Rhaglen, penderfyniadau a chofnodion drafft

I dderbyn unrhyw ymddiheuriadau.

Derbyniwyd ymddiheuriadau gan:

·       Graham Boase (Cyngor Sir Ddinbych)

·       Alwyn Jones (Cyngor Bwrdeistref Sirol Wrecsam) gyda Linda Roberts yn dirprwyo

·       Rhun ap Gareth (Cyngor Bwrdeistref Sirol Conwy) gyda Jenny Williams yn dirprwyo

·       Dewi Morgan (Prif Swyddog Cyllid)

I dderbyn unrhyw ddatganiad o fuddiant personol.

Derbyniwyd datganiad o fuddiant personol gan Alwen Williams ar gyfer Eitem 10 oherwydd ei phenodiad fel Prif Weithredwr dros dro Cyd-bwyllgor Corfforedig y Gogledd. Nodwyd ei fod yn fuddiant sy’n rhagfarnu ac fe adawodd y cyfarfod yn ystod y drafodaeth.

Nodi unrhyw eitemau sy’n fater brys ym marn y Cadeirydd fel y gellir eu hystyried.

Dim i’w nodi.

Bydd y Cadeirydd yn cynnig y dylid llofnodi cofnodion cyfarfod y pwyllgor hwn a gynhaliwyd ar 21 Chwefror, 2025 fel rhai cywir.

Llofnododd y Cadeirydd gofnodion y cyfarfod blaenorol a gynhaliwyd ar  21 Mawrth, 2025 fel rhai cywir.

Alwen Williams, Prif Weithredwr Dros Dro ac Iwan Evans, Swyddog Monitro i gyflwyno’r adroddiad.

PENDERFYNIAD:  

1. Cytuno i ymrwymo i Gytundeb Cyflawni ac Ariannu ble trosglwyddir rôl corff Cyfrifol, cyfrifoldeb am gyflawni Cynllun Twf Gogledd Cymru a’r trefniadau ariannu ar gyfer y Cynllun Twf i Gyd-bwyllgor Corfforedig y Gogledd ar neu cyn 31 Mawrth, 2025.

2. Cytuno i amnewid ac aseinio yn ôl yr angen, cyflawni Cynllun Twf Gogledd Cymru a’r hawliau a’r rhwymedigaethau ym mhob cytundeb ariannu sy’n dod i mewn a ddelir gan Gyngor Gwynedd fel Corff Atebol ar ran trosglwyddiad Bwrdd Uchelgais Economaidd Gogledd Cymru i Gyd-bwyllgor Corfforedig y Gogledd ar neu cyn 31 Mawrth, 2025.

3. Cytuno i drosglwyddo, amnewid ac/neu aseinio’r holl fuddiannau ym mhortffolio prosiectau a ariennir gan Gynllun Twf Gogledd Cymru ynghyd ag unrhyw gytundebau taliadau a phrydlesi ategol gan Gyngor Gwynedd fel Corff Atebol ar ran Bwrdd Uchelgais Economaidd Gogledd Cymru i Gyd-bwyllgor Corfforedig y Gogledd ar neu cyn 31 Mawrth, 2025.

4. Cytuno i drosglwyddo a/neu aseinio’r holl falansau ariannol, arian sy’n ddyledus ac asedau fel a ddelir ar ran Bwrdd Uchelgais Economaidd Gogledd Cymru gan Gyngor Gwynedd i Gyd-bwyllgor Corfforedig y Gogledd ar neu cyn 31 Mawrth, 2025.

5. Dirprwyo awdurdod i’r Prif Weithredwr Dros Dro, mewn ymgynghoriad â’r Swyddog Monitro a’r Swyddog Adran 151, i gytuno a gweithredu’r cytundebau, gweithredoedd a’r holl ddogfennau cyfreithiol terfynol eraill sy’n angenrheidiol i weithredu’r trosglwyddiadau y cyfeirir atynt ym mharagraffau 1, 2 a 3 uchod erbyn neu cyn 31 Mawrth, 2025.

6. Cytuno i drosglwyddo atebolrwydd i Gyd-bwyllgor Corfforedig y Gogledd a bod y Cyd-bwyllgor yn derbyn cyfrifoldeb am wneud penderfyniadau ar gyfer gweithredu Cynllun Twf Gogledd Cymru yn amodol ar amnewid y Cynllun Twf a chymeradwyo Rheolau Sefydlog ychwanegol sy’n ymgorffori telerau allweddol y Cytundeb Cyd-weithio rhwng y 6 Cyngor Cyfansoddiadol a’r 4 parti Addysg.

Cyflwynwyd yr adroddiad gan Brif Weithredwr Dros Dro'r CBC a’r Swyddog Monitro.

PENDERFYNWYD:

1.     Cytuno i ymrwymo i Gytundeb Cyflawni ac Ariannu ble trosglwyddir rôl corff Cyfrifol, cyfrifoldeb am gyflawni Cynllun Twf Gogledd Cymru a’r trefniadau ariannu ar gyfer y Cynllun Twf i Gyd-bwyllgor Corfforedig y Gogledd ar neu cyn 31 Mawrth, 2025.

2.     Cytuno i amnewid ac aseinio yn ôl yr angen, cyflawni Cynllun Twf Gogledd Cymru a’r hawliau a’r rhwymedigaethau ym mhob cytundeb ariannu sy’n dod i mewn a ddelir gan Gyngor Gwynedd fel Corff Atebol ar ran trosglwyddiad Bwrdd Uchelgais Economaidd Gogledd Cymru i Gyd-bwyllgor Corfforedig y Gogledd ar neu cyn 31 Mawrth, 2025.

3.     Cytuno i drosglwyddo, amnewid ac/neu aseinio’r holl fuddiannau ym mhortffolio prosiectau a ariennir gan Gynllun Twf Gogledd Cymru ynghyd ag unrhyw gytundebau taliadau a phrydlesi ategol gan Gyngor Gwynedd fel Corff Atebol ar ran Bwrdd Uchelgais Economaidd Gogledd Cymru i Gyd-bwyllgor Corfforedig y Gogledd ar neu cyn 31 Mawrth, 2025.

4.     Cytuno i drosglwyddo a/neu aseinio’r holl falansau ariannol, arian sy’n ddyledus ac asedau fel a ddelir ar ran Bwrdd Uchelgais Economaidd Gogledd Cymru gan Gyngor Gwynedd i Gyd-bwyllgor Corfforedig y Gogledd ar neu cyn 31 Mawrth, 2025.

5.     Dirprwyo awdurdod i’r Prif Weithredwr Dros Dro, mewn ymgynghoriad â’r Swyddog Monitro a’r Swyddog Adran 151, i gytuno a gweithredu’r cytundebau, gweithredoedd a’r holl ddogfennau cyfreithiol terfynol eraill sy’n angenrheidiol i weithredu’r trosglwyddiadau y cyfeirir atynt ym mharagraffau 1, 2 a 3 uchod erbyn neu cyn 31 Mawrth, 2025.

6.     Cytuno i drosglwyddo atebolrwydd i Gyd-bwyllgor Corfforedig y Gogledd a bod y Cyd-bwyllgor yn derbyn cyfrifoldeb am wneud penderfyniadau ar gyfer gweithredu Cynllun Twf Gogledd Cymru yn amodol ar amnewid y Cynllun Twf a chymeradwyo Rheolau Sefydlog ychwanegol sy’n ymgorffori telerau allweddol y Cytundeb Cyd-weithio rhwng y 6 Cyngor Cyfansoddiadol a’r 4 parti Addysg.

TRAFODAETH

Atgoffwyd yr Aelodau mai’r dyddiad a benodwyd ar gyfer trosglwyddo swyddogaethau Bwrdd Uchelgais Economaidd Gogledd Cymru a’r Cynllun Twf i Gyd-bwyllgor Corfforedig y Gogledd yw 1 Ebrill 2025. Cadarnhawyd bod gweithdrefnau pob Awdurdod Lleol perthnasol wedi cymeradwyo’r trosglwyddiad gan nodi bod yr Adroddiad yn manylu ar y camau sydd angen eu cyflawni er mwyn ei gwblhau’n amserol.

Eglurwyd bod y Cyd-bwyllgor ar drothwy derbyn cytundeb gan bartneriaid y Cynllun Twf ar gyfer y trosglwyddiad hwn.

Nodwyd bod oediad wedi bod yn y trefniadau er mwyn derbyn cytundeb gan Lywodraeth Cymru i ryddhau Cyngor Gwynedd o gyfrifoldebau a’r cytundeb ariannu’r Cynllun Twf gan ganiatáu i Gyd-bwyllgor Corfforedig y Gogledd fod yn gyfrifol ohono o 1 Ebrill 2025. Pwysleisiwyd bod y cytundeb hwn yn un creiddiol i’r trosglwyddiad. Tynnwyd sylw bod cytundeb drafft wedi cael ei anfon i Lywodraeth Cymru ym mis Chwefror 2025. Mynegwyd balchder bod Llywodraeth Cymru wedi cadarnhau ar 21 Mawrth 2025, yn dilyn trafodaethau maith, bod y cytundeb hwn yn dderbyniol ar gyfer cyflawni’r trosglwyddiad. Cynghorwyd y gallai’r Cyd-bwyllgor ganiatáu’r trosglwyddiad, yn ddibynnol ar ymrwymiad Llywodraeth Cymru y bydd swyddogion yn derbyn  cytundeb i’w arwyddo erbyn 25 Mawrth 2025, er mwyn sicrhau bod yr amserlen arfaethedig  ...  gweld y cofnod llawn ar gyfer eitem 5.

Iwan Evans, Swyddog Monitro i gyflwyno’r adroddiad.  

PENDERFYNIAD:  

1. Cymeradwyo penodi cynrychiolwyr o bob sefydliad partner yn Aelodau cyfetholedig (heb bleidlais) i’r Is-bwyllgor Lles Economaidd.

2. Cadarnhau aelodaeth yr Is-bwyllgor Lles Economaidd fel y nodir yn y tabl isod:

Cyflwynwyd yr adroddiad gan y Swyddog Monitro.

PENDERFYNWYD

1.      Cymeradwyo penodi cynrychiolwyr o bob sefydliad partner yn Aelodau cyfetholedig (heb bleidlais) i’r Is-bwyllgor Lles Economaidd.

2.     Cadarnhau aelodaeth yr Is-bwyllgor Lles Economaidd fel y nodir yn y tabl isod:

TRAFODAETH

Cyflwynwyd yr Adroddiad gan nodi ei fod yn cadarnhau aelodaeth Is-bwyllgor Lles Economaidd Cyd-bwyllgor Corfforedig y Gogledd. Ymhelaethwyd bod sefydlu’r Is-bwyllgor hwn yn allweddol er mwyn cefnogi trosglwyddiad y Cynllun Twf i’r Cyd-bwyllgor a chymryd rheolaeth o swyddogaethau Bwrdd Uchelgais Economaidd Gogledd Cymru.

Cywirwyd yr aelodaeth i gynrychiolaeth Prifysgol Wrecsam gan nodi mai Mr Moss Garde yw’r eilydd yn y Cytundeb Cyfethol.

Tynnwyd sylw bod pob ymdrech yn cael ei wneud er mwyn sefydlu’r Is-bwyllgor hwn i fod o’r un natur a’r Bwrdd Uchelgais Economaidd ac felly cadarnhawyd bod pob Aelod Cyfetholedig yn Aelodau di-bleidlais. Amlygwyd bod yr Aelodau Cyfetholedig a nodwyd o fewn yr adroddiad eisoes yn aelodau o’r Bwrdd Uchelgais Economaidd fel ymgynghorwyr.

Eglurwyd bydd Adroddiad pellach yn cael ei gyflwyno i’r Cyd-bwyllgor Corfforedig yn ei gyfarfod nesaf, er mwyn rhannu gwybodaeth ar drefniadau materion cyfetholedig gan gynnwys hawliau pleidleisio, er eglurder.

Hedd Vaughan-Evans, Pennaeth Gweithrediadau i gyflwyno’r adroddiad.

PENDERFYNIAD:  

1. Cymeradwyo’r Cylch Gorchwyl a’r broses benodi ar gyfer sefydlu Bwrdd Busnes Ymgynghorol newydd ar ôl trosglwyddo’r Cynllun Twf a dirprwyo’r broses weithredu i’r Prif Weithredwr Dros Dro.

2. Cymeradwyo’r disgrifiad rôl ar gyfer y ddwy swydd Ymgynghorydd Anweithredol newydd ac awdurdodi’r Prif Weithredwr Dros Dro i gymryd pob cam angenrheidiol i gaffael ymgeiswyr i’w hargymell i’w penodi i Is-bwyllgor Lles Economaidd Cyd-bwyllgor Corfforedig y Gogledd.

3. Dirprwyo i’r Prif Weithredwr Dros Dro, mewn ymgynghoriad â’r Swyddog Monitro, y Cadeirydd a’r Is-gadeirydd yr awdurdod i wneud unrhyw fân newidiadau i’r Cylch Gorchwyl a disgrifiadau rôl mewn ymateb i unrhyw adborth a dderbyniwyd gan Lywodraeth Cymru a’r DU cyn ei weithredu.

Cyflwynwyd yr adroddiad gan y Pennaeth Gweithrediadau.

PENDERFYNWYD:

1.     Cymeradwyo’r Cylch Gorchwyl a’r broses benodi ar gyfer sefydlu Bwrdd Busnes Ymgynghorol newydd ar ôl trosglwyddo’r Cynllun Twf a dirprwyo’r broses weithredu i’r Prif Weithredwr Dros Dro.

2.     Cymeradwyo’r disgrifiad rôl ar gyfer y ddwy swydd Ymgynghorydd Anweithredol newydd ac awdurdodi’r Prif Weithredwr Dros Dro i gymryd pob cam angenrheidiol i gaffael ymgeiswyr i’w hargymell i’w penodi i Is-bwyllgor Lles Economaidd Cyd-bwyllgor Corfforedig y Gogledd.

3.     Dirprwyo i’r Prif Weithredwr Dros Dro, mewn ymgynghoriad â’r Swyddog Monitro, y Cadeirydd a’r Is-gadeirydd yr awdurdod i wneud unrhyw fân newidiadau i’r Cylch Gorchwyl a disgrifiadau rôl mewn ymateb i unrhyw adborth a dderbyniwyd gan Lywodraeth Cymru a’r DU cyn ei weithredu.

TRAFODAETH

Cyflwynwyd Cylch Gorchwyl corff ymgynghori sector preifat newydd (Bwrdd Busnes Ymgynghorol) yn ogystal â disgrifiadau rôl ar gyfer dau Ymgynghorydd Anweithredol newydd. Eglurwyd bod datblygu’r rhain yn sicrhau bod gweithdrefnau Cyd-bwyllgor Corfforedig y Gogledd yn cyfarch yr hyn sydd yn ddisgwyliedig er mwyn gweithredu’r Cynllun Twf. Ychwanegwyd bod cyflwyno’r rhain hefyd yn ymateb i argymhellion Llywodraeth Cymru a Llywodraeth y DU o benodi ymgynghorwyr anweithredol.

Cadarnhawyd bod swyddogion wedi derbyn cyngor cyfreithiol ar y model ar gyfer penodi ymgynghorwyr anweithredol a nodwyd bod trefniadau’r Cyd-bwyllgor Corfforedig yn seiliedig ar ofynion cyfreithiol llywodraeth leol ar gyfer unigolion sydd o fewn swyddogaeth ac yn derbyn tâl am wasanaethau.

Ystyriwyd pecyn cyflogaeth yr ymgynghorwyr anweithredol gan holi os oes ystyriaeth yn cael ei roi i ffi ddyddiol am eu gwasanaethau. Mewn ymateb, cadarnhaodd y Prif Weithredwr Dros Dro bod gwaith wedi cael ei wneud er mwyn canfod graddfa gyflog ddyddiol ar gyfer natur y gwasanaeth ymgynghori priodol. Eglurwyd bod ystod eang o drefniadau cyflogaeth ymgynghorol a'u bod yn amrywiol iawn. Cadarnhawyd bydd cyflogau am wasanaethau ymgynghorol dyddiol yn cael eu pennu wrth i’r Cyd-bwyllgor lwyddo i fireinio’r math o ymgynghoriaeth sydd ei angen.

Mewn ymateb i ystyriaethau os bydd gofyniad i’r ymgynghorwyr anweithredol fod yn meddu â sgiliau ieithyddol Cymraeg er mwyn cael eu penodi, cadarnhaodd y Prif Weithredwr Dros Dro bod yr iaith Gymraeg yn hollbwysig i waith y Cyd-bwyllgor gan gadarnhau bydd pob ymdrech yn cael ei wneud er mwyn ceisio canfod ymgynghorwyr sy’n medru’r Gymraeg er mwyn cynorthwyo gwaith y Cyd-bwyllgor. Fodd bynnag, nodwyd yr angen rhoi ystyriaeth i unrhyw gais er mwyn cysidro a fyddai’r lefel gywir o gyngor yn cael ei ddarparu i’r Bwrdd Busnes Ymgynghorol er mwyn llywio penderfyniadau o werth i’r rhanbarth. Cadarnhawyd y bydd y rolau hyn yn cael eu hysbysebu i nodi bod sgiliau’r iaith Gymraeg yn ddelfrydol ond nid yw’n angenrheidiol.

Iwan Evans, Swyddog Monitro i gyflwyno’r adroddiad.

PENDERFYNIAD:  

1. Mabwysiadu’r newidiadau i’r Rheolau Gweithdrefn Contract a bod y Cyfansoddiad yn cael ei ddiweddaru yn unol â hynny.

2. Dirprwyo i’r Swyddog Monitro y pŵer i wneud y mân addasiadau canlynol i’r Cyfansoddiad:
1. Diwygiadau cyfreithiol neu dechnegol nad ydynt yn effeithio’n sylweddol ar y Cyfansoddiad.
2. Newidiadau y mae’n ofynnol eu gwneud i gael gwared ag unrhyw anghysondeb, amwysedd neu wall teipograffeg
3. Geiriad er mwyn i unrhyw benderfyniad gan Cyd-bwyllgor Corfforedig y Gogledd neu ei is-bwyllgorau neu swyddog sy’n arfer pwerau dirprwyedig ddod i rym.
4. Newidiadau sy’n ofynnol i adlewyrchu unrhyw newidiadau i deitlau swyddi neu rôl

Cyflwynwyd yr adroddiad gan y Pennaeth Gweithrediadau.

PENDERFYNWYD:

1.     Mabwysiadu’r newidiadau i’r Rheolau Gweithdrefn Contract a bod y Cyfansoddiad yn cael ei ddiweddaru yn unol â hynny.

2.     Dirprwyo i’r Swyddog Monitro y pŵer i wneud y mân addasiadau canlynol i’r Cyfansoddiad:

a.   Diwygiadau cyfreithiol neu dechnegol nad ydynt yn effeithio’n sylweddol ar y Cyfansoddiad.

b.  Newidiadau y mae’n ofynnol eu gwneud i gael gwared ag unrhyw anghysondeb, amwysedd neu wall teipograffeg

c.   Geiriad er mwyn i unrhyw benderfyniad gan Cyd-bwyllgor Corfforedig y Gogledd neu ei is-bwyllgorau neu swyddog sy’n arfer pwerau dirprwyedig ddod i rym.

d.  Newidiadau sy’n ofynnol i adlewyrchu unrhyw newidiadau i deitlau swyddi neu rôl

TRAFODAETH

Eglurwyd bod trefniadau wedi cael ei diwygio yn dilyn dyfodiad Deddf Partneriaeth Gymdeithasol a Chaffael Cyhoeddus (Cymru) 2023. Cyflwynwyd rheoliadau diwygiedig o drefniadau caffael ar gyfer gweithrediadau Cyd-bwyllgor Corfforedig y Gogledd.

Diolchwyd am y cydweithrediad rhanbarthol ac arbenigol er mwyn sicrhau bod y ddogfennaeth yn cael eu diwygio i fod yn gyfredol yn unol â’r gofynion cyfreithiol.

Bydd y Cadeirydd yn cynnig y dylid cau allan y wasg a’r cyhoedd o’r cyfarfod yn ystod y drafodaeth ar yr eitemau canlynol gan ei bod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972 Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig  mewn bod yn agored  ynglŷn â defnydd adnoddau cyhoeddus a materion ariannol cysylltiedig.   Cydnabyddir fodd bynnag fod adegau, er gwarchod buddiannau busnes cyhoeddus fod angen trafod gwybodaeth o’r fath heb ei gyhoeddi.  Mae’r adroddiad yn benodol ynglŷn a  chytuno trefniadau penodi gan gynnwys manylion swydd a amodau a thelerau cyflog  fydd yn destun proses recriwtio gystadleuol.  Nodaf hefyd y bydd y wybodaeth a gytunir yn cael ei gyhoeddi fel rhan o broses benodi agored. Gall cyhoeddi gwybodaeth drafft yma yn gynamserol danseilio y broses recriwtio.  Byddai hyn yn groes i’r budd cyhoeddus ehangach o sicrhau yr allbwn cyfansawdd gorau . Am y rhesymau yma rwy’n fodlon fod y mater yn gaeedig er y budd cyhoeddus.

PENDERFYNWYD cau allan y wasg a’r cyhoedd o’r cyfarfod yn ystod y drafodaeth ar Eitem 10 gan ei bod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972 - Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig mewn bod yn agored ynglŷn â defnydd adnoddau cyhoeddus a materion ariannol cysylltiedig. Cydnabyddir fodd bynnag fod adegau, er gwarchod buddiannau busnes cyhoeddus fod angen trafod gwybodaeth o’r fath heb ei gyhoeddi. Mae’r adroddiad yn benodol ynglŷn a chytuno trefniadau penodi gan gynnwys manylion swydd ac amodau a thelerau cyflog fydd yn destun proses recriwtio gystadleuol. Nodaf hefyd y bydd y wybodaeth a gytunir yn cael ei gyhoeddi fel rhan o broses benodi agored. Gall cyhoeddi gwybodaeth drafft yma yn gynamserol danseilio'r broses recriwtio. Byddai hyn yn groes i’r budd cyhoeddus ehangach o sicrhau'r allbwn cyfansawdd gorau . Am y rhesymau yma rwy’n fodlon fod y mater yn gaeedig er y budd cyhoeddus.

Geraint Owen, Cyfarwyddwr Corfforaethol, Cyngor Gwynedd i gyflwyno’r adroddiad.

PENDERFYNIAD:  

1. Cytuno i sefydlu swydd Prif Weithredwr ar sail llawn amser parhaol ar gyflog blynyddol o hyd at £125,000.

2. Awdurdodi cychwyn proses recriwtio i benodi Prif Weithredwr.

3.     Mai Cymraeg yn ‘ddymunol’, gan sicrhau ymrwymiad gan yr ymgeisydd llwyddiannus i ddysgu’r iaith (os nad yw eisoes yn medru’r Gymraeg)  fydd dynodiad iaith y swydd o fewn y Manylion Person .

4. Cadarnhau bod y trefniadau dros-dro presennol yng nghyswllt cyflawni swyddogaethau Prif Weithredwr y Cyd-bwyllgor Corfforedig a Cyfarwyddwr Portffolio y Cynllun Twf yn cael eu hymestyn hyd nes bod Prif Weithredwr parhaol yn gallu ymgymryd a’i g/chyfrifoldebau.

5. Cadarnhau bod cynnal y broses recriwtio, gan gynnwys yr hysbysebu, yn cael ei ddirprwyo i’r Prif Weithredwr arweiniol, mewn ymgynghoriaeth gyda’r Cadeirydd a’r Is-gadeirydd.

Cyflwynwyd yr adroddiad gan Gyfarwyddwr Corfforaethol Cyngor Gwynedd.

PENDERFYNWYD:

1.     Cytuno i sefydlu swydd Prif Weithredwr ar sail llawn amser parhaol ar gyflog blynyddol o hyd at £125,000.

2.     Awdurdodi cychwyn proses recriwtio i benodi Prif Weithredwr.

3.     Mai Cymraeg yn ‘ddymunol’, gan sicrhau ymrywymiad gan yr ymgeisydd llwyddiannus i ddysgu’r iaith (os nad yw eisoes yn medru’r Gymraeg) fydd dynodiad iaith y swydd o fewn y Manylion Person.

4.     Cadarnhau bod y trefniadau dros-dro presennol yng nghyswllt cyflawni swyddogaethau Prif Weithredwr y Cyd-bwyllgor Corfforedig a Cyfarwyddwr Portffolio y Cynllun Twf yn cael eu hymestyn hyd nes bod Prif Weithredwr parhaol yn gallu ymgymryd a’i g/chyfrifoldebau.

5.     Cadarnhau bod cynnal y broses recriwtio, gan gynnwys yr hysbysebu, yn cael ei ddirprwyo i’r Prif Weithredwr arweiniol, mewn ymgynghoriaeth gyda’r Cadeirydd a’r Is-gadeirydd.

TRAFODAETH

Trafodwyd yr Adroddiad.