Rhaglen, penderfyniadau a chofnodion drafft

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cyng. Anwen Davies, Cyng. Alan Jones Evans a’r Cyng. Angela Russell

Cydymdeimlwyd gyda’r Cynghorydd Angela Russell oedd wedi colli ei gŵr yn ddiweddar.

Dymunwyd y gorau a diolchwyd i’r Cyng. Linda Ann Jones, cyn Aelod o’r Pwyllgorau Trwyddedu am ei chefnogaeth i’r Pwyllgorau a’r Is-bwyllgorau Trwyddedu yn ei chyfnod fel Aelod Plaid Cymru.

I dderbyn unrhyw ddatganiad o fuddiant personol

Dim i’w nodi

Nodi unrhyw eitemau sy’n fater brys ym marn y cadeirydd fel y gellir eu hystyried.

Trefniadau i Strwythur Gwasanaeth Gwarchod y Cyhoedd

Derbyniwyd adroddiad ar lafar gan Pennaeth Cynorthwyol yr Adran Amgylchedd yn nodi toriadau i’r Gwasanaeth Gwarchod y Cyhoedd o’r 1af o Ebrill 2025 a hynny mewn ymateb i benderfyniad y Cabinet yn 2024, i arbed £100k. Amlygwyd bod y drefn bresennol yn cynnwys tri rheolwr yn gyfrifol am dri gwasanaeth o fewn Gwasanaeth Gwarchod y Cyhoedd, ond bod y toriad, yn dilyn cyfnod o ymgynghori gyda staff ar sut i gyflawni toriadau a chadw arbenigedd o fewn y Gwasanaeth, yn golygu dileu swyddi gwag o’r strwythur ac ail strwythuro i ddau wasanaeth gyda dau reolwr ac un arweinydd tîm. Bydd y gwasanaeth Safonau Masnach a Thrwyddedu a’r Gwasanaeth Iechyd yr Amgylchedd yn dod i rym ar y 1af o Ebrill 2025 gydag Andrew Parry, rheolwr presennol Gwarchod y Cyhoedd (Safonau Masnach) yn cael ei benodi yn rheolwr Safonau Masnach a Thrwyddedu. Adroddwyd y byddai’r Rheolwr Trwyddedu presennol, Gwenan Mai Roberts, oherwydd ei phrofiad a’i harbenigedd yn y maes yn parhau mewn swydd o fentora ac arwain y tîm.

Croesawyd Andrew Parry i’r cyfarfod a llongyfarchwyd ef ar ei benodiad. Diolchwyd i Gwenan Mai Roberts am barhau gyda’r Gwasanaeth - y Pwyllgor a’r Is-bwyllgorau Trwyddedu yn elwa o’i phrofiad a’i harbenigedd.

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 11eg Tachwedd 2024 fel rhai cywir  

Llofnododd y Cadeirydd gofnodion cyfarfod y pwyllgor a gynhaliwyd 11eg Tachwedd 2024  fel rhai cywir.

Cyflwyno, er gwybodaeth, cofnodion yr Is Bwyllgor Trwyddedu Cyffredinnol a gynhaliwyd ar y dyddiau canlynol:

a)     17-12-24

b)     02-12-24

c)     13-11-24

Cyflwynwyd a derbyniwyd er gwybodaeth, gofnodion Is Bwyllgorau Trwyddedu Cyffredinol a gynhaliwyd 17eg o Ragfyr 2024, 2il o Ragfyr 2024 a Tachwedd 13eg 2024 fel rhai cywir.

I ystyried yr adroddiad, adolygu'r polisi yn unol â’r egwyddorion a gytunwyd yn 2017 ac er mwyn alinio gyda Safonau Cenedlaethol, ac ystyried unrhyw faterion eraill o ran cyfeiriad lefel uchel y polisi fel rhan o’r adolygiad.

PENDERFYNWYD:

• Derbyn yr adroddiad
• Croesawu cysoni gwasanaeth ar draws y Sir i gwrdd ag anghenion y diwydiant a defnyddwyr gan gadw ystyriaethau diogelwch yn sylfaen greiddiol i gyfeiriad y polisi
• Cymeradwyo’r angen i adolygu’r polisi yn unol a’r egwyddorion a gytunwyd yn 2017, ac er mwyn alinio gyda Safonau Cenedlaethol

·        Polisi Trwyddedu Gyrru Cerbyd Hacni / Hurio Preifat Cyfunol

·        Polisi Trwyddedu Cerbydau Hacni / Hurio Preifat

·        Polisi Trwyddedu Gweithredwyr Hurio Preifat

·        Polisi Meini Prawf Addasrwydd Gyrwyr a Gweithredwyr

Cyflwynwyd adroddiad gan Pennaeth Adran Amgylchedd yn manylu ar wybodaeth gefndirol polisïau cyfredol Gwynedd ynghyd a chyhoeddiadau gan Llywodraeth Cymru mewn ymateb i geisio rheoli a chysoni’r diwydiant tacsi yn unol â’r Safonau Tacsi Cenedlaethol.

Atgoffwyd yr Aelodau bod y Pwyllgor Trwyddedu, yn Medi 2015 wedi awdurdodi Pennaeth yr Amgylchedd i ddechrau adolygu’r polisïau gan gynnig polisi tacsi unedig i Wynedd yn hytrach na thair dogfen bolisi ar wahân. Ystyriwyd y byddai cyflwyno polisi unedig yn sicrhau gwasanaeth teg a chyson ac yn cwrdd ag anghenion y diwydiant a’r defnyddwyr.

Amlygwyd, yng nghyd-destun Safonau Cenedlaethol, bod amodau trwyddedu gyrwyr, cerbydau a gweithredwyr tacsi yng Ngwynedd eisoes yn cyd-fynd gyda rhan helaeth o’r disgwyliadau sydd yn cael eu cynnwys yn y Safonau, ond bod bwriad ychwanegu rhai mesurau diogelu i’r broses ceisio am drwydded. Bydd mesurau megis sicrhau bod ymgeisydd am drwydded yn derbyn ymchwiliad meddygol i safon Grŵp 2 DVLA, gyrwyr yn cwblhau Hyfforddiant Diogelu Plant fel rhan o’r broses ymgeisio am drwydded a bod gwiriad ar system Intel troseddol cenedlaethol yn cael ei wneud ar gyfer pob cais am drwydded gyrrwr o’r newydd, yn cael eu cynnwys yn swyddogol yn y Polisi Unedig newydd.

Ategwyd y byddai’r Pwyllgor, ymhen y 12 mis nesaf, yn cael cyfle i roi barn ar y polisi drafft unedig, cyn y bydd ymgynghoriad cyhoeddus statudol yn cael ei gynnal.

Diolchwyd am yr adroddiad.

Sylwadau yn codi o’r drafodaeth ddilynol gan Aelodau:

·        Bod y polisïau wir angen eu diweddaru

·        Bod y newidiadau i’w croesawu ac yn cyfarch safonau cenedlaethol

Mewn ymateb i bryder bod gyrwyr o du allan i Wynedd gyda’r hawl i weithio yng Ngwynedd, nodwyd bod trafodaeth genedlaethol wedi ei chynnal ar y pwnc gydag adolygiad gan Lywodraeth Cymru i geisio sicrhau rheolaeth dros ffiniau Cymru a Lloegr (Uber yn un enghraifft o hyn). Er hynny, nid oedd y drefn bresennol yn caniatáu gwrthod gweithio trawsffiniol cyn belled a bod trefniant ymlaen llaw wedi ei wneud. Ategwyd mai’r gobaith yw y bydd Llywodraeth Cymru yn ail afael yn yr agenda ac yn ceisio rheolaeth drawsffiniol i’r dyfodol.

Mewn ymateb i gwestiwn ategol bod angen cydweithio gyda siroedd ffiniol i  sicrhau bod gyrwyr tu allan i Wynedd yn cydymffurfio gyda pholisïau diogelwch Gwynedd, nodwyd bod Gwynedd yn rhan o gyfundrefn rhannu gwybodaeth sy’n gweithredu gwiriadau yn genedlaethol. Mewn ardaloedd gwledig, mynegwyd bod cytundebau cludiant ysgolion yn ddibynnol ar weithredwyr o siroedd eraill, a bod rheolaeth dda o’r sefyllfa i sicrhau bod  gyrwyr a cherbydau yn cyd-fynd â’r gofynion perthnasol. Pwysleisiwyd yr angen i gyfeirio unrhyw amheuon o addasrwydd cerbydau a / neu yrwyr at yr Uned Trwyddedu a mynegwyd y byddai’r gwaith o alinio polisïau ac amodau gyda siroedd eraill yn cyfrannu at wasanaeth cyson a diogel.

Mewn ymateb i gwestiwn ynglŷn â threfniadau cludo cleifion gan y Gwasanaeth Iechyd a bod y  ...  gweld y cofnod llawn ar gyfer eitem 6.