Rhaglen a Phenderfyniadau

I dderbyn unrhyw ymddiheuriadau am absenoldeb.

Derbyn unrhyw ddatganiadau o fuddiant personol.

Nodi unrhyw eitemau sy’n fater brys ym marn y Cadeirydd fel y gellir eu hystyried.

Bydd y Cadeirydd yn cynnig y dylid llofnodi cofnodion cyfarfod y pwyllgor hwn a gynhaliwyd ar 06 Chwefror 2026 fel rhai cywir.

Iain Taylor (Rheolwr Rhaglen Parth Buddsoddi) ac Sian Lloyd Roberts a Rees Brown o’r Bartneriaeth Sgiliau Rhanbarthol, i gyflwyno’r adroddiad.

PENDERFYNIAD

• Nodi’r cynnydd ar roi’r Rhaglen Parth Buddsoddi ar waith mewn partneriaeth agos gyda’r Awdurdodau Addysg Lleol, Coleg Cambria, Prifysgol Wrecsam a’r Bartneriaeth Sgiliau Rhanbarthol.

• Nodi’r broses ar gyfer datblygu’r prosiectau a gyflwynwyd yn nogfennaeth yr eitem hon, a’u bod wedi cael eu cytuno fel prosiectau sgiliau priodol ar gyfer y Parth Buddsoddi i gefnogi’r Bartneriaeth Sgiliau Rhanbarthol a’u bod yn cyd-fynd ag amcanion y Cynllun Sgiliau Parth Buddsoddi.

• Cymeradwyo’r cynigion prosiect a gyflwynwyd gan Goleg Cambria gwerth hyd at £8,183,000 a dirprwyo i Brif Weithredwr Uchelgais Gogledd Cymru, y Swyddogion Monitro, a’r Swyddog Adran 151 mewn ymgynghorid â’r Cadeirydd a’r Is-gadeirydd i gytuno ac ymrwymo i Gytundeb Cyllid Grant rhwng Cyd-bwyllgor Corfforaethol Gogledd Cymru a Choleg Cambria.

• Cymeradwyo’r cynigion prosiect a gyflwynwyd gan Brifysgol Wrecsam gwerth hyd at £4,247,014 a dirprwyo i Brif Weithredwr Uchelgais Gogledd Cymru, y Swyddog Monitro a’r Swyddog Adran 151 mewn ymgynghoriad a’r Cadeirydd a’r Is-gadeirydd i gytuno ac ymrwymo i Gytundeb Cyllid Grant rhwng Cyd-bwyllgor Corfforaethol Gogledd Cymru a Phrifysgol Wrecsam.

Bydd y Cadeirydd yn cynnig y dylid cau allan y wasg a’r cyhoedd o’r cyfarfod yn ystod y drafodaeth ar yr eitemau canlynol gan ei bod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972: Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Er bod diddordeb y cyhoedd mewn tryloywder ac atebolrwydd, mae hyn yn cael ei orbwyso ar hyn o bryd gan yr angen i ddiogelu gwybodaeth fasnachol sensitif o ystyried y byddai datgelu yn debygol o ragfarnu trafodaethau parhaus a gallu'r awdurdod i sicrhau'r gwerth gorau a diogelu'r defnydd priodol o arian cyhoeddus.

Pleidleisiwyd ar y cynnig i gau allan y wasg a’r cyhoedd a bu i’r Cynghorydd Nia Jeffreys atal ei phleidlais ar yr eitem hon.

David Mathews (Rheolwr Rhaglen Tir ac Eiddo) i gyflwyno’r adroddiad.

Cymeradwyo’r Achos Busnes Amlinellol ar gyfer Prosiect Porth Wrecsam yn amodol ar gymeradwyaeth Llywodraeth Cymru a Llywodraeth y DU i’r broses sicrwydd a gynhaliwyd, a bod y Cyngor yn mynd i’r afael â’r materion a nodir a disgrifiwyd yn Adran 7 yr adroddiad hwn, a gofyn i Achos Busnes Lawn gael ei baratoi i’r Is-bwyllgor ei ystyried.

Awdurdodi i’r Cyfarwyddwr Portffolio mewn ymgynghoriad â’r Cadeirydd, yr Is-gadeirydd, y Swyddog Adran 151 a’r Swyddog Monitro i gytuno ar delerau drafft yn unol â’r adroddiad hwn fel sail i’r trefniadau ariannu terfynol ar gyfer y prosiect gael eu hymrwymo yn amodol ar gymeradwyo’r Achos Busnes Llawn.

Nodi bod cymeradwyaeth yr Is-bwyllgor yn ddilys am gyfnod o ddeuddeg mis ac os na fydd y prosiect yn mynd ymlaen i Achos Busnes Llawn cymeradwy yn ystod y cyfnod hwn, bydd yn ofynnol iddo ddychwelyd a chyflwyno’r achos busnes i’r Is-bwyllgor ei gymeradwyo.

Hedd Vaughan-Evans (Pennaeth Gweithrediadau) a David Mathews (Rheolwr Rhaglen Tir ac Eiddo) i gyflwyno’r adroddiad.

Cytuno i’r cais am newid ar gyfer prosiect Parc Bryn Cegin i ddyrannu £1.43m ychwanegol o gyllid y Cynllun Twf i gyflawni Cam 2 y Prosiect i ddarparu 1,856 metr sgwâr (20,000 troedfedd sgwâr) ychwanegol o unedau cyflogaeth modern o safon uchel sy’n gweithredu ar sail carbon isel.

Dirprwyo i’r Cyfarwyddwr Portffolio, mewn ymgynghoriad â’r Cadeirydd, yr Is-gadeirydd, y Swyddog Monitro a’r Swyddog Adran 151 i gytuno a chymeradwyo’r newidiadau perthnasol i’r Cytundeb Cyd-fenter â Llywodraeth Cymru ar gyfer cyflawni’r prosiect.

Nodi y byddai’r Achos Busnes Llawn ar gyfer Parc Bryn Cegin yn cael ei ddiweddaru ar ôl llofnodi’r contract ar gyfer cam 2 i adlewyrchu’r costau terfynol ac i ddirprwyo cymeradwyaeth yr Achos Busnes Llawn i’r Cyfarwyddwr Portffolio.

Meghan Davies (Rheolwr Rhaglen Ynni a Sero Net) i gyflwyno’r adroddiad.

Cymeradwyo’r Achos Busnes Llawn ar gyfer Prosiect Egni.

Awdurdodi’r Cyfarwyddwr Portffolio, mewn ymgynghoriad â’r Cadeirydd, yr Is-gadeirydd, y Swyddog Adran 151 a’r Swyddog Monitro, i gytuno ac ymrwymo i gytundeb ariannu gyda Prifysgol Bangor er mwyn cyflawni’r prosiect, yn ddarostyngedig i Brifysgol Bangor yn rhoi sylw boddhaol i’r materion sy’n weddill fel y nodir yn Adran 7 o’r adroddiad hwn.

Nodwyd bod cymeradwyaeth yr Is-bwyllgor yn ddilys am gyfnod o chwe mis ac os na fydd y prosiect yn mynd ymlaen i gytundeb cyllido wedi’i lofnodi yn ystod y cyfnod hwn, bydd yn ofynnol iddo ddychwelyd ac ailgyflwyno’r achos busnes i’r Is-bwyllgor i’w gymeradwyo.

Meghan Davies (Rheolwr Rhaglen Ynni a Sero Net) i gyflwyno’r adroddiad.

Cymeradwyo’r Achos Busnes Amlinellol ar gyfer Prosiect Canolfan Arloesi, Busnes a Sgiliau Trawsfynydd yn amodol ar gymeradwyaeth Llywodraeth Cymru a Llywodraeth y DU i’r broses sicrwydd a gynhaliwyd, a bod Cyngor Gwynedd yn mynd i’r afael â’r materion a nodir a disgrifiwyd yn Adran 7 yr adroddiad hwn, a gofyn i’r Achos Busnes Llawn gael ei baratoi i’r Is-bwyllgor ei ystyried.

Awdurdodi i’r Cyfarwyddwr Portffolio mewn ymgynghoriad â’r Cadeirydd, yr Is-gadeirydd, y Swyddog Adran 151 a’r Swyddog Monitro i gytuno ar delerau drafft yn unol â’r adroddiad hwn fel sail i’r trefniadau ariannu terfynol ar gyfer y prosiect gael eu hymrwymo yn amodol ar gymeradwyo’r Achos Busnes Llawn.

Nodwyd bod cymeradwyaeth yr Is-bwyllgor yn ddilys am gyfnod o ddeuddeg mis ac os na fydd y prosiect yn mynd ymlaen i Achos Busnes Llawn cymeradwy yn ystod y cyfnod hwn, bydd yn ofynnol iddo ddychwelyd a chyflwyno’r achos busnes i’r Is-bwyllgor i’w gymeradwyo.

Elliw Hughes (Rheolwr Rhaglen y Cynllun Twf) i gyflwyno’r adroddiad.

Cymeradwyo’r Achos Cyfiawnhad Busnes drafft ar gyfer yr Elfen Datblygiad Llaeth Cynaliadwy o brosiect Hwb Economi Wledig Glynllifon yn amodol ar gymeradwyaeth Llywodraeth Cymru a Llywodraeth y DU o’r broses sicrwydd a gynhaliwyd, a bod Grŵp Llandrillo Menai yn ymdrin â’r materion a nodir a disgrifiwyd yn Adran 7 yr adroddiad hwn, ac yn sicrhau’r holl gymeradwyaethau mewnol angenrheidiol ar gyfer y prosiect.

Dirprwyo i’r Cyfarwyddwr Portffolio, mewn ymgynghoriad â’r Cadeirydd, yr Is-gadeirydd, y Swyddog Monitro a’r Swyddog Adran 151 i gytuno a chadarnhau’r materion sy’n weddill yn yr adroddiad cyn i’r cyllid gael ei ryddhau a nodi os na fydd hyn wedi ei gwblhau ymlaen llaw i’r Is-bwyllgor ym mis Mai yna byddai angen i’r Achos Cyfiawnhad Busnes gael ei ail gyflwyno i’w ystyried.

Nodi bod cytundeb ariannu eisoes wedi’i wneud gyda Grŵp Llandrillo Menai ar gyfer prosiect Hwb Economi Wledig Glynllifon yn dilyn cymeradwyaeth Achos Cyfiawnhad Busnes Laeth Defaid Cymru, ac y bydd y cytundeb hwn yn cynnwys y broses o gyflawni’r elfen hon o’r prosiect ehangach os bydd yr Is-bwyllgor yn cymeradwyo’r Achos Cyfiawnhad Busnes hwn.

Nodi y bydd un cymeradwyaeth Achos Busnes arall i gyflawni’r elfennau sy’n weddill o brosiect Hwb Economi Wledig Glynllifon ac y bydd y rhain yn cael eu cyflwyno i’r Is-bwyllgor i’w hystyried yn y dyfodol.

Elliw Hughes (Rheolwr Rhaglen y Cynllun Twf) i gyflwyno’r adroddiad.

Cymeradwyo’r cais am newid ar gyfer prosiect Academi Croeso, gan roi estyniad terfynol o hyd at chwe mis i gyflwyno lloeren newydd ar ffurf Achos Cyfiawnhad Busnes i ail-ddyrannu’r £1m sy’n weddill o gyllid y Cynllun Twf sydd eisoes wedi’i ymrwymo i’r prosiect.