skip to main content

Agenda item

Estyniadau a newidiadau i dŷ presennol.

AELOD LLEOL: Cynghorydd Gareth T Jones

Dolen i'r dogfennau cefndir perthnasol

 

Penderfyniad:

Gohirio

 

  • mwy o wybodaeth ei angen am effaith y balconi
  • trafod gyda’r ymgeisydd i weld os oes modd tynnu’r balconi o’r cynlluniau

 

Cofnod:

Estyniadau a newidiadau i presennol.

 

a)   Ymhelaethodd yr Arweinydd Tîm Rheolaeth Datblygu ar gefndir y cais gan nodi bod  sawl elfen i’r cais ar gyfer estyniadau ac addasiadau i deulawr presennol

·         Codi estyniad llawr cyntaf ar flaen yr annedd

·         Newid estyniad llawr gwaelod ar flaen / ochr yr eiddo i gael to gyda “hip” yn hytrach na tho gyda thalcen

·         Dymchwel y simdde

·         Codi estyniad llawr cyntaf ar gefn yr eiddo

·         Amnewid dau estyniad unllawr cefn to brig presennol gydag estyniad to fflat - byddai’r estyniad newydd yn ymestyn 1.2m ymhellach i’r cefn na’r estyniad presennol

·         Creu balconi ar ben yr estyniad to fflat gyda wal wydr o’i amgylch a sgrin 1.8m o uchder

 

Eglurwyd bod yr eiddo yn ar wahân mewn ardal anheddol o fewn ffin datblygu Morfa Nefyn, yn cefnu ar gaeau glas cefn gwlad agored gyda chefnau'r tai i’w gweld o’r brif lôn rhwng Morfa Nefyn ac Edern.

Trafodwyd yr addasiadau bwriadedig drwy gyfeirio at y cynlluniau a oedd yn cymharu’r agweddau presennol gyda’r dymunol. Eglurwyd bod y cynlluniau yn manylu ar y cymariaethau gan fod yr asiant yn ceisio  ymateb i  sylwadau a dderbyniwyd gan y Cyngor Tref a sylwadau o’r ymgynghoriad cyhoeddus bod y datblygiad yn or ddatblygiad o’r safle. Amlygwyd nad oedd maint y bwriad yn cynyddu’r safle yn sylweddol.

 

Tynnwyd sylw at fwynderau cyffredinol a phreswyl gan nodi bod argymhelliad i osod amod i sicrhau sgrin i atal gwelededd o’r balconi. Adroddwyd bod cymysgedd tai a dyluniadau yn yr ardal anheddol a chyfeiriwyd at bolisïau PCYFF3  sydd yn asesu materion dylunio, deunyddiau ac effaith gweledol unrhyw ddatblygiad a PCYFF2 sydd yn asesu effaith andwyol sylweddol iechyd, diogelwch neu fwynderau meddianwyr eiddo lleol.

 

Ystyriwyd bod y cais cynllunio yn cwrdd gyda gofynion polisi cynllunio lleol a chenedlaethol.

 

b)    Yn manteisio ar yr hawl i siarad nododd asiant ar ran yr ymgeisydd y wybodaeth gefndirol a’r cyfiawnhad dros y dyluniad.

·         Yn gais am; 1. Adfywio a chreu cartref parhaol yn unol â ‘safonau cartref oes’ 2. gwelliannau thermol a thrwsio problemau gollwng dŵr, 3. Uchafu goleuni naturiol 4. Ail-siapio'r ffasâd plaen a digymeriad a chynnig wyneb o ansawdd uchel fyddai’n adlewyrchu nodweddion lleol.

·         Cyflwyno cyfuniad gwell o ddeunyddiau yn hytrach na’r gorffeniad presennol

·         Cynhaliwyd dadansoddiad llawn er mwyn sefydlu’r nodweddion sydd yn cynnig cyfraniad positif i hunaniaeth y pentref ac yn ogystal i gymeriad brodorol yr ardal. Defnyddiwyd y wybodaeth i ffurfio’r cynigion dan sylw.

·         Er bod yr eiddo i'w weld yn glir o Lôn Las, ni ystyriwyd fod y cynigion yn cyfrannu at effaith negyddol, ond i'r gwrthwyneb byddai’r dyluniad yn cynnig gwelliant sylweddol

·         Byddai’r newid mwyaf nodedig ar yr edrychiad cefn sef to fflat a balconi gyda gorchudd gwair sedwm ynghyd a chynnydd mewn arwynebedd gwydr - yn cynnwys wyneb tebyg i’r hyn sydd wedi ei ganiatáu gerllaw.

·         Bod y bwriad yn gofyn am ganiatâd i gynyddu'r arwynebedd llawr 14%, sydd yn sylweddol is na phrosiectau tebyg sydd wedi ei ganiatáu yn ddiweddar.

·         Bod y dyluniad wedi ei ddatblygu yn sympathetig gan ail-ddefnyddio rhannau o'r eiddo sydd wedi ei ddatblygu yn barod yn hytrach na defnyddio mwy o'r cwrtil.

·         Mewn ymateb i bryderon ynghylch 'gorddatblygu', ystyriwyd nad yw’r cynnydd o 14% yn gyfystyr â gorddatblygu. Nodwyd bod y cynigion yn sylweddol is na'r cynnydd cyfartalog sydd wedi ei ganiatáu yn yr ardal dros y misoedd diwethaf.

·         Gan ystyried bod y cynigion yn defnyddio tir a ddatblygwyd yn flaenorol, bydd arwynebedd gros y cwrtil ond yn gostwng 35 metr sgwâr (sy’n ostyngiad o lai na 1%)  - hyn yn dystiolaeth bellach nad yw’r bwriad yn or-ddatblygiad o’r eiddo.

 

b)    Yn manteisio ar yr hawl i siarad nododd yr Aelod Lleol y pwyntiau canlynol:

 

·      Bod y yn deulawr, 4 llofft, sylweddol ei faint - yn fodern a digonol

·      Blaen y yn cydweddu tai cyfagos, ond y cefn yn wahanol iawn i bob arall ar Lon Las - nid oes yr un gyda balconi

·      Y balconi a llawer o’r estyniad cefn yn wydr, yn sefyll allan ac i’w weld yn gliryn ddolur llygad

·      Derbyn bod tai eraill gyda balconi, ond rhain yn llai amlwg ac yn anymwthiol

·      Pryder am effaith y newid ar fwynderau'r tai cyfagos - byddai angen sgrin uchel a hyll i sicrhau preifatrwydd

·      Dim ‘peth goredrychfel y nodir yn yr adroddiad ondgoredrych sylweddoldros eiddo cymdogionsgrin neu beidio

·      Byddai sgrin yn annhebygol o wrthsefyll gwyntoedd cryfion

·      Byddai’r datblygiad yn orddatblygiad ac yn achosi niwed arwyddocaol sylweddol

·      Cais i’w wrthod oherwydd nodweddion ymwthiol.

 

ch) Cynigiwyd ac eiliwyd i wrthod y cais ar sail effaith ar fwynderau pobl gyfagos a bod y bwriad yn orddatblygiad o’r safle

 

c)    Yn ystod y drafodaeth ddilynol nodwyd y sylw canlynol gan aelodau:

·      Bod y bwriad yn orddatblygad o’r safle

·      Byddai’n effeithio ar fwynderau gweledol

·      Bod angen cymryd sylw o bryderon lleol

·      Bod gosod sgrin yn amhriodol

·      Bod yr addasiadau yn tacluso’r adeilad presennol er nad yw’r dyluniad yn briodol

·      Dim problem gyda’r estyniadau, ond y balconi yn creu effaith ar gymdogion

 

dd)  Mewn ymateb i gwestiwn ynglŷn â chynnal trafodaethau pellach gyda’r ymgeisydd i drafod nodweddion y balconi, nododd y Rheolwr Cynllunio bod y balconi yn rhan o’r cynllun gerbron ac er bod posib cynnal trafodaethau pellach ynglŷn â’r balconi ni fydd ai hyn yn datrys y gwrthwynebiadau / sylwadau eraill a ddaeth i law.

 

d)    Cynigiwyd ac eiliwyd gwelliant i’r cynnig i ohirio’r penderfyniad fel bod modd cael gwell dealltwriaeth o effaith y balconi a chynnal trafodaethau pellach gyda’r ymgeisydd am y balconi.

 

PENDERFYNWYD: Gohirio

 

·      mwy o wybodaeth ei angen am effaith y balconi

·       trafod gyda’r ymgeisydd i weld os oes modd tynnu’r balconi o’r cynlluniau

 

 

Dogfennau ategol: