Rhaglen, penderfyniadau a chofnodion

Penodi Cadeirydd ar gyfer 2024/25.

Penodi’r Cynghorydd Dyfrig Siencyn yn Gadeirydd ar gyfer 2024/25.

PENDERFYNWYD penodi’r Cynghorydd Dyfrig Siencyn yn Gadeirydd ar gyfer 2024/25.

Penodi Is-gadeirydd ar gyfer 2024/25.

Penodi’r Cynghorydd Mark Pritchard yn Is-gadeirydd ar gyfer 2024/25.

PENDERFYNWYD penodi’r Cynghorydd Mark Pritchard yn Is-gadeirydd ar gyfer 2024/25.

Derbyn unrhyw ymddiheuriadau am absenoldeb.

Derbyniwyd ymddiheuriadau gan:-

·       Y Cynghorydd Llinos Medi Huws (Cyngor Sir Ynys Môn) gyda’r Cynghorydd Gary Pritchard yn dirprwyo;

·       Y Cynghorydd Mark Pritchard (Cyngor Bwrdeistref Sirol Wrecsam)

·       Rhun ap Gareth (Cyngor Bwrdeistref Sirol Conwy) gyda Fran Lewis yn dirprwyo;

·       Neil Cockerton (Cyngor Sir y Fflint) gydag Andrew Farrow yn dirprwyo;

·       Graham Boase (Cyngor Sir Ddinbych) gyda Gary Williams yn dirprwyo;

·       Emyr Williams (Awdurdod Parc Cenedlaethol Eryri) gydag Iwan Jones yn dirprwyo.

Croesawyd y Cynghorydd Edgar Owen i’w gyfarfod cyntaf o’r Cyd-bwyllgor yn sgil ei benodi’n Gadeirydd newydd Awdurdod Parc Cenedlaethol Eryri. 

Nodwyd y byddai Emyr Williams (Awdurdod Parc Cenedlaethol Eryri) yn ymddeol yn fuan.  Diolchwyd iddo am ei gyfraniad i waith y Cyd-bwyllgor a dymunwyd iddo bob hapusrwydd i’r dyfodol.

Derbyn unrhyw ddatganiadau o fuddiant personol.

Datganodd Alwen Williams, Prif Weithredwr Dros Dro y CBC fuddiant personol yn eitem 9, ond gan ei bod yn bwysig ei bod yn rhan o’r drafodaeth gyffredinol ar drosglwyddiad swyddogaethau’r Bwrdd Uchelgais i’r CBC, ac na fu trafodaeth ar y rhan o’r adroddiad sy’n ymwneud yn benodol ag ymestyn ei secondiad yn y rôl Prif Weithredwr Dros Dro, ni adawodd y cyfarfod.

Nodi unrhyw eitemau sy’n fater brys ym marn y Cadeirydd fel y gelir eu hystyried.

Dim i’w nodi.

Bydd y Cadeirydd yn cynnig y dylid llofnodi cofnodion y cyfarfod blaenorol o’r pwyllgor hwn a gynhaliwyd ar 22 Mawrth, 2024 fel rhai cywir.

Llofnododd y Cadeirydd gofnodion y cyfarfod blaenorol a gynhaliwyd ar 22 Mawrth, 2024 fel rhai cywir.

Dewi A Morgan, Pennaeth Cyllid y CBC (Swyddog Cyllid Statudol) a Sian Pugh, Pennaeth Cyllid Cynorthwyol y CBC i ddarparu Datganiad Strategaeth Rheolaeth Trysorlys y Cyd-Bwyllgor Corfforedig ar gyfer 2024/25.  

Derbyn a chymeradwyo’r Datganiad Strategaeth Rheolaeth Trysorlys ar gyfer 2024/25.

Cyflwynwyd yr adroddiad gan Dewi Morgan, Prif Swyddog Cyllid.

PENDERFYNWYD derbyn a chymeradwyo’r Datganiad Strategaeth Rheolaeth Trysorlys ar gyfer 2024/25.

Dewi A Morgan, Pennaeth Cyllid y CBC (Swyddog Cyllid Statudol) a Sian Pugh, Pennaeth Cyllid Cynorthwyol y CBC i ddarparu diweddariad ar sefyllfa alldro terfynol 2023/24 i Gyd-Bwyllgor Corfforedig y Gogledd a chael cymeradwyaeth i'r Ffurflen Flynyddol Swyddogol ar gyfer 2023/24.

1.    Nodi a derbyn gwir wariant ac incwm y Cyd-Bwyllgor Corfforedig ar gyfer 2023/24 fel y’i cyflwynwyd yn Atodiad 1 i’r adroddiad.

2.    Cymeradwyo trosglwyddo’r tanwariant yn 2023/24 i gronfa wrth gefn wedi’i chlustnodi ar gyfer ariannu costau unwaith ac am byth yn y dyfodol.

3.    Cymeradwyo Ffurflen Flynyddol Swyddogol y Cydbwyllgor Corfforedig ar gyfer 2023/24 (amodol ar Archwiliad Allanol), yn unol â'r amserlen statudol, sef 30 Mehefin 2024. (Mae wedi'i chwblhau a'i hardystio'n briodol gan Bennaeth Cyllid Cyngor Gwynedd fel Swyddog Cyllid Statudol y Cydbwyllgor Corfforedig (Atodiad 2 i’r adroddiad)).

Cyflwynwyd yr adroddiad gan Sian Pugh, Pennaeth Cyllid Cynorthwyol.

PENDERFYNWYD:

1.          Nodi a derbyn gwir wariant ac incwm y Cydbwyllgor Corfforedig ar gyfer 2023/24 fel y’i cyflwynwyd yn Atodiad 1 i’r adroddiad.

2.          Cymeradwyo trosglwyddo’r tanwariant yn 2023/24 i gronfa wrth gefn wedi’i chlustnodi ar gyfer ariannu costau unwaith ac am byth yn y dyfodol.

3.          Cymeradwyo Ffurflen Flynyddol Swyddogol y Cydbwyllgor Corfforedig ar gyfer 2023/24 (amodol ar Archwiliad Allanol), yn unol â'r amserlen statudol, sef 30 Mehefin 2024. (Mae wedi'i chwblhau a'i hardystio'n briodol gan Bennaeth Cyllid Cyngor Gwynedd fel Swyddog Cyllid Statudol y Cydbwyllgor Corfforedig (Atodiad 2 i’r adroddiad)).

Dafydd Gibbard, Prif Weithredwr y Cyngor Arweiniol ar gyfer Cyd-bwyllgor Corfforedig y Gogledd  ag Alwen Williams, Cyfarwyddwr Portffolio Uchelgais Gogledd Cymru a Phrif Weithredwr dros dro Cyd-bwyllgor Corfforedig y Gogledd i gyflwyno diweddariad pellach ar gynnydd i sefydlu'r Cyd-bwyllgor Corfforedig (CBC) gan ymateb i'w swyddogaethau statudol a chyflawni trosglwyddiad arfaethedig swyddogaethau Bwrdd Uchelgais Economaidd Gogledd Cymru i'r CBC.

1.    Derbyn yr adroddiad ar y diweddariad cynnydd ar y gwaith i sefydlu Cyd-bwyllgor Corfforedig y Gogledd ac ymateb i'r tasgau sy'n ofynnol gan ei swyddogaethau statudol (Atodiad 1 i’r adroddiad).

2.    Derbyn y cynllun wedi'i ddiweddaru ynghyd â'r dyddiad diwygiedig o’r 1af o Dachwedd ar gyfer trosglwyddo Cynllun Twf Gogledd Cymru i Gyd-bwyllgor Corfforedig y Gogledd.

3.    Cymeradwyo’r trefniadau interim i ryddhau amser y Cyfarwyddwr Portffolio am ddau ddiwrnod yr wythnos i ymgymryd â rôl y Prif Weithredwr Dros Dro a’i ymestyn hyd at 31 Hydref, 2024. (Bydd yr holl gostau cyflogaeth a chostau cysylltiedig yn parhau i gael ei dalu gan CBC y Gogledd).

4.    Gofyn am adroddiad pellach ar gynnydd yn y broses drosglwyddo a monitro o'r amserlen.

Cyflwynwyd yr adroddiad gan Alwen Williams, Prif Weithredwr Dros Dro y CBC.

PENDERFYNWYD:

1.          Derbyn yr adroddiad ar y diweddariad cynnydd ar y gwaith i sefydlu Cyd-bwyllgor Corfforedig y Gogledd ac ymateb i'r tasgau sy'n ofynnol gan ei swyddogaethau statudol (Atodiad 1 i’r adroddiad).

2.          Derbyn y cynllun wedi'i ddiweddaru ynghyd â'r dyddiad diwygiedig o’r 1af o Dachwedd ar gyfer trosglwyddo Cynllun Twf Gogledd Cymru i Gyd-bwyllgor Corfforedig y Gogledd.

3.          Cymeradwyo’r trefniadau interim i ryddhau amser y Cyfarwyddwr Portffolio am ddau ddiwrnod yr wythnos i ymgymryd â rôl y Prif Weithredwr Dros Dro a’i ymestyn hyd at 31 Hydref, 2024. (Bydd yr holl gostau cyflogaeth a chostau cysylltiedig yn parhau i gael ei dalu gan CBC y Gogledd).

4.          Gofyn am adroddiad pellach ar gynnydd yn y broses drosglwyddo a monitro o'r amserlen.

TRAFODAETH

Holwyd ai adnoddau a chyllid y Cyd-bwyllgor Corfforedig oedd yn mynd i mewn i’r gwaith caffael ar gyfer symud y Parth Buddsoddi ar gyfer Wrecsam a Sir y Fflint yn ei flaen.  Mewn ymateb, nodwyd:-

·       Bod cytundeb wedi’i wneud eisoes i neilltuo £100,000 o gyllideb y Cyd-bwyllgor er mwyn hwyluso’r gwaith o fynd drwy’r Pyrth i gyflawni’r Parth Buddsoddi.

·       Gan ein bod yn wynebu Etholiad Cyffredinol ar 4 Gorffennaf, bod trefniant ychwanegol mewn lle a chytundeb gan Gyngor Sir y Fflint a Chyngor Wrecsam i ddarparu hyd at £25,000 yr un o gyllid ar gyfer unrhyw waith sydd wedi cael ei gyfeirio tuag at ddatblygu’r cynllun pe na fyddai’r llywodraeth newydd yn dilyn y broses o Barthau Buddsoddi.

Holwyd ymhellach oedd yna unrhyw amheuaeth ynglŷn â dyfodol y polisïau hyn.  Mewn ymateb, nodwyd:-

·       Nad oedd unrhyw lywodraeth wedi rhoi arwydd y byddai yna drefniant newydd mewn lle, ond roedd angen sicrwydd ynglŷn â hyn unwaith y byddai’r llywodraeth wedi’i sefydlu.

·       Yn sgil mynd drwy’r broses o fynd drwy’r Pyrth i ddarparu’r cais i gadarnhau’r Parth Buddsoddi, byddai cyfran o’r £160 miliwn sy’n cael ei ddarparu ar gyfer y Parth Buddsoddi yn gyfran all gael ei ddefnyddio ar gyfer costau gweinyddol, felly byddai’n bosib’ gwneud cais am y costau datblygu o’r arian yna unwaith y byddai’r Parth Buddsoddi wedi’i gymeradwyo.

Nododd Arweinydd Cyngor Sir y Fflint ei fod yn siomedig bod y Parth Buddsoddi yn dod drwy’r Cyd-bwyllgor Corfforedig ac y byddai’n well ganddo petai yna gorff wedi’i sefydlu rhwng Sir y Fflint a Wrecsam a’u partneriaid, megis Airbus, i reoli’r prosiect.  Nododd ymhellach y gofynnwyd mewn dau gyfarfod o’r Cyd-bwyllgor o ble fyddai’r adnoddau yn dod, gan fod hwn yn Barth Buddsoddi ar gyfer Sir y Fflint a Wrecsam, ac awgrymodd efallai y dylid edrych ar gostau amrywiol brosiectau sydd wedi’u lleoli mewn ardaloedd daearyddol penodol.

Nodwyd y deellid bod yr adnodd gweithredu ar gyfer y Cyd-bwyllgor drwy secondiad gan Lywodraeth Cymru bellach wedi dod i ben, a holwyd faint o ergyd oedd hyn i’n gallu i fwrw ymlaen â’r gwaith o sefydlu’r Cyd-bwyllgor.  Mewn ymateb, nodwyd:-

·       Bod y secondiad wedi terfynu yn gynt na’r disgwyl oherwydd penderfyniad personol i fynd yn  ...  gweld y cofnod llawn ar gyfer eitem 9.

Iwan Evans, Swyddog Monitro i gyflwyno’r adroddiad.  

1.    Penodi fel aelodau cyfetholedig i is-bwyllgorau'r Cyd-bwyllgor Corfforedig a ganlyn:

(i)            is-bwyllgor cynllunio strategol

(ii)          is-bwyllgor trafnidiaeth strategol

2. Awdurdodi'r Swyddog Monitro i dderbyn (a phenodi fel aelodau cyfetholedig) newidiadau i aelodaeth yr is-bwyllgorau hyn a hysbyswyd yn ysgrifenedig i'r Swyddog Monitro, ar yr amod bod y penodiadau hyn yn cael eu datgan i'r Cyd-bwyllgor Corfforedig yn y cyfarfod nesaf.

Cyflwynwyd yr adroddiad gan Iwan Evans, Swyddog Monitro.

Diolchodd y Swyddog Monitro i Claire Incledon (Cyfreithiwr) am y gwaith o gael y cytundebau yn eu lle ac wedi’u harwyddo.

PENDERFYNWYD:

1.          Penodi fel aelodau cyfetholedig i is-bwyllgorau'r Cyd-bwyllgor Corfforedig a ganlyn:

(i)      is-bwyllgor cynllunio strategol

(ii)    is-bwyllgor trafnidiaeth strategol

2.          Awdurdodi'r Swyddog Monitro i dderbyn (a phenodi fel aelodau cyfetholedig) newidiadau i aelodaeth yr is-bwyllgorau hyn a hysbyswyd yn ysgrifenedig i'r Swyddog Monitro, ar yr amod bod y penodiadau hyn yn cael eu datgan i'r Cyd-bwyllgor Corfforedig yn y cyfarfod nesaf.

Alwen Williams, Prif Weithredwr dros dro i gyflwyno’r adroddiad.  

Awdurdodi'r Prif Weithredwr i ymateb i'r ymgynghoriad mewn ymgynghoriad â'r Cadeirydd.

Cyflwynwyd yr adroddiad gan Alwen Williams, Prif Swyddog Dros Dro y CBC.

Mewn ymateb i gwestiwn, cadarnhawyd bod y safonau yn debyg iawn i’r safonau sydd wedi’u gosod ar y 6 awdurdod yn unigol, a’i bod yn debygol hefyd y byddai’r safonau sy’n cael eu gosod ar yr holl gydbwyllgorau ar draws Cymru yn ymdebygu i’w gilydd.

PENDERFYNWYD awdurdodi'r Prif Weithredwr i ymateb i'r ymgynghoriad mewn ymgynghoriad â'r Cadeirydd.

Alwen Williams, Prif Weithredwr dros dro y CBC i gyflwyno polisi tâl Cyd-Bwyllgor Corfforedig y Gogledd ar gyfer 2024/25.

Mabwysiadu datganiad polisi tâl Cyd-bwyllgor Corfforedig y Gogledd ar gyfer 2024/25.

Cyflwynwyd yr adroddiad gan Iwan Evans, Swyddog Monitro.

Mewn ymateb i gwestiwn, cadarnhawyd nad oedd unrhyw beth yn y Datganiad Polisi Tâl yn anarferol nac yn wahanol i bolisi tâl unrhyw gyrff eraill.

PENDERFYNWYD mabwysiadu datganiad polisi tâl Cyd-bwyllgor Corfforedig y Gogledd ar gyfer 2024/25.

Iwan Evans, Swyddog Monitro i gyflwyno’r calendr draft ar gyfer y cyfnod at fis Mai 2025.

Cymeradwyo’r calendr drafft at gyfer y cyfnod hyd at fis Mai 2025.

Cyflwynwyd yr adroddiad gan Iwan Evans, Swyddog Monitro.

PENDERFYNWYD cymeradwyo’r calendr drafft at gyfer y cyfnod hyd at fis Mai 2025.