Rhaglen, penderfyniadau a chofnodion

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cynghorydd Huw Rowlands

I dderbyn unrhyw ddatganiad o fuddiant personol ac i nodi materion protocol. 

a)     Datganodd yr aelodau canlynol eu bod yn aelodau lleol mewn perthynas â’r eitem a nodir:

·        Y Cynghorydd Richard Glyn, (nad oedd yn aelod o’r Pwyllgor Cynllunio hwn), yn eitem 5.2 (C25/0361/30/LL) ar y rhaglen

Nodi unrhyw eitemau sy’n fater brys ym marn y cadeirydd fel y gellir eu hystyried

Fel mater o drefn, adroddwyd, gyda’r Cadeirydd yn ymuno yn rhithiol, mai’r Swyddog Monitro fyddai’n cyhoeddi canlyniad pleidleisiau’r ceisiadau.

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 8fed Medi 2025 fel rhai cywir  

Derbyniodd y Cadeirydd gofnodion cyfarfod blaenorol y pwyllgor hwn a gynhaliwyd 8 fed o Fedi 2025 fel rhai cywir.

Cyflwyno adroddiad Pennaeth Adran Amgylchedd.

Rhoddodd y Pwyllgor ystyriaeth i’r ceisiadau canlynol i’w datblygu. Ymhelaethwyd ar fanylion y ceisiadau ac ymatebwyd i gwestiynau mewn perthynas â’r cynlluniau ac agweddau o’r polisïau

Dymchwel ystafell haul bresennol a chodi estyniad newydd ir cefn.   

AELOD LLEOL: Cynghorydd Ioan Thomas

Dolen i'r dogfennau cefndirol perthnasol

PENDERFYNIAD: Caniatáu Gydag Amodau

1          Pum Mlynedd i ddechrau'r gwaith

2          Unol a chynlluniau

3          Unol a'r datganiad seilwaith gwyrdd

Nodyn Gwybodaeth:

Dŵr Cymru

Dymchwel ystafell haul presennol a chodi estyniad newydd i’r cefn

a)       Amlygodd y Swyddog Cynllunio mai cais deiliad tŷ oedd dan sylw ar gyfer dymchwel ystafell haul presennol a chodi estyniad unllawr ar gefn yr eiddo. Eglurwyd bod bwriad gorffen yr estyniad gyda chladin pren, gyda ffenestri uchel yn cael eu gosod i edrychiadau ochr yr estyniad a drysau biffold a ffenestri mawr ar edrychiad cefn yr eiddo.

Nodwyd bod yr eiddo yn dŷ unigol mewn ystâd o dai unigol eraill ac o fewn ffin datblygu Caernarfon. Nid yw’r eiddo wedi ei leoli o fewn unrhyw ddynodiadau tir arbennig ac fe gyflwynwyd y cais i Bwyllgor gan fod yr ymgeisydd yn Aelod Etholedig o’r Cyngor.

Adroddwyd nad oedd unrhyw wrthwynebiad wedi ei dderbyn yn ystod yr ymgynghoriad cyhoeddus a bod Dŵr Cymru yn cynnig cyngor a chanllawiau i'r ymgeisydd drwy lythyr.

Yng nghyd-destun materion dyluniad a mwynderau preswyl, ni ystyriwyd y byddai’r bwriad  yn niweidiol i edrychiad presennol y safle nac yn amharu yn ormodol ar fwynderau gweledol yr ardal yn gyffredinol. Ystyriwyd bod yr adeilad yn safonol yr olwg, o ran mwynderau gweledol ac felly yn dderbyniol ac yn cydymffurfio gyda gofynion maen prawf 1 a 2 o bolisi PCYFF 3. O ran dyluniad, ystyriwyd nad oedd effaith ar fwynderau cymdogion cyfagos oherwydd mai estyniad unllawr sydd yma, ac na fyddai’r ffenestri a’r drysau cefn yn cael effaith gwaeth ar fwynderau preifat i gymharu â’r ystafell haul oedd yno yn bresennol.

Tynnwyd sylw at y gwelliannau bioamrywiaeth oedd wedi eu cynnig, megis gosod blychau adar ac ystlumod. Nodwyd, pe byddai’r cais yn cael ei ganiatáu,  byddai modd gosod amod i sicrhau bod y gwelliannau yn cael eu cwblhau cyn i ddefnydd yr estyniad ddechrau.

Ystyriwyd bod y bwriad yn cydymffurfio gyda chanllawiau a pholisïau cynllunio. Argymhelliad y swyddogion oedd caniatáu’r cais gydag amodau.

b)           Cynigiwyd ac eiliwyd caniatáu y cais – y cais gerbron y pwyllgor gan mai Aelod Etholedig oedd yr ymgeisydd.

Mewn ymateb i gwestiwn ynglŷn â Hawliau Datblygu a Ganiateir i Ddeiliaid Tai a bod yr hawliau hynny yn caniatáu adeiladu allan i hyd at 4m a pham felly bod y cais yn cael ei gyflwyno i bwyllgor, nodwyd bod yr estyniad yn mesur 4.8 metr ac felly angen ei gyflwyno i bwyllgor am benderfyniad.

PENDERFYNWYD: Caniatáu Gydag Amodau

1.     Pum Mlynedd i ddechrau'r gwaith

2.     Unol a chynlluniau

3.     Unol a'r datganiad seilwaith gwyrdd

Nodyn Gwybodaeth: Dŵr Cymru

Cais newid defnydd ar gyfer gosod 12 Caban Gwyliau ar dir yn Y Ffor, Pwllheli. 

AELOD LLEOL: Cynghorydd Richard Glyn Roberts

Dolen i'r dogfennau cefndirol perthnasol

PENDERFYNIAD: Gwrthod

Rhesymau 

1. Byddai'r safle cabanau a'r gwaith cysylltiedig, oherwydd eu nifer, lleoliad, dyluniad, gosodiad agwedd yn y dirwedd, cynnydd yn yr arwynebedd lleiniau caled, yn arwain at nodwedd amlwg ac ymwthiol o fewn cefn gwlad agored gan gael effaith niweidiol ar y dirwedd a mwynderau gweledol yr ardal wledig ynghyd ac arwain tuag at ormodedd o safleoedd parhaol yn yr ardal leol. Mae'r bwriad felly yn groes i feini prawf 1.i a ii. o bolisi TWR 3 a pholisi PCYFF 3, o'r Cynllun Datblygu Lleol ar y cyd Gwynedd a Môn (Gorffennaf 2017) a Chanllaw Cynllunio Atodol: Llety Gwyliau.

2. Byddai graddfa'r bwriad  yn creu symudiadau gormodol ar hyd y ffordd sirol gyfochrog a chynnydd mewn gweithgareddau gan greu sŵn ac aflonyddwch er niwed i amwynder preswylwyr lleol. Felly, ystyrir bod y cynnig yn groes i bolisi PCYFF 2 o Gynllun Datblygu Lleol ar y Cyd Gwynedd a Môn (Gorffennaf 2017).

3. Nid oes gwybodaeth ddigonol ar ffurf manylion am leoliad a maint y maes draenio ynghyd â chanlyniadau profion trylifiad mewn cyswllt â’r System Trin Carthffosiaeth bwriedig. Mae’r bwriad felly yn groes i ofynion polisi ISA 1 o’r Cynllun Datblygu Lleol ar y cyd Gwynedd a Môn (Gorffennaf 2017) sy’n sicrhau darpariaeth isadeiledd digonol.

4. Nid oes gwybodaeth ddigonol sy’n cynnwys arolwg geoffisegol wedi ei chyflwyno fel rhan o’r cais, ac felly ni ellir dod i gasgliad ynglŷn â chydymffurfiaeth y bwriad gyda pholisi AT4 o’r Cynllun Datblygu Lleol ar y cyd Gwynedd a Môn (Gorffennaf 2017) sy’n diogelu safleoedd archeolegol nad ydynt wedi’u dynodi a’u gosodiad.

Cais newid defnydd ar gyfer gosod 12 Caban Gwyliau ar dir yn Y Ffôr, Pwllheli

Tynnwyd sylw at y ffurflen sylwadau hwyr.

a)           Amlygodd y Rheolwr Cynllunio mai cais ydoedd ar gyfer datblygu safle llety gwyliau newydd ar gyfer 12 caban gwyliau parhaol a pharcio cysylltiedig, draenio a thirlunio. Byddai’r cabanau pren o gladin pren wedi ei staenio mewn lliw cadwraeth a byddai pob un yn cynnwys ystafelloedd cysgu, ystafell ymolchi, ystafell fyw a chegin / ystafell fwyta.

Adroddwyd y byddai’r unedau yn cael eu gosod yng nghornel cae amaethyddol yng nghefn gwlad agored. Er nad oes dynodiad tirwedd arbennig i ardal y cais, mae o edrychiad a chymeriad tirwedd wledig heb ei ddatblygu gyda sawl eiddo preswyl nad yw ym mherchnogaeth yr ymgeisydd wedi ei leoli’n agos i’r safle.

Nodwyd bod bwriad darparu system draenio breifat i ddŵr glân a budr ar gyfer y bwriad ond nad oedd y datblygwr wedi cyflwyno unrhyw ganlyniadau profion mandylledd / trylifiad mewn perthynas â'r system garthffosiaeth breifat. Cyflwynwyd cynllun tirlunio gyda’r cais yn dangos bod bwriad plannu nifer helaeth o goed ar hyd terfyn de gorllewinol a de ddwyreiniol y safle ynghyd â chryfhau gwrych presennol ar hyd y ffordd sirol, ond ni dderbyniwyd manylion o’r cynllun hwnnw gyda’r cais.

Amlygwyd mai Polisi TWR 3 oedd y polisi perthnasol y cai yma gan fod y cabannau yn rhai parhaol. Nodwyd bod rhan gyntaf y polisi yn cyfeirio’n benodol at ormodedd o ddatblygiadau newydd. Ategwyd, er mwyn diffinio ‘gormodedd’ yn y cyd-destun yma, tynnwyd sylw at eglurhad 6.3.69 polisi TWR 3 sy’n cyfeirio at ‘Astudiaeth Capasiti a Sensitifrwydd y Dirwedd yn Ynys Môn, Gwynedd a Pharc Cenedlaethol Eryri 2014. O fewn pob Ardal Cymeriad y Dirwedd bydd y dirwedd yn cael ei asesu er mwyn canfod beth yw ei gapasiti ar gyfer mwy o ddatblygiadau sialetau neu garafanau gwyliau. 

Ategwyd bod y datblygiad penodol yma yn disgyn o fewn Ardal Cymeriad y Dirwedd G10 (Canol Llŷn) gyda’r astudiaeth yn cadarnhau,  “Y tu allan i’r AHNEau a’r ATAau fe all fod rhywfaint o gapasiti ar gyfer datblygiadau ar raddfa fach i fach iawn wedi eu lleoli yn sensitif ac wedi eu cynllunio’n dda, a ddylai berthnasu’n dda gyda’r amgylchedd adeiledig / gorchudd tir trefol presennol.” Nodwyd bod yr Astudiaeth yn diffinio datblygiadau bach iawn fel rhai hyd at 10 uned a datblygiadau bach rhwng 10 - 25 uned. Er bod y bwriad gerbron yn disgyn o fewn y diffiniad o ddatblygiad bach, ni ystyriwyd fod y safle yma yn lleoliad sy’n perthnasu’n dda gyda’r amgylchedd adeiledig neu orchudd tir trefol, ac felly ar sail hynny ni ystyriwyd fod capasiti ar gyfer y bwriad ar y safle gwledig yma.

Tynnwyd sylw at yr ail faen prawf oedd yn cyfeirio at ddyluniad, gosodiad ac edrychiad y datblygiad arfaethedig gan ddatgan ei fod o ansawdd uchel, ac y dylai datblygiadau newydd gael eu lleoli mewn man anymwthiol. Diffinnir lleoliad anymwthiol fel un sydd wedi cael ei sgrinio’n dda gan nodweddion o’r dirwedd sy’n bodoli’n barod  ...  view the full COFNODION text for item 7.