Rhaglen, penderfyniadau a chofnodion drafft

I dderbyn unrhyw ddatganiad o fuddiant personol.

Derbyniwyd ymddiheuriadau gan:-

·       Neal Cockerton (Cyngor Sir y Fflint)

·       Aled Jones-Griffith (Grŵp Llandrillo Menai)

·       Yr Athro  Edmund Burke (Prifysgol Bangor) gyda Paul Spencer yn dirprwyo

·       Yana Williams (Coleg Cambria)

·       Dafydd Gibbard (Cyngor Gwynedd) gyda Sioned Williams yn dirprwyo

·       Rhun ap Gareth (Cyngor Bwrdeistref Sirol Conwy) gydag Amanda Hughes yn dirprwyo

·       Alwen Williams (Cyfarwyddwr Portffolio)

·       Wendy Boddington (Sylwedydd Llywodraeth Cymru) gyda Bryn Richards yn dirprwyo

I dderbyn unrhyw ddatganiad o fuddiant personol.

Derbyniwyd datganiad o fuddiant personol gan y Cynghorydd Gary Pritchard ar gyfer Eitem 10 gan ei fod yn Aelod o fwrdd Menter Môn a Menter Môn Morlais Ltd fel Arweinydd Cyngor Sir Ynys Môn. Nododd o’r farn ei fod yn fuddiant sy’n rhagfarnu ac fe adawodd y cyfarfod ar gyfer y  drafodaeth.

Nodi unrhyw eitemau sy’n fater brys ym marn y Cadeirydd fel y gellir eu hystyried.

Ni chodwyd unrhyw faterion brys.

Bydd y Cadeirydd yn cynnig dylid llofnodi cofnodion cyfarfod y pwyllgor hwn a gynhaliwyd ar 06 Rhagfyr 2024 fel rhai cywir.

Llofnododd y Cadeirydd gofnodion y cyfarfod blaenorol a gynhaliwyd ar 06 Rhagfyr 2024 fel rhai cywir.

Dewi Morgan (Pennaeth Cyllid yr Awdurdod Lletya ac Swyddog Cyllid Statudol) a Sian Pugh (Pennaeth Cyllid Cynorthwyol yr Awdurdod Lletya) i gyflwyno’r Adroddiad.

1. Nodi a derbyn adolygiad refeniw diwedd Rhagfyr 2024 y Bwrdd Uchelgais.
2. Nodi a derbyn diweddariad cronfeydd wrth gefn y Bwrdd Uchelgais.
3. Cytuno ar broffil gwariant cyfalaf diwygiedig y Bwrdd Uchelgais.

Cyflwynwyd yr adroddiad gan Bennaeth Cyllid a Phennaeth Cyllid Cynorthwyol yr Awdurdod Lletya.

PENDERFYNWYD

1.     Nodi a derbyn adolygiad refeniw diwedd Rhagfyr 2024 y Bwrdd Uchelgais.

2.     Nodi a derbyn diweddariad cronfeydd wrth gefn y Bwrdd Uchelgais.

3.     Cytuno ar broffil gwariant cyfalaf diwygiedig y Bwrdd Uchelgais.

RHESYMAU DROS Y PENDERFYNIAD

Nodi tanwariant a ragwelir o £205,405 yn erbyn y gyllideb refeniw yn 2024/25. Bydd y tanwariant terfynol ar ddiwedd y flwyddyn ariannol yn cael ei defnyddio i leihau’r swm a hawlir o’r Grant Cynllun Twf Gogledd Cymru.

Nodi llithriad pellach ar y rhaglen gyfalaf, gydag amcangyfrif o wariant o £12.51m yn 2024/25 o’i gymharu â chyllideb gymeradwy o £24.67m ar gyfer y flwyddyn.

TRAFODAETH

Amcanwyd bydd tanwariant o £205,000 erbyn diwedd y flwyddyn ariannol gyfredol.

Manylwyd ar y meysydd ble mae’r tanwariant hynny yn deillio ohono gan egluro yr amcanwyd tanwariant o £43,000 yng nghyllideb y Swyddfa Rheoli Portffolio gan gadarnhau mai’r prif reswm am hyn yw bod gwir chwyddiant cyflogau oddeutu 3% o’i gymharu â 6% a amcanwyd yn gynharach yn y flwyddyn ariannol. Ymhelaethwyd bod estyniad yng nghyllideb y Gronfa Ffyniant Gyffredin hyd Mawrth 2025 wedi galluogi defnyddio tanwariant ar y gyllideb ‘Cynlluniau’ er mwyn ariannu costau tri swyddog yn hytrach na gwneud defnydd o’r gyllideb graidd. Tynnwyd sylw bod estyniad hyd at Fawrth 2025 hefyd wedi cael ei dderbyn ar y prosiect Ynni Ardal Leol a bydd y gorwariant perthnasol yn cael ei ariannu gan yr arian grant.

Eglurwyd hefyd y rhagwelwyd tanwariant o £17,000 yng nghyllideb ‘Gwasanaethau Cefnogol’ yn ogystal â rhagdybio tanwariant o £34,500 yn y gyllideb ‘Cyd-bwyllgor’.

Adroddwyd bod gorwariant net o £181,000 i’w weld yng nghyllideb ‘Prosiectau’ gydag oddeutu £136,000 ohono yn orwariant ar gostau cefnogaeth gyfreithiol allanol a oedd yn allweddol ar gyfer nifer o brosiectau’r rhaglen gyfalaf. Ymhelaethwyd bod cyllideb ‘Datblygu Achosion Busnes y prosiectau o fewn y gyllideb hon yn gorwario £86,000. Cadarnhawyd bod cyfraniad o £152,000 gan y gyllideb ‘Prosiectau’ wedi ariannu cyfran o brosiect Ynni Lleol Blaengar.

Cadarnhawyd bod prif ffrydiau incwm ar gyfer y flwyddyn ariannol hon yn cynnwys cyfraniadau partneriaid, dyraniad refeniw Grant Cynllun Twf Gogledd Cymru, grant Ynni Llywodraeth Cymru, secondiad staff Cyd-bwyllgor Corfforedig Gogledd Cymru, y Gronfa Ffyniant Gyffredin yn ogystal â’r gronfa ‘Prosiectau’ a'r gronfa wrth gefn.

Eglurwyd bydd y gwarged o £205,000 a ragwelir yn y gyllideb ar gyfer y flwyddyn ariannol hon yn cael ei ddefnyddio er mwyn lleihau cyfraniad o’r Grant Cynllun Twf sydd ei angen ar gyfer y flwyddyn hon. Cadarnhawyd bydd y cyfraniad hwn yn cael ei drosglwyddo i gyllideb 2025/26.

Mynegwyd balchder yr amcanwyd bydd cyfanswm o bron i £211,000 yn y gronfa wrth gefn cyffredinol ar ddiwedd y flwyddyn ariannol hon. Ymhelaethwyd nad oes arian yn y gronfa ‘Prosiectau’ ac amcanwyd bydd £7.2miliwn yn y gronfa llog erbyn diwedd y flwyddyn ariannol.

Tywyswyd yr aelodau drwy ddiweddariad ar sefyllfa’r rhaglen gyfalaf gan nodi bod gostyngiad net o £12.16miliwn yn y gwariant disgwyliedig ar gyfer y flwyddyn ariannol hon. Pwysleisiwyd bod hyn yn deillio o lithriad  ...  gweld y cofnod llawn ar gyfer eitem 5.

Alwen Williams (Cyfarwyddwr Portffolio) i gyflwyno’r Adroddiad.

1. Cytuno i’r egwyddor y dylid gwahanu rolau’r Uwch Berchennog Cyfrifol a Chyfarwyddwr Portffolio (yn amodol ar gyngor Adnoddau Dynol) a’u cyflawni gan wahanol unigolion a nodi’r rhaniad arfaethedig o ddyletswyddau a chyfrifoldebau.
2. Gofyn am enwebiad gan un o chwe Phrif Weithredwr yr awdurdodau lleol i weithredu fel Uwch Berchennog Cyfrifol (SRO) ar gyfer Cynllun Twf Gogledd Cymru gyda’r bwriad o gadarnhau’r penodiad hwn yn y cyfarfod nesaf, sydd wedi ei raglennu ar gyfer 4 Ebrill 2025.
3. Cytuno ar y newidiadau i gyfrifoldebau Aelodau Arweiniol ar draws y Cynllun Twf.

Cyflwynwyd yr adroddiad gan y Pennaeth Gweithrediadau yn absenoldeb y Cyfarwyddwr Portffolio.

PENDERFYNWYD

1.     Cytuno i’r egwyddor y dylid gwahanu rolau’r Uwch Berchennog Cyfrifol a Chyfarwyddwr Portffolio (yn amodol ar gyngor Adnoddau Dynol) a’u cyflawni gan wahanol unigolion a nodi’r rhaniad arfaethedig o ddyletswyddau a chyfrifoldebau.

2.     Gofyn am enwebiad gan un o chwe Phrif Weithredwr yr awdurdodau lleol i weithredu fel Uwch Berchennog Cyfrifol (SRO) ar gyfer Cynllun Twf Gogledd Cymru gyda’r bwriad o gadarnhau’r penodiad hwn yn y cyfarfod nesaf, sydd wedi ei raglennu ar gyfer 4 Ebrill 2025.

3.     Cytuno ar y newidiadau i gyfrifoldebau Aelodau Arweiniol ar draws y Cynllun Twf.

RHESYMAU DROS Y PENDERFYNIAD

Ceisio cymeradwyaeth y Bwrdd Uchelgais Economaidd i wahanu rôl yr SRO a Chyfarwyddwr Portffolio mewn ymateb i’r gofyniad newydd gan y llywodraeth.

TRAFODAETH

Eglurwyd bod yr adroddiad yn cyflwyno addasiadau i strwythur llywodraethiant Cynllun Twf Gogledd Cymru, yn dilyn arweiniad y Llywodraethau i wahanu rolau’r Cyfarwyddwr Portffolio a’r Uwch Berchennog Cyfrifol (SRO). Atgoffwyd bod yr holl gyfrifoldebau hyn wedi cael eu cyflawni gan y Cyfarwyddwr Portffolio presennol ar hyn o bryd. Cadarnhawyd bod arweiniad y Llywodraethau yn ei gwneud yn ofynnol i ddau unigolyn gwahanol fod yn cyflawni’r rolau hyn er mwyn cynyddu atebolrwydd a darparu capasiti arweinyddiaeth ychwanegol.

Gofynnwyd am enwebiad ffurfiol i un o Brif Weithredwyr yr awdurdodau lleol weithredu fel yr SRO ar gyfer Cynllun Twf Gogledd Cymru er mwyn gallu cynnal pleidlais ffurfiol ar yr enwebiad hwnnw yn y cyfarfod nesaf o’r Bwrdd hwn.

Nodwyd bod yr adroddiad yn manylu ar Rolau penodol yr Aelodau Arweiniol, gan atgoffa bod pump o’r Arweinwyr yn gyfrifol am un o feysydd rhaglenni’r Cynllun Twf er mwyn darparu cysylltiad rhwng y Bwrdd Uchelgais a Byrddau’r Rhaglenni. Eglurwyd na fyddai’r Cadeirydd yn gyfrifol am raglen benodol yn y dyfodol er mwyn sicrhau eu bod yn canolbwyntio ar faterion strategol cyffredinol, gyda’r Rolau Arweiniol yn cael eu dosbarthu i’r pum Arweinydd arall. Tynnwyd sylw bod addasiadau i aelodaeth y Bwrdd yn y flwyddyn ddiwethaf a chynigwyd penodiadau newydd i Rolau Arweiniol Rhaglenni’r Cynllun Twf fel a ganlyn:

·       Y Cynghorydd Mark Pritchard - Materion strategol cyflawni'r Cynllun Twf

·       Y Cynghorydd Charlie McCoubrey – Rhaglen Bwyd-amaeth a Thwristiaeth

·       Y Cynghorydd Dave Hughes –Rhaglen Arloesi mewn Gweithgynhyrchu Uwch

·       Y Cynghorydd Jason McLellan – Rhaglen Tir ac Eiddo

·       Y Cynghorydd Gary Pritchard – Rhaglen Ynni Carbon Isel

·       Y Cynghorydd Nia Jeffreys –Y Rhaglen Ddigidol.

Manylwyd nad oes newid i’r Aelod Arweiniol ar gyfer Rhaglenni Bwyd-amaeth a Thwristiaeth, Tir ac Eiddo ac Ynni Carbon isel er mwyn sicrhau parhad yn y gwaith mae’r Aelodau wedi bod yn ei wneud dros y blynyddoedd diwethaf. Eglurwyd bod y penderfyniad wedi cael ei wneud i gynnig y Rhaglen Ddigidol i Aelod Arweiniol Cyngor Gwynedd oherwydd y diffygion ac anawsterau cyswllt digidol sydd yn yr ardal honno. Tynnwyd sylw y golyga hyn bod y Rhaglen Arloesi mewn Gweithgynhyrchu Uwch wedi cael ei nodi ar gyfer yr Aelod Arweiniol Cyngor Sir y Fflint. Ymddiheurwyd am y diffyg cyfathrebu i egluro’r rhesymeg wrth lunio’r  ...  gweld y cofnod llawn ar gyfer eitem 6.

Dewi Morgan (Pennaeth Cyllid yr Awdurdod Lletya ac Swyddog Cyllid Statudol) a Sian Pugh (Pennaeth Cyllid Cynorthwyol yr Awdurdod Lletya) i gyflwyno’r Adroddiad.

1.     Cymeradwyo’r Gyllideb Refeniw 2025/26.

2.     Cymeradwyo’r cyfraniadau ariannu sy’n cynnwys cyfraniadau partneriaid, cyfraniadau atodol awdurdodau lleol a chyfraniadau llog partneriaid.

3.     Cymeradwyo’r Gyllideb Gyfalaf ar gyfer y Cynllun Twf.

4.     Cymeradwyo trosglwyddo’r llog a dderbyniwyd ar falansau grant Bargen Twf Gogledd Cymru yn 2024/25 a 2025/26 i gronfa wrth gefn penodol i ariannu gofynion ychwanegol y llywodraeth, cadw capasiti’r Swyddfa Rheoli Portffolio am ddwy flynedd ychwanegol yn ogystal â chostau datblygu prosiectau.

Cyflwynwyd yr adroddiad gan Bennaeth Cyllid a Phennaeth Cyllid Cynorthwyol yr Awdurdod Lletya.

PENDERFYNWYD

1.     Cymeradwyo’r Gyllideb Refeniw 2025/26.

2.     Cymeradwyo’r cyfraniadau ariannu sy’n cynnwys cyfraniadau partneriaid, cyfraniadau atodol awdurdodau lleol a chyfraniadau llog partneriaid.

3.     Cymeradwyo’r Gyllideb Gyfalaf ar gyfer y Cynllun Twf.

4.     Cymeradwyo trosglwyddo’r llog a dderbyniwyd ar falansau grant Bargen Twf Gogledd Cymru yn 2024/25 a 2025/26 i gronfa wrth gefn penodol i ariannu gofynion ychwanegol y llywodraeth, cadw capasiti’r Swyddfa Rheoli Portffolio am ddwy flynedd ychwanegol yn ogystal â chostau datblygu prosiectau.

RHESYMAU DROS Y PENDERFYNIAD

Er mwyn gweithredu’n effeithiol o fewn y cyllid sydd ar gael, mae angen i gyllideb flynyddol gael ei chymeradwyo ar gyfer y Bwrdd Uchelgais.

Mae Atodiad 1 yn gosod y gyllideb arfaethedig yn ôl pennawd gwariant a’r ffrydiau ariannu cyfatebol ar gyfer y flwyddyn.

TRAFODAETH

Eglurwyd bod prif gyllideb y Swyddfa Rheoli Portffolio yn ariannu 22.75 o swyddi, gan nodi bod dwy o’r swyddi hynny yn swyddi ychwanegol penodol i brosiectau Digidol ac Ynni Lleol Blaengar. Nodwyd hefyd bod cyllideb wedi cael eu gosod ar gyfer dau gyfarwyddwr anweithredol a gweithiwr proffesiynol rheoli portffolio er mwyn adlewyrchu gofynion y ddwy lywodraeth. Yn debyg, eglurwyd cyllidebau, costau a chyfraniadau llog ar gyfer materion Gwasanaethau Cefnogol, Cyd-bwyllgor Corfforedig y Gogledd, Prosiectau a Throsglwyddiadau i gronfeydd.

Tynnwyd sylw bod cyfraniadau ariannol gan bartneriaid wedi codi 1.5% er mwyn adlewyrchu chwyddiant alldro 2024/25, lwfans ar gyfer newidiadau yn nhrothwy a chanran yswiriant gwladol ac amcan chwyddiant cyflogau 2025/26. Fodd bynnag, cadarnhawyd bod cyfraniadau atodol gan yr Awdurdodau Lleol wedi parhau i fod yn £40,000 yr un.

Tywyswyd yr aelodau drwy rhai o gyfraniadau ariannol gan gadarnhau:

·       Bod cyfanswm y Grant Cynllun Twf o £1.35miliwn wedi cael ei neilltuo ar gyfer gwariant refeniw.

·       Neilltuwyd £116,000 o brosiectau Digidol ac Ynni Lleol Blaengar i ariannu dwy swydd benodol.

·       Cyfalafwyd £60,000 ar gostau staff wrth iddynt wneud gwaith penodol ar brosiectau.

·       Ariannir swyddi llywodraeth ychwanegol a chostau datblygu prosiectau drwy £412,000 o’r Gronfa Llog.

·       Clustnodwyd oddeutu £61,000 o’r Gronfa wrth gefn, gan sicrhau bod £150,000 yn parhau yn y gronfa honno.

Darparwyd crynodeb o’r gyllideb ar gyfer 2025/26 yn ogystal â chyllidebau drafft ar gyfer blynyddoedd ariannol 2026/27 a 2027/28. Eglurwyd bod y swyddi llywodraeth ychwanegol, estyniad ar gytundebau staff hyd Fawrth 2028 a rhai o gostau datblygu’r prosiectau yn cael eu hariannu gan y llog a fydd yn cael ei dderbyn ar falansau’r Cynllun Twf ym mlynyddoedd ariannol 2024/25 ac 2025/26. Amcangyfrifwyd bydd cyfanswm costau dros y tair blynedd ariannol yma yn £2.7miliwn. Cadarnhawyd bydd y £3.6miliwn o log a dderbyniwyd hyd at 2023/24 yn parhau i gael ei ddefnyddio i leihau unrhyw gostau benthyca yn y dyfodol.

Tynnwyd sylw at y gyllideb cyfalaf gan nodi y bydd yn cael ei adolygu yn ystod y flwyddyn wrth i’r achosion busnes gael eu cymeradwyo. Rhannwyd proffil am y cyfnod 2021/22 i 2034/35 yn ogystal â’r 2.15% o’r gyllideb sydd wedi ei neilltuo i ariannu’r gyllideb refeniw dros yr un cyfnod.

Diolchwyd i holl bartneriaid am eu  ...  gweld y cofnod llawn ar gyfer eitem 7.

Hedd Vaughan-Evans (Pennaeth Gweithrediadau) i gyflwyno’r Adroddiad.

1.     Nodi Adroddiad Perfformiad Chwarter 3 a Chofrestr Risg y Portffolio wedi’i diweddaru.

2.     Cymeradwyo cyflwyno Adroddiad Perfformiad Chwarter 3 i Lywodraeth Cymru a Llywodraeth y DU ynghyd â phwyllgorau craffu’r awdurdodau lleol.

3.     Gofyn i’r Swyddfa Rheoli Portffolio am adroddiad pellach ar brosiectau y rhagwelir na fydd yn bosib eu cyflawni o fewn eu hamserlenni arfaethedig, yn y cyfarfod nesaf y Bwrdd sydd wedi ei raglennu ar gyfer 4 Ebrill 2025.

Cyflwynwyd yr adroddiad gan y Pennaeth Gweithrediadau yn absenoldeb y Cyfarwyddwr Portffolio.

PENDERFYNWYD

1.     Nodi Adroddiad Perfformiad Chwarter 3 a Chofrestr Risg y Portffolio wedi’i diweddaru.

2.     Cymeradwyo cyflwyno Adroddiad Perfformiad Chwarter 3 i Lywodraeth Cymru a Llywodraeth y DU ynghyd â phwyllgorau craffu’r awdurdodau lleol.

3.     Gofyn i’r Swyddfa Rheoli Portffolio am adroddiad pellach ar brosiectau y rhagwelir na fydd yn bosib eu cyflawni o fewn eu hamserlenni arfaethedig, yn y cyfarfod nesaf y Bwrdd sydd wedi ei raglennu ar gyfer 4 Ebrill 2025.

RHESYMAU DROS Y PENDERFYNIAD

Mae adrodd chwarterol ar gynnydd yn erbyn Cynllun Twf Gogledd Cymru yn un o ofynion Cytundeb Terfynol y Cynllun Twf. Yn dilyn ystyriaeth gan y Bwrdd Uchelgais, caiff yr adroddiadau eu rhannu gyda Llywodraeth Cymru, Llywodraeth y DU a phwyllgorau craffu’r awdurdodau lleol.

TRAFODAETH

Adroddwyd ar nifer o ddigwyddiadau a fu’n uchafbwyntiau dros y misoedd diwethaf megis cymeradwyo ceisiadau am newid ac Achosion Busnes Amlinellol, cynnydd da mewn adeiladu ac adnewyddu safleoedd, penodi ymgynghorwyr Umi ac WCVA i ddatblygu prosiectau, derbyn ymatebion gwerthfawr i ymgynghoriadau a chychwyn ar waith ymgysylltu ar gyfer prosiectau newydd.

Tynnwyd sylw bod chwe phrosiect yn adrodd yn goch ar hyn o bryd gan gynnwys:

·       Cysylltu'r Ychydig % Olaf

·       NEW – H2

·       Trawsfynydd

·       Porth Caergybi

·       Stiwdio Kinmel

·       Hwb Economi Wledig Glynllifon

Cadarnhawyd bod y Gofrestr Risg yn parhau yn gyson i’r hyn a welwyd yn ail chwarter 2024/25. Ymhelaethwyd bod risg gweddilliol ar fuddsoddiad sector gyhoeddus wedi gostwng o ganlyniad i Achosion Busnes Llawn dan arweiniad noddwyr y sector gyhoeddus, gael eu cymeradwyo gan y Bwrdd hwn yn ddiweddar.

Gofynnwyd am adroddiad yn y cyfarfod nesaf ar ddiweddariad pellach ar y prosiectau hynny nad yw swyddogion yn credu bod modd eu cyflawni  o fewn eu hamserlenni arfaethedig.

Diolchwyd i bartneriaid ac asiantaethau allanol am eu cydweithrediaeth er mwyn ymdrechu i ganfod ffyrdd o  ddatblygu’r prosiectau hyn, yn enwedig ar brosiectau Porth Caergybi a Hwb Hydrogen Caergybi.

Heriwyd statws perfformiad ‘Cyfathrebu ac Ymgysylltu’ o fewn y Gofrestr Risg, gan dynnu sylw ei fod yn perfformio’n wyrdd ar hyn o bryd. Manylwyd ei fod yn cyfeirio at ddatganiadau i’r wasg, cyfryngau cymdeithasol a’r wefan ac ystyriwyd beth yw’r cyfathrebu gwirioneddol wrth ystyried os yw trigolion Gogledd Cymru yn ymwybodol o bwysigrwydd a gwaith y Bwrdd Uchelgais. Mewn ymateb i’r sylwadau, cadarnhaodd y Pennaeth Gweithrediadau bod gwaith ymgysylltu a chyfathrebu trylwyr yn cael ei gyflawni megis drwy ddigwyddiadau, podlediadau a’r cyfryngau cymdeithasol gan nodi bod hyn yn cael ei gydbwyso yn ofalus gyda gwaith y Bwrdd. Cydnabuwyd bod capasiti ac argaeledd yn her wrth ystyried cyflawni mwy o ddyletswyddau yn y maes yma ac felly bod partneriaid hefyd yn cydweithio i hyrwyddo gwaith y Bwrdd. Teimlwyd bod dealltwriaeth y cyhoedd am waith y Bwrdd wedi gwella yn y blynyddoedd diwethaf gan bwysleisio y bydd yn parhau i wella wrth gyflawni mwy o brosiectau yn y dyfodol.

Bydd y Cadeirydd yn cynnig y dylid cau allan y wasg a’r cyhoedd o’r cyfarfod yn ystod y drafodaeth ar yr eitemau canlynol gan ei bod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972 Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig mewn bod yn agored ynglŷn â defnydd adnoddau cyhoeddus a materion ariannol cysylltiedig. Cydnabyddir fodd bynnag fod adegau, er gwarchod buddiannau ariannol a masnachol cyhoeddus fod angen trafod gwybodaeth o’r fath heb ei chyhoeddi. Mae’r adroddiad yn benodol ynglŷn a materion ariannol a busnes ynghyd â thrafodaethau cysylltiedig. Byddai cyhoeddi gwybodaeth fasnachol sensitif o’r math yma yn gallu bod yn niweidiol i fuddiannau’r cyrff a’r Cynghorau ac yn tanseilio hyder rhai eraill sydd yn ymwneud a’r Gytundeb Twf i rannu gwybodaeth sensitif ar gyfer ystyriaeth. Byddai hyn yn groes i’r budd cyhoeddus ehangach o sicrhau yr allbwn cyfansawdd gorau.

PENDERFYNWYD cau allan y wasg a’r cyhoedd o’r cyfarfod yn ystod y drafodaeth ar Eitemau 10-13 gan ei bod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972 - Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig mewn bod yn agored ynglŷn â defnydd adnoddau cyhoeddus a materion ariannol cysylltiedig.  Cydnabyddir, fodd bynnag, fod adegau, er gwarchod buddiannau ariannol a masnachol cyhoeddus, fod angen trafod gwybodaeth o’r fath heb ei chyhoeddi.  Mae’r adroddiadau yn benodol ynglŷn â materion ariannol a busnes ynghyd â thrafodaethau cysylltiedig.  Byddai cyhoeddi gwybodaeth fasnachol sensitif o’r math yma yn gallu bod yn niweidiol i fuddiannau’r cyrff a’r Cynghorau ac yn tanseilio hyder rhai eraill sydd yn ymwneud â’r Cytundeb Twf i rannu gwybodaeth sensitif ar gyfer ystyriaeth.  Byddai hyn yn groes i’r budd cyhoeddus ehangach o sicrhau'r allbwn cyfansawdd gorau.

Hedd Vaughan-Evans (Pennaeth Gweithrediadau) a Dafydd Rogers (Rheolwr Prosiect Ynni Carbon Isel) i gyflwyno’r Adroddiad.

1.     Cymeradwyo’r Achos Busnes Terfynol ar gyfer prosiect Cydnerth sy’n ddarostyngedig i Fenter Môn Morlais Ltd yn mynd i’r afael â’r materion sydd angen gweithredu arnynt a nodir yn yr adroddiad.

2.     Awdurdodi’r Cyfarwyddwr Portffolio mewn ymgynghoriad â’r Cadeirydd, Is-gadeirydd, Swyddog Adran 151 a’r Swyddog Monitro i gytuno ac ymrwymo i gytundeb cyllido gyda Menter Môn Morlais Ltd er mwyn cyflawni’r prosiect.

3.     Nodi bod y model cyllido arfaethedig ar gyfer y prosiect yn fenthyciad masnachol 100% ac yn cymeradwyo bod y llog o’r benthyciad, unwaith y bydd cost taliadau benthyca ar gyfer yr elfen benthyciad wedi’i dalu, yn cael ei ddyrannu i gronfa wrth gefn i’w defnyddio i gyllido’r Swyddfa Rheoli Portffolio yn y blynyddoedd i ddod.

4.     Gofyn am adroddiad diweddariad ar gynnydd y prosiect ymhen 6 mis gyda manylion pellach am ffioedd, cyllidebau ac amserlenni.

Cyflwynwyd yr adroddiad gan y Pennaeth Gweithrediadau a’r Rheolwr Prosiect Ynni a Sero Net (Hydrogen).

PENDERFYNIAD

1.     Cymeradwyo’r Achos Busnes Terfynol ar gyfer prosiect Cydnerth sy’n ddarostyngedig i Fenter Môn Morlais Ltd yn mynd i’r afael â’r materion sydd angen gweithredu arnynt a nodir yn yr adroddiad.

2.     Awdurdodi’r Cyfarwyddwr Portffolio mewn ymgynghoriad â’r Cadeirydd, Is-gadeirydd, Swyddog Adran 151 a’r Swyddog Monitro i gytuno ac ymrwymo i gytundeb cyllido gyda Menter Môn Morlais Ltd er mwyn cyflawni’r prosiect.

3.     Nodi bod y model cyllido arfaethedig ar gyfer y prosiect yn fenthyciad masnachol 100% ac yn cymeradwyo bod y llog o’r benthyciad, unwaith y bydd cost taliadau benthyca ar gyfer yr elfen benthyciad wedi’i dalu, yn cael ei ddyrannu i gronfa wrth gefn i’w defnyddio i gyllido’r Swyddfa Rheoli Portffolio yn y blynyddoedd i ddod.

4.     Gofyn am adroddiad diweddariad ar gynnydd y prosiect ymhen 6 mis gyda manylion pellach am ffioedd, cyllidebau ac amserlenni.

RHESYMAU DROS Y PENDERFYNIAD

Ceisio cymeradwyaeth y Bwrdd Uchelgais i Achos Busnes Terfynol ar gyfer y prosiect Cydnerth.

TRAFODAETH

Trafodwyd yr adroddiad.

David Mathews (Rheolwr Rhaglen Tir ac Eiddo) i gyflwyno’r Adroddiad.

1. Cymeradwyo’r Achos Busnes Llawn ar gyfer prosiect Parc Bryn Cegin.
2. Cadarnhau’r awdurdod dirprwyedig a wnaed ar 6 Rhagfyr 2024 i’r Cyfarwyddwr Portffolio mewn ymgynghoriad â’r Cadeirydd, Is-gadeirydd, Swyddog Adran 151 a’r Swyddog Monitro i gymeradwyo ac ymrwymo i’r Cytundeb Cyd-fenter.

Cyflwynwyd yr adroddiad gan y Rheolwr Rhaglen Tir ac Eiddo.

PENDERFYNIAD

1.     Cymeradwyo’r Achos Busnes Llawn ar gyfer prosiect Parc Bryn Cegin.

2.     Cadarnhau’r awdurdod dirprwyedig a wnaed ar 6 Rhagfyr 2024 i’r Cyfarwyddwr Portffolio mewn ymgynghoriad â’r Cadeirydd, Is-gadeirydd, Swyddog Adran 151 a’r Swyddog Monitro i gymeradwyo ac ymrwymo i’r Cytundeb Cyd-fenter.

RHESYMAU DROS Y PENDERFYNIAD

Ceisio cymeradwyaeth y Bwrdd Portffolio i’r Achos Busnes Llawn ar gyfer prosiect Parc Bryn Cegin.

Cymeradwyodd y Bwrdd Achos Busnes Amlinellol y prosiect ar 6 Rhagfyr 2024. Mae’r Bwrdd Rhaglen Tir ac Eiddo a’r Bwrdd Portffolio wedi cymeradwyo’r Achos Busnes Llawn ym mis Ionawr 2025.

Gan nad oes cytundeb ariannu grant ar gyfer y prosiect hwn, bydd y Cyd-fenter yn gweithredu fel cytundeb cyfreithiol rhwng Uchelgais Gogledd Cymru a Llywodraeth Cymru.

TRAFODAETH

Trafodwyd yr adroddiad.

Elliw Hughes (Rheolwr Rhaglen Cynllun Twf) i gyflwyno’r Adroddiad.

1.     Cymeradwyo’r Achos Busnes Amlinellol ar gyfer prosiect Anturiaethau Gyfrifol, yn amodol ar gymeradwyaeth Llywodraeth Cymru a’r DU o’r broses sicrwydd yr ymgymerwyd â hi, yn ogystal â Zip World yn ymdrin â’r materion a osodwyd yn yr Adroddiad.

2.     Gofyn am adroddiad pellach i gyfarch tri pryder penodol cyn gwahodd Cynllun Busnes Llawn ar gyfer y prosiect Anturiaethau Cyfrifol, a  gwahodd y cwmni i gyfarch y rhain o fewn cyfnod o 3 mis; yn benodol:

·       Darparu Cynllun Buddion Lleol wedi datblygu yn dilyn ymgysylltu gyda’r cymunedau lleol;

·       Paratoi Strategaeth ac egwyddorion gweithrediadol i’r e-fws;

·       Darparu Adroddiad cynnydd ar y Cynllun Ymgysylltu

3.     Dirprwyo’r gymeradwyaeth derfynol o’r manylebau caffael a’r meini prawf gwerth cymdeithasol i’r Cyfarwyddwr Portffolio, mewn ymgynghoriad â’r Cadeirydd, Is-gadeirydd, Swyddog Adran 151 a’r Swyddog Monitro cyn dechrau caffael.

4.     Awdurdodi’r Cyfarwyddwr Portffolio, mewn ymgynghoriad â Swyddog Adran 151 a’r Swyddog Monitro, i gytuno ar delerau drafft yn unol â’r adroddiad hwn, i’w cymeradwyo gan y bwrdd Uchelgais Economaidd fel sail ar gyfer y trefniadau ariannu terfynol ar gyfer y prosiect a fydd yn ffurfiol sail y Llythyr Cynnig Grant a gaiff ei gytuno gan y Bwrdd ar y cam Achos Busnes Llawn.

Cyflwynwyd yr adroddiad gan y Rheolwr Rhaglen Cynllun Twf.

PENDERFYNIAD

1.     Cymeradwyo’r Achos Busnes Amlinellol ar gyfer prosiect Anturiaethau Gyfrifol, yn amodol ar gymeradwyaeth Llywodraeth Cymru a’r DU o’r broses sicrwydd yr ymgymerwyd â hi, yn ogystal â Zip World yn ymdrin â’r materion a osodwyd yn yr Adroddiad.

2.     Gofyn am adroddiad pellach i gyfarch tri pryder penodol cyn gwahodd Cynllun Busnes Llawn ar gyfer y prosiect Anturiaethau Cyfrifol, a  gwahodd y cwmni i gyfarch y rhain o fewn cyfnod o 3 mis; yn benodol:

·       Darparu Cynllun Buddion Lleol wedi datblygu yn dilyn ymgysylltu gyda’r cymunedau lleol;

·       Paratoi Strategaeth ac egwyddorion gweithrediadol i’r e-fws;

·       Darparu Adroddiad cynnydd ar y Cynllun Ymgysylltu

3.     Dirprwyo’r gymeradwyaeth derfynol o’r manylebau caffael a’r meini prawf gwerth cymdeithasol i’r Cyfarwyddwr Portffolio, mewn ymgynghoriad â’r Cadeirydd, Is-gadeirydd, Swyddog Adran 151 a’r Swyddog Monitro cyn dechrau caffael.

4.     Awdurdodi’r Cyfarwyddwr Portffolio, mewn ymgynghoriad â Swyddog Adran 151 a’r Swyddog Monitro, i gytuno ar delerau drafft yn unol â’r adroddiad hwn, i’w cymeradwyo gan y bwrdd Uchelgais Economaidd fel sail ar gyfer y trefniadau ariannu terfynol ar gyfer y prosiect a fydd yn ffurfiol sail y Llythyr Cynnig Grant a gaiff ei gytuno gan y Bwrdd ar y cam Achos Busnes Llawn.

RHESYMAU DROS Y PENDERFYNIAD

Ceisio cymeradwyaeth y Bwrdd Uchelgais i’r Achos Busnes Llawn ar gyfer prosiect Anturiaethau Cyfrifol

TRAFODAETH

Trafodwyd yr adroddiad.

Elliw Hughes (Rheolwr Rhaglen y Cynllun Twf) a Dafydd Jones (Rheolwr Prosiect Bwyd-amaeth a Thwristiaeth) i gyflwyno’r Adroddiad.

1. Cytuno i’r cais am newid ar gyfer y prosiect Canolbwynt Economi Wledig Glynllifon ac yn ddarostyngedig i’r materion sy’n weddill, gofyn i Grŵp Llandrillo Menai ymgymryd â’r gweithgaredd angenrheidiol i gyflwyno’r achosion busnes perthnasol i’w hystyried.
2. Cadarnhau y bydd sgôp diwygiedig y prosiect yn cael ei gyflawni o fewn y dyraniad cyllid presennol ar gyfer y prosiect ac na fydd unrhyw gyllid pellach ar gyfer y prosiect yn cael ei ddarparu o’r Cynllun Twf o ganlyniad i’r newid hwn.
3. Cefnogi’r egwyddor o ystyried prosiect ar wahân yn y dyfodol ar gyfer cyflawni’r deoryddion a gofyn i’r Swyddfa Rheoli Portffolio barhau i drafod gyda phartïon sydd â diddordeb i archwilio’r opsiwn hwn.

Cyflwynwyd yr adroddiad gan y Pennaeth Gweithrediadau a’r Rheolwr Rhaglen Cynllun Twf.

PENDERFYNIAD

1.     Cytuno i’r cais am newid ar gyfer y prosiect Hwb Economi Wledig Glynllifon ac yn ddarostyngedig i’r materion sy’n weddill, gofyn i Grŵp Llandrillo Menai ymgymryd â’r gweithgaredd angenrheidiol i gyflwyno’r achosion busnes perthnasol i’w hystyried.

2.     Cadarnhau y bydd sgôp diwygiedig y prosiect yn cael ei gyflawni o fewn y dyraniad cyllid presennol ar gyfer y prosiect ac na fydd unrhyw gyllid pellach ar gyfer y prosiect yn cael ei ddarparu o’r Cynllun Twf o ganlyniad i’r newid hwn.

3.     Cefnogi’r egwyddor o ystyried prosiect ar wahân yn y dyfodol ar gyfer cyflawni’r deoryddion a gofyn i’r Swyddfa Rheoli Portffolio barhau i drafod gyda phartïon sydd â diddordeb i archwilio’r opsiwn hwn.

RHESYMAU DROS Y PENDERFYNIAD

Ceisio cymeradwyaeth y cais am newid y prosiect Hwb Economi Wledig Glynllifon.

TRAFODAETH

Trafodwyd yr adroddiad.