Rhaglen a chofnodion

I ethol Cadeirydd I’r Pwyllgor hwn am y flwyddyn 2016-17.

Penderfynwyd:          Ail-ethol y Cynghorydd Gethin Glyn Williams yn Gadeirydd y Pwyllgor hwn am y flwyddyn 2016/17.

I ethol Is-gadeirydd i’r Pwyllgor hwn am y flwyddyn 2016-17.

Penderfynwyd:          Ail-ethol y Cynghorydd Eryl Jones-Williams yn Is-gadeirydd y Pwyllgor hwn am y flwyddyn 2016/17.

Derbyniwyd ymddiheuriadau gan:     Y Cynghorydd  Mandy Williams-Davies (Aelod Cabinet - Economi), Cyng. Rob Williams (BRIG), Dr John Smith (Grŵp Mynediad Traphont Abermaw), Y Cyng. David Richardson (sylwedydd yn cynrychioli Pwyllgor Ymgynghorol Harbwr Aberdyfi).

Derbyniwyd datganiad o gysylltiad personol gan yr aelodau isod am y rhesymau a nodir:  

(i)            Cyng. Julian Kirkham – yn perthyn i un o’r gweithredwyr fferi 

(ii)           Mr Martin Parouty – yn aelod o’r Clwb Hwylio ac yn weithredwr masnachol yn yr Harbwr

I dderbyn cofnodion y cyfarfod o’r Pwyllgor Ymgynghorol Harbwr Abermaw a gynhaliwyd ar 22 Mawrth 2016.

(Copi’n amgaeedig)

Cyflwynwyd:             Cofnodion cyfarfod o Bwyllgor Ymgynghorol Harbwr Abermaw a gynhaliwyd ar 22 Mawrth 2016.

Penderfynwyd:          Derbyn a chymeradwyo’r cofnodion fel rhai cywir.  

4.1       MATERION YN CODI O’R COFNODION

Eitem 2.1 (a) – Gaeafu Cychod

Mewn ymateb i ymholiad gan y Cadeirydd, nododd yr Harbwr Feistr nad oedd wedi derbyn unrhyw gais ar gyfer gaeafu cychod ar ran o faes parcio’r Cyngor.

Penderfynwyd:          Derbyn a nodi’r uchod.

I ystyried adroddiad y Swyddog Morwrol a Pharciau Gwledig.

Cyflwynwyd:                         Adroddiad gan y Swyddog Morwrol a Pharciau Gwledig yn diweddaru’r Pwyllgor ar faterion rheolaethol Harbwr Abermaw. 

Tywysodd y Swyddog Morwrol a Pharciau Gwledig yr Aelodau drwy gynnwys yr adroddiad

Darllenodd yr Uwch Swyddog Harbyrau yr adroddiad ynglyn a chynnal a chadw i’r aelodau a gwnaed cyfeiriad penodol i’r isod:

(a)  Harbwr Abermaw

• O ran prysurdeb yn yr Harbwr gwelwyd sefydlogrwydd o ran niferoedd gyda 5 cwch wedi gadael ar ddiwedd 2015/16. Fe fydd yr Harbwr Feistr  yn cysylltu gyda’r cwsmeriaid i geisio derbyn rheswm dros adael yr Harbwr. 
• Gwelwyd cynnydd yn y nifer o gychod pŵer a badau dwr personol a fu wedi cofrestru mewn cymhariaeth á 2015 a braf ydoedd nodi bod y cwynion wedi lleihau o safbwynt y badau dwr personol a chysondeb yn y niferoedd a gofrestrir
• Mewn ymateb i ymholiad gan Aelod ynglŷn â chwynion ac a oedd hyn oherwydd nad oedd bwiau wedi eu gosod, esboniwyd drwy drafodaeth y cafwyd cytundeb gan y Pwyllgor Ymgynghorol i beidio rhoi bwiau allan ond os yw yn creu pryder, gellir ail-ystyried y sefyllfa a chadarnhawyd bod bwiau I’r dwyrain o’r Pont y Rheilffordd wedi ei osod.  Fodd bynnag, nodwyd ymhellach nad oedd y Gwasanaeth wedi derbyn cwyn ynglyn a chamddefnydd gan gychod pwer yn yr Harbwr
• Ychwanegwyd bod gan y Cyngor drefniadau ffurfiol a phroses i’w ddilyn ar gyfer derbyn cwynion a bo’r Gwasanaeth yn cydymffurfio a chysylltu gyda’r swyddogion priodol pan fo cwyn yn cael ei dderbyn. 
• O safbwynt derbyn cwynion llafar, eglurwyd y drefn sef bod unrhyw gwyn yn cael ei nodi yn y dyddiadur yn swyddfa’r Harbwr fel sydd yn digwydd ymhob Harbwr arall y Cyngor. Mae unrhyw gwyn ysgrifenedig yn cael ei gofnodi drwy drefn Cwynion y Cyngor
• Bod y Cod Diogelwch Morwrol yn berthnasol i bob Harbwr ac yn cael ei adolygu’n rheolaidd.  Fe fydd archwiliwr allannol yn treulio amser gyda’r Harbwr Feistr i adolygu’r cod ac sustemau’r holl harbyrau dan reolaeth y Cyngor ym mis Ionawr 2017.
• Yn ystod yr haf, ni chodwyd unrhyw fater o sylw sy’n berthnasol i ddyletswyddau statudol yr Harbwr a hyderir y bydd hyn yn parhau
• Cyfeiriwyd at y trychineb ym mis Awst lle gollodd dau fachgen ifanc eu bywydau a thalwyd teyrnged i staff yr Harbwr, staff y Gwasanaeth, y Bad Achub a’r gymuned leol am eu hymdrechion clodwiw yn ystod y digwyddiad hwn
• Yn sgil y digwyddiad uchod, cynhaliwyd cyfarfod gydag Aelod Seneddol Dwyfor/Meirionnydd, ac asiantaethau perthnasol eraill  i drafod materion diogelwch y cyhoedd ac yn benodol cynllun ar gyfer arwyddion er ceisio gwella gwybodaeth i ymwelwyr a defnyddwyr y traeth i’r dyfodol
• Bu i un cwch dorri’n rhydd o’i angorfa yn ystod gwyntoedd cryf a bu’n rhaid cau Pont y Rheilffordd am gyfnod byr er mwyn galluogi Gwylwyr y Glannau a criw y Bad Achub I dynnu’r cwch oddi ar y bont. Cadarnhawyd na chafodd difrod ei achosi i’r bont yn dilyn y digwyddiad hwn. Fe archwilwyd y rheilffordd gan arbenigwyr rheilffyrdd er sicrhau na chafodd difrod ei achosi i’r  ...  gweld y cofnod llawn ar gyfer eitem 6.

(a)         Adroddiad ar Gynllun Rheoli Pwynt Penrhyn – Cyngor Cymuned Arthog 

(b)          Cynllun Busnes (Cynllun Datblygu’r Harbwr)  – Cyng. Rob Triggs

(c)           Polyn a sbigyn peryg yn Harbwr Aberamffra 

(ch)      Diweddariad ynglyn a sefyllfa tywod

(d)          Bagiau Tywod / Giat ar frig y llithrfa

(dd)      Gorsaf Danwydd Petrol

(e)        Angorfeydd

(f)            Bysedd y Pontwn

(ff)       Pysgod Marw

(Copi o fanylion (dd) i (ff) yn amgaeedig)

(a)  Cynllun rheoli Pwynt Penrhyn

Diolchodd y Cyng. Julian Kirkham, Cyngor Cymuned Arthog, i’r Swyddog Morwrol a Pharciau Gwledig am ei gymorth a’i gefnogaeth mewn goresgyn rhai o broblemau parcio ym Mhwynt Penrhyn.

Fodd bynnag, roedd faniau campio o bob maint yn anwybyddu’r arwydd “Dim Parcio Dros Nos”.  Nodwyd bod rhywun wedi troi'r arwydd fel nad ydyw yn weledol a gofynnwyd a fyddai modd i’r Gwasanaeth Morwrol ail-osod yr arwydd.   Nodwyd ymhellach  bod faniau campio yn enwedig y rhai mwy wedi cymryd i barcio yn yr ardal uwchben y llithrfa ac yn anwybyddu’r arwydd ac awgrymwyd y gall arwydd arall “Dim Parcio Dros Nos” gael ei osod lle mae’r cylch bwi achub bywyd.

Deallir hefyd bod Adran Trafnidiaeth yn bwriadu rhoi arwyddion 30 m.y.a. ar y ffordd i’r pwynt. A oedd hyn yn golygu y gallai cerbydau sydd wedi parcio dros nos ar y briffordd fod yn destun erlyniad.  Ychwanegwyd nad oedd mannau parcio ar y cylch troi.  Roedd un o aelodau’r Cyngor Cymuned wedi ymchwilio i is-ddeddfau ynglyn a “gwersylla gwyllt”.

Gwnaed cais i’r Swyddog Morwrol a Pharciau Gwledig am bwynt cyswllt yn yr Adran Gyfreithiol fel bo Clerc Cyngor Cymuned Arthog yn gallu cysylltu i wneud cais am gyfarfod ac i archwilio’r posibilrwydd i Bwynt Penrhyn fod yn “bwynt arbrawf”.

Nodwyd bod Rheilffordd Fairbourne yn cytuno y gellid gosod giât i stopio faniau campio ddefnyddio’r ardal uwchben y llithrfa;  amcan cyntaf y Cyngor Cymuned fyddai gosod y giât a  gosod clo gyda chod pwrpasol, lle y gellir ei roi i ddeiliad “bona fide” am drwydded ddi-dâl i lansio eu cwch, ar ôl gwneud cais i Gyngor Cymuned Arthog am drwydded.   

Mewn ymateb, adroddodd y Swyddog Morwrol a Pharciau Gwledig:

·         Bod y Gwasanaeth Morwrol wedi buddsoddi mewn arwyddion a chytunwyd i roi giât yma ond derbyniwyd gwrthwynebiad a bu’n rhaid ail-ystyried oherwydd bod y ffordd yr unig fynediad i safle lansio cychod Pwynt Penrhyn

·         Croesawyd bod Adran Trafnidiaeth wedi cytuno i roi arwyddion 30 m.y.a. ar y ffordd i’r pwynt

·         Bod problemau parcio dros nos yn bodoli ledled y Sir a’i fod yn anodd ei reoli

·         Cytunwyd y byddai’r Harbwr Feistr yn gosod arwyddion ychwanegol ar y safle cyn diwedd mis Mawrth 2017 ac yn trwsio’r arwydd a fu wedi ei ddifrodi cyn diwedd 2016

Penderfynwyd:    Derbyn a nodi’r uchod.

(b)          Cynllun Busnes (Cynllun Datblygu’r harbwr)

(i)            Mewn ymateb i ymholiad ynglyn a chynllun i ddatblygu’r harbwr, esboniodd y Swyddog Morwrol a Pharciau Gwledig nad oedd gan y Gwasanaeth Morwrol y gyllideb a’r adnoddau i arwain ar ddatblygiadau. 

Nododd y Cadeirydd ymhellach bod y Grŵp Llywio Cymunedol yn ystyried prosiect ehangach a’i fod yn gynamserol i drafod cynllun datblygu’r harbwr hyd nes y gwelir beth fydd adwaith datblygiad y Grŵp Llywio dros y flwyddyn nesaf.

(ii)         Yng nghyd-destun ymholiad ynglyn a’r tir tu ol i swyddfa’r Harbwr Feistr, gofynnwyd i’r Uwch Swyddog Harbyrau a’r Harbwr Feistr edrych ar y posibilrwydd  ...  gweld y cofnod llawn ar gyfer eitem 7.

Ar gais y Cadeirydd, i dderbyn, er gwybodaeth, restr o prosiectau gwasanaethau Abermaw drafodwyd gan y Grwp Llywio Cymunedol. 

(Copi’n amgaeedig)

Cyflwynwyd, er gwybodaeth, restr o brosiectau gwasanaethau Abermaw drafodwyd gan y Grwp Llywio Cymunedol.

Penderfynwyd:          Derbyn a nodi’r rhestr.

I nodi y cynhelir cyfarfod nesaf y Pwyllgor Ymgynghorol Harbwr Abermaw ar 14 Mawrth 2017.

Penderfynwyd:          Nodwyd y cynhelir cyfarfod nesaf y Pwyllgor Ymgynghorol ar 14 Mawrth 2017.