol o’r Cod. Llongyfarchwyd Harbwrfeistr Abermaw a lwyddodd i gwblhau’r Diploma Harbwrfeistr eleni.

Soniwyd am y mesurau diogelwch a gaiff eu cymryd, gan bwysleisio defnydd staff o gamerâu cyrff. Nodwyd bod cyflwyno’r camerâu hyn eleni wedi lleihau’r nifer o achosion o ymddygiad ymosodol tuag at staff, ac yn cynnig sicrwydd pe bai digwyddiad yn cymryd lle.

Holwyd os oes digwyddiad lle bu rhaid edrych yn ôl ar gynnwys y recordiadau er mwyn ymateb ymhellach. Cadarnhawyd bod Heddlu Gogledd Cymru wedi gofyn am gynnwys y camerâu a chamerâu cylch cyfyng yr harbwr er mwyn ymateb i ddigwyddiadau.

Mynegwyd balchder nad oes unrhyw ddigwyddiad neu ddamwain wedi'u hadrodd i’r Gangen Ymchwilio i Ddamweiniau Morol hyd yma eleni. Nodwyd bod digwyddiadau wedi cymryd lle, megis cwch yn mynd ar dân a chwch arall yn suddo, ond nad oedd y rhain yn ddigon difrifol i’w hadrodd.

Tŷ’r Drindod AGC (Awdurdod Goleudai Cyffredinol)

Nodwyd bod y Cyngor yn Awdurdod Goleudy Lleol cofrestredig, a’u bod yn gyfrifol am sicrhau bod y cymhorthion mordwyo wedi eu lleoli’n gywir ac yn gweithio’n ddiogel ar hyd yr arfordir. Eglurwyd bod staff yn asesu'r rhain yn rheolaidd er mwyn sicrhau diogelwch cwsmeriaid. Ategwyd bod y wybodaeth o’r arolygon sy’n cael eu cynnal yn cael ei fewnbynnu i gronfa ddata Tŷ’r Drindod. Cadarnhawyd bod yr archwiliad diwethaf gan Dŷ’r Drindod yn nodi bod 95.47%  ...  gweld y cofnod llawn ar gyfer eitem 5.

Cyflwynwyd gan y Rheolwr Gwasanaeth Morwrol.

Soniwyd am gais gan bysgotwr lleol sydd wedi dod i law i werthu bwyd môr o gei’r harbwr. Ymhelaethwyd ar hyn gan ddatgan mai bwyd môr lleol a fydd yn cael ei werthu yno. Ategwyd ei fod yn ofod Cymraeg a fydd yn galluogi cwsmeriaid i ddysgu am arferion pysgota cynaliadwy. Cadarnhawyd na fydd hyn yn effeithio gweithgareddau eraill yr harbwr. Nodwyd cefnogaeth gan yr aelodau i’r cais hwn. Pwysleisiwyd mai pwrpas yr eitem oedd gweld barn yr aelodau am y cais, ac nad oes penderfyniad yn cael ei wneud am ei dderbyn yn y cyfarfod hwn.

I nodi y cynhelir cyfarfod nesaf o’r Pwyllgor Ymgynghorol Harbwr Abermaw ar y 24ain o Fawrth, 2026.

Cadarnhawyd bod y cyfarfod nesaf i’w gynnal ar y 24ain o Fawrth, 2026.