Rhaglen a chofnodion

I dderbyn unrhyw ymddiheuriadau am absenoldeb

Derbyniwyd ymddiheuriadau gan Cyng. Beca Roberts (Cynrychiolydd Cyflogwr) a Tony Deakin (Cynrychiolydd Aelodau)

I dderbyn unrhyw ddatganiad o fuddiant personol

Dim i’w nodi

Nodi unrhyw eitemau sy’n fater brys ym marn y cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 29ain o Chwefror 2024 fel rhai cywir  

Llofnododd y Cadeirydd gofnodion cyfarfod blaenorol y pwyllgor hwn a gynhaliwyd 29-02-24 fel rhai cywir.

Cyflwyno, er gwybodaeth, cofnodion y Pwyllgor Pensiynau a gynhaliwyd 19 Mawrth 2024  

Cyflwynwyd er gwybodaeth gofnodion Pwyllgor Pensiynau a gynhaliwyd 19-03-2024

I ystyried yr adroddiad a nodi’r wybodaeth

Cyflwynwyd adroddiad gan y Rheolwr Buddsoddi yn diweddaru’r aelodau’n ffurfiol o waith Partneriaeth Pensiwn Cymru (PPC). Adroddwyd bod y Pennaeth Cyllid a’r Rheolwr Buddsoddi yn cynrychioli’r Gronfa yn holl gyfarfodydd y bartneriaeth, a bod y cydweithio yn parhau i fynd o nerth i nerth ar faterion megis ymateb ceisiadau rhyddid gwybodaeth, pleidleisio ac ymgysylltu ac yn gyffredinol rhannu ymarfer da ar draws y cronfeydd. Nodwyd bod 83% o Gronfa Gwynedd wedi ei bwlio gyda PPC erbyn hyn.

Tynnwyd sylw at y ddwy gronfa ecwiti sydd wedi bod yn weithredol ers dros 5 mlynedd bellach ac felly’n gyfnod rhesymol i asesu’r perfformiad. Cyfeiriwyd at berfformiad Cronfa Twf Byd Eang sydd â thri phrif reolwr sy’n gweithredu arddull gwahanol iawn i’w gilydd - Baillie Gifford, Pzena a Veritas. Amlygwyd wrth yr Aelodau, bod y gronfa yma, ers ei sefydlu wedi disgyn tu ôl i’r meincnod a’r Bartneriaeth felly yn edrych ar opsiynau i ail ddatblygu'r gronfa yma.

Yng nghyd-destun Cronfa Cyfleoedd Byd-Eang adroddwyd bod y gronfa yn cael ei rheoli drwy arddull dull cyfunol gydag wyth rheolwr gwahanol. Er na fydd pob rheolwr yn perfformio yn dda ar yr un pryd, bod y dull amrywiol yn golygu sefyllfa sefydlog a’r gronfa yn perfformio yn uwch na’r meincnod dros y tymor hir.

Cyfeiriwyd at berfformiad y Gronfa Ecwiti Cynaliadwy a gafodd ei sefydlu yn ddiweddar gyda Gwynedd yn buddsoddi £270 miliwn ynddo; gyda ffocws glir ar yr hinsawdd ac ar dargedau Sero Net. Amlygwyd bod y perfformiad wedi bod yn is na’r meincnod ers y dechrau a hynny oherwydd tan bwysau (underweight) stoc y sector ynni sydd wedi perfformio yn dda, arwahan i’r chwarter olaf. Nodwyd mai dyddiau cynnar yw hi i’r gronfa yma ac y bydd y perfformiad yn cael ei fonitro yn fanwl.

Yng nghyd-destun Cronfeydd Incwm Sefydlog, cyfeiriwyd ar y Gronfa Gredyd Aml- ased, Enillion bond absoliwt, a Chredyd Byd Eang adroddwyd bod rhain yn hanesyddol wedi bod yn tanberfformio a hynny oherwydd ansefydlogrwydd yn y farchnad gyda rhyfel Wcráin, cyfyngiadau cofid Tsiena, ac effaith codiadau llog cyflym a chwyddiant uchel. Ategwyd, er pryderon, bod yr amodau yn dechrau gwella a bod cynnydd i’w weld ym mherfformiad y tri mis diwethaf. Gyda’r ymrwymiad yn un tymor hir, bod parodrwydd i barhau gyda’r buddsoddiadau yn y gobaith y bydd yr amodau yn parhau i wella.

Adroddwyd bod y Gronfa Marchnadoedd Datblygol, a lansiwyd Hydref 2021, gyda chwe rheolwr buddsoddi sylfaenol gan gynnwys Bin Yuan arbenigwr Tsiena. Nodwyd bod yr amodau eto yn heriol iawn mewn nifer o wledydd a sectorau, ond y gobaith yw bydd gwellhad yn amodau’r farchnad a gwell dychweliadau.

Cyfeiriwyd at ddatblygiadau diweddar y PPC gan dynnu sylw at y gwaith sy’n cael ei wneud yn y maes marchnadoedd preifat gyda chwmnïau wedi eu hapwyntio i redeg y mandadau dyled preifat, isadeiledd ac ecwiti preifat a dechrau buddsoddi yn y cronfeydd hyn. Nodwyd bod Cronfa Gwynedd yn gadael i’r buddsoddiadau isadeiledd ac ecwiti preifat aeddfedu yn naturiol ac yna buddsoddi yn raddol gyda’r pwl. Ategwyd bod y broses  ...  gweld y cofnod llawn ar gyfer eitem 6.

I ystyried yr adroddiad a nodi’r wybodaeth

Cyflwynwyd adroddiad gan y Rheolwr Buddsoddi yn diweddaru’r aelodau’n ffurfiol o waith Partneriaeth Pensiwn Cymru (PPC). Adroddwyd bod y Pennaeth Cyllid a’r Rheolwr Buddsoddi yn cynrychioli’r Gronfa yn holl gyfarfodydd y bartneriaeth, a bod y cydweithio yn parhau i fynd o nerth i nerth ar faterion megis ymateb ceisiadau rhyddid gwybodaeth, pleidleisio ac ymgysylltu ac yn gyffredinol rhannu ymarfer da ar draws y cronfeydd. Nodwyd bod 83% o Gronfa Gwynedd wedi ei bwlio gyda PPC erbyn hyn.

Tynnwyd sylw at y ddwy gronfa ecwiti sydd wedi bod yn weithredol ers dros 5 mlynedd bellach ac felly’n gyfnod rhesymol i asesu’r perfformiad. Cyfeiriwyd at berfformiad Cronfa Twf Byd Eang sydd â thri phrif reolwr sy’n gweithredu arddull gwahanol iawn i’w gilydd - Baillie Gifford, Pzena a Veritas. Amlygwyd wrth yr Aelodau, bod y gronfa yma, ers ei sefydlu wedi disgyn tu ôl i’r meincnod a’r Bartneriaeth felly yn edrych ar opsiynau i ail ddatblygu'r gronfa yma.

Yng nghyd-destun Cronfa Cyfleoedd Byd-Eang adroddwyd bod y gronfa yn cael ei rheoli drwy arddull dull cyfunol gydag wyth rheolwr gwahanol. Er na fydd pob rheolwr yn perfformio yn dda ar yr un pryd, bod y dull amrywiol yn golygu sefyllfa sefydlog a’r gronfa yn perfformio yn uwch na’r meincnod dros y tymor hir.

Cyfeiriwyd at berfformiad y Gronfa Ecwiti Cynaliadwy a gafodd ei sefydlu yn ddiweddar gyda Gwynedd yn buddsoddi £270 miliwn ynddo; gyda ffocws glir ar yr hinsawdd ac ar dargedau Sero Net. Amlygwyd bod y perfformiad wedi bod yn is na’r meincnod ers y dechrau a hynny oherwydd tan bwysau (underweight) stoc y sector ynni sydd wedi perfformio yn dda, arwahan i’r chwarter olaf. Nodwyd mai dyddiau cynnar yw hi i’r gronfa yma ac y bydd y perfformiad yn cael ei fonitro yn fanwl.

Yng nghyd-destun Cronfeydd Incwm Sefydlog, cyfeiriwyd ar y Gronfa Gredyd Aml- ased, Enillion bond absoliwt, a Chredyd Byd Eang adroddwyd bod rhain yn hanesyddol wedi bod yn tanberfformio a hynny oherwydd ansefydlogrwydd yn y farchnad gyda rhyfel Wcráin, cyfyngiadau cofid Tsiena, ac effaith codiadau llog cyflym a chwyddiant uchel. Ategwyd, er pryderon, bod yr amodau yn dechrau gwella a bod cynnydd i’w weld ym mherfformiad y tri mis diwethaf. Gyda’r ymrwymiad yn un tymor hir, bod parodrwydd i barhau gyda’r buddsoddiadau yn y gobaith y bydd yr amodau yn parhau i wella.

Adroddwyd bod y Gronfa Marchnadoedd Datblygol, a lansiwyd Hydref 2021, gyda chwe rheolwr buddsoddi sylfaenol gan gynnwys Bin Yuan arbenigwr Tsiena. Nodwyd bod yr amodau eto yn heriol iawn mewn nifer o wledydd a sectorau, ond y gobaith yw bydd gwellhad yn amodau’r farchnad a gwell dychweliadau.

Cyfeiriwyd at ddatblygiadau diweddar y PPC gan dynnu sylw at y gwaith sy’n cael ei wneud yn y maes marchnadoedd preifat gyda chwmnïau wedi eu hapwyntio i redeg y mandadau dyled preifat, isadeiledd ac ecwiti preifat a dechrau buddsoddi yn y cronfeydd hyn. Nodwyd bod Cronfa Gwynedd yn gadael i’r buddsoddiadau isadeiledd ac ecwiti preifat aeddfedu yn naturiol ac yna buddsoddi yn raddol gyda’r pwl. Ategwyd bod y broses  ...  gweld y cofnod llawn ar gyfer eitem 7.

I ystyried yr adroddiad a nodi’r wybodaeth

Cyflwynwyd adroddiad gan y Rheolwr Pensiynau yn amlygu bod cod ymarfer cyffredinol y Rheoleiddiwr Pensiynau wedi dod i rym 28 Mawrth 2024 yn cynnwys gofynion llywodraethu newydd, disgwyliadau ar sut y dylid rheoli cynlluniau pensiwn galwedigaethol ynghyd ar arferion a’r gweithdrefnau a ddylai fod yn eu lle.

Cyfeiriwyd at y manylion allweddol gan nodi bod y Cod, ar gyfer Cynlluniau Pensiwn Gwasanaeth Cyhoeddus yn benodol, yn disodli Codi Ymarfer 14 (Llywodraethau  Gweinyddu Cynlluniau Pensiwn Gwasanaeth Cyhoeddus). Eglurwyd bod nifer o fodiwlau newydd yn y Cod o gymharu â Chod Ymarfer 14 a bod angen sicrhau cydymffurfiaeth.

I helpu gyda'r gwaith, amlygwyd bod Hymans Robertson wedi datblygu model cydymffurfio i gefnogi a chynorthwyo CPLlL i asesu cydymffurfiaeth yn erbyn y Cod Cyffredinol newydd. Bydd hyn yn cynhyrchu gwybodaeth awtomatig ar gyfer adrodd yn barhaus i Bwyllgorau a Byrddau Pensiwn Lleol - bydd hefyd yn cefnogi cronfeydd i ddatblygu cynllun gweithredu i feysydd sydd angen sylw pellach.

Amlygwyd y bydd cwblhau’r gwaith yn debygol o gymryd amser ac adnoddau a’r bwriad yn y tymor byr oedd gweithredu mewn camau. Bydd cynnydd ar y gwaith yn cael ei adrodd i’r Bwrdd yn y dyfodol.

Diolchwyd am yr adroddiad

Yn ystod y drafodaeth ddilynol nodwyd y sylwadau canlynol gan aelodau:

·        Croesawu bod Hymans yn cefnogi’r gwaith

·        Cytuno bod angen cyflwyno diweddariadau ar y gwaith

Mewn ymateb i gwestiwn ynglŷn ag os oedd amserlen wedi ei osod i gwblhau’r gwaith, nododd y Rheolwr Pensiynau nad oedd amserlen ar gyfer y gwaith gan fod angen clustnodi amser i ddehongli gofynion y gwaith. Nodwyd hefyd nad oedd son am derfyn amser ar gyfer cwblhau'r gwaith – y gobaith yw cael pethau mewn lle cyn gynted a bod modd. Ategwyd nad oedd gwahaniaethau mawr i’r Cynllun - bod mwy o waith mewn cysoni disgrifiadau a thermau.

PENDERFYNWYD derbyn yr adroddiad a nodi’r wybodaeth

I ystyried cynnwys yr adroddiad drafft er mwyn trafod ei gynnwys a chynnig gwelliannau yn y cyfarfod. 

Cyflwynwyd adroddiad (drafft) gan y Rheolwr Buddsoddi yn manylu ar weithgareddau'r Gronfa Bensiwn yn ystod y flwyddyn a ddaeth i ben 31 Mawrth 2024. Amlygwyd bod yr adroddiad wedi ei ysgrifennu yn unol â gosodiad adroddiad 2023 gan gymryd i ystyriaeth y pynciau a drafodwyd yn ystod y flwyddyn.

Y bwriad yw cyflwyno’r adroddiad terfynol i’r Rheolwr Buddsoddi erbyn 31/07/2024 i’w gynnwys fel rhan o adroddiad blynyddol y Gronfa ac fel rhan o gyfarfod blynyddol  y Gronfa Tachwedd 2024.

Diolchwyd am yr adroddiad ac i’r staff oedd yn gysylltiedig â pharatoi’r gwaith.

PENDERFYNWYD derbyn yr adroddiad a nodi’r wybodaeth

Cymerodd y Cadeirydd y cyfle i ddiolch yn fawr i’r Cyng. Stephen Churchman, Cadeirydd y Pwyllgor Pensiynau am ei gefnogaeth a’i ffyddlondeb i’r Bwrdd Pensiwn dros ei gyfnod fel Cadeirydd y Pwyllgor.

Mewn ymateb, diolchodd y Cyng. Stephen Churchman am waith gwerthfawr y Bwrdd a’u cefnogaeth barhaus i’r Pwyllgor a’r Gronfa Bensiwn.