Rhaglen, penderfyniadau a chofnodion

I dderbyn unrhyw ymddiheuriadau am absenoldeb

 

Dim i’w nodi

 

I dderbyn unrhyw ddatganiad o fuddiant personol

 

Dim i’w nodi

 

Nodi unrhyw eitemau sy’n fater brys ym marn y cadeirydd fel y gellir eu hystyried.

 

Dim i’w nodi

 

Bydd y Cadeirydd yn cynnig y dylid cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraff 12, Rhan 4, Atodiad 12A, Deddf Llywodraeth Leol 1972. Mae’r paragraff yma yn berthnasol oherwydd bod yr adroddiad yn cynnwys gwybodaeth am unigolion penodol sydd â hawl i breifatrwydd. Nid oes unrhyw fudd cyhoeddus sydd yn galw am ddatgelu gwybodaeth bersonol am yr unigolion yma fyddai’n gorbwyso hawliau’r unigolion yma . O ganlyniad mae’r budd cyhoeddus yn disgyn o blaid cadw’r wybodaeth yn eithriedig.

 

PENDERFYNWYD cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraffau 12 ac 13, Rhan 4, Atodiad 12 A, Deddf Llywodraeth Leol 1972.  Mae’r paragraffau yma yn berthnasol oherwydd bod gan yr unigolion dan sylw'r hawl i breifatrwydd ac nad oes unrhyw fudd cyhoeddus sy’n gofyn am ddatgelu gwybodaeth bersonol am yr unigolion nac yn gofyn am eu hadnabod.  O ganlyniad mae’r budd cyhoeddus o gadw’r wybodaeth yn eithriedig yn gorbwyso’r budd cyhoeddus o’i datgelu.

 

I ystyried cais Miss A

 

(copi arwahan i aelodau’r Is Bwyllgor yn unig)

 

 

PENDERFYNIAD

 

Bod yr ymgeisydd yn berson addas a phriodol ar gyfer trwydded gyrrwr cerbyd hacni/hurio preifat gyda Chyngor Gwynedd

 

Croesawodd y Cadeirydd bawb i’r cyfarfod. Amlygodd y byddai'r penderfyniad yn cael ei wneud yn unol â Pholisi Trwyddedu Cyngor Gwynedd. Nodwyd mai pwrpas y polisi oedd gosod canllawiau ar y meini prawf wrth ystyried cais yr ymgeisydd gyda’r nod o ddiogelu’r cyhoedd drwy sicrhau:

 

•       Bod yr unigolyn yn unigolyn addas a phriodol

•       Nad yw'r unigolyn yn fygythiad i'r cyhoedd

•       Bod y cyhoedd wedi'u diogelu rhag pobl anonest

•       Bod plant a phobl ifanc wedi'u diogelu

•       Bod pobl ddiamddiffyn wedi'u diogelu

•       Bod y cyhoedd yn gallu bod yn hyderus wrth ddefnyddio cerbydau trwyddedig

 

Cyflwynodd y Rheolwr Trwyddedu adroddiad ysgrifenedig ar gais a dderbyniwyd gan Miss A am drwydded gyrru cerbyd hacni/hurio preifat. Gofynnwyd i’r Is-bwyllgor ystyried y cais yn unol â’r collfarnau perthnasol

 

Roedd yr Awdurdod Trwyddedu yn argymell i’r Is-bwyllgor gymeradwyo’r cais.

 

Mewn ymateb i gwestiwn am fwy o wybodaeth ynglŷn â Thystysgrif Llwyddiant Diogelwch i Yrwyr Tacsi (Safeguarding for Taxi Drivers), nododd y Rheolwr Trwyddedu mai cwrs hyfforddi rhyngweithiol o ansawdd uchel ydoedd yn addysgu dysgwyr ar sut i gyflawni eu dyletswyddau diogelu a hynny drwy adnabod gwahanol fathau o gam-drin a/neu gam-fanteisio ac adrodd ar y pryderon hynny yn briodol. Ategodd, ers tair blynedd, bod yr Uned Trwyddedu yn argymell gyrwyr tacsi i gwblhau’r hyfforddiant, a'r bwriad i’r dyfodol yw ei wneud yn rhan o’r Polisi Trwyddedu

 

Gwahoddwyd cynrychiolydd yr ymgeisydd i ymhelaethu ar y cais gan roi gwybodaeth am gefndir y collfarnau ac amgylchiadau personol yr ymgeisydd. Nododd fod yr ymgeisydd wedi bod yn onest yn ei chais ac wedi egluro pam gafodd y gorchymyn cymunedol ei ddirymu. Ategodd mai un digwyddiad oedd yma a bod yr ymgeisydd wedi pledio yn euog. Petai’r cais yn cael ei ganiatáu byddai yn hapus i’w chyflogi.

 

Gwahoddwyd yr ymgeisydd i ymhelaethu ar ei chais, ond mynegodd ei bod yn hapus gyda’r hyn roedd ei chynrychiolydd wedi ei gyflwyno.

 

PENDERFYNWYD bod yr ymgeisydd yn berson addas a phriodol ar gyfer trwydded gyrrwr cerbyd hacni/hurio preifat gyda Chyngor Gwynedd.

 

Wrth gyrraedd eu penderfyniad, roedd yr Is-bwyllgor wedi ystyried y canlynol:

·      Gofynion ‘Polisi Trwyddedu ar gyfer Hurio Preifat a Cherbydau Hacni Cyngor Gwynedd’

·      Adroddiad yr Adran Drwyddedu

·      Datganiad DBS

·      Ffurflen gais yr ymgeisydd

·      Sylwadau llafar cynrychiolydd yr ymgeisydd

 

Rhoddwyd ystyriaeth benodol i’r materion canlynol

 

Cefndir

 

Yn mis Ionawr 2020 cafwyd yr ymgeisydd yn euog o ymosodiad gan achosi gwir niwed corfforol (ABH) yn groes i Ddeddf Troseddau yn Erbyn y Person 1861.A.47

 

Yn Mawrth 2022 cafwyd yr ymgeisydd yn euog am fethu cydymffurfio gyda gofynion gorchymyn Cymunedol yn groes i Ddeddf Dedfrydu 2020 Atodlen10 a gafodd ei ddirymu ar ôl hynny.

 

CYMALAU PERTHNASOL Y POLISI

 

Ystyriwyd paragraff 2.2 o Bolisi’r Cyngor lle nodi’r nad oes rheidrwydd i berson sydd â chollfarn am drosedd ddifrifol gael ei wahardd rhag cael trwydded, ond bydd disgwyl iddo fod yn rhydd rhag unrhyw gollfarnau  ...  gweld y cofnod llawn ar gyfer eitem 5.

I ystyried cais Mr B

 

(copi arwahan i aelodau’r Is Bwyllgor yn unig)

 

 

PENDERFYNIAD

 

Gohirio’r penderfyniad er mwyn gwneud ymholiadau pellach

 

Croesawodd y Cadeirydd bawb i’r cyfarfod. Amlygodd y byddai'r penderfyniad yn cael ei wneud yn unol â Pholisi Trwyddedu Cyngor Gwynedd. Nodwyd mai pwrpas y polisi oedd gosod canllawiau ar y meini prawf wrth ystyried cais yr ymgeisydd gyda’r nod o ddiogelu’r cyhoedd drwy sicrhau:

 

•       Bod yr unigolyn yn unigolyn addas a phriodol

•       Nad yw'r unigolyn yn fygythiad i'r cyhoedd

•       Bod y cyhoedd wedi'u diogelu rhag pobl anonest

•       Bod plant a phobl ifanc wedi'u diogelu

•       Bod pobl ddiamddiffyn wedi'u diogelu

•       Bod y cyhoedd yn gallu bod yn hyderus wrth ddefnyddio cerbydau trwyddedig

 

Cyflwynodd y Rheolwr Trwyddedu adroddiad ysgrifenedig ar gais a dderbyniwyd gan Mr B i adnewyddu trwydded gyrru cerbyd hacni/hurio preifat. Gofynnwyd i’r Is-bwyllgor ystyried y cais yn unol â’r collfarnau perthnasol.

 

Roedd yr Awdurdod Trwyddedu yn argymell i’r Is-bwyllgor gymeradwyo’r cais. Ategwyd bod yr ymgeisydd wedi datgan y pwyntiau goryrru ar ei gais.

 

Gwahoddwyd yr ymgeisydd i ymhelaethu ar ei gais gan roi gwybodaeth am gefndir y pwyntiau cosb a dderbyniodd am oryrru. Wrth gyflwyno ei wybodaeth daeth i’r amlwg nad oedd cyfanswm y pwyntiau cosb ar Adroddiad yr Asiantaeth Trwyddedu Gyrwyr a Cherbydau (DVLA) yn cyfateb i’r hyn roedd yr ymgeisydd yn ei gyflwyno i’r Is-bwyllgor ynghyd a dryswch ynglŷn â chofnod y TT99 ar yr un adroddiad. (Mae cofnod TT99 yn amlygu gwaharddiad o dan 'totting-up' - os yw cyfanswm y pwyntiau cosb yn cyrraedd 12 neu fwy o fewn 3 blynedd, gellid diarddel y gyrrwr).

 

Datgelodd yr ymgeisydd hefyd yn ei gyflwyniad ei fod wedi ei wahardd rhag gyrru am gyfnod o ddwy flynedd - gwybodaeth nad oedd wedi ei ddatgelu i’r Uned Drwyddedu yn unol â gofynion trwydded tacsi.

 

PENDERFYNWYD Gohirio’r penderfyniad er mwyn gwneud ymholiadau pellach

 

Wrth gyrraedd eu penderfyniad, roedd yr Is-bwyllgor wedi ystyried y canlynol:

·      Gofynion ‘Polisi Trwyddedu ar gyfer Hurio Preifat a Cherbydau Hacni Cyngor Gwynedd’

·      Adroddiad yr Adran Drwyddedu

·      Adroddiad yr Asiantaeth Trwyddedu Gyrwyr a Cherbydau (DVLA)

·      Ffurflen gais yr ymgeisydd

·      Sylwadau llafar yr ymgeisydd

 

Rhoddwyd ystyriaeth benodol i’r materion canlynol

 

Cefndir

 

Yn Ionawr 2023, derbyniodd yr ymgeisydd 3 pwynt cosb (SP30) am dorri'r cyfyngiad cyflymder statudol ar ffordd gyhoeddus - y pwyntiau hyn yn dod i ben Ionawr 2026 

 

Yng Ngorffennaf 2023, derbyniodd yr ymgeisydd 4 pwynt cosb (SP30) am dorri'r cyfyngiad cyflymder statudol ar ffordd gyhoeddus - y pwyntiau hyn yn dod i ben Gorffennaf 2026

 

Arnodiad TT99 yn nodi cyfri’r pwyntiau os yw’r cyfanswm pwyntiau cosb yn cyrraedd 12 neu fwy o fewn 3 blynedd, ac yn dod i ben Ebrill 2025

 

CASGLIADAU

 

Ystyriwyd esboniad yr ymgeisydd o’i amgylchiadau a’r anghysondebau oedd yn ei gyflwyniad, gwybodaeth gan yr Uned Drwyddedu ac Adroddiad yr Asiantaeth Trwyddedu Gyrwyr a Cherbydau (DVLA). O ganlyniad, penderfynodd yr Is-bwyllgor o blaid gohirio’r cais er mwyn gwneud ymholiadau pellach i gais yr ymgeisydd.

 

Adroddodd y Cyfreithiwr y byddai’r  ...  gweld y cofnod llawn ar gyfer eitem 6.