Rhaglen, penderfyniadau a chofnodion drafft

I ethol Cadeirydd ar gyfer 2025/26.

Ethol y Cynghorydd Mark Pritchard yn Gadeirydd ar gyfer 2025/26.

Penderfynwyd ethol y Cynghorydd Mark Pritchard yn Gadeirydd ar gyfer 2025/26.

I ethol Is-gadeirydd ar gyfer 2025/26.

Ethol y Cynghorydd Charlie McCoubrey yn Is-gadeirydd ar gyfer 2025/26.

Penderfynwyd ethol y Cynghorydd Charlie McCoubrey yn Is-gadeirydd ar gyfer 2025/26.

I dderbyn unrhyw ymddiheuriadau am absenoldeb.

Derbyniwyd ymddiheuriadau gan:-

•           Y Cynghorydd Gary Pritchard (Cyngor Sir Ynys Môn) gyda’r Cynghorydd Carwyn Elias Jones yn dirprwyo

•           Y Cynghorydd Nia Jeffreys (Cyngor Gwynedd) gyda’r Cynghorydd Menna Trenholme yn dirprwyo

•           Edmund Burke (Prifysgol Bangor) gyda Paul Spencer yn dirprwyo

•           Yana Williams (Coleg Cambria).

•           Aled Jones-Griffith (Grŵp Llandrillo Menai) gyda Gwenllian Roberts yn dirprwyo.

•           Dylan Williams (Cyngor Sir Ynys Môn)

•           Dafydd Gibbard (Cyngor Gwynedd) gyda Sioned Williams yn dirprwyo

•           Wendy Boddington (Sylwedydd Llywodraeth Cymru) gyda Dewi Williams a Bryn Richards yn dirprwyo

•           Gareth Ashman (Sylwedydd Llywodraeth y DU) gyda John Hawkins yn dirprwyo

Derbyn unrhyw ddatganiadau o fuddiant personol.

Derbyniwyd datganiadau o fuddiant personol gan y Cynghorydd Carwyn Elias Jones a Gwenllian Roberts ar gyfer Eitem 11 gan eu bod yn gyflogedig gan Grŵp Llandrillo Menai. Nodwyd ei fod yn fuddiant a oedd yn rhagfarnu a bu iddynt adael y cyfarfod ar gyfer y drafodaeth.

Nodi unrhyw eitemau sy’n fater brys ym marn y Cadeirydd fel y gellr eu hystyried.

Ni chodwyd unrhyw faterion brys.

Bydd y Cadeirydd yn cynnig y dylid llofnodi cofnodion cyfarfod y pwyllgor hwn a gynhaliwyd ar 16 Mai 2025 fel rhai cywir.

Llofnododd y Cadeirydd gofnodion y cyfarfod blaenorol a gynhaliwyd ar 16 Mai 2025 fel rhai cywir.

Alwen Williams (Prif Weithredwr) i gyflwyno’r adroddiad.

1.         Cytuno ar yr argymhelliad a’r ffordd ymlaen sy’n cael ei ffafrio - Rhaglen Tir ac Eiddo Diwygiedig (Opsiwn 2) gan nodi y byddai yn fater i’r Is-bwyllgor benderfynu ar y prosiectau fydd yn cael eu blaenoriaethu a chymeradwyaeth ariannu Cynllun Twf.

2.         Gofyn bod y Cyfarwyddwr Portffolio yn cychwyn ar y broses newid i gynnwys yr elfennau hyn yn ffurfiol yn y Rhaglen Tir ac Eiddo.

Cyflwynwyd yr adroddiad gan y Prif Weithredwr a’r Pennaeth Gweithrediadau.

PENDERFYNIAD

1.     Cytuno ar yr argymhelliad a’r ffordd ymlaen sy’n cael ei ffafrio - Rhaglen Tir ac Eiddo Diwygiedig (Opsiwn 2) gan nodi y byddai yn fater i’r Is-bwyllgor benderfynu ar y prosiectau fydd yn cael eu blaenoriaethu a chymeradwyaeth ariannu Cynllun Twf.

2.     Gofyn bod y Cyfarwyddwr Portffolio yn cychwyn ar y broses newid i gynnwys yr elfennau hyn yn ffurfiol yn y Rhaglen Tir ac Eiddo.

RHESYMAU DROS Y PENDERFYNIAD

Ym mis Mawrth 2025, lansiodd Uchelgais Gogledd Cymru broses 'Mynegi Diddordeb' i ddethol prosiectau ar gyfer y Rhestr Wrth Gefn newydd a fyddai'n medru cyflwyno achosion busnes ar  gyfer cyllid yn y dyfodol. Un o'r meini prawf a osodwyd oedd bod angen i brosiectau fod o fewn  sgôp y pum rhaglen presennol y Cynllun Twf – Cysylltedd Digidol, Ynni Carbon Isel, Tir ac Eiddo, Arloesi mewn Gweithgynhyrchu Gwerth Uchel a Bwyd-amaeth a Thwristiaeth.

O'r 27 Mynegiant o Ddiddordeb a gyflwynwyd, roedd pedwar yn cael eu hystyried fel rhai oedd y tu allan i sgôp y Cynllun Twf. Roedd un o'r rhain yn brosiect a oedd yn seiliedig ar refeniw ac roedd y tri arall yn brosiectau trafnidiaeth yn bennaf. Nodwyd y cyflwynwyd dau gan Lywodraeth Cymru ac un gan Gyngor Gwynedd. Dim ond un o'r prosiectau, 'Padeswood', oedd yn cwrdd â'r trothwy sgorio i gael ei ystyried i'w gynnwys ar y rhestr wrth gefn; fodd bynnag, roedd yr adroddiad i'r is-bwyllgor yn nodi'n glir y byddai hyn yn destun penderfyniad ar wahân ar gynnwys prosiectau trafnidiaeth yn y Cynllun Twf.

Yn yr Is-bwyllgor Llesiant Economaidd ym mis Mai, cytunwyd bod:

a)    yr Is-bwyllgor yn cytuno i gychwyn proses i asesu ac adolygu'r sgôp a'r achos ar gyfer ymestyn y Cynllun Twf presennol i gynnwys prosiectau trafnidiaeth.

b)    yr Is-bwyllgor yn comisiynu'r Cyfarwyddwr Portffolio i baratoi adroddiad opsiynau manwl mewn ymgynghoriad â Llywodraethau Cymru a'r DU a swyddogion y Cynghorau Cyfansoddol a Phartneriaid Addysg.

c)     yr adroddiad opsiynau yn cael ei gyflwyno i'r Is-bwyllgor gyda'r bwriad o bennu p'un a  ddylid cychwyn y broses newid ffurfiol i sicrhau cytundeb ar gyfer y Cynllun Twf estynedig i gynnwys prosiectau Trafnidiaeth.

TRAFODAETH

Atgoffwyd bod yr adroddiad hwn yn cael ei gyflwyno yn dilyn cais gan y bwrdd yn dilyn y cyfarfod diwethaf er mwyn gallu penderfynu a oes angen ystyried cychwyn proses newid ffurfiol er mwyn ymestyn y Cynllun Twf i gynnwys prosiectau sydd ag elfennau Trafnidiaeth ai peidio.

Eglurwyd os byddai prosiect ‘Padeswood’ yn cael ei gymeradwyo ar y Rhestr Wrth Gefn, byddai hyn yn galluogi’r posibilrwydd o ychwanegu mwy o gynlluniau ar y rhestr wrth gefn yn y dyfodol, os ydynt yn cyrraedd gofynion y Cynllun Twf. Nodwyd mai dyma’r unig gynllun a oedd yn cyrraedd y trothwyon sgorio yn dilyn proses Mynegi Diddordeb i fod ar y Rhestr Wrth Gefn a gynhaliwyd gan Uchelgais Gogledd Cymru ym mis Mawrth 2025.

Manylwyd ar y cefndir ac ystyriaethau perthnasol sydd wedi cael eu cyflawni cyn cyflwyno’r adroddiad hwn,  ...  gweld y cofnod llawn ar gyfer eitem 7.

Alwen Williams (Prif Weithredwr) i gyflwyno’r adroddiad.

Cytuno ar y broses ar gyfer recriwtio a phenodi Ymgynghorwyr Anweithredol yn unol â gofynion Deddf Caffael 2023 a rheoliadau cysylltiedig.

a)    Yn ogystal â'r gofynion Swydd a Phersonol a fabwysiadwyd, bydd pecyn caffael yn cael ei baratoi gyda meini prawf dyfarnu perthnasol

b)     Hysbyseb – Bydd y rolau Ymgynghorydd Anweithredol yn cael eu hysbysebu ar wefan Uchelgais Gogledd Cymru a sianeli cyfryngau cymdeithasol (Gorffennaf 2025) ac fel sy'n ofynnol gan y Ddeddf

c)    Ceisiadau – Gofynnir i ymgeiswyr sydd â diddordeb gyflwyno eu CV a'u llythyr eglurhaol yn nodi pam eu bod eisiau'r rôl (Gorffennaf 2025)

d)    Asesu a Rhestr Fer – Bydd llythyrau eglurhaol a CVs yn cael eu hasesu yn erbyn y disgrifiadau  rôl gan yr SRO a'r Prif Weithredwr a chynrychiolydd o'r Swyddfa Rheoli Portffolio a chytunir ar restr fer i gael eu gwahodd i gyfweliad (ar ddyddiad i'w gadarnhau ym mis Awst)

e)    Cyfweliadau – Yna bydd ymgeiswyr ar y rhestr fer yn cael eu cyfweld gan banel a fydd yn cynnwys y Cadeirydd, yr Is-gadeirydd, yr SRO, y Prif Weithredwr a'r Swyddog Monitro ynghyd â thrydydd aelod Etholedig o’r Is-bwyllgor (i’w gadarnhau) a fydd yn gwneud argymhellion i'w penodi i'r Is-bwyllgor Lles Economaidd (ar ddyddiad i’w gadarnhau ym mis Medi) yn seiliedig ar y sgoriau terfynol ar ôl y cyfweliad.

f)      Penodiadau – penodiadau terfynol yn cael ei gwneud gan yr Is-bwyllgor Lles Economaidd (3 Hydref 2025)

Cyflwynwyd yr adroddiad gan y Prif Weithredwr.

PENDERFYNWYD

Cytuno ar y broses ar gyfer recriwtio a phenodi Ymgynghorwyr Anweithredol yn unol â gofynion Deddf Caffael 2023 a rheoliadau cysylltiedig.

a)    Yn ogystal â'r gofynion Swydd a Phersonol a fabwysiadwyd, bydd pecyn caffael yn cael ei baratoi gyda meini prawf dyfarnu perthnasol

b)     Hysbyseb – Bydd y rolau Ymgynghorydd Anweithredol yn cael eu hysbysebu ar wefan Uchelgais Gogledd Cymru a sianeli cyfryngau cymdeithasol (Gorffennaf 2025) ac fel sy'n ofynnol gan y Ddeddf

c)    Ceisiadau – Gofynnir i ymgeiswyr sydd â diddordeb gyflwyno eu CV a'u llythyr eglurhaol yn nodi pam eu bod eisiau'r rôl (Gorffennaf 2025)

d)    Asesu a Rhestr Fer – Bydd llythyrau eglurhaol a CVs yn cael eu hasesu yn erbyn y disgrifiadau  rôl gan yr SRO a'r Prif Weithredwr a chynrychiolydd o'r Swyddfa Rheoli Portffolio a chytunir ar restr fer i gael eu gwahodd i gyfweliad (ar ddyddiad i'w gadarnhau ym mis Awst)

e)    Cyfweliadau – Yna bydd ymgeiswyr ar y rhestr fer yn cael eu cyfweld gan banel a fydd yn cynnwys y Cadeirydd, yr Is-gadeirydd, yr SRO, y Prif Weithredwr a'r Swyddog Monitro ynghyd â thrydydd aelod Etholedig o’r Is-bwyllgor (i’w gadarnhau) a fydd yn gwneud argymhellion i'w penodi i'r Is-bwyllgor Lles Economaidd (ar ddyddiad i’w gadarnhau ym mis Medi) yn seiliedig ar y sgoriau terfynol ar ôl y cyfweliad.

f)      Penodiadau – penodiadau terfynol yn cael ei gwneud gan yr Is-bwyllgor Lles Economaidd (3 Hydref 2025)

RHESYMAU DROS Y PENDERFYNIAD

Ym mis Mawrth 2025, cymeradwyodd y Cyd-bwyllgor Corfforedig y Cylch Gorchwyl a’r broses benodi ar gyfer Bwrdd Busnes Ymgynghorol newydd yn dilyn trosglwyddo’r Cynllun Twf ynghyd â chymeradwyo’r disgrifiadau rôl ar gyfer dau Ymgynghorydd Anweithredol newydd.

Awdurdododd y Cyd-bwyllgor Corfforedig y Prif Weithredwr dros dro i gymryd yr holl gamau angenrheidiol i gaffael ymgeiswyr i’w hargymell i’w penodi i Is-bwyllgor Lles Economaidd  CBC.

TRAFODAETH

Eglurwyd bod yr adroddiad hwn yn diweddaru Aelodau ar drafodaethau sydd wedi cael eu cynnal gyda Llywodraeth Cymru, Llywodraeth y DU ynglŷn â recriwtio Ymgynghorwyr Anweithredol ac egluro’r broses o benodi’r unigolion hynny.

Atgoffwyd bod y penderfyniad i benodi dau Ymgynghorwr Anweithredol wedi cael ei wneud yng nghyfarfod mis Mawrth 2025 o’r Bwrdd Uchelgais Economaidd Gogledd Cymru. Eglurwyd byddai’r Ymgynghorwyr yn gweithio er mwyn cefnogi’r Cynllun Twf gan eu bod yn unigolion a fyddai gyda phrofiad sylweddol o fewn y sector breifat a masnachol. Ymhelaethwyd byddai hyn yn eu galluogi i wneud penderfyniadau yn effeithiol.

Manylwyd byddai’r Ymgynghorwyr Anweithredol yn cefnogi swyddogion y Swyddfa Rheoli Portffolio yn ogystal â’u penodi yn Gadeirydd ac Is-gadeirydd y Bwrdd Busnes Ymgynghorol sydd yn y broses o gael eu sefydlu. Ychwanegwyd byddent yn mynychu pwyllgorau’r Cyd-bwyllgor Corfforedig mewn rôl ymgynghorol.

Adroddwyd bod cyllidebau a disgrifiadau rôl eisoes wedi cael eu cymeradwyo gan y Bwrdd Uchelgais Economaidd a Chyd-bwyllgor Corfforedig y Gogledd, gan gadarnhau bod trafodaethau wedi cael eu cynnal gyda Llywodraeth Cymru er mwyn cadarnhau’r cyllidebau yn ogystal â’r broses penodi. Manylwyd bod y gyllideb yn caniatáu tâl o hyd at £30,000 yn flynyddol  ...  gweld y cofnod llawn ar gyfer eitem 8.

Alwen Williams (Prif Weithredwr) i gyflwyno’r adroddiad.

1. Ystyried a nodi’r Adroddiad Blynyddol ar gyfer 2024/25.
2. Cymeradwyo cyflwyno’r Adroddiad Blynyddol ar gyfer 2024/25 i Lywodraeth Cymru a Llywodraeth a Llywodraeth y DU, ynghyd â phwyllgorau craffu’r awdurdodau lleol.

Cyflwynwyd yr adroddiad gan y Pennaeth Gweithrediadau

PENDERFYNWYD

1.      Ystyried a nodi’r Adroddiad Blynyddol ar gyfer 2024/25.

2.      Cymeradwyo cyflwyno’r Adroddiad Blynyddol ar gyfer 2024/25 i Lywodraeth Cymru a Llywodraeth a Llywodraeth y DU, ynghyd â phwyllgorau craffu’r awdurdodau lleol.

RHESYMAU DROS Y PENDERFYNIAD

Mae adrodd chwarterol a blynyddol ar gynnydd yn erbyn Cynllun Twf Gogledd Cymru yn un o ofynion Cytundeb Terfynol y Cynllun Twf. Yn Dilyn ystyriaeth gan Is-bwyllgor Lles Economaidd CBC y Gogledd, caiff yr adroddiadau ei rhannu gyda Llywodraeth Cymru, Llywodraeth y DU a phwyllgorau craffu’r awdurdodau lleol.

TRAFODAETH

Adroddwyd ar y gwaith a gyflawnwyd dros y flwyddyn gan ddathlu llwyddiant y datblygiadau a welwyd er ei fod yn flwyddyn heriol.

Ymfalchïwyd bod niferoedd yr achosion busnes a gymeradwywyd wedi cynyddu a bod datblygiadau ei weld o fewn prosiectau megis y Ganolfan Opteg a Pheirianneg Menter a Chanolfan Biotechnoleg Amgylcheddol+.

Cadarnhawyd bod yr adroddiad yn manylu ar pedwerydd mlynedd y Cynllun Twf, gan gydnabod bod sylwadau allanol wedi dod i law nad oes digon wedi cael ei gyflawni ar hyn o bryd. Pwysleisiodd y Prif Weithredwr bod llawer wedi cael ei gyflawni hyd yma, gan ystyried bod Pandemig byd-eang wedi bod yn ystod y cyfnod cyflawni hyd yma. Ymhelaethwyd bod hyd y Cynllun yn 15 mlynedd gyda prosiectau cymleth yn cael eu datblgu. Ystyriwyd bod natur y prosiectau yn ogystal a’r meddylfryd arloesol yn mynd i warchod y Rhanbarth ar gyfer y dyfodol tra hefyd yn Datblygu economi. Mynegwyd hyder bydd mwy o brosiectau yn cael eu cymeradwyo yn y flwyddyn nesaf a’r blynyddoedd dilynol gan bod gweithdrefnau cadarn mewn lle.

Mewn ymateb i’r sylwadau hyn, cytunwyd i gynnwys diweddariadau o fewn yr Adroddiadau Chwarterol sydd yn manylu ar dargedau allweddol megis y niferoedd yr achosion busnes sydd wedi cael eu cymeradwyo, niferoedd swyddi sydd wedi cael eu creu a dangosyddion perfformiad eraill er mwyn gallu gweld os yw’r Cynllun yn datblygu’r amserol ac yn gallu cymharu’r gwaith gyda’r blynyddoedd sydd wedi bod ac i’r dyfodol. Mewn ymateb, cadarnhaodd y Prif Weithredwr bydd gwaith yn cael ei wneud er mwyn ymdrechu i ddangos y data hwn mewn adroddiadau i’r dyfodol gan y byddai’n ddefnyddiol i ystyried y wybodaeth cyn cyflwyno’r Adroddiadau Blynyddol.

Bydd y Cadeirydd yn cynnig y dylid cau allan y wasg a’r cyhoedd o’r cyfarfod yn ystod y drafodaeth ar yr eitemau canlynol gan ei bod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972: Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig  mewn bod yn agored  ynglŷn â defnydd adnoddau cyhoeddus a materion ariannol cysylltiedig.   Cydnabyddir fodd bynnag fod adegau, er gwarchod buddiannau ariannol a masnachol cyhoeddus fod angen trafod gwybodaeth o’r fath heb ei gyhoeddi.  Mae’r adroddiad yn benodol ynglyn a materion ariannol a busnes ynghyd a thrafodaethau cysylltiedig Byddai cyhoeddi gwybodaeth fasnachol sensitif o’r math yma yn gallu bod yn niweidiol i fuddiannau’r cyrff  a’r Cynghroau ac yn tanseilio hyder rhai eraill sydd yn ymwneud a’r Gytundeb Twf i rannu gwybodaeth sensitif ar gyfer ystyriaeth. Byddai hyn yn groes i’r budd cyhoeddus ehangach o sicrhau yr allbwn cyfansawdd gorau

PENDERFYNWYD cau allan y wasg a’r cyhoedd o’r cyfarfod yn ystod y drafodaeth ar Eitem 11-14 gan ei bod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972 - Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig  mewn bod yn agored  ynglŷn â defnydd adnoddau cyhoeddus a materion ariannol cysylltiedig. Cydnabyddir fodd bynnag fod adegau, er gwarchod buddiannau ariannol a masnachol cyhoeddus fod angen trafod gwybodaeth o’r fath heb ei gyhoeddi.  Mae’r adroddiad yn benodol ynglŷn â materion ariannol a busnes  ynghyd a thrafodaethau cysylltiedig Byddai cyhoeddi gwybodaeth fasnachol sensitif o’r math yma yn gallu bod yn niweidiol i fuddiannau’r cyrff  a’r Cynghorau ac yn tanseilio hyder rhai eraill sydd yn ymwneud a’r Cytundeb Twf i rannu gwybodaeth sensitif ar gyfer ystyriaeth. Byddai hyn yn groes i’r budd cyhoeddus ehangach o sicrhau'r allbwn cyfansawdd gorau.

Elliw Hughes (Rheolwr Rhaglen y Cynllun Twf) a Dafydd Jones (Rheolwr Prosiect Bwyd-amaeth a Thwristiaeth) i gyflwyno’r adroddiad.

1.     Cymeradwyo’r Achos Cyfiawnhad Busnes drafft ar gyfer elfen Llaeth Defaid Cymru o brosiect Hwb Economi Wledig Glynllifon ac yn awdurdodi’r Cyfarwyddwr Portffolio, mewn ymgynghorid â’r Cadeirydd, Is-gadeirydd, y Swyddog Adran 151 a’r Swyddog Monitro i gytuno ar y fersiwn terfynol ar ôl caffael ac ymrwymo i gytundeb cyllido gyda Grŵp Llandrillo Menai ar gyfer cyflawni’r prosiect, yn amodol ar Grŵp Llandrillo Menai yn mynd i’r afael â’r materion sy’n weddill a sicrhau’r holl gymeradwyaethau mewnol angenrheidiol ar gyfer y prosiect.

2.     Nodi bydd dau cymeradwyaeth Achos Busnes arall i gyflawni’r elfennau sy’n weddill o brosiect Hwb Economi Wledig Glynllifon ac y bydd y rhain yn cael eu cyflwyno i’r Is-bwyllgor i’w hystyried yn y dyfodol.

Cyflwynwyd yr adroddiad gan Reolwr Rhaglen y Cynllun Twf

PENDERFYNWYD

1.          Cymeradwyo’r Achos Cyfiawnhad Busnes drafft ar gyfer elfen Llaeth Defaid Cymru o brosiect Hwb Economi Wledig Glynllifon ac yn awdurdodi’r Cyfarwyddwr Portffolio, mewn ymgynghorid â’r Cadeirydd, Is-gadeirydd, y Swyddog Adran 151 a’r Swyddog Monitro i gytuno ar y fersiwn terfynol ar ôl caffael ac ymrwymo i gytundeb cyllido gyda Grŵp Llandrillo Menai ar gyfer cyflawni’r prosiect, yn amodol ar Grŵp Llandrillo Menai yn mynd i’r afael â’r materion sy’n weddill a sicrhau’r holl gymeradwyaethau mewnol angenrheidiol ar gyfer y prosiect.

2.          Nodi bydd dau gymeradwyaeth Achos Busnes arall i gyflawni’r elfennau sy’n weddill o brosiect Hwb Economi Wledig Glynllifon ac y bydd y rhain yn cael eu cyflwyno i’r Is-bwyllgor i’w hystyried yn y dyfodol.

RHESYMAU DROS Y PENDERFYNIAD

Ceisio cymeradwyaeth yr Is-bwyllgor i’r Achos Cyfiawnhad Busnes ar gyfer elfen Llaeth Defaid Cymru o brosiect Hwb Economi Wledig Glynllifon.

Mae’r Achos Cyfiawnhad Busnes drafft yn cael ei gyflwyno i’r Is-bwyllgor ym mis Gorffennaf i alluogi penderfyniad amserol a fyddai’n osgoi oedi cyflawni’r prosiect. Mae caffael ar gyfer y prosiect yn fyw ar hyn o bryd a disgwylir penderfyniad ar 06/08/2025. Nid yw cyfarfod nesaf yr Is-bwyllgor tan fis Hydref 2025 a byddai’n arwain at oedi i gyflawni’r prosiect pe na bai’r Achos Cyfiawnhad Busnes drafft a’r awdurdod dirprwyedig yn cael eu cymeradwyo.

TRAFODAETH

Trafodwyd yr Adroddiad.

Stuart Whitfield (Rheolwr y Rhaglen Ddigidol) i gyflwyno’r adroddiad.

1.     Cymeradwyo’r Achos Busnes Llawn ar gyfer y prosiect Di-wifr Uwch (Campysau Cysylltiedig) gan nodi y bydd cyfnod cychwynnol dyluniad y cynllun grant ar ôl cymeradwyo’r Achos Busnes Llawn angen asesiad rheoli cymhorthdai terfynol o’r Cynllun Cymhorthdal arfaethedig.

2.     Dirprwyo’r hawl i’r Cyfarwyddwr Portffolio, mewn ymgynghoriad â’r Cadeirydd, yr Is-gadeirydd, Swyddog Adran 151 a’r Swyddog Monitro i gytuno ar ddyluniad terfynol y cynllun grant.

3.     Dirprwyo cyflwyno’r prosiect i’r Cyfarwyddwr Portffolio gan gynnwys dyfarniadau grant unigol dilynol yn unol â’r cynllun grant terfynol hyd at £500,000 gyda dyfarniadau grant unigol rhwng £500,000 a £1miliwn yn cael ei gwneud mewn ymgynghoriad â Chadeirydd, Is-gadeirydd, Swyddog Adran 151 a’r Swyddog Monitro.

Cyflwynwyd yr adroddiad gan y Rheolwr y Rhaglen Digidol.

PENDERFYNWYD

1.     Cymeradwyo’r Achos Busnes Llawn ar gyfer y prosiect Di-wifr Uwch (Campysau Cysylltiedig) gan nodi y bydd cyfnod cychwynnol dyluniad y cynllun grant ar ôl cymeradwyo’r Achos Busnes Llawn angen asesiad rheoli cymhorthdai terfynol o’r Cynllun Cymhorthdal arfaethedig.

2.     Dirprwyo’r hawl i’r Cyfarwyddwr Portffolio, mewn ymgynghoriad â’r Cadeirydd, yr Is-gadeirydd, Swyddog Adran 151 a’r Swyddog Monitro i gytuno ar ddyluniad terfynol y cynllun grant.

3.     Dirprwyo cyflwyno’r prosiect i’r Cyfarwyddwr Portffolio gan gynnwys dyfarniadau grant unigol dilynol yn unol â’r cynllun grant terfynol hyd at £500,000 gyda dyfarniadau grant unigol rhwng £500,000 a £1miliwn yn cael ei gwneud mewn ymgynghoriad â Chadeirydd, Is-gadeirydd, Swyddog Adran 151 a’r Swyddog Monitro.

RHESYMAU DROS Y PENDERFYNIAD

I geisio cymeradwyaeth yr Is-bwyllgor i’r Achos Busnes Llawn ar gyfer y Prosiect Di-wifr Uwch (Campysau Cysylltiedig).

Cymeradwyaeth y Bwrdd Uchelgais Economaidd yr Achos Busnes Amlinellol ar gyfer y prosiect ar 20fed Medi 2024. Yn dilyn hynny, derbyniodd y prosiect gymeradwyaeth y broses sicrwydd gan Lywodraeth Cymru. Roedd hyn yn galluogi’r Swyddfa Rheoli Portffolio i symud ymlaen gyda datblygu’r Achos Busnes Llawn.

Mae Uchelgais Gogledd Cymru bellach wedi cwblhau ymgysylltu â’r farchnad cyn cymeradwyaeth y prosiect a chyflwyno Achos Busnes Llawn i’r Bwrdd ar gyfer penderfyniad buddsoddi terfynol.

TRAFODAETH

Trafodwyd yr Adroddiad.

Elliw Hughes (Rheolwr Rhaglen y Cynllun Twf) i gyflwyno’r adroddiad.

1.     Cymeradwyo’r cais am newid ar gyfer y prosiect Canolfan Opteg a Pheirianneg Menter ac yn gwneud y newidiadau a ganlyn:

2.     Rhoi cymeradwyaeth ar gyfer buddsoddiad ychwanegol y Cynllun Twf o £446,041 i alluogi’r prosiect symud ymlaen i’r cyfnod cyflawni, yn amodol ar yr arian yn cael ei wario yn llawn o fewn y flwyddyn ariannol 2025-26. Bydd y buddsoddiad hwn yn cynhyrchu nifer o fuddion ychwanegol, gan gynnwys cyllid cyfatebol wedi’i gadarnhau o £250,898 gan Brifysgol Wrecsam a chreu chwe swydd gyfwerth â llawn amser ar gyfer y rhanbarth.

Cyflwynwyd yr adroddiad gan Reolwr Rhaglen y Cynllun Twf.

PENDERFYNWYD

1.     Cymeradwyo’r cais am newid ar gyfer y prosiect Canolfan Opteg a Pheirianneg Menter ac yn gwneud y newidiadau a ganlyn:

2.     Rhoi cymeradwyaeth ar gyfer buddsoddiad ychwanegol y Cynllun Twf o £446,041 i alluogi’r prosiect symud ymlaen i’r cyfnod cyflawni, yn amodol ar yr arian yn cael ei wario yn llawn o fewn y flwyddyn ariannol 2025-26. Bydd y buddsoddiad hwn yn cynhyrchu nifer o fuddion ychwanegol, gan gynnwys cyllid cyfatebol wedi’i gadarnhau o £250,898 gan Brifysgol Wrecsam a chreu chwe swydd gyfwerth â llawn amser ar gyfer y rhanbarth.

RHESYMAU DROS Y PENDERFYNIAD

Ceisio cymeradwyaeth yr Is-bwyllgor i’r cais am newid ar gyfer y Ganolfan Opteg a Pheirianneg Menter ar gyfer buddsoddiad ychwanegol y Cynllun Twf.

TRAFODAETH

Trafodwyd yr Adroddiad.

Elliw Hughes (Rheolwr Rhaglen y Cynllun Twf) i gyflwyno’r adroddiad.

1.     Cytuno i’r cais am newid ar gyfer y prosiect Anturiaethau Cyfrifol ac yn gwneud y newidiadau a ganlyn:

a.     Cymeradwyo tynnu’r elfen eFws o sgôp  prosiect

b.    Cymeradwyo’r broses datblygu a chyflawni achos busnes

c.     Cadarnhau bod y ddau amod sy’n weddill a osodwyd yn ystod y gymeradwyaeth i’r Achos Busnes Amlinellol wedi’u bodloni’n ddigonol ac y gall y prosiect fwrw ymlaen i gyflwyno achosion busnes ar gyfer cymeradwyaeth cyllid yn unol â’r cynnig cyflawni fesul cam yn y cais am newid.

d.    Gofyn am ragor o wybodaeth fanwl am y cais am newid arfaethedig i ddisodli elfen eFws y prosiect gyda datblygiad Uwch-gynllun Fforest ym Metws y Coed a bod hyn yn cael ei gyflwyno i’r  Is-bwyllgor nesaf ym mis Hydref i’w ystyried.

PENDERFYNWYD

1.     Cytuno i’r cais am newid ar gyfer y prosiect Anturiaethau Cyfrifol ac yn gwneud y newidiadau a ganlyn:

a.     Cymeradwyo tynnu’r elfen eFws o sgôp  prosiect

b.    Cymeradwyo’r broses datblygu a chyflawni achos busnes

c.     Cadarnhau bod y ddau amod sy’n weddill a osodwyd yn ystod y gymeradwyaeth i’r Achos Busnes Amlinellol wedi’u bodloni’n ddigonol ac y gall y prosiect fwrw ymlaen i gyflwyno achosion busnes ar gyfer cymeradwyaeth cyllid yn unol â’r cynnig cyflawni fesul cam yn y cais am newid.

d.    Gofyn am ragor o wybodaeth fanwl am y cais am newid arfaethedig i ddisodli elfen eFws y prosiect gyda datblygiad Uwch-gynllun Fforest ym Metws y Coed a bod hyn yn cael ei gyflwyno i’r  Is-bwyllgor nesaf ym mis Hydref i’w ystyried.

RHESYMAU DROS Y PENDERFYNIAD

Mae ceisiadau am newidiadau i brosiectau gan Arianwyr Prosiectau yn faterion i’r Is-bwyllgor eu penderfynu.

TRAFODAETH

Trafodwyd yr Adroddiad.