Penderfyniadau

Cyflwynwyd gan Iwan Prys Jones

TRAFODAETH

Trafodwyd yr Arolwg Gwefru gan SP Energy gan nodi eu bod yn gobeithio y bydd modd iddynt ddod i’r cyfarfod nesaf er mwyn rhoi diweddariad.

O ran datgarboneiddio mynegwyd y byddai’n syniad da i’r 6 rhanbarth ddod ar ei gilydd i drefnu Uwch Gynhadledd ar hyn y flwyddyn nesaf, ac y buasai yn cefnogi gwaith y Bwrdd Uchelgais. Os yn ymuno a’i gilydd yn rhanbarthol i’r drefnu mynegwyd y byddai cefnogaeth ar gael gan Lywodraeth Cymru.

Ychwanegwyd y byddai llawer o gyfleoedd ac ei fod yn gyfle i weithio gyda’i gilydd. Mynegwyd mai’r brif broblem yw trafnidiaeth. Ategwyd fod angen chwyldro a mynegwyd fod cynnal Uwchgynhadledd am roi datganiad clir i’r cyhoedd. Nodwyd fod angen mynd a’r cynnig i’r Bwrdd Uchelgais i gael yr Uwchgynhadledd a fydd yn trafod Ynni, Hwb / Cwmni Ynni Rhanbarthol ynghyd a Thrafnidiaeth.

O ran prosiect Peilot Bysiau Gwyrdd nodwyd y cynlluniau peilot gan nodi eu bod yn gobeithio rhannu’r adroddiad yn y cyfarfod nesaf i gael trafodaeth bellach.

Diwygio’r ymateb i ymgynghoriad ar y Fframwaith Datblygu Cenedlaethol fel sydd wedi’i amlinellu yn Atodiad 2, i gynnwys unrhyw faterion sy’n codi yn ystod y cyfarfod hwn o’r Bwrdd Uchelgais a’u cyflwyno i Lywodraeth Cymru erbyn 18 Tachwedd.

Cadarnhawyd y Cynllun Sgiliau a Chyflogaeth ranbarthol a cytunwyd ar y tair blaenoriaeth sydd wedi’u hamlinellu yn y cynllun.

Penderfynwyd i:

¾    Ddirprwyo’r hawl i Gyngor Gwynedd fel Corff Lletya i baratoi a chyflwyno’r Cynllun Busnes i WEFO ar sail cynnwys yr adroddiad.

¾    Ddirprwyo’r hawl i Brif Weithredwr y Corff Lletya mewn ymgynghoriad gyda’r Cyfarwyddwr Arweiniol y Bwrdd Uchelgais a Swyddog 151 y Corff Lletya i dderbyn cynnig grant gan WEFO yn seiliedig ar 50% o gyfanswm cost y prosiect (£5.6miliwn) ar gyfer y cyfnod Gorffennaf 2018 hyd at Fehefin 2023.

¾    Gadarnhau y bydd y Bwrdd Uchelgais yn cytuno i gyfrannu 50% o arian cyfatebol yn bennaf drwy gyfuniad o gyfalafu prosiectau a chyllideb graidd (o gyfraniadau partneriaid).

Derbyniwyd yr adroddiad a oedd yn rhoi diweddariad ar Gynllun Twf Gogledd Cymru a cytunwyd fod angen ychwanegu y ddau risg isod i’r gofrestr risg:

¾    Y buasai llithriad yn yr amserlen i gyrraedd Cytundeb Terfynol yn cael effaith ar dderbyn arian y Cynllun Twf gan y Llywodraeth, ac yna yn cael effaith ar y gallu i gyflawni prosiectau yn llwyddiannus o fewn yr amserlen.

¾    Cynllun Economaidd Llwyodraeth Cyrmu ddim yn cyd fynd gyda’r Weledigaeth Twf gan y Bwrdd Uchelgais