Rhaglen, penderfyniadau a chofnodion drafft

I dderbyn unrhyw ymddiheuriadau am absenoldeb

.

Derbyniwyd ymddiheuriadau gan y Cynghorydd Gareth A Roberts a’r Cynghorydd Cai Larsen

 

I dderbyn unrhyw ddatganiad o fuddiant personol ac i nodi materion protocol. 

.

a)     Datganodd yr Aelodau canlynol eu bod yn aelodau lleol mewn perthynas â’r eitem a nodir:

·        Y Cynghorydd Elin Walker Jones (nad oedd yn aelod o’r Pwyllgor Cynllunio hwn), yn eitem 5.1 C24/0916/11/DT ar y rhaglen

·        Y Cynghorydd Huw Rowlands (oedd yn aelod o’r Pwyllgor Cynllunio hwn), yn eitem 5.4 C20/1093/24/LL ar y rhaglen

 

Nodi unrhyw eitemau sy’n fater brys ym marn y cadeirydd fel y gellir eu hystyried.

 

Fel mater o drefn, adroddwyd, gyda’r Cadeirydd a’r Dirprwy Swyddog Monitro yn ymuno yn rhithiol, mai’r Pennaeth Cynorthwyol fyddai’n cyhoeddi canlyniadau’r pleidleisiau ar y ceisiadau.

.

 

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 16 Ionawr 2025 fel rhai cywir  

 

Derbyniodd y Cadeirydd gofnodion cyfarfod blaenorol y pwyllgor hwn a gynhaliwyd 13 Ionawr 2025 fel rhai cywir yn ddarostyngedig i nodi bod y Cynghorydd Berwyn Parry Jones yn bresennol.

 

Cyflwyno adroddiad Pennaeth Adran Amgylchedd

Rhoddodd y Pwyllgor ystyriaeth i’r ceisiadau canlynol i ddatblygu. Ymhelaethwyd ar fanylion y ceisiadau ac ymatebwyd i gwestiynau mewn perthynas â’r cynlluniau ac agweddau o’r polisïau.

 

Estyniad deulawr yng nghefn yr eiddo

AELOD LLEOL: Cynghorydd Elin Walker Jones

Dolen i'r dogfennau cefndir perthnasol

 

PENDERFYNIAD: Dirprwyo’r hawl i’r Uwch Reolwr Cynllunio i ganiatáu’r cais yn ddarostyngedig i amodau

 

1. Cychwyn o fewn 5 mlynedd

2. Unol a’r cynlluniau

3. Deunyddiau i weddu

4. Gwelliannau Bioamrywiaeth 

5. Sicrhau nad oes dwr wyneb yn rhedeg i’r briffordd.

 

Nodyn : Dŵr Cymru

 

Estyniad deulawr yng nghefn yr eiddo

Tynnwyd sylw at y ffurflen sylwadau hwyr

 

Roedd rhai o’r Aelodau wedi ymweld â’r safle 30-01-25

 

a)           Amlygodd y Rheolwr Cynllunio bod y cais yn un ar gyfer dymchwel ystafell amlbwrpas bresennol yng nghefn yr eiddo a chodi estyniad deulawr to fflat. Gohiriwyd y cais ym mhwyllgor mis Ionawr 2025 er mwyn cynnal ymweliad safle. Eglurwyd bod yr eiddo yn eiddo par mewn ardal anheddol o fewn dinas Bangor gyda’r cais wedi ei gyflwyno i’r Pwyllgor Cynllunio ar gais yr aelod lleol.

 

Cyfeiriwyd at y gwrthwynebiadau a dderbyniwyd. O safbwynt dyluniad ac edrychiad, ystyriwyd nad oedd y math yma o estyniad yn annisgwyl mewn llefydd anheddol ac felly ni fyddai’n cael effaith weledol annerbyniol. Mewn ymateb i sylwadau oedd yn codi pryder am golli golau, nodwyd bod asesiad manwl o’r effeithiau wedi dod i gasgliad na fydd effaith yr estyniad yn niweidiol ar sail colli golau nac effaith gormesol (er yn estyniad deulawr dim ond 0.5m yn hirach na’r estyniad cefn presennol ydoedd).

 

Amlygwyd bod yr Aelodau yn ystod yr ymweliad safle wedi awgrymu rendr golau ar waliau’r estyniad a bod yr awgrym yma yn dderbyniol. Nodwyd hefyd bod yr ymgeisydd wedi datgan fod bwriad i symud y sied gardd bresennol i gongl uchaf yr ardd ar y chwith fydd o ganlyniad yn caniatáu mwy o olau yng nghefn rhif 16.

 

Cyfeiriwyd at y gwrthwynebiadau a dderbyniwyd ynghylch problemau gorlif dŵr ehangach ar y stryd yn gyffredinol, ynghyd ag effaith y datblygiad ar ddraeniau'r ardal. Nodwyd bod y sylwadau a dderbyniwyd gan Dŵr Cymru yn gofyn am amod i atal llif ychwanegol o ddŵr wyneb i’r system garthffosiaeth. Nid oedd gan Uned Draenio’r Cyngor wrthwynebiad i’r bwriad. Er yn cydnabod y pryder, nid oedd unrhyw dystiolaeth gadarn yn amlygu y byddai’r  estyniad yn cael effaith ar y sefyllfa bresennol nac yn ei waethygu. Yn ddibynnol ar natur y draeniau, preifat neu yn rhan o’r sustem draenio gyhoeddus, ategwyd y bydd gwarchodaeth unai drwy’r drefn rheolaeth adeiladau neu reolau Dŵr Cymru ac felly ni ystyriwyd bod  rheswm cynllunio i wrthwynebu’r bwriad ar sail materion draenio.

 

Wedi ystyried yr holl faterion cynllunio perthnasol, y polisïau a’r canllawiau lleol a chenedlaethol, ystyriwyd bod y bwriad yn dderbyniol. Roedd y Swyddogion yn argymell caniatáu y cais gydag amodau.

 

b)           Yn manteisio ar yr hawl i siarad, nododd yr Aelod Lleol y sylwadau canlynol:

·        Ei bod yn gwrthwynebu’r cais

·        Bod Hafod Planning ar ran deilydd rhif 16 wedi amlygu dadleuon dros wrthwynebu’r cais

·        Bod tri mater dadleuol dros wrthod - draenio, mwynderau ac effaith ar gymeriad

·        Cymeriad – byddai’r tŷ yn ymddangos yn wahanol iawn i bob tŷ arall ac yn creu effaith weledol sylweddol i edrychiad tŷ pâr. Yr estyniad, ar raddfa anferth

·        Mwynderau - rhif 16 yn colli golau a’r estyniad yn creu goredrych sylweddol annioddefol; o ystyried natur topograffi'r ardal bydd y datblygiad yn gwaethygu’r sefyllfa

·        Bod patio rhif 16 yn colli golau oherwydd gosodiad sied rhif 14

·        Draenio - rhaid ystyried  ...  gweld y cofnod llawn ar gyfer eitem 6.

Cais llawn i gynnal gwelliannau i'r safle i gynnwys man ddiwygiadau i leoliad a dyluniad adeilad gwasanaethau a ganiatawyd yn flaenorol ynghyd ac ymestyn lonydd presennol a gwelliannau amgylcheddol

 

Aelod Lleol: Cynghorydd John Brynmor Hughes

 

Dolen i'r dogfennau cefndir perthnasol

PENDERFYNIAD: CANIATAU gydag amodau

 

1.       Amser

2.       Cydymffurfio gyda cynlluniau

3.       Cynnal y datblygiad yn unol ac adroddiad ecolegol

4.       Cynnal y datblygiad yn unol a Chynllun Rheolaeth Adeiladu Amgylcheddol

5.       Cynnal y datblygiad yn unol a chynllun goleuo

6.       Cyfyngu niferoedd carafanau

7.       Cyfyngu cyfnod defnydd y safle

8.       Tynnu pob carafán o’r safle y tu allan i gyfnod defnydd y safle

9.       Cyfyngu storio carafán/cwch/cerbyd tu allan i’r lleiniau ffurfiol

10.     Cyfyngu defnydd y carafanau i ddefnydd gwyliau yn unig

11.     Arwyddion dwyieithog

12.     Enw Cymraeg

13.     Deunyddiau.

14.     Cynllun tirlunio

15.     Materion draenio

 

Fferm Fronhyfryd, Bwlchtocyn, Pwllheli, Gwynedd, LL53 7EU

 

Cais llawn i gynnal gwelliannau i'r safle i gynnwys man ddiwygiadau i leoliad a dyluniad adeilad gwasanaethau a ganiatawyd yn flaenorol ynghyd ac ymestyn lonydd presennol a gwelliannau amgylcheddol

 

Tynnwyd sylw at y ffurflen sylwadau hwyr

 

a)     Amlygodd y Rheolwr Cynllunio mai cais llawn ydoedd  yn ymwneud â gwelliannau i safle carafanau teithiol a gwersylla presennol gan gynnwys diwygio lleoliad a dyluniad adeilad gwasanaethau o'r hyn a ganiatawyd yn flaenorol ynghyd ac ymestyn lonydd mynediad o fewn y safle a chynnal gwelliannau amgylcheddol. Ni fydd cynnydd yn niferoedd o garafanau teithiol ar y safle o'r 24 a ganiatawyd yn flaenorol. Byddai’r carafanau yn parhau i gael eu lleoli o amgylch ffin y safle gerllaw gwrychoedd presennol sydd yn amgylchynu'r safle.

 

Yng nghyd-destun mwynderau gweledol, nodwyd bod bwriad cynnal tirlunio ychwanegol drwy blannu coed a gwrychoedd newydd ar y  tir. Adroddwyd na fyddair bwriad yn debygol o greu nodwedd ymwthiol nac amlwg yn y dirwedd sydd o fewn dynodiad yr AHNE. Yn yr un modd, nodwyd bod y safle o fewn Tirwedd o Ddiddordeb Hanesyddol Eithriadol Llyn ac Enlli ac o ran lleoliad a maint ni fyddai’n cael effaith ehangach ar y dirwedd hanesyddol ac felly yn cydymffurfio gyda Polisi AT1

 

Yng nghyd-destun egwyddor y datblygiad, ystyriwyd bod dyluniad yr adeilad gwasanaethau yn dderbyniol ac yn gweddu i’r ardal a bod cynigion gwella bioamrywiaeth yn dderbyniol ac yn unol â pholisïau perthnasol.

 

Cyfeiriwyd at lythyr o wrthwynebiad a dderbyniwyd yn nodi cynnydd yn y nifer o garafanau tymhorol yn yr ardal leol. Nodwyd y byddai’r nifer carafanau yn cael ei reoli trwy amodau a phwysleisiwyd mai cais am welliannau yn unig oedd yma a bod hawl defnydd eisoes yn bodoli.

 

O ystyried y polisïau a’r canllawiau lleol a chenedlaethol roedd y Swyddogion yn argymell caniatáu y cais

 

b)     Yn manteisio ar yr hawl i siarad, nododd asiant yr ymgeisydd y sylwadau canlynol:

·        Prif bwrpas y bwriad oedd symud adeilad gwasanaethau i ffwrdd o’r garthffos gyhoeddus

·        Bod yr ymgeisydd eisiau gwella’r safle

·        Bod enw Cymraeg i’r safle a gwybodaeth ddwyieithog ar eu gwefan ynghyd ag arwyddion dwyieithog o gwmpas y safle

·        Os caniatáu, gobeithir cyflawni'r gwaith cyn dechrau tymor Haf 2025

 

c)     Yn manteisio ar yr hawl i gyflwyno sylwadau, nododd yr Aelod Lleol y sylwadau canlynol:

·        Nad oedd ganddo farn bersonol ar y mater

·        Problemau posib yw bod y ffordd yn gul (traffig), sŵn, a’r hen dip sbwriel.

 

Mewn ymateb i sylw gan yr Uned Trwyddedu bod angen sicrhau 3m rhwng y carafanau a’r gwrych ac os gellid amodi hyn, nodwyd nad oedd angen amod, ond bod rhaid i’r ymgeisydd sicrhau cydymffurfiaeth wrth geisio trwydded.

 

            Cynigwyd ac eiliwyd caniatáu y cais

 

            PENDERFYNWYD CANIATÁU gydag amodau

 

1.         Amser

2.         Cydymffurfio gyda chynlluniau

3.         Cynnal y datblygiad yn unol ag adroddiad ecolegol

4.         Cynnal y datblygiad yn unol â Chynllun Rheolaeth Adeiladu Amgylcheddol

5.         Cynnal y datblygiad yn unol â chynllun goleuo

6.         Cyfyngu niferoedd carafanau

7.         Cyfyngu cyfnod defnydd y safle

8.  ...  gweld y cofnod llawn ar gyfer eitem 7.

Cais ôl weithredol i ail adeiladu bwthyn gyda estyniadau deulawr ochr ac estyniad unllawr cefn

 

Aelod Lleol: Cynghorydd Angela Russell

 

Dolen i'r dogfennau cefndir perthnasol

PENDERFYNIAD: GWRTHOD yn groes i’r argymhelliad

Rhesymau:

·       Gor ddatblygiad

·       Effaith niweidiol ar y tirwedd / AHNE yn groes i polisi TAI 13.

 

Cais ôl weithredol i ail adeiladu bwthyn gyda estyniadau deulawr ochr ac estyniad unllawr cefn

 

a)     Amlygodd Arweinydd Tîm Rheolaeth Datblygu bod y  cais yn un ar gyfer dymchwel tŷ presennol a chodi tŷ newydd yn ei le. Eglurwyd bod y safle wedi ei leoli ar gyrion pentref Llanbedrog a thu allan i unrhyw ffin ddatblygu ac wedi ei amgylchu gan goedlan sefydledig eang gyda’r tir yn codi mewn uchder i gefn ag ochr yr eiddo. Ategwyd bod y safle a’r ardal ehangach oddi mewn dynodiadau AHNE ynghyd a Thirlun o Ddiddordeb Hanesyddol Eithriadol.

 

Nodwyd nad oedd y bwriad yn golygu cynnydd yn y nifer o ystafelloedd gwely a bod gwybodaeth a gyflwynwyd gyda’r cais yn cadarnhau mai bwthyn gwyliau yw defnydd presennol a bwriedig yr eiddo. O ganlyniad, nid oedd unrhyw newid yn y defnydd. Mynegwyd bod caniatâd cynllunio wedi ei roi yn 2021 ar gyfer ymestyn yr eiddo gwreiddiol, ond y cais presennol yn ganlyniad o’r bwriad hynny yn dilyn darganfod nad oedd y bwthyn gwreiddiol yn addas ar gyfer ei ymestyn.

 

Tynnwyd sylw at Polisi TAI 13 sy’n ymwneud yn benodol ag ail-adeiladu tai, a’r meini prawf perthnasol. Nodwyd fod Adroddiad Strwythurol o’r bwthyn gwreiddiol wedi ei gyflwyno gan beiriannydd cymwysedig yn cyfiawnhau’r gwaith dymchwel oedd ei angen oherwydd diffygion sylweddol. Yn ogystal, ystyriwyd bod graddfa’r bwriad yn debyg i’r hyn oedd wedi ei ganiatáu yn flaenorol fel estyniadau i’r bwthyn gwreiddiol.

 

Yng nghyd-destun mwynderau gweledol, nid yw’r safle yn gwbl weladwy o fannau cyhoeddus ac ystyriwyd fod y bwriad yn dderbyniol o ran ei ddyluniad a gorffeniad. Ni ystyriwyd y byddai yn cael effaith andwyol ar y tirlun ehangach gan gynnwys yr AHNE na’r Dirwedd o Ddiddordeb Hanesyddol Eithriadol chwaith. Saif ymhell o unrhyw eiddo arall ac ni fyddai’n cael effaith andwyol ar unrhyw drigolion cyfagos. Ni ystyriwyd y byddai’n cael unrhyw effaith ar ddiogelwch ffyrdd, gan fod lle digonol i droi a pharcio ar y safle.

 

Yng nghyd-destun materion bioamrywiaeth, nodwyd bod y bwriad yn cynnwys gwelliannau derbyniol fydd yn cael eu sicrhau drwy amod cynllunio.

 

Yng nghyd-destun materion ieithyddol, nid yw’r bwriad yn golygu unrhyw newid defnydd ac nid oes cynnydd yn y nifer ystafelloedd gwely. O ganlyniad, ni ystyriwyd y byddai’n cael unrhyw effaith ar yr Iaith Gymraeg.

 

Wedi ystyried yr holl faterion cynllunio perthnasol, ni ystyriwyd fod y bwriad yn dderbyniol ac roedd y swyddogion yn argymell caniatáu’r cais gydag amodau

 

b)     Yn manteisio ar yr hawl i siarad, nododd asiant yr ymgeisydd y sylwadau canlynol:

·        Bod caniatâd cynllunio wedi ei ganiatáu yn 2021 gyda gwaith adeiladu wedi dechrau'r Haf canlynol

·        Yn dilyn glaw trwm, sylweddolwyd bod y sylfeini yn ddiffygiol ac ansefydlog oedd wedi arwain at waith ychwanegol

·        Addaswyd y cynlluniau fel bod modd gwella mynediad a symud lleoliad y gegin i geisio mwy o olau

·        Bod rhan ganolig wreiddiol  tŷ wedi ei gadw a’r gwaith carreg wreiddiol wedi ei ddadorchuddio

·        Bod y system draenio wedi ei adnewyddu – system wedi ei moderneiddio

·        Bod y drws ffrynt wedi ei adfer

·        Bod  ...  gweld y cofnod llawn ar gyfer eitem 8.

Cais ar gyfer codi 16 annedd gyda mynedfa cysylltiol, parcio a thirweddu

Aelod Lleol: Cynghorydd Huw Rowlands

 

Dolen i'r dogfennau cefndir perthnasol

PENDERFYNIAD:   CANIATÁU yn ddarostyngedig i’r amodau isod:-

1.       5 mlynedd.

2.       Yn unol â’r dogfennau/cynlluniau a gyflwynwyd gyda’r cais.

3.       Llechi naturiol.

4.       Samplau o’r deunyddiau a’r lliwiau ar gyfer y tai i’w cytuno gyda’r ACLL.

5.       Amodau Priffyrdd.

6.       Tirlunio meddal a chaled.

7.       Amodau Bioamrywiaeth a Choed gan gynnwys gwelliannau bioamrywiaeth a chynllun rheoli cynefin

8.       Cyfyngu ar oriau gweithio i 08:00 - 18:00 yn yr wythnos, 08:00 - 12.00 ar ddydd Sadwrn a dim o gwbl ar y Sul a Gwyliau Banc.

9.       Cytuno manylion parthed enwau Cymraeg ar gyfer y datblygiad ynghyd ac arwyddion sy’n hysbysu ac yn hyrwyddo’r datblygiad o fewn ac oddi allan y safle.

10.     Sicrhau cynllun/trefniadau ar gyfer darparu’r unedau fforddiadwy.

11.     Tynnu hawliau datblygu cyffredinol o’r unedau fforddiadwy.

12.     Cyflwyno Datganiad Dull Adeiladu gan gynnwys darpariaeth parcio cerbydau’r adeiladwyr.

13.     Cyflwyno manylion goleuadau allanol i’w gytuno gyda’r ACLL cyn iddynt gael eu gosod.

14.     Amod mesurau lliniaru archeolegol.

15.     Darparu a diogelu’r llecyn agored ar gyfer y dyfodol

16.     Amod Dŵr Cymru

17.     Amodau Gwarchod y Cyhoedd (Sŵn, Llwch, Niwsans)

18.     Cynllun rheoli Amgylcheddol Adeiladu

19.     Manylion paneli PV solar ar doeau’r tai ynghyd a phympiau gwres ffynhonnell aer

20.     Arwyddion Cymraeg

 

Nodiadau: Dŵr Cymru, Priffyrdd, SUDS

 

Tir Ger Talardd, Dinas, Caernarfon, LL54 7YN

 

Cais ar gyfer codi 16 annedd gyda mynedfa cysylltiol, parcio a thirweddu

 

Tynnwyd sylw at y ffurflen sylwadau hwyr

 

a)     Amlygodd Arweinydd Tîm Rheolaeth Datblygu mai cais llawn ydoedd ar gyfer darparu 16 o dai fforddiadwy gyda chymysgedd o dai, byngalos a fflatiau fydd hefyd yn darparu mynedfa i gerddwyr i’r briffordd A487, mynedfa gerbydol o’r safle a llecyn chwarae ffurfiol gyda chyfarpar yng nghanol y safle. Eglurwyd bod y safle wedi ei leoli yn rhannol o fewn ffin ddatblygu pentref Dinas, gyferbyn a modurdy a siop cyfarpar gweithgareddau awyr agored, gyda thai  preswyl wedi eu lleoli gyferbyn ac wrth ei ochr. Ategwyd bod y safle wedi ei ddefnyddio fel compownd ar gyfer datblygiad tai union drws nesaf, a chyn hynny fel maes parcio anffurfiol wedi dymchwel bwyty oedd wedi ei leoli yno.

 

Gyda mwyafrif o’r safle wedi ei leoli o fewn ffin datblygu Dinas ystyriwyd Polisi TAI 4, ond hefyd gyda rhan bychan o’r safle wedi ei leoli y tu allan i’r ffin ddatblygu ac felly yn destun polisi TAI 16 fel safle eithrio. Nodwyd bod lefel cyflenwad dangosol o dai i Dinas, ynghyd a’r nifer o unedau sydd wedi eu cwblhau, a’r banc tir yn golygu y byddai’r pentref yn mynd y tu hwnt i’w lefel twf dangosol, ac felly’n ofynnol cael cyfiawnhad ar gyfer y bwriad ynghyd a datganiad iaith.

 

Mynegwyd y byddai’r tai yn cael eu rheoli gan Landlord Cymdeithasol Cofrestredig Adra sydd yn darparu tai cymunedol i’r ardal. Nodwyd bod Datganiad Tai Fforddiadwy a Datganiad Cymysgedd Tai wedi eu cyflwyno gyda’r cais yn nodi fod angen wedi ei brofi ar gyfer tai llai er mwyn diwallu angen teuluoedd llai. Ystyriwyd, o ran polisi cynllunio, bod y bwriad yn darparu nifer priodol o dai fforddiadwy a bod cymysgedd briodol o dai wedi eu cynnig yn unol â’r angen sydd wedi ei adnabod ac wedi ei gadarnhau gan yr Uned Strategol Tai. Yn ychwanegol, cyfeiriwyd at ffigyrau’r Uned oedd yn cadarnhau fod diffyg 255 o unedau yn yr haen Pentrefi a Chlystyrau, ac felly o ganlyniad i hyn, ac i’r angen sydd wedi ei brofi, ystyriwyd fod cyfiawnhad ar gyfer yr unedau.

 

Adroddwyd bod yr holl unedau yn cael eu cynnig fel rhai fforddiadwy ac er mwyn rheoli’r ddarpariaeth fforddiadwy o safbwynt polisi cynllunio, mae bwriad gosod amod safonol fydd yn gofyn cytuno â’r cynllun darparu’r tai fforddiadwy. Nodwyd bod Canllaw Cynllunio Atodol Tai Fforddiadwy yn cadarnhau bod angen unedau fforddiadwy o fewn Pentrefi i ddarparu ar gyfer yr angen lleol, sef pobl sydd angen tŷ fforddiadwy ac sydd wedi byw yn y Pentref neu’r ardal wledig gyfagos am gyfnod di-dor o bum mlynedd neu fwy; y Canllaw hefyd yn cadarnhau fod ardal wledig gyfagos yn cael ei ddiffinio fel unrhyw Gyngor Cymuned sydd yn cael ei rhannu gan y pellter o 6km o’r safle datblygiad gan eithrio eiddo o fewn ffin datblygu unrhyw anheddiad, oni bai am yr anheddiad hwnnw lle mae’r cais wedi ei leoli.

 

Cyflwynwyd Datganiad  ...  gweld y cofnod llawn ar gyfer eitem 9.