Rhaglen, penderfyniadau a chofnodion

Derbyn unrhyw ymddiheuriadau am absenoldeb.

Derbyniwyd ymddiheuriadau gan Gynghorydd Nia Jeffreys (Cyngor Gwynedd) a Chris Fisher (Sefydliad y Bad Achub Criccieth).

Derbyn unrhyw ddatganiadau o fuddiant personol.

Ni dderbyniwyd datganiad o fuddiant personol gan unrhyw aelod oedd yn bresennol.

Nodi unrhyw eitemau sy’n fater brys ym marn y Cadeirydd.

Nodwyd bod tri unigolyn wedi rhoi eu henwau ymlaen i gynrychioli gwahanol fuddiannau ar y pwyllgor hwn:

• Jenny Howell (Clwb Hwylio Porthmadog) – yn cynrychioli buddiannau hamdden.

• Richard Owen (Robert Owen Marine) – yn cynrychioli buddiannau diwydiannol.

• Richard Aherne (Clwb Rhwyfo) – yn cynrychioli’r clwb rhwyfo.

Adroddwyd, yn dilyn ymgynghoriad â chynghorwyr cyfreithiol, bod wedi’i benderfynu y bydd angen i’r unigolion hyn gael eu penodi’n ffurfiol gan y Cabinet. Gofynnwyd i aelodau’r pwyllgor ymgynghori ar y mater, ac ymrwymo i benderfynu a ddylid derbyn yr unigolion hyn fel aelodau o’r Pwyllgor.

Cytunwyd aelodau’r pwyllgor i dderbyn y tri unigolyn i gynrychioli gwahanol fuddiannau ar y pwyllgor hwn.

Bydd y Cadeirydd yn cynnig y dylid llofnodi cofnodion y cyfarfod o’r pwyllgor

hwn a gymhaliwyd ar 01/10/24 fel rhai cywir.

Llofnododd y Cadeirydd gofnodion y cyfarfod blaenorol o’r pwyllgor hwn a gynhaliwyd ar 01/10/24 fel rhai cywir.

Cyflwyno adroddiad yr Uwch Swyddog Harbyrau.

Nodi a derbyn yr adroddiad.

Cyflwynwyd yr adroddiadau isod a gwahoddwyd adborth gan yr aelodau ar faterion diogelwch a materion gweithredol yr Harbwr.

(1)        Adroddiad yr Uwch Swyddog Harbyrau yn rhoi diweddariad bras i’r pwyllgor ar faterion yr Harbwr am y cyfnod rhwng mis Hydref 2024 a Mawrth 2025.

Angorfeydd Porthmadog a Chofrestru Cychod

Adroddwyd bod gwaith adnewyddu a chynnal a chadw’r cadwyni ac angorfeydd , sydd wedi’u lleoli yn yr harbwr, yn cael ei gwblhau gan gontractwr angorfeydd a benodwyd yn lleol. Mynegwyd y disgwyliad y dylai cwsmeriaid sy’n dymuno sicrhau angorfa yn yr harbwr, neu gofrestru eu cychod dŵr ar gyfer y tymor sydd i ddod, gwblhau’r broses berthnasol ar-lein yn brydlon o 1 Ebrill ymlaen, drwy wefan Cyngor Gwynedd. Tanlinellwyd, os oes angen cymorth neu arweiniad i gwblhau’r prosesau angenrheidiol, bod croeso i gwsmeriaid gysylltu â swyddfa’r harbwr, lle bydd staff yn hapus i helpu. Mynegwyd gobaith y bydd cyfnod yr haf eleni yn gyfnod prysur.

Cod Diogelwch Morol Porthladdoedd

Adroddwyd bod y gwasanaeth yn adolygu’r Cod Diogelwch Morol yn rheolaidd ar gyfer yr harbyrau o fewn ei awdurdodaeth, er mwyn sicrhau ei bod yn parhau i gydymffurfio’n llawn â gofynion presennol y Cod. Nodwyd, fel rhan o’r broses adolygu, ei bod yn angenrheidiol derbyn sylwadau a barn Aelodau’r Pwyllgor Ymgynghorol ar ba mor addas yw’r Cod Diogelwch Morol, ac i dderbyn sylwadau’n rheolaidd ar ei gynnwys.

Materion Staffio

Adroddwyd bod Mr Daniel Cartwright, cyn-Harbwrfeistr Harbwr Abermaw, wedi’i benodi fel Uwch Swyddog Harbyrau yn lle Mr Arthur Jones. Dechreuodd Mr Daniel Cartwright gymryd cyfrifoldeb am ei rôl ar 1 Rhagfyr 2024, gan fod Mr Arthur Jones yn ymddeol yn swyddogol o’r Gwasanaeth ar 31 Mawrth. Diolchwyd i Mr Arthur Jones am ei waith yn y gwasanaeth ac ar y Pwyllgor hwn dros y blynyddoedd.

Nodwyd bod Harbwrfeistr, Mr Malcolm Humphreys, a’i gymhorthydd, Mr Richard Hughes, yn parhau i ddarparu gwasanaeth i ymwelwyr a chwsmeriaid yr harbwr, gyda staff morwrol wedi’u lleoli yn harbyrau Abermaw ac Aberdyfi hefyd ar gael i gynorthwyo os bydd angen.

Nodwyd bod swyddogion wedi ymgymryd â gwaith cynnal a chadw yn yr harbwr, yn ogystal â gwaith ychwanegol ym Mhorth-y-Gest ac ar draethau cyfagos Morfa Bychan a Chricieth. Nodwyd ymhellach bod bwriad penodi swyddogion traethau tymhorol ar draethau Morfa Bychan a Chricieth ar gyfer tymor prysur yr haf.

Adroddwyd bod perchenog llong cludo y ‘Terra Marique’ wedi cysylltu â’r Uwch Swyddog Harbyrau i drafod y posibilrwydd o ddychwelyd i draeth Morfa Bychan  . Nodwyd y bydd adroddiad pellach yn cael ei gyflwyno i’r Pwyllgor pan fydd mwy o fanylion ar gael.

Materion Ariannol

Rhoddodd y Rheolwr Gwasanaeth Morwrol grynodeb byr o gyllidebau’r Harbwr ar gyfer y cyfnod 01/04/24 – 31/03/25 (Adolygiad Tachwedd 2024), a gynhwyswyd fel atodiad i’r adroddiad. Nodwyd yn benodol:

•           Bod gorwariant o dan y pennawd Gweithwyr oherwydd costau goramser. Nodwyd bod staff yr Harbwr wedi bod yn cynorthwyo mewn harbyrau eraill ac ar draeth Morfa Bychan. Nodwyd ymhellach bod costau ychwanegol wedi codi gan fod Mr Arthur Jones wedi aros yn ei swydd  ...  gweld y cofnod llawn ar gyfer eitem 5.

Nodi y cynhelir cyfarfod nesaf Pwyllgor Ymgynghorol Harbwr Porthmadog

ar 30/09/25.

Nodwyd y cynhelir y cyfarfod nesaf ar 30/09/25.