Lleoliad: Cyfarfod Rhithiol - Zoom
Cyswllt: Eirian Roberts 01286 679018
Rhif | eitem |
---|---|
YMDDIHEURIADAU Derbyn
unrhyw ymddiheuriadau am absenoldeb. Cofnod: Derbyniwyd
ymddiheuriadau gan y Cynghorydd Jason McLellan (Cyngor Sir Ddinbych), Yana
Williams (Coleg Cambria), Askar Sheibani (Bwrdd Cyflawni Busnes) a’r Athro
Edmund Burke (Prifysgol Bangor). |
|
DATGAN BUDDIANT PERSONOL Derbyn
unrhyw ddatganiadau o fuddiant personol. Cofnod: Datganodd Alwen Williams (Cyfarwyddwr Portffolio) fuddiant personol yn
eitem 6 oherwydd bod yr adroddiad yn ymwneud â’i secondiad fel Prif Weithredwr
Dros Dro y Cyd-bwyllgor Corfforedig.
Roedd o’r farn bod y buddiant yn rhagfarnu, a gadawodd y cyfarfod yn
ystod y drafodaeth ar yr eitem. |
|
MATERION BRYS Nodi unrhyw eitemau sy’n fater brys
ym marn y Cadeirydd fel y gellir eu hystyried. Cofnod: Dim i’w nodi. |
|
COFNODION Y CYFARFOD BLAENOROL Bydd y Cadeirydd yn cynnig y dylid llofnodi cofnodion y cyfarfod a gynhaliwyd ar 3 Chwefror, 2023 fel rhai cywir. Cofnod: Llofnododd y Cadeirydd gofnodion y cyfarfod
blaenorol a gynhaliwyd ar 3 Chwefror, 2023 fel rhai cywir. |
|
CYLLIDEB REFENIW A CHYFALAF 2023-24 Dewi A
Morgan, Pennaeth Cyllid yr Awdurdod Lletya (Swyddog Cyllid Statudol) a Sian
Pugh, Pennaeth Cyllid Cynorthwyol yr Awdurdod Lletya, i gyflwyno’r adroddiad. Dogfennau ychwanegol: Penderfyniad: Cymeradwyo:- 1.
Cyllideb Refeniw 2023/24 fel
y'i cyflwynir yn Atodiad 1 i’r adroddiad. 2.
Cyfraniadau ariannu sy’n
cynnwys cyfraniadau partneriaid, cyfraniadau atodol awdurdodau lleol, a
chyfraniadau llog partneriaid. 3.
Cyllideb Gyfalaf ar gyfer y
Cynllun Twf fel y’i cyflwynir yn Atodiad 2. Cofnod: Cyflwynwyd yr
adroddiad gan Sian Pugh (Pennaeth Cyllid Cynorthwyol yr Awdurdod Lletya). PENDERFYNWYD Cymeradwyo:- 1.
Cyllideb Refeniw 2023/24 fel y'i cyflwynir yn Atodiad 1 i’r adroddiad. 2.
Cyfraniadau ariannu sy’n cynnwys cyfraniadau partneriaid, cyfraniadau
atodol awdurdodau lleol, a chyfraniadau llog partneriaid. 3.
Cyllideb Gyfalaf ar gyfer y Cynllun Twf fel y'i cyflwynir yn Atodiad 2. RHESYMAU DROS Y PENDERFYNIAD 1.
Er mwyn gweithredu'n
effeithiol o fewn y cyllid sydd ar gael, mae angen i gyllideb flynyddol gael ei
chymeradwyo ar gyfer y Bwrdd Uchelgais. 2.
Mae Atodiad 1 i’r adroddiad
yn gosod y gyllideb arfaethedig yn ôl pennawd gwariant a'r ffrydiau ariannu
cyfatebol ar gyfer y flwyddyn. 3.
Mae Atodiad 2 yn gosod y
gyllideb gyfalaf arfaethedig fesul prosiect a'r cyllid cyfalaf cyfatebol ar
gyfer y Cynllun Twf o £240m. 4.
Awdurdodi'r Cyfarwyddwr
Portffolio i wario arian yn unol â'r gyllideb gymeradwy. |
|
Dylan
Williams, Prif Weithredwr Arweiniol Cynghorau Gogledd Cymru ar gyfer y Bwrdd Uchelgais
i gyflwyno’r adroddiad. Penderfyniad: 1.
Bod
y Bwrdd Uchelgais yn cefnogi ymestyn y trefniant i ryddhau amser y Cyfarwyddwr
Portffolio am ddau ddiwrnod yr wythnos tan 30 Medi, 2023 er mwyn parhau i
ymgymryd â rôl y Prif Weithredwr ar sail dros dro. 2.
Bod
yr holl gyflogaeth a'r costau cysylltiedig yn parhau i gael eu hysgwyddo gan
CBC y Gogledd. Cofnod: Cyflwynwyd yr
adroddiad gan Dylan Williams (Prif Weithredwr Arweiniol Cynghorau Gogledd Cymru
ar gyfer y Bwrdd Uchelgais). PENDERFYNWYD 1.
Bod y Bwrdd Uchelgais
yn cefnogi ymestyn y trefniant i ryddhau amser y Cyfarwyddwr Portffolio am ddau
ddiwrnod yr wythnos tan 30 Medi, 2023 er mwyn parhau i ymgymryd â rôl y Prif
Weithredwr ar sail dros dro. 2.
Bod yr holl
gyflogaeth a'r costau cysylltiedig yn parhau i gael eu hysgwyddo gan CBC y
Gogledd. RHESYMAU DROS Y PENDERFYNIAD 1.
Mae’r trefniadau a
argymhellir yn cyd-fynd gyda phenderfyniad mewn egwyddor y 6 Cyngor i
drosglwyddo swyddogaethau Uchelgais Gogledd Cymru i’r Cyd-bwyllgor Corfforaethol. 2.
Drwy gyflawni’r rôl Prif
Weithredwr y CBC, bydd Cyfarwyddwr Portffolio yn cynorthwyo rhanbarth y Gogledd
i ddatblygu CBC effeithiol, tra bod mewn sefyllfa unigryw i sicrhau bod
buddiannau Uchelgais Gogledd Cymru yn cael eu diogelu yn y flwyddyn yma o
drawsnewid. TRAFODAETH Awgrymwyd y
byddai’n fuddiol petai’r aelodau hynny o’r Bwrdd nad ydynt yn rhan o lywodraeth
leol yn cael eu briffio ar yr hyn sy’n digwydd o ran y Cyd-bwyllgor
Corfforedig, a goblygiadau hynny i’r Bwrdd.
Mewn ymateb, nododd y Cadeirydd ei bod yn bwysig bod pawb yn cael
dealltwriaeth o’r hyn sy’n mynd ymlaen, ac y gellid trefnu bod gwybodaeth yn
cael ei rhannu gyda phawb yn y ffordd fwyaf effeithiol. Nododd y Swyddog Monitro fod y gwaith o greu
cynllun ar gyfer y broses yn cychwyn rŵan, ac y byddai yna gyfathrebu
gyda’r colegau, ayb, ar hyd y daith. Nodwyd bod ymestyn
secondiad y Cyfarwyddwr Portffolio fel Prif Weithredwr Dros Dro y CBC yn gam
synhwyrol a phragmatig yn yr amgylchiadau, ond bod angen dod i drefniant mwy
parhaol cyn gynted ag sy’n ymarferol bosib’. |
|
YNNI LLEOL BLAENGAR - ACHOS BUSNES AMLINELLOL Elgan
Roberts, Rheolwr Prosiect Ynni, i gyflwyno’r adroddiad. Dogfennau ychwanegol: Penderfyniad: 1.
Bod
y Bwrdd yn cymeradwyo'r Achos Busnes Amlinellol ar gyfer y prosiect Ynni Lleol
Blaengar ac, yn amodol ar gymeradwyaeth Llywodraethau Cymru a'r DU o'r broses
sicrwydd yr ymgymerwyd â hi a bod y Swyddfa Rheoli Portffolio yn rhoi sylw i'r
materion sydd wedi'u nodi yn yr adroddiad, bod cais Adran 7 yn cael ei wneud i
baratoi Achos Busnes Llawn i'r Bwrdd ei ystyried yn dilyn cwblhau'r broses
gaffael a'r broses ganiatâd. 2.
Bod
y Bwrdd yn dirprwyo i'r Cyfarwyddwr Portffolio, mewn ymgynghoriad â'r Cadeirydd
a'r Is-gadeirydd, gymeradwyaeth derfynol o'r fanyleb gaffael a'r meini prawf
gwerth cymdeithasol cyn i ariannwr y prosiect ddechrau caffael. 3.
Bod
y Bwrdd yn nodi y bydd y trefniadau ariannol terfynol ar gyfer y prosiect yn
cael eu cytuno ar y cam Achos Busnes Llawn ac yn awdurdodi'r Cyfarwyddwr
Portffolio, mewn ymgynghoriad â Swyddog Adran 151 a Swyddog Monitro'r Awdurdod
Lletya i gytuno ar y telerau drafft i'w cymeradwyo gan y Bwrdd. Cofnod: Cyflwynodd y
Cynghorydd Llinos Medi Huws (Cyngor Sir Ynys Môn) ychydig eiriau ar y
cychwyn. Nododd:- ·
Bod
y prosiect cyffrous hwn yn rhan o gais gwreiddiol y Bwrdd, a’i bod yn braf
adrodd fod y cynllun wedi aeddfedu’n sylweddol dros y flwyddyn ddiwethaf, a’n
bod wedi dod â llawer o’n rhanddeiliaid gyda ni ar y siwrnai. ·
Bod
hwn yn gynllun er mwyn cefnogi’r rhanbarth cyfan, lle'r oedd yna lefydd
gweigion o ran ariannu, cefnogi ynni blaengar yn y gymuned, a chynlluniau mwy
uchelgeisiol o bosib’ hefyd. ·
Y
gobeithid bod yr aelodau hynny nad ydynt ar yr Bwrdd Rhaglen Ynni yn gallu
gweld bod yna weledigaeth yma, bod yna bryniant i mewn gan nifer o bartneriaid,
a hefyd bod cyfle yma i wneud gwahaniaeth ar y lefel gymunedol ac ar y lefel
ranbarthol. ·
Y
derbynnid bod yna rai risgiau ynghlwm â’r prosiect, ond er mwyn gosod
uchelgais, bod rhaid cael ychydig o risg hefyd. Yna manylodd Henry
Aron (Rheolwr Rhaglen Ynni) ar gyd-destun a hanes y prosiect, gan ddarparu
amlinelliad o’r broses sicrwydd, a cyflwynodd Elgan Roberts (Rheolwr Prosiect
Ynni) fwy o fanylion ynglŷn â’r prosiect. PENDERFYNWYD 1.
Bod y Bwrdd yn
cymeradwyo'r Achos Busnes Amlinellol ar gyfer y prosiect Ynni Lleol Blaengar
ac, yn amodol ar gymeradwyaeth Llywodraethau Cymru a'r DU o'r broses sicrwydd
yr ymgymerwyd â hi a bod y Swyddfa Rheoli Portffolio yn rhoi sylw i'r materion
sydd wedi'u nodi yn yr adroddiad, bod cais Adran 7 yn cael ei wneud i baratoi
Achos Busnes Llawn i'r Bwrdd ei ystyried yn dilyn cwblhau'r broses gaffael a'r
broses ganiatâd. 2.
Bod y Bwrdd yn
dirprwyo i'r Cyfarwyddwr Portffolio, mewn ymgynghoriad â'r Cadeirydd a'r
Is-gadeirydd, gymeradwyaeth derfynol o'r fanyleb gaffael a'r meini prawf gwerth
cymdeithasol cyn i ariannwr y prosiect ddechrau caffael. 3.
Bod y Bwrdd yn nodi y
bydd y trefniadau ariannol terfynol ar gyfer y prosiect yn cael eu cytuno ar y
cam Achos Busnes Llawn ac yn awdurdodi'r Cyfarwyddwr Portffolio, mewn
ymgynghoriad â Swyddog Adran 151 a Swyddog Monitro'r Awdurdod Lletya i gytuno
ar y telerau drafft i'w cymeradwyo gan y Bwrdd. RHESYMAU DROS Y PENDERFYNIAD Ceisio
cymeradwyaeth y Bwrdd i Achos Busnes Amlinellol (OBC) y prosiect Ynni Lleol
Blaengar. TRAFODAETH Diolchodd y
Cadeirydd i’r Tîm am y gwaith cefndirol hynod fanwl, a nododd fod hwn yn
brosiect cyffrous iawn fydd yn cyffwrdd yn uniongyrchol â’n cymunedau ar draws
y Gogledd yn ogystal â bod yn weledol i’n trigolion. Holwyd pam bod yr
adroddiad yn cyfeirio at greu 156-193 o swyddi newydd yng Ngogledd Cymru yn
gysylltiedig â chyflawni a gweithredu datrysiadau ynni glân, gan i ni nodi’n
flaenorol ein dymuniad i greu 2,400 o swyddi newydd drwy’r broses hon. Mewn ymateb, eglurwyd:- ·
Bod
y swyddi yn yr Achos Busnes Amlinellol yn seiliedig ar yr hyn a gafodd ei
fodelu yn achos busnes y Rhaglen, felly roedd y targedau hynny wedi’u cario
ymlaen ac yn cynnwys swyddi uniongyrchol ac anuniongyrchol yn y gadwyn
gyflenwi. · Bod y modelu economaidd ar gyfer yr Achos Busnes Amlinellol yn seiliedig ... gweld y cofnod llawn ar gyfer eitem 7. |