Rhaglen, penderfyniadau a chofnodion drafft

I dderbyn ymddiheuriadau am absenoldeb.

Derbyniwyd ymddiheuriadau gan y Cynghorydd Nia Jeffreys (Cyngor Gwynedd) a Dewi Aeron Morgan (Swyddog Cyllid Statudol y CBC).

I dderbyn unrhyw ddatganiadau o fuddiant personol.

Ni dderbyniwyd unrhyw ddatganiad o fuddiant personol.

Nodi unrhyw eitemau sy’n fater brys ym marn y Cadeirydd fel y gellir eu hystyried.

Dim i’w nodi.

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 19 Medi, 2025 fel rhai cywir.

Llofnododd y Cadeirydd gofnodion y cyfarfod blaenorol a gynhaliwyd ar 19 Medi, 2025 fel rhai cywir.

Dewi A. Morgan, Pennaeth Cyllid (Swyddog Cyllid Statudol y CBC) a Sian Pugh, Pennaeth Cynorthwyol Cyllid i gyflwyno’r adroddiad.

Ystyriwyd a chymeradwywyd adroddiad ISA 260 gan Archwilio Cymru ar gyfer y BUEGC. 

Ystyriwyd a chymeradwywyd Datganiad o Gyfrifon terfynol y BUEGC (ôl archwiliad) ar gyfer

2024/25).

Cyflwynwyd yr adroddiad gan Sian Pugh, Pennaeth Cynorthwyol Cyllid.

PENDERFYNWYD:

Ystyriwyd a chymeradwywyd adroddiad ISA 260 gan Archwilio Cymru ar gyfer y BUEGC. 

Ystyriwyd a chymeradwywyd Datganiad o Gyfrifon terfynol y BUEGC (ôl archwiliad) ar gyfer 2024/25).

TRAFODAETH

Cyflwynwyd cyfrifon terfynol Bwrdd Uchelgais Economaidd Gogledd Cymru ar gyfer 2024/25, ynghyd ag adroddiad yr archwiliwr allanol, sef yr adroddiad ISA260. Eglurwyd bod swyddogaethau'r Bwrdd Uchelgais Economaidd wedi trosglwyddo i’r Cyd-bwyllgor Corfforedig (CBC) ers 1 Ebrill 2025, a hwn yw’r datganiad cyfrifon olaf, a bydd yn cael ei gynnwys fel rhan o Ddatganiad Cyfrifon y Cydbwyllgor Corfforedig o 2025/26 ymlaen. 

Sicrhawyd bod y Datganiad Cyfrifon blynyddol wedi eu paratoi yn unol â'r Côd Ymarfer ar Gyfrifyddu mewn Awdurdodau Lleol.  Amlygwyd fod yr aelodau wedi derbyn y wybodaeth ddwy waith yn barod. .

Esboniwyd bod datganiadau wedi cael eu hadolygu erbyn hyn gan Archwilio Cymru, sef yr archwilwyr allanol.  Amlygwyd bod yr archwiliwr yn bwriadu cyhoeddi barn archwilio ddiamod ar gyfrifon eleni unwaith y byddent wedi derbyn Llythyr Sylwadau yn seiliedig ar yr hyn a nodir yn Atodiad 4 o adroddiad yr archwilwyr.

Tynnwyd sylw at un camgymeriad na gafodd ei gywiro oherwydd nad oedd modd dyrannu anfoneb gan un cyflenwr i wariant 2024/25 a 2025/26, ond nid oedd yn cael effaith materol ar y cyfrifon. Eglurwyd bod dudalennau 86 ac 87 yn dangos crynodeb o’r cywiriadau a wnaethpwyd. Ymhelaethwyd fod y  cywiriad cyntaf yn deillio o rediad taliadau a wnaethpwyd ar 31 Mawrth; roedd wedi ei ddangos fel “credydwyr” ac arian yn y banc gan nad oedd yr arian wedi mynd allan o’r cyfrif ond roedd yr archwilwyr o’r farn dylid ei gynnwys fel “cash in transit” gan nad oedd ymrwymiad presennol o ran y ddyled ar ddiwedd 31 Mawrth. Cydnabuwyd bod hyn yn fater technegol ac nid oedd yn effeithio ar farn yr archwiliad. Roedd yr ail gyfeiriad yn ymwneud â’r wybodaeth yn Nodyn 24, ac nid oedd yn cael effaith ar y ffigyrau yn y cyfrifon ei hun.

Nodwyd bod  cynllun y flwyddyn wedi ei gyflwyno i’r Cyd-Bwyllogr yn ôl ym mis Medi. Cyflwynwyd canlyniad yr archwiliad, a nodwyd ei fod yn bositif ac yn cloi'r hen Fwrdd Uchelgais Economaidd Gogledd Cymru.

Cyfeirwyd at risg annibyniaeth y tîm Archwilio oherwydd perthynas Rheolwr Archwilio ag aelod o’r grŵp gweithredol. Cydnabuwyd bod Archwilio Cymru yn fodlon a’r trefniadau i osgoi risg.

Diolchwyd i’r tîm yn Archwilio Cymru am eu gwaith ar yr archwiliad ac i’r tîm yn Adran Gyllid Cyngor Gwynedd am eu gwaith yn paratoi’r Datganiad o Gyfrifon.

Gofynnwyd i’r Cadeirydd, ynghyd â Phennaeth Cyllid Cyngor Gwynedd (fel Swyddog Cyllid Statudol y Cyd-Bwyllgor Corfforedig), arwyddo’n electronig y Cyfrifon a’r Llythyr Sylwadau (Atodiad 4 i adroddiad Archwiliwr Cyffredinol Cymru) wedi i’r Cyd-Bwyllgor ystyried yr uchod cyn eu hanfon at Archwilio Cymru. 

Dewi A. Morgan, Pennaeth Cyllid (Swyddog Cyllid Statudol y CBC) a Sian Pugh, Pennaeth Cynorthwyol Cyllid i gyflwyno’r adroddiad.

Cymeradwywyd Ffurflen Flynyddol ddiwygiedig y CBC ar gyfer 2024/25 (ar ôl archwiliad allanol). Mae wedi'i gwblhau a'i ardystio'n briodol gan Swyddog Cyllid Statudol y CBC (Atodiad 1).

Cyflwynwyd yr adroddiad gan Sian Pugh, Pennaeth Cynorthwyol Cyllid.

PENDERFYNWYD:

Cymeradwywyd Ffurflen Flynyddol ddiwygiedig y CBC ar gyfer 2024/25 (ar ôl archwiliad allanol). Mae wedi'i gwblhau a'i ardystio'n briodol gan Swyddog Cyllid Statudol y CBC (Atodiad 1).

TRAFODAETH

Adroddwyd bod Ffurflen Flynyddol y Cyd-Bwyllgor Corfforedig 2024/25 ger bron yr Aelodau, yn dilyn archwiliad gan Archwilio Cymru. Amlygwyd bod y Ffurflen yma wedi cael eu cyflwyno i’r Cyd-Bwyllgor Corfforedig ar ffurf drafft ynghyd ag adroddiad alldro ar 13eg o Fehefin.

Nodwyd bod yn yr un modd â chyfrifon y Bwrdd Uchelgais Economaidd, fod newid i’r Ffurflen oherwydd y rhediad taliadau, gwerth £13 mil a redwyd ar 31 Mawrth.  Eglurwyd bod y swm yma wedi ei ddangos fel “credydwyr” ac arian yn y banc gan nad oedd yr arian wedi mynd allan o’r cyfrif ond roedd yr archwilwyr eto o’r farn dylid ei gynnwys fel “cash in transit” gan nad oedd ymrwymiad presennol o ran y ddyled ar ddiwedd 31 Mawrth.

Gofynnwyd i’r Cadeirydd arwyddo’r ffurflen cyn iddi gael ei hanfon i Archwilio Cymru, a gofynnwyd i’r Cyd-Bwyllgor Corfforedig gymeradwyo Ffurflen Flynyddol ddiwygiedig y CBC ar gyfer 2024/25 (ar ôl archwiliad allanol). Nodwyd ei fod wedi'i gwblhau a'i ardystio'n briodol gan Swyddog Cyllid Statudol y CBC

Diolchwyd am y diweddariad.

.

Delyth Jones-Thomas, Rheolwr Buddsoddi Cyngor Gwynedd i gyflwyno’r adroddiad.

Nodwyd a derbyniwyd yr adroddiad er gwybodaeth.

Cyflwynwyd yr adroddiad gan Delyth Jones-Thomas, Rheolwr Buddsoddi Cyngor Gwynedd.

PENDERFYNWYD:

Nodwyd a derbyniwyd yr adroddiad er gwybodaeth.

TRAFODAETH

Amlygwyd fod yr aelodau wedi cymeradwyo strategaeth rheolaeth trysorlys y Cyd-Bwyllgor Corfforedig am y cyfnod 2025/26 yn y cyfarfod ym mis Mehefin 2025. Eglurwyd ei bod yn ofynnol i’r Cyd-Bwyllgor Corfforedig gael diweddariad ar y sefyllfa yn rheolaidd, ac mae’r diweddariad yma yn edrych ar y cyfnod hyd at 30 o Fedi 2025.

Nodwyd ei bod wedi bod yn gyfnod prysur yn y marchnadoedd ariannol. Tynnwyd sylw at  adran 6, lle adroddwyd buddsoddiadau arian ar ran y Cyd-Bwyllgor gan gynnwys:

• banciau a chymdeithasau adeiladau
• awdurdodau lleol
• cronfeydd marchnad arian
• swyddfa rheoli dyledion

Pwysleisiwyd ei bod yn ofynnol i fuddsoddi arian Cyd-Bwyllgor Corfforedig fod yn ddarbodus, gan roi ystyriaeth i ddiogelwch a hylifedd ei fuddsoddiadau cyn ceisio am y gyfradd enillion uchaf. Manylwyd bod yr amcan wrth fuddsoddi arian yw’r taro cydbwysedd cywir rhwng risg ac enillion, gan sicrhau bod hylifedd ar gael i dalu am weithrediadau dydd i ddydd y Cyd-Bwyllgor. Nodwyd bod y dychweliadau dros y cyfnod wedi bod yn dderbyniol rhwng 3.4% a 4.1%.

Adroddwyd bod gan y Cyd-Bwyllgor gyfyngiadau buddsoddi ac mae hyn er mwyn lledaenu’r risg dros wahanol sefydliadau. Cadarnhawyd y cydymffurfiwyd yn llawn gyda’r cyfyngiadau. 

Nodwyd bod swyddogion yn mynychu hyfforddiant parhaus gyda Arlingclose, sef ymgynghorwyr ariannol, er mwyn deall amodau’r farchnad.

Alwen Williams, Prif Weithredwr a Dave Hole, Arweinydd Rhaglen i gyflwyno’r adroddiad.

Nodwyd diweddariad cynnydd a'r heriau cyfredol o ran trawsnewidiad a gwelliant parhaus y CBC yn ystod 2025/26. 

Cyfarwyddwyd bod adroddiad pellach yn cael ei gyflwyno ym mis Mawrth 2026 i roi diweddariad ar gyflawni rhaglen 2025/26, gan gynnwys y rhaglen arfaethedig newydd ar gyfer 2026/27.

Cyflwynwyd yr adroddiad gan Alwen Williams, Prif Weithredwr a Dave Hole, Arweinydd Rhaglen.

PENDERFYNWYD:

Nodwyd diweddariad cynnydd a'r heriau cyfredol o ran trawsnewidiad a gwelliant parhaus y CBC yn ystod 2025/26. 

Cyfarwyddwyd bod adroddiad pellach yn cael ei gyflwyno ym mis Mawrth 2026 i roi diweddariad ar gyflawni rhaglen 2025/26, gan gynnwys y rhaglen arfaethedig newydd ar gyfer 2026/27.

TRAFODAETH

Cyflwynwyd y Rhaglen Trawsnewid a Gwella 2025/26. Nodwyd mai pwrpas yr adroddiad yw diweddaru Aelodau’r CBC ar gynnydd cyfredol, heriau, a’r camau nesaf ar gyfer trawsnewid a gwella parhaus y CBC.

Darparwyd cyd-destun ac atgoffwyd yr Aelodau fod y CBC bellach yn gweithredu fel endid corfforaethol sefydledig gyda'r awdurdod i gyflogi staff a galluogi trefniadau llywodraethu cadarn. Atgoffwyd yr Aelodau fod y Cynllun Twf, ei chyllid, a’i gweithwyr wedi’u trosglwyddo i’r CBC a’r brand Uchelgais Gogledd Cymru ym mis Ebrill 2025, gyda lansiad rhaglen ddiwygiedig ac uchelgeisiol ar gyfer 2025/26 sy’n adeiladu ar gynllun gweithredu’r CBC ac yn cyflawni rhaglen o welliant parhaus. Ymhellach, nodwyd bod y Prif Weithredwr wedi cael ei phenodi ym mis Mehefin 2025, ac yn gweithredu fel yr uwch berchennog cyfrifol ar gyfer y Rhaglen Trawsnewid a Gwella.

Amlygwyd bod y rhaglen yn uchelgeisiol a rhestrwyd yr heriau allweddol, gan gynnwys y gallu i recriwtio a chadw staff medrus, cwblhau’r cytundebau lefel gwasanaeth sydd ar y gweill ar hyn o bryd gyda Chyngor Gwynedd, rheoli capasiti adnoddau ochr yn ochr â gweithrediad busnes arferol, a gweithredu o fewn y cyfyngiadau cyllidebol a neilltuwyd.

Rhestrwyd ymhellach ffactorau allanol sydd wedi effeithio ar gynnydd, gan gynnwys oedi wrth lansio prosbectws Llywodraeth Cymru, a dyraniadau grantiau. Mynegwyd fod prosiectau fel gweithredu rheolaeth pwyllgorau a gwe-darlledu wedi cael eu gohirio oherwydd y dibyniaethau hyn, ond bydd y rhain yn parhau i gael eu datrys yn y misoedd nesaf.

Nodwyd bod datblygiad rhaglen newid newydd sy’n edrych ymlaen ar y gweill, a bydd ‘roadmap’ ar gyfer y blynyddoedd dilynol yn parhau i ddatblygu. Bydd y blaenoriaethau allweddol yn dangos newid o fewn y rhaglen, ac mae’r rhain wedi’u rhestru yn adran 5.6 o’r adroddiad.

Ymhelaethwyd fod y rhaglen yn cael ei chefnogi gan adnoddau mewnol ac allanol, o ran ystyriaethau ariannol a llywodraethu. Nodwyd mai cyllidebau a chyllid grant wedi’u nodi, ond wrth i anghenion sefydliadol esblygu efallai y bydd potensial i ofyn am gyllid ychwanegol. Cadarnhawyd bod ymatebion swyddogion statudol yn cadarnhau cywirdeb y wybodaeth ac yn tynnu sylw at yr her barhaus o gydbwyso capasiti â gofynion trawsnewid.

Hysbyswyd yr Aelodau, er mwyn sicrhau llywodraethu da ac atebolrwydd corfforaethol, fod yn rhaid i’r CBC dderbyn diweddariadau rheolaidd ar weithgareddau trawsnewid a gwella.

Nodwyd pryderon ynghylch cadw a recriwtio staff, ac fe’i hamlygwyd fel problem bosib ar gyfer y dyfodol. Ymhelaethwyd bod adnoddau’n brin yng Ngogledd Cymru, yn enwedig mewn meysydd arbenigedd fel caffael a pholisi, ac mae’n hanfodol peidio â chymryd adnoddau gan awdurdodau lleol. Cadarnhawyd bod y Prif Weithredwr yn bwriadau tynnu sylw at heriau recriwtio yn yr adroddiad ar gyfer mis Mawrth 2026.

Mynegwyd pryder  ...  gweld y cofnod llawn ar gyfer eitem 8.

Adam Graham, Uwch Swyddog Trafnidiaeth i gyflwyno’r adroddiad.  

Nodwyd yr adroddiad a'i atodiad.

Cyflwynwyd yr adroddiad gan Adam Graham, Uwch Swyddog Trafnidiaeth.

PENDERFYNWYD:

Nodwyd yr adroddiad a’i atodiad.

TRAFODAETH

Adroddwyd bod yr Adroddiad Chwarterol wedi cael eu cyflwyno i’r Is-bwyllgor Trafnidiaeth Strategol yn y cyfarfod ar 6 Hydref. Nodwyd bod yr Adroddiad Chwarterol yn cael ei gyflwyno i’r CBC er mwyn nodi'r gwaith a gwblhawyd gan yr Is-bwyllgor a gan y swyddogion sy’n gweithio ar y Cynllun Trafnidiaeth Rhanbarthol.

Eglurwyd oherwydd natur y ffordd y mae’r gwaith yn symud ymlaen, fod rhywfaint o’r cynnwys yn yr Adroddiad Chwarterol bellach wedi dyddio, ond tynnwyd sylw at y cynnwys oedd wedi newid ers hynny, sef:

·       Mae’r Cynllun Trafnidiaeth Rhanbarthol wedi’i gymeradwyo gan yr Ysgrifennydd Cabinet dros drafnidiaeth yng Ngogledd Cymru ac wedi’i gymeradwyo gan Lywodraeth Cymru bellach.

·       Cyflwynwyd y Rhaglen Arfaethedig o Gynlluniau, ynghylch  Cronfa Trafnidiaeth Rhanbarthol, i Lywodraeth Cymru'r wythnos diwethaf ac felly nawr yn aros am adborth gan Lywodraeth Cymru.

Cytunwyd y byddai Cadeirydd yr Is-bwyllgor Trafnidiaeth Strategol yn cael ei wahodd i gyfarfodydd yn y dyfodol i gyflwyno adroddiadau chwarterol.

Alwen Williams, Prif Weithredwr  a Iain Taylor, AMION Consulting i gyflwyno’r adroddiad.

Ystyriwyd yr eitemau a ganlyn i'w cymeradwyo:

• Dyraniadau buddsoddi'r Cynllun Cyflawni Blynyddol;

• Rhaglenni'r Parth Buddsoddi fel y nodir yn Adran 3 yr adroddiad hwn;

• Cylch Gorchwyl Gweithgor Parth Buddsoddi Sir y Fflint a Wrecsam (Atodiad 1);

• Y caniateir i Swyddog Adran 151 y CBC lofnodi a chyhoeddi dogfennau'r Cynllun Cyflawni Blynyddol i Lywodraeth y DU a Llywodraeth Cymru a gwneud unrhyw ddiwygiadau

ansylweddol pellach sy'n angenrheidiol i gytuno ar y CCB gyda'r ddwy Lywodraeth.

Cyflwynwyd yr adroddiad gan Alwen Williams, Prif Weithredwr a Iain Taylor, AMION Consulting

PENDERFYNWYD:

Ystyriwyd yr eitemau a ganlyn i'w cymeradwyo:

• Dyraniadau buddsoddi'r Cynllun Cyflawni Blynyddol;

• Rhaglenni'r Parth Buddsoddi fel y nodir yn Adran 3 yr adroddiad hwn;

• Cylch Gorchwyl Gweithgor Parth Buddsoddi Sir y Fflint a Wrecsam (Atodiad 1);

• Y caniateir i Swyddog Adran 151 y CBC lofnodi a chyhoeddi dogfennau'r Cynllun Cyflawni Blynyddol i Lywodraeth y DU a Llywodraeth Cymru a gwneud unrhyw ddiwygiadau

ansylweddol pellach sy'n angenrheidiol i gytuno ar y CCB gyda'r ddwy Lywodraeth.

TRAFODAETH

Adroddwyd ar y Cynllun Cyflawni Blynyddol Blwyddyn 1 ar gyfer Parth Buddsoddi Sir y Fflint a Wrecsam. Nodwyd bod hwn yn gyfle cyffrous i Sir y Fflint a Wrecsam, ac i Ogledd Cymru i gyd. Ymhelaethwyd y bydd hyn yn cyflawni statws byd-eang gwell yn y sector Gweithgynhyrchu Uwch yng Ngogledd Cymru.

Adroddwyd bod y Parth Buddsoddi bellach yn y cyfnod cyflawni. Atgoffwyd Aelodau bod rhaid gosod cynllun cyflawni bob blwyddyn, a’r bwriad ydi cyflawni allbwn y rhaglen ym mhob blwyddyn. Hysbyswyd yr aelodau fod cymeradwyaeth yn cael ei geisio ar gyfer cynllun cyflawni’r flwyddyn gyfredol, a ddechreuodd ym mis Ebrill 2025.

Eglurwyd y byddai cymeradwyaeth yn galluogi’r CBC i gyflwyno’r Cynllun Cyflawni Blynyddol Blwyddyn 1, a fyddai’n sbarduno’r Memorandwm Cyd-ddealltwriaeth derfynol wedi’i lofnodi a’r llythyr cynnig grant ar gyfer cronfeydd blwyddyn un. Ymhelaethwyd y byddai gwaith paratoi yn cychwyn ar gronfa Cyflawni Blynyddol Blwyddyn 2, a bydd yn cychwyn ym mis Ebrill 2026. Eglurwyd y bydd hyn yn cael ei gyflwyno i’r Grŵp Gwaith Sir y Fflint a Wrecsam ac hefyd i’r CBC.

Manylwyd bod y rhaglen wedi’i hen sefydlu, a fod yn cwmpasu sgiliau, cymorth busnes, seilwaith, ac ati. Nodwyd bwriad i gydweithio â phartneriaid ar draws Gogledd Cymru, ac i bartneriaid gyflawni rhaglenni datblygu arloesedd a chynigion ar gyfer partneriaethau allweddol gyda chwmnïau gweithgynhyrchu ac ar gyfer dylunio a datblygu'r rhaglen de-garboneiddio ymhellach.

Adroddwyd bod cynigion gan Goleg Cambria a Phrifysgol Wrecsam wedi cael eu derbyn ar gyfer y cam gyntaf o’r rhaglen sgiliau, ac mi fydd y rhain yn cael eu rhannu gyda Phartneriaeth Sgiliau Rhanbarthol. Nodwyd y byddai'r CBC yn penderfynu ar y rhaglen sgiliau fel mai o’n dod yn ei flaen. Ymhelaethwyd mai’r  bwriad yw ymrwymo i gytundebau ariannu i lansio rhaglen cymorth busnes yn Sir y Fflint a Wrecsam, a fydd yn gweld busnesau yno’n gwneud cais am grant a chymorth.

Nodwyd bod yr adroddiad yn adrodd ar weithgareddau lefel uchel a’r dyraniadau ariannol ar gyfer y ddwy flynedd gyntaf. Pwysleisiwyd yr angen i ystyried dyraniadau blwyddyn un yn y cyfarfod hwn.

Ychwanegwyd y byddai penderfyniadau ynghylch y Parth Buddsoddi yn cael eu gwerthuso a’u cytuno gydag arweinwyr Sir y Fflint a Wrecsam, ond bydd yr adroddiad gyda’r CBC i’w gytuno yn derfynol. Byddai mandad yn cael eu rhoi i Swyddog Cyllid Statudol y CBC i lofnodi’r Cynllun Cyflawni Blynyddol gyda’r amod bod unrhyw addasiadau ansylweddol yn cael eu gwneud yn ôl ei ddisgresiwn ac yn cael eu cyflwyno  ...  gweld y cofnod llawn ar gyfer eitem 10.

Bydd y Cadeirydd yn cynnig y dylid cau allan y wasg a’r cyhoedd o’r cyfarfod yn ystod y drafodaeth ar yr eitemau canlynol gan ei bod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972: Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig  mewn bod yn agored  ynglŷn â defnydd adnoddau cyhoeddus a materion ariannol cysylltiedig.   Cydnabyddir fodd bynnag fod adegau, er gwarchod buddiannau busnes cyhoeddus fod angen trafod gwybodaeth o’r fath heb ei gyhoeddi.  Mae’r adroddiad yn benodol ynglŷn a  chytuno trefniadau penodi gan gynnwys manylion swydd a amodau a thelerau cyflog  fydd yn destun proses recriwtio gystadleuol. 

Bu I'r  Cadeirydd gynnig y dylid cau allan y wasg a’r cyhoedd o’r cyfarfod yn ystod y drafodaeth ar yr eitemau canlynol gan ei bod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972: Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig  mewn bod yn agored  ynglŷn â defnydd adnoddau cyhoeddus a materion ariannol cysylltiedig.   Cydnabyddir fodd bynnag fod adegau, er gwarchod buddiannau busnes cyhoeddus fod angen trafod gwybodaeth o’r fath heb ei gyhoeddi.  Mae’r adroddiad yn benodol ynglŷn â  chytuno trefniadau penodi gan gynnwys manylion swydd ac amodau a thelerau cyflog  fydd yn destun proses recriwtio gystadleuol.

Alwen Williams, Prif Weithredwr i gyflwyno’r adroddiad.  

Cytunwyd i hysbysebu swydd Cyfarwyddwr Portffolio ar sail llawn amser parhaol, ar gyflog blynyddol ar raddfa hyd at £93,163.

Awdurdodwyd cychwyn proses recriwtio i benodi Cyfarwyddwr Portffolio.

Cytunwyd bod cynnal y broses recriwtio, gan gynnwys yr hysbysebu, yn cael ei dirprwyo i’r Prif Weithredwr.

Addaswyd y gofynion ieithyddol yn y Swydd Ddisgrifiad i gynnwys fod y gallu i siarad ac ysgrifennu yn y Gymraeg yn ddymunol yn hytrach na’ hanfodol.

Cyflwynwyd yr adroddiad gan Alwen Williams, Prif Weithredwr

PENDERFYNWYD:

Cytunwyd i hysbysebu swydd Cyfarwyddwr Portffolio ar sail llawn amser parhaol, ar gyflog blynyddol ar raddfa hyd at £93,163.

Awdurdodwyd cychwyn proses recriwtio i benodi Cyfarwyddwr Portffolio.

Cytunwyd bod cynnal y broses recriwtio, gan gynnwys yr hysbysebu, yn cael ei dirprwyo i’r Prif Weithredwr.

Addaswyd y gofynion ieithyddol yn y Swydd Ddisgrifiad i gynnwys fod y gallu i siarad ac ysgrifennu yn y Gymraeg yn ddymunol yn hytrach na’ hanfodol.

TRAFODAETH

Trafodwyd yr adroddiad.