Rhaglen, penderfyniadau a chofnodion drafft

I ethol Cadeirydd hyd Cyfarfod Blynyddol nesaf y Cyd-bwyllgor.

Penodi’r Cynghorydd Mark Pritchard yn Gadeirydd hyd Cyfarfod Blynyddol nesaf y Cyd-bwyllgor.

PENDERFYNWYD penodi’r Cynghorydd Mark Pritchard yn Gadeirydd hyd Cyfarfod Blynyddol nesaf y Cyd-bwyllgor.

Diolchodd y Cadeirydd am gefnogaeth y Cyd-bwyllgor gan nodi y byddai yn gweithio’n ddiflino i wella Gogledd Cymru fel rhanbarth.

I ethol Is-gadeirydd hyd Cyfarfod Blynyddol nesaf y Cyd-bwyllgor, os yw’r angen yn codi.  

Penodi’r Cynghorydd Charlie McCoubrey yn Is-gadeirydd hyd Cyfarfod Blynyddol nesaf y Cyd-bwyllgor.

PENDERFYNWYD penodi’r Cynghorydd Charlie McCoubrey yn Is-gadeirydd hyd Cyfarfod Blynyddol nesaf y Cyd-bwyllgor.

Mynegwyd llongyfarchiadau ar ran y Cyd-bwyllgor i’r Is-gadeirydd. Diolchodd yr Is-gadeirydd am y gefnogaeth gan ategu y byddai’n gwneud popeth o fewn ei allu er mwyn sicrhau llwyddiant y Cyd-bwyllgor hwn.

I dderbyn unrhyw ymddiheuriadau.

Derbyniwyd ymddiheuriadau gan:

•           Cyng. Jason McLellan Cyngor Sir Ddinbych) gyda Cyng. Barry Mellor yn dirprwyo.

•           Dafydd Gibbard (Cyngor Gwynedd) gyda Geraint Owen yn dirprwyo.

I dderbyn unrhyw ddatganiad o fuddiant personol.

Dim i’w nodi.

Nodi unrhyw eitemau sy’n fater brys ym marn y Cadeirydd fel y gellir eu hystyried.

Dim i’w nodi.

Bydd y Cadeirydd yn cynnig y dylid llofnodi cofnodion cyfarfod y pwyllgor hwn a gynhaliwyd ar 22 Tachwedd, 2024 fel rhai cywir.

Llofnododd y Cadeirydd gofnodion y cyfarfod blaenorol a gynhaliwyd ar 22 Tachwedd, 2024 fel rhai cywir.

Alwen Williams (Prif Weithredwr Dros Dro y CBC) ac Iwan Evans (Swyddog Monitro) i gyflwyno’r adroddiad.

Cymeradwyo'r Cylch Gorchwyl arfaethedig yn atodiad 1 o’r adroddiad ar gyfer yr Is-bwyllgor Lles Economaidd.

Cymeradwyo comisiynu gwasanaethau Cyfreithiol, Democrataidd, Cyllid, TG, Adnoddau Dynol, Dysgu a Datblygu, Iechyd a Diogelwch, a Chyfieithu drwy Gytundeb Lefel Gwasanaeth (CLG) gyda Chyngor Gwynedd o fewn y cyllidebau a gymeradwywyd.

Cytuno i ddirprwyo awdurdod i Brif Weithredwr Dros Dro y CBC, ac yn unol â’r adroddiad yma, ac mewn ymgynghoriad â’r Cadeirydd a’r Is-gadeirydd i gytuno a chwblhau Cytundeb Lefel Gwasanaeth (CLG) ar gyfer y gwasanaethau yn 2.2 uchod gyda Chyngor Gwynedd.

Cyflwynwyd yr adroddiad gan Alwen Williams, Prif Weithredwr Dros Dro'r CBC ac Iwan Evans, Swyddog Monitro.

PENDERFYNWYD:

Cymeradwyo'r Cylch Gorchwyl arfaethedig yn atodiad 1 o’r adroddiad ar gyfer yr Is-bwyllgor Lles Economaidd.

Cymeradwyo comisiynu gwasanaethau Cyfreithiol, Democrataidd, Cyllid, TG, Adnoddau Dynol, Dysgu a Datblygu, Iechyd a Diogelwch, a Chyfieithu drwy Gytundeb Lefel Gwasanaeth (CLG) gyda Chyngor Gwynedd o fewn y cyllidebau a gymeradwywyd.

Cytuno i ddirprwyo awdurdod i Brif Weithredwr Dros Dro y CBC, ac yn unol â’r adroddiad yma, ac mewn ymgynghoriad â’r Cadeirydd a’r Is-gadeirydd i gytuno a chwblhau Cytundeb Lefel Gwasanaeth (CLG) ar gyfer y gwasanaethau yn 2.2 uchod gyda Chyngor Gwynedd.

TRAFODAETH

Darparwyd crynodeb o’r adroddiad oedd yn cynnig Cylch Gorchwyl drafft ar gyfer Is-bwyllgor Lles Economaidd y Cyd-bwyllgor Corfforedig, sydd i’w weld yn Atodiad 1 o’r adroddiad. Eglurwyd bod y Cylch Gorchwyl yn canolbwyntio'n benodol ar y Cynllun Twf a'i drosglwyddiad arfaethedig i'r CBC ar y 1af o Ebrill, 2025.

Amlinellwyd y Model Llywodraethu arfaethedig ar gyfer yr Is-bwyllgor Lles Economaidd fel sydd i’w weld yn Atodiad 2 o’r adroddiad. Nodwyd y bydd y Cylch Gorchwyl yn esblygu wrth i ddealltwriaeth a chytundeb ddod i’r amlwg ynglŷn â beth ydi’r diffiniad o les economaidd ar lefel rhanbarthol ac felly beth ydi cyfrifoldebau ehangach y Cyd-bwyllgor Corfforedig yn y maes yma. Nodwyd y bydd y ffocws cychwynnol ar y Cynllun Twf yn caniatáu i drosglwyddo’r Cynllun i mewn i Strwythur llywodraethu o fewn y Cyd-bwyllgor Corfforedig.

Ymhelaethwyd ar y penderfyniad a geisir gan egluro y bydd adroddiad pellach dan eitem 12 o’r Rhaglen ar y gyllideb ddrafft wrth gyfeirio at ran 2.2 o’r penderfyniad oedd yn sôn am y Cytundeb Lefel Gwasanaeth gyda Chyngor Gwynedd. Tynnwyd sylw at ran 4.6 o’r adroddiad oedd yn rhoi mwy o fanylder ar yr adnoddau fyddai’n cael eu darparu i gyflawni’r CLG ac amlygwyd bwriad i gomisiynu’r trefniant hwn am gyfnod cychwynnol o 3 mlynedd.

I gloi cadarnhawyd y bydd gofynion y CLG yn cael eu hariannu o fewn y cyllidebau Gwasanaethau Cefnogol y gobeithir bydd yn cael eu cymeradwyo heddiw dan yr eitem Cyllideb.

Diolchodd y Cadeirydd i Brif Weithredwr dros dro’r CBC am yr adroddiad. Awgrymodd ychwanegu’r cymal “ac mewn ymgynghoriad â’r Cadeirydd a’r Is-gadeirydd” i drydydd paragraff y penderfyniad a geisir. Mynegwyd cefnogaeth i’r addasiad hwn gan fynegi barn ei fod yn addasiad synhwyrol.

Gwnaethpwyd sylw ei bod yn dda gweld y trefniadau yn cael eu ffurfioli a’r adnoddau priodol mewn lle a bod y Cyd-bwyllgor yn ymwybodol o be sy’n ddisgwyliedig. Cydnabuwyd y gwaith sydd wedi ei wneud gan Swyddogion Cyngor Gwynedd a diolchwyd iddynt am y gwaith yma. 

Iwan Evans (Swyddog Monitro) i gyflwyno’r adroddiad ar gyfethol aelodaeth i’r Is-bwyllgor Llywodraethu ac Archwilio.

1.1 Cymeradwyo penodi'r chwe Chynghorydd enwebedig isod o bob Cyngor   cyfansoddol fel Aelodau cyfetholedig (sydd â phleidlais) o'r Is-bwyllgor Llywodraethu ac Archwilio.

1.2 Cymeradwyo penodi tri aelod lleyg i gael eu cyfethol (a chanddynt bleidlais) i'r Is-bwyllgor Llywodraethu ac Archwilio.

Cyflwynwyd yr adroddiad gan Iwan Evans, Swyddog Monitro.

PENDERFYNWYD

1.1         Cymeradwyo penodi'r chwe Chynghorydd enwebedig isod o bob Cyngor   cyfansoddol fel Aelodau cyfetholedig (sydd â phleidlais) o'r Is-bwyllgor Llywodraethu ac Archwilio.

1.2         Cymeradwyo penodi tri aelod lleyg i gael eu cyfethol (a chanddynt bleidlais) i'r Is-bwyllgor Llywodraethu ac Archwilio.

TRAFODAETH

Cyflwynwyd yr adroddiad gan atgoffa ei bod yn ofyn statudol i’r Cyd-bwyllgor Corfforedig sefydlu Is-bwyllgor Llywodraethu ac Archwilio. Cytunwyd yn flaenorol i geisio Is-bwyllgor fydd yn cynnwys 3 aelod lleyg a chwe aelod etholedig. Adroddwyd ar y gwaith a ddilynodd i benodi’r Is-bwyllgor Llywodraethu ac Archwilio a derbyniwyd enwebiadau o Bwyllgorau Llywodraethu ac Archwilio’r Cynghorau.

Eglurwyd yn sgil y gofynion cworwm llym sydd o amgylch materion y Cyd-bwyllgor Corfforedig fod y cynnig hefyd yn cynnwys ethol dirprwyon. Tynnwyd sylw at baragraff 3.8 o’r adroddiad sydd yn rhestru’r enwau sydd wedi eu henwebu gan y Cynghorau ac o blith aelodau lleyg Pwyllgorau Llywodraethu ac Archwilio. Nodwyd ei bod yn braf adrodd bod elfen o gydweithio wedi bod yn sgil yr enwebiadau wrth i Gynghorau gefnogi aelodau lleyg ar y cyd.

Diolchwyd am yr adroddiad gan ategu fod hyn yn ofynnol er mwyn cydymffurfio a Rheoliadau Cydbwyllgor Corfforedig y Gogledd 2021 (Rheoliadau Sefydlu) a bod cyfrifoldeb ar y Cyd-bwyllgor i benodi. Cefnogwyd yr adroddiad.

Alwen Williams, Prif Weithredwr Dros Dro y Cyd-bwyllgor Corfforedig a David Hole,⁠ Rheolwr Rhaglen Gweithredu’r Cyd-bwyllgor Corfforedig i gyflwyno’r adroddiad.

Derbyn y cynnydd hyd yma a'r trefniadau symud.

Cefnogi'r amserlenni dangosol ar gyfer datblygu'r Cytundeb Cyflawni ac awdurdodi ei baratoi yn unol â hynny.  

Cyflwynwyd yr adroddiad gan Alwen Williams, Prif Weithredwr Dros Dro’r CBC a David Hole, Rheolwr Rhaglen Gweithredu’r Cyd-bwyllgor Corfforedig.

PENDERFYNIAD

Derbyn y cynnydd hyd yma a'r trefniadau symud.

Cefnogi'r amserlenni dangosol ar gyfer datblygu'r Cytundeb Cyflawni ac awdurdodi ei baratoi yn unol â hynny.

TRAFODAETH

Cyflwynwyd yr adroddiad gan nodi ei fod yn ofyniad yn dilyn cyfarfod diwethaf y Cyd-bwyllgor Corfforedig i roi’r wybodaeth ddiweddaraf ar y cynnydd a’r heriau wrth baratoi Cytundeb Cyflawni ar gyfer y Cynllun Datblygu Strategol rhanbarthol. Gofynnwyd i’r Cyd-bwyllgor dderbyn y cynnydd hwn a chefnogi’r amserlenni dangosol ar gyfer datblygu’r Cytundeb Cyflawni ac awdurdodi ei baratoi.

Adroddwyd ar y tasgau y bydd y Swyddog Cynllunio Datblygu Strategol Rhanbarthol yn eu hymgymryd ac amlinellwyd yr amserlen ddangosol ar gyfer y gwaith yma, fel sydd i’w weld yn rhan 5.2 o’r adroddiad.

Tynnwyd sylw at ran 4.5 o’r adroddiad oedd yn amlygu’r adnodd fydd ei angen i arwain ar y gwaith. Cadarnhawyd bod anodd wedi ei adnabod a bod Andy Roberts wedi cychwyn rhan amser yn ei swydd fel Swyddog Cynllunio Datblygu Strategol Rhanbarthol y CBC. Dymunwyd yn dda i Andy gan nodi y bydd yn gweithio dau ddiwrnod yr wythnos yn y rôl yma. Nodwyd bod y darn hwn o waith yn ddarn pwysig ar gyfer y rhanbarth ac y bydd Andy yn arwain ar y gwaith dan arweinyddiaeth yr Is-bwyllgor Cynllunio ar ran y Cyd-bwyllgor Corfforedig.

Diolchwyd am yr adroddiad ac estynnwyd croeso i Andy gan y Cadeirydd ar ran y Cyd-bwyllgor gan gydnabod pwysigrwydd y gwaith Cynllun Datblygu Strategol. 

Holwyd os ydi Prif Weithredwr dros dro’r CBC yn ymwybodol o unrhyw newid i’r amserlenni a gofynnwyd am ddiweddariad yn gyflym pe bai unrhyw newidiadau. Cadarnhaodd Prif Weithredwr dros dro’r CBC y byddai’r Cyd-bwyllgor yn cael eu diweddaru pe bai unrhyw newidiadau ac ategodd y bwriad o edrych ar fanylder yr amserlen a bwrw mlaen gyda’r gwaith. Ychwanegwyd pe bai unrhyw newid i’r amserlenni byddai’r rhesymau dros hynny yn cael eu hegluro’n llawn i’r Cyd-bwyllgor.

Alwen Williams (Prif Weithredwr Dros Dro y Cyd-bwyllgor Corfforedig) a David Hole (Rheolwr Rhaglen Gweithredu’r Cyd-bwyllgor Corfforedig) i gyflwyno’r adroddiad.

Cymeradwyo'r Achos dros Newid gan gynnwys y Cynllun Ymgysylltu â Rhanddeiliaid.

Cefnogi dechrau ymgynghoriad cyhoeddus ar y Cynllun Trafnidiaeth Rhanbarthol drafft.

Cyflwynwyd yr adroddiad gan Alwen Williams, Prif Weithredwr Dros Dro’r CBC a David Hole, Rheolwr Rhaglen Gweithredu’r Cyd-bwyllgor Corfforedig.

PENDERFYNIAD

Cymeradwyo'r Achos dros Newid gan gynnwys y Cynllun Ymgysylltu â Rhanddeiliaid.

Cefnogi dechrau ymgynghoriad cyhoeddus ar y Cynllun Trafnidiaeth Rhanbarthol drafft.

TRAFODAETH

Cyflwynwyd yr adroddiad gan amlygu bod y Cynlluniau a gyflwynwyd eisoes wedi derbyn cymeradwyaeth gan yr Is-bwyllgor Trafnidiaeth Strategol yn ei gyfarfod ar 16 Rhagfyr, 2024. Eglurwyd bod y Cynllun Achos dros Newid a’r Cynllun Ymgysylltu â Rhanddeiliaid yn gam gweithdrefnol beirniadol wrth ddatblygu Cynllun Trafnidiaeth Rhanbarthol Gogledd Cymru a chreu sylfaen angenrheidiol i ddechrau ymgynghoriad cyhoeddus ar 20 Ionawr. Gofynnwyd i’r Cyd-bwyllgor gymeradwyo’r ddau Gynllun a chefnogi dechrau ymgynghoriad cyhoeddus.

Rhannwyd gwybodaeth am linell amser bras oedd yn crynhoi’r prif gerrig milltir ar gyfer cyrraedd cyhoeddi Cynllun Trafnidiaeth Rhanbarthol. Eglurwyd mai’r bwriad yw i redeg ymgynghoriad o 20 Ionawr hyd ar 14 Ebrill sydd yn gyfnod o 12 wythnos. Nodwyd bod copi o’r ddogfen bolisi Cynllun Trafnidiaeth Rhanbarthol wedi ei chynnwys yn Atodiad 3 o’r adroddiad a nodwyd bod yr holl ddogfennau cefnogol yn barod i’w lansio fel rhan o’r ymgynghoriad pe bai’r Cyd-bwyllgor yn gefnogol heddiw.

Mynegwyd balchder yn y gwaith sydd wedi cael ei gwblhau gan ARUP a’r gwaith pwysig sydd wedi cael ei wneud gan Trafnidiaeth Cymru fel rhan o’r broses o gasglu’r wybodaeth i gyd yn barod i fynd allan i ymgynghoriad. Amlygwyd mai Gogledd Cymru fydd y rhanbarth cyntaf i fynd allan i ymgynghoriad cyhoeddus ar y Cynllun Trafnidiaeth Rhanbarthol a bod hyn yn destun balchder sy’n cydnabod y gwaith aeth yn ei flaen ers mis Hydref 2024 i gael yr holl ddogfennaeth yn barod.

Diolchwyd i Brif Weithredwr dros dro’r CBC a’r tîm am eu gwaith i sicrhau bod popeth yn barod ar gyfer yr ymgynghoriad cyhoeddus gan gydnabod pwysigrwydd y gwaith.

Mynegwyd diolch pellach i Brif Weithredwr dros dro’r CBC am fynychu sesiwn briffio i aelodau etholedig Ynys Môn yn ystod yr wythnos oedd yn fuddiol iawn. Cadarnhawyd bod yr aelodau etholedig wedi bod yn annog eu partneriaid trydydd sector i gymryd rhan yn yr ymgynghoriad.

Gofynnwyd am sicrwydd y bydd yr iaith Gymraeg yn cael ei llawn le yn yr ymgynghoriad a bod ystyriaeth hefyd i ymgysylltu wyneb yn wyneb yn ogystal ag ymgysylltu digidol. Ychwanegwyd ei bod yn bwysig bod cyfleoedd i bobl fedru ymateb ac ymgysylltu trwy’r iaith Gymraeg. Cadarnhaodd Prif Weithredwr dros dro’r CBC bod yr holl ddogfennaeth yn ddwyieithog gyda’r Gymraeg yn ymddangos yn gyntaf o fewn yr ymgynghoriad. Adroddwyd bod ystafell rithiol wedi ei chreu ar y cyd efo ARUP a bod y byrddau rhithiol hyn i gyd yn ymddangos efo’r Gymraeg yn gyntaf. Ychwanegwyd bod llinell ffôn wedi ei sefydlu fydd yn agored i’r cyhoedd ffonio fydd hefyd yn cynnig darpariaeth Gymraeg i unrhyw un sydd eisiau trafodaeth neu roi adborth yn Gymraeg. Nodwyd mai’r unig ddogfennaeth sydd heb eu cyfieithu i’r Gymraeg yn llawn yw dogfennaeth hynod dechnegol sydd wrth gefn i’r ymgynghoriad.

Mynegwyd o ran ymgysylltu wyneb yn wyneb bod y  ...  gweld y cofnod llawn ar gyfer eitem 10.

Dewi A. Morgan (Pennaeth Cyllid - Swyddog Cyllid Statudol y CBC) a Sian Pugh, (Pennaeth Cyllid Cynorthwyol) i gyflwyno’r adroddiad.

Nodi a derbyn rhagolwg o wariant y Cyd-Bwyllgor Corfforedig ar gyfer 2024/25 fel y cyflwynir yn Atodiad 1.

Cyflwynwyd yr adroddiad gan Dewi A. Morgan (Pennaeth Cyllid - Swyddog Cyllid Statudol y CBC) a Sian Pugh, (Pennaeth Cyllid Cynorthwyol).

PENDERFYNIAD

Nodi a derbyn rhagolwg o wariant y Cyd-Bwyllgor Corfforedig ar gyfer 2024/25 fel y cyflwynir yn Atodiad 1.

TRAFODAETH

Cyflwynwyd yr adroddiad adolygiad ariannol Rhagfyr 2024 gan dynnu sylw’r aelodau at y tabl yn atodiad 1 o’r adroddiad. Eglurwyd bod y gyllideb ar yr ochr chwith ac yna amcan o’r sefyllfa hyd at ddiwedd y flwyddyn ariannol ar yr ochr dde, gyda’r golofn olaf yn dangos y gorwariant neu'r tanwariant fesul pennawd.

Amlygwyd, yn seiliedig ar yr wybodaeth diweddaraf, rhagwelir tanwariant net o £270,000 erbyn diwedd y flwyddyn ariannol, a hynny wedi cynyddu o’r £200,000 a ragwelwyd yn Adolygiad Awst. Rhagwelir tanwariant o £311,000 ar y pennawd Gweithwyr a £5,000 o danwariant ar y pennawd Teithio. Nodwyd bod y pennawd ymgynghorwyr allanol yn dangos gorwariant o £53,000, ond bod £80,000 o’r gwariant ar y pennawd yma yn ymwneud â chostau ymgynghori sy’n cael ei ariannu o Grant Trafnidiaeth, a dangosir yr incwm fel gwarged o dan yr incwm grant is lawr yn y tabl.

Tynnwyd sylw at y gorwariant o £216,700 ar y costau sefydlu, sef cynnydd o’r £136,000 o orwariant a ragwelwyd yn yr adolygiad Awst a hynny oherwydd yr oedi wrth drosglwyddo swyddogaethau'r Cynllun Twf i'r Cydbwyllgor Corfforedig gyda’r dyddiad trosglwyddo tebygol bellach ym mis Ebrill.

Diolchwyd i’r Pennaeth Cyllid Cynorthwyol am yr adroddiad a’r gwaith gan fynegi bodlonrwydd am yr hyn sydd wedi ei nodi.

Dewi A. Morgan (Pennaeth Cyllid - Swyddog Cyllid Statudol y CBC) a Sian Pugh (Pennaeth Cyllid Cynorthwyol) i gyflwyno’r adroddiad.

1.1  Cymeradwyo Cyllideb 2025/26 Cyd-Bwyllgor Corfforedig (CBC) y Gogledd fel y’i cyflwynir yn yr atodiad i’r adroddiad. Cymeradwyo’r gyllideb fel y nodir isod:-

1.2  Cymeradwyo’r ardoll ar yr awdurdodau cyfansoddol fel y nodir isod:-

Cyflwynwyd yr adroddiad gan Dewi A. Morgan (Pennaeth Cyllid - Swyddog Cyllid Statudol y CBC) a Sian Pugh, (Pennaeth Cyllid Cynorthwyol).

PENDERFYNIAD

1.1 Cymeradwyo Cyllideb 2025/26 Cyd-Bwyllgor Corfforedig (CBC) y Gogledd fel y’i cyflwynir yn yr atodiad i’r adroddiad. Cymeradwyo’r gyllideb fel y nodir isod:-

1.2 Cymeradwyo’r ardoll ar yr awdurdodau cyfansoddol fel y nodir isod:-

TRAFODAETH

Cyflwynwyd cyllideb y Cydbwyllgor Corfforedig ar gyfer 2025/26 a rhedwyd trwy’r prif ychwanegiadau. Nodwyd bod argymhelliad diweddar y Llywodraethau i gael Cyfarwyddwr Portffolio Cynllun Twf llawn amser pwrpasol wedi cael effaith ar y strwythur staffio. Yn flaenorol, rhannwyd swydd Prif Weithredwr y Cydbwyllgor gyda’r Cynllun Twf, ond yn dilyn eu hargymhelliad, mae cyllideb y Cydbwyllgor bellach wedi ei addasu i gynnwys swydd Prif Weithredwr llawn amser yn ogystal â Chynorthwyydd Personol llawn amser.

Adroddwyd bod pedair swydd ychwanegol mewn Polisi, Caffael, Gweithrediadau a Gweinyddu wedi'u hychwanegu at y strwythur staffio a rheini i gael eu hariannu o'r gronfa wrth gefn am gyfnod o ddwy flynedd gyda thrafodaethau pellach i’w cynnal yn y dyfodol i benderfynu os oes angen eu gwneud yn barhaol a’u hychwanegu at yr ardoll. 

Eglurwyd bod y gyllideb gwasanaethau cefnogol wedi cynyddu, a hynny i adlewyrchu'r adnoddau sydd eu hangen wrth symud ymlaen ac mae'n cynnwys cefnogaeth Cyllid (gan gynnwys Swyddog Adran 151), Cyfreithiol (gan gynnwys y Swyddog Monitro), Cefnogaeth Democratiaeth, Gwasanaethau Corfforaethol (Cyfieithu, Adnoddau Dynol, Dysgu a Datblygu, Iechyd a Diogelwch) a gwasanaethau Technoleg Gwybodaeth. 

Nodwyd bod cyllideb o £180,000 ar gyfer rhaglen y Parth Buddsoddi gyda'r gobaith y bydd popeth mewn lle i ddechrau ym mis Ebrill 2025. Ychwanegwyd y bydd cyfraniad o bron i £565,000 yn dod o’r gronfa wrth gefn a fydd wedyn yn gadael tua hanner miliwn o falans yn y gronfa.

Esboniwyd mai cyfanswm y gyllideb net a ddefnyddir i gyfrifo'r ardoll ar gyfer 2025/26 yw £902,480 ac sy'n gynnydd o £137,660 o 2024/25, ac mae’r cynnydd yma’n bennaf oherwydd effaith argymhelliad diweddar y Llywodraethau i gael Cyfarwyddwr Portffolio llawn amser pwrpasol ar gyfer y Cynllun Twf. 

Diolchwyd am yr adroddiad. Nid oedd unrhyw sylwadau pellach.