Agenda item

Cais i ddiwygio amodau 2 a 13 o ganiatâd cynllunio C14/0248/03/LL yn ymwneud a gosodiad y safle a dyluniad tai

 

AELOD LLEOL: Cynghorydd Linda Ann W Jones

 

Dolen i'r dogfennau cefndirol perthnasol

PENDERFYNIAD: Dirprwyo’r hawl i’r Uwch Reolwr Cynllunio i ganiatáu’r cais yn ddarostyngedig i’r amodau canlynol:

 

1. 5 mlynedd
2. Yn unol â’r cynlluniau
3. Llechi fel deunydd to
4. Samplau o’r deunyddiau a’r lliwiau ar gyfer yr adeiladau i’w cytuno gyda’r ACLL
5. Amodau Priffyrdd ar gyfer parcio/mynedfa
6. Tirlunio meddal a chaled.
7. Cytuno manylion parthed enw Cymraeg ar gyfer y datblygiad ynghyd ac arwyddion sy’n hysbysu ac yn hyrwyddo’r datblygiad o fewn ac oddi allan y safle.
8. Tynnu hawliau datblygu cyffredinol yr unedau fforddiadwy.
9. Cyflwyno cynllun draenio cynhwysfawr ar gyfer y safle
10. Materion trefn gwaith/amser gweithio
11. Amod blychau bywyd gwyllt

 

Nodiadau

 

1. NODYN: Rhaid dylunio ac adeiladu'r ffordd/ffyrdd stadau a'r fynedfa'n unol ac 'Arweiniad Cymru Gyfan' (mae copïau o'r ddogfen hon ar gael i ddylunio ffyrdd a datblygiadau stadau gan yr Adran Priffyrdd a Pheirianneg).

 

2. NODYN: Cyfarwyddir yr ymgeisydd i ysgrifennu i'r Rheolwr Gwaith Stryd i gael hawl o dan Adran 171/184 o'r Ddeddf Priffyrdd 1980, i gario unrhyw waith allan o fewn y palmant / ymyl glas sydd yn angenrheidiol i adeiladu'r fynedfa.

 

3. Tynnir sylw'r ymgeisydd i lythyr Dwr Cymru ddyddiedig 23/10/20 a'r angen i sicrhau bod y datblygiad yn cydymffurfio â'r cyngor a gynhwysir ynddo. Mae’r llythyr i’w weld o dan gyfeirnod y cais yma ar dudalennau dilyn a darganfod ar safle we’r Cyngor

 

 

 

4. Oherwydd maint a natur y datblygiad bydd angen darparu cais i’r Corff Cymeradwy Systemau Draenio Cynaliadwy i’w gymeradwyo cyn dechrau’r gwaith adeiladu.  Rhaid i’r systemau hyn gael eu cymeradwyo gan Gyngor Gwynedd yn ei rôl fel Corff Cymeradwyo Systemau Draenio Cynaliadwy cyn y bydd gwaith adeiladu’n dechrau.

 

5. NODYN: Cyfarwyddir i’r ymgeisydd arwyddo Cytundeb 38 Deddf Priffyrdd 1980 gyda’r Cyngor os yw’n bwriadu’r ffordd gael ei  mabwysiadu

 

6.  NODYN: Tynnir sylw'r ymgeisydd at ofynion cytundeb 106 ynghlwm a chaniatâd cynllunio C14/0248/03/LL a’r angen i sicrhau fod y datblygiad yn gwbl unol a manylion y cytundeb cyfreithiol yma.

 

7. Nodyn Bioamrywiaeth

 

Cais i ddiwygio amodau 2 a 13 o ganiatâd cynllunio C14/0248/03/LL yn ymwneud a gosodiad y safle a dyluniad tai

 

            Tynnwyd sylw at y ffurflen sylwadau hwyr.

 

a)    Ymhelaethodd y Rheolwr Cynllunio ar gefndir y cais gan nodi mai cais llawn ydoedd ar gyfer newid amod 2 (cydymffurfio gyda chynlluniau) ac amod 13 (cwblhau’r lôn stad yn unol â’r cynlluniau) o ganiatâd cynllunio C14/0248/03/LL. Amlygwyd bod y safle wedi ei leoli yn ardal Manod o Flaenau Ffestiniog ac oddi mewn i’r ffin datblygu fel y’i cynhwysir yn y CDLl.

 

Byddai’r cais presennol yn newid rhai o agweddau’r cais blaenorol a ganiatawyd sef addasu gosodiad a dyluniad 3 o’r tai marchnad agored a rhan o’r ffordd stad. Nid oes bwriad i newid y nifer, y math na’r cymysgedd tai i’r hyn sydd eisoes wedi ei ganiatáu ag sy’n parhau yn fyw.

 

Yng nghyd-destun mwynderau gweledol, mwynderau cyffredinol  a phreswyl, amlygwyd bod y cais yn golygu newidiadau i edrychiadau’r tai marchnad agored yn unig ar sail dyluniad. Nodwyd bod y dyluniad yn parhau i fod yn un cyfoes a bod hynny yn cael ei wneud drwy addasu rhai nodweddion ar yr edrychiad blaen. Ategwyd, yn ogystal bydd  yr eiddo ar blot 5 yn cael ei osod rhywfaint yn ôl o fewn y safle a bod y tai ar blotiau 3 a 4 yn newid gosodiad a ffurf. Ystyriwyd bod yr addasiadau hyn yn dderbyniol gan nad yw’n sylweddol wahanol i'r hyn a ganiatawyd yn flaenorol ac na fyddai'n arwain at fwy o effaith na'r hyn sydd wedi ei gymeradwyo. Ystyriwyd na fydd y bwriad yn creu strwythurau anghydnaws o fewn yr ardal leol ac y byddai’r tai yn eistedd yn gyfforddus yn y tirlun.

 

O ganlyniad, ystyriwyd  bod y bwriad yn dderbyniol ar sail gofynion polisi PCYFF 3 o’r CDLl, gofynion polisi NCT 12: Dylunio, ac yn cydymffurfio gyda gofynion polisïau cynllunio lleol a chenedlaethol.

 

b)    Cynigiwyd ac eiliwyd i ganiatáu y cais

 

c)     Mewn ymateb i gwestiwn, nodwyd nad oedd sylwadau wedi eu derbyn gan y Cyngor Cymuned / Tref

 

PENDERFYNWYD: Dirprwyo’r hawl i’r Uwch Reolwr Cynllunio i ganiatáu’r cais yn ddarostyngedig i’r amodau canlynol:

 

1.         5 mlynedd

2.         Yn unol â’r cynlluniau

3.         Llechi fel deunydd to

4.         Samplau o’r deunyddiau a’r lliwiau ar gyfer yr adeiladau i’w cytuno gyda’r ACLL

5.         Amodau Priffyrdd ar gyfer parcio/mynedfa

6.         Tirlunio meddal a chaled.

7.         Cytuno manylion parthed enw Cymraeg ar gyfer y datblygiad ynghyd ac arwyddion sy’n hysbysu ac yn hyrwyddo’r datblygiad o fewn ac oddi allan y safle.

8.         Tynnu hawliau datblygu cyffredinol yr unedau fforddiadwy.

9.         Cyflwyno cynllun draenio cynhwysfawr ar gyfer y safle

10.       Materion trefn gwaith/amser gweithio

11.       Amod blychau bywyd gwyllt

 

Nodiadau

 

1.         NODYN: Rhaid dylunio ac adeiladu'r ffordd/ffyrdd stadau a'r fynedfa'n unol ac 'Arweiniad Cymru Gyfan' (mae copïau o'r ddogfen hon ar gael i ddylunio ffyrdd a datblygiadau stadau gan yr Adran Priffyrdd a Pheirianneg).

 

2.         NODYN: Cyfarwyddir yr ymgeisydd i ysgrifennu i'r Rheolwr Gwaith Stryd i gael hawl o dan Adran 171/184 o'r Ddeddf Priffyrdd 1980, i gario unrhyw waith allan o fewn y palmant / ymyl glas sydd yn angenrheidiol i adeiladu'r fynedfa.

 

3.         Tynnir sylw'r ymgeisydd i lythyr Dwr Cymru ddyddiedig 23/10/20 a'r angen i sicrhau bod y datblygiad yn cydymffurfio â'r cyngor a gynhwysir ynddo. Mae’r llythyr i’w weld o dan gyfeirnod y cais yma ar dudalennau dilyn a darganfod ar safle we’r Cyngor

 

4.         Oherwydd maint a natur y datblygiad bydd angen darparu cais i’r Corff Cymeradwy Systemau Draenio Cynaliadwy i’w gymeradwyo cyn dechrau’r gwaith adeiladu.  Rhaid i’r systemau hyn gael eu cymeradwyo gan Gyngor Gwynedd yn ei rôl fel Corff Cymeradwyo Systemau Draenio Cynaliadwy cyn y bydd gwaith adeiladu’n dechrau.

 

5.         NODYN: Cyfarwyddir i’r ymgeisydd arwyddo Cytundeb 38 Deddf Priffyrdd 1980 gyda’r Cyngor os yw’n bwriadu’r ffordd gael ei  mabwysiadu

 

6.         NODYN: Tynnir sylw'r ymgeisydd at ofynion cytundeb 106 ynghlwm a chaniatâd cynllunio C14/0248/03/LL a’r angen i sicrhau fod y datblygiad yn gwbl unol a manylion y cytundeb cyfreithiol yma.

 

1.    Nodyn Bioamrywiaeth