Rhaglen, penderfyniadau a chofnodion

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cynghorwyr Gareth A Roberts, Louise Hughes, John Pughe Roberts a Cai Larsen

I dderbyn unrhyw ddatganiad o fuddiant personol ac i nodi materion protocol. 

.

a)         Datganodd yr aelod canlynol ei fod â buddiant mewn perthynas â’r eitem a nodir:

Y Cynghorydd Elin Hywel (oedd yn Aelod o’r Pwyllgor Cynllunio hwn), yn eitem 5.1 (C22/0898/42/LL) ar y rhaglen oherwydd cysylltiad teuluol

Roedd yr Aelod o’r farn ei bod yn fuddiant a oedd yn rhagfarnu ac ni fu iddi gymryd rhan yn ystod y drafodaeth na phleidleisio ar y cais.

b)         Datganodd y swyddog canlynol ei bod â buddiant mewn perthynas â’r eitem a nodir:

Miriam Williams (Gwasanaethau Cyfreithiol) yn eitem 5.4 (C24/0011/30/AM) ar y rhaglen oherwydd ei bod yn adnabod yr ymgeisydd

Roedd y Swyddog o’r farn ei fod yn fuddiant a oedd yn rhagfarnu a gadawodd y Siambr yn ystod y drafodaeth

c)         Datganodd yr aelodau canlynol eu bod yn aelodau lleol mewn perthynas â’r eitem a nodir:

·         Y Cynghorydd Gareth Morris Jones  (oedd yn aelod o’r Pwyllgor Cynllunio hwn), yn eitem 5.1 (C23/0898/42/LL) ar y rhaglen

·         Y Cynghorydd Gareth Williams  (nad oedd yn aelod o’r Pwyllgor Cynllunio hwn), yn eitem 5.4 (C24/0011/30/AM) ar y rhaglen

Nodi unrhyw eitemau sy’n fater brys ym marn y cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 18eg o Fawrth 2024 fel rhai cywir  

Derbyniodd y Cadeirydd gofnodion cyfarfod blaenorol y pwyllgor hwn a gynhaliwyd 18fed o Fawrth 2024 fel rhai cywir.

Cyflwyno adroddiad Pennaeth Adran Amgylchedd.

Rhoddodd y Pwyllgor ystyriaeth i’r ceisiadau canlynol i ddatblygu. Ymhelaethwyd ar fanylion y ceisiadau ac ymatebwyd i gwestiynau mewn perthynas â’r cynlluniau ac agweddau o’r polisïau

Adeiladu Capel Gorffwys

Aelod Lleol: Cynghorydd Gareth Tudor Morris Jones

Dolen i'r dogfennau cefndir perthnasol

PENDERFYNIAD: Caniatáu - amodau

1. 5 mlynedd
2. Unol a’r cynlluniau a’r datganiad a chynllun seilwaith gwyrdd
3. Cytuno gorffeniad allanol
4. Amod Dwr Cymru
5. Parcio
6. Ni chaniateir gosod offer allanol yng nghyswllt yr oergell heb gytuno o flaen llaw gyda’r Awdurdod Cynllunio Lleol.

Nodiadau:

SUDS

Nodyn goruchwyliaeth bioamrywiaeth

Adeiladu Capel Gorffwys

Tynnwyd sylw at y ffurflen sylwadau hwyr

a)    Amlygodd Arweinydd Tîm Rheolaeth Datblygu mai cais ydoedd yn ymwneud a chodi adeilad newydd ar gyfer defnydd fel Capel Gorffwys. Nodwyd bod y cynllun llawr yn dangos y bydd swyddfa, lle storio oer, toiled, ardal llwytho a dadlwytho ar gyfer cerbydau a gwagle ar gyfer Capel Gorffwys o fewn yr adeilad.

Eglurwyd bod lleoliad y bwriad yng nghanol pentref Morfa Nefyn ar ochr y briffordd B4417 oddeutu 50m i ffwrdd i’r groesffordd gyda’r B4412. Amlygwyd nad oedd adeiladau eraill ar yr ochr yma i’r ffordd yn y lleoliad yma (heblaw am yr adeilad trefnwyr angladdau a thoiledau cyhoeddus presennol).

Nodwyd bod y cais yn ail-gyflwyniad o fwriad a wrthodwyd o dan gyfeirnod C22/0568/42/LL a bod asiant y cais wedi darparu datganiad yn ymateb i’r rhesymau gwrthod ar gyfer y cais hwnnw.  Yn wreiddiol, nid oedd yn glir sut fyddai’r adeilad bwriedig yn gweithredu gyda’r adeilad presennol ac nid oedd gwybodaeth wedi ei gyflwyno fel rhan o’r cais ynglŷn ag union ddefnydd presennol a bwriedig o’r gweithdy presennol.

Erbyn hyn, mae gwybodaeth bellach wedi ei dderbyn, sy’n cadarnhau fod yr ymgeisydd yn un o dri sydd ar restr y crwner/heddlu ar gyfer delio gyda galwadau brys yn ardal Pen Llyn. Byddai’r adeilad newydd yn cael ei ddefnyddio ar gyfer cadw’r hers, darparu oergell ac ystafell i’r teulu/meddyg ymweld â’r ymadawedig.

Eglurwyd bod yr adeilad presennol yn rhwystredig oherwydd bod grisiau i lawr i’r rhan sy’n cael ei ddefnyddio fel oergell ar hyn o bryd ac felly nid oes posib defnyddio troli er mwyn cydymffurfio a gofynion iechyd a diogelwch. Yn ogystal, mae bwriad prynu hers newydd ac ni fyddai modd ei barcio o fewn yr adeilad presennol oherwydd bod hyd yr hers newydd yn fwy sydd yn golygu y bydd rhaid llwytho’r hers y tu allan mewn lleoliad sy’n agored i’r cyhoedd. Roedd yr ymgeisydd yn cadarnhau y byddai’r busnes yn gweithio’n effeithiol drwy ddefnyddio’r ddau adeilad ac roedd cynllun wedi ei ddarparu yn dangos sut mae’r adeilad presennol yn cael ei ddefnyddio ynghyd a sut y bydd yn cael ei ddefnyddio petai’r adeilad newydd yn cael ei ganiatáu.

Nodwyd hefyd fod cynllun safle diwygiedig wedi ei gyflwyno sy’n ymestyn safle’r cais er mwyn gwella’r mynediad i mewn i’r safle, darparu 3 llecyn parcio ychwanegol ynghyd a lle i droi o fewn y safle a chadw’r drysau mynediad cerbydol i mewn i’r adeilad yn glir. M Roedd Datganiad a Chynllun Seilwaith Gwyrdd yn cynnig plannu gwrych a gosod blychau nythu ac ystlumod ar yr adeilad bwriedig hefyd wedi ei gyflwyno.

Amlygwyd bod y cais yn cael ei gyflwyno i’r Pwyllgor Cynllunio ar gais yr Aelod Lleol. Gohiriwyd y cais ym Mhwyllgor Cynllunio 28.11.2022 (ar gais yr ymgeisydd) er mwyn ceisio datrys materion priffyrdd a chyflwyno gwybodaeth bellach.

Yng nghyd-destun egwyddor  ...  gweld y cofnod llawn ar gyfer eitem 6.

Codi 10 uned ddiwydiannol, mynediad newydd, parcio a thirlunio.

Aelod Lleol: Cynghorydd Dafydd Meurig

Dolen i'r dogfennau cefndir perthnasol

PENDERFYNIAD: Caniatáu’r cais yn ddarostyngedig i amodau cynllunio perthnasol yn ymwneud gyda:

1.     Amser

2.     Cydymffurfio gyda’r cynlluniau

3.     Deunyddiau i gyd i’w cytuno

4.     Caniateir defnyddio’r Unedau at unrhyw ddiben o fewn Dosbarth Defnydd B1, B2 neu B8

5.     Amod tirlunio / gwelliannau bioamrywiaeth.

6.     Oriau Agor : 06:30 i 18:00 Llun i Gwener, 06:30 i 17:00 Dydd Sadwrn a 08:00 i 16:00 ar Ddydd Sul / Gwyliau Banc

7.     Rhaid cyflwyno manylion unrhyw offer allanol a osodir ar yr adeilad

8.     Ni ddylid dod ag unrhyw uned i ddefnydd hyd nes bydd cysylltiad gyda’r garthffos gyhoeddus wedi ei gwblhau.

9.     Dylid gweithredu’n unol a’r Cynllun Rheolaeth Trafnidiaeth Adeiladu a gyflwynwyd

10.  Amod Dŵr Cymru

11.  Sicrhau arwyddion Cymraeg / Dwyieithog

            Nodiadau

1.         Dŵr Cymru

2.         Uned Draenio Tir

3.         Uned Iaith

Codi 10 uned ddiwydiannol, mynediad newydd, parcio a thirlunio

Tynnwyd sylw at y ffurflen sylwadau hwyr

a)    Amlygodd y Rheolwr Cynllunio mai cais llawn ydoedd ar gyfer codi adeilad ar lain gwag o fewn Parc Busnes Bryn Cegin, Llandygai. Nodwyd y  byddai’r adeilad wedi ei rannu'n ddeg uned, gyda'r bwriad o gael caniatâd o fewn Dosbarthiad Defnydd B2  sef Diwydiant cyffredinol. Er nad yn hollol berthnasol i’r cais, nodwyd nad oes defnyddwyr penodol eto ar gyfer yr unedau.

O ran egwyddor y datblygiad adroddwyd bod y safle wedi ei leoli y tu allan i’r ffin datblygu, ond mewn rhan o safle sydd wedi ei warchod fel Safle Busnes Strategol Rhanbarthol o fewn y CDLl ar gyfer defnyddiau B1, B2 & B8. Nodwyd, gan fod y bwriad ar gyfer defnydd B bydd yn cydymffurfio gyda pholisi CYF 1 sydd yn ymwneud a gwarchod, dynodi ac amddiffyn tir ac unedau ar gyfer defnydd cyflogaeth.

Nodwyd y byddai llain o amgylch yr adeilad yn cynnwys 31 gofod parcio a byddai’r mynediad yn cael ei ddarparu trwy'r fynedfa gerbydol bresennol sy'n darparu mynediad o'r ffordd fewnol sy'n gwasanaethu’r parc busnes ehangach.

Er yn eithaf mawr, (arwynebedd llawr o 995m2 ac yn 8.2m at frig y to), byddai’r adeilad newydd o faint, dyluniad a defnyddiau a fyddai’n ddisgwyliedig oddi wrth adeiladau diwydiannol cyfoes. Ystyriwyd bod y dyluniad ac edrychiad yn dderbyniol ac yn cydymffurfio gyda pholisi PCYFF 3. Yn ychwanegol, byddai effaith ar fwynderau yn gallu cael ei reoli gydag amodau sy’n ymwneud ag oriau agor ac unrhyw beirianwaith allanol e.e. systemau echdynnu.

Derbyniwyd datganiad yn rhoi ystyriaeth i’r Iaith Gymraeg ac fel rhan o’r broses ymgynghori, derbyniwyd sylwadau yn amlygu pryder am effaith y datblygiad ar yr iaith Gymraeg. Mewn ymateb, derbyniwyd eglurhad gan yr ymgeisydd yn nodi na fydd yn gallu hysbysu’r unedau ar gyfer tenantiaid hyd nes bydd y cais yn derbyn caniatâd Cynllunio. Er mwyn hybu’r iaith Gymraeg roedd yr ymgeisydd wedi datgan ei barodrwydd i gydweithio gyda’r Uned Iaith a chreu ffeil trosglwyddo ar gyfer yr unedau fydd yn ymrwymo’r tenantiaid i’r Cynnig Cymraeg sydd yn unol â chyngor yr Uned Iaith.

Adroddwyd bod sylwadau hwyr wedi cael eu derbyn gan yr Uned Trafnidiaeth yn cadarnhau nad oedd gwrthwynebiad i’r bwriad a bod datganiad seilwaith gwyrdd wedi ei dderbyn oedd yn cydymffurfio gydag anghenion Polisi Cynllunio Cymru. O ganlyniad, ni ystyriwyd fod y bwriad yn groes i unrhyw bolisi cynllunio perthnasol o fewn y CDLl a bod y datblygiad a gynigiwyd yn briodol ar gyfer y safle ac yn debygol o fod o bwysigrwydd strategol i’r sir fel man cychwyn ar gyfer datblygiadau busnes ar y safle. Roedd yr Awdurdod Cynllunio yn argymell caniatáu’r cais gydag amodau.

b)    Nododd y Cadeirydd bod yr Aelod Lleol wedi ymddiheuro na allai fod yn bresennol, ond roedd wedi anfon y sylwadau canlynol drwy e-bost:

Does gen i ddim gwrthwynebiad  ...  gweld y cofnod llawn ar gyfer eitem 7.

Cais llawn ar gyfer codi gweithdy/swyddfa newydd, adeilad gweithdy/weldio ac uned golchi cerbydau ynghyd â thanc storio tanwydd preifat a mannau ategol eraill

Aelod Lleol: Cynghorydd Dewi Jones

Dolen i'r dogfennau cefndir perthnasol

PENDERFYNIAD: Caniatáu

1.         5 mlynedd

2.         Unol a’r cynlluniau a’r holl ddogfennau a gyflwynwyd fel rhan o’r cais

3.         Lliw gorffeniad i’w gytuno

4.         Cytuno manylion paneli PV

5.         Cwblhau’r tirweddu yn unol â’r cynllun a gynhwysir o fewn yr AEWT (Asesiad Effaith  Weledol Tirwedd)

6.         Rhaid cwblhau’r gwelliannau Bioamrywiaeth yn unol a’r hyn a gynhwysir yn adran 4 o’r adroddiad ecolegol

7.         Enw Cymraeg

8.         Arwyddion Cymraeg

9.         Amod canfod llygredd heb ei adnabod

10.       Amodau Dwr Cymru

11.       Rhaid i’r cyfarpar/deunydd a fydd yn cael ei storio yn yr ardal storio allanol fod ddim uwch na 4m.

Nodiadau:

Gwyliadwriaeth Natur

SUDS

Ceisiadau mawr

Llythyr Dwr Cymru

Llythyr Cyfoeth Naturiol Cymru

Cais llawn ar gyfer codi gweithdy/swyddfa newydd, adeilad gweithdy/weldio ac uned golchi cerbydau ynghyd â thanc storio tanwydd preifat a mannau ategol eraill

a)    Amlygodd Arweinydd Tîm Rheolaeth Datblygu mai cais llawn ydoedd gyda’r bwriad yn cynnwys yr elfennau isod:

·         Adeilad Gweithdy a Swyddfa

·         Uned Gweithdy a Weldio

·         Uned Golchi Cerbydau

·         Ardal Storio Allanol

·         15 o lecynnau parcio HGV

·         40 o lecynnau parcio gan gynnwys 3 anabl a 8 pwynt gwefru EV.

·         Ardal storio beiciau

Adroddwyd bod y safle wedi ei leoli ar Lon Cae Darbi (ffordd ddi-ddosbarth) ar gyrion dwyreiniol Ystâd Ddiwydiannol Cibyn ac o fewn ffin ddatblygu Caernarfon a safle cyflogaeth i’w warchod. Ategwyd bod y safle wedi ei ddefnyddio tan yn ddiweddar fel lladd-dy gyda’r adeiladau erbyn hyn wedi eu dymchwel o dan hysbyseb o flaen llaw C22/0431/14/HD. Nodwyd bod gwastraff rwbel a sgipiau yn parhau ar y safle yn dilyn y gwaith dymchwel a’r llystyfiant o gwmpas y safle wedi ei dorri neu ei dynnu ymaith. Roedd y bwriad yn golygu codi adeiladau ynghyd a’i ddefnyddio ar gyfer gwasanaethu ac atgyweirio cerbydau masnachol.

Yng nghyd-destun mwynderau gweledol, cydnabuwyd fod y bwriad yn golygu codi adeiladau sylweddol ar y safle, sydd erbyn hyn yn weladwy o ffordd osgoi Caernarfon. Cydnabuwyd bod y safle hefyd wedi ei leoli o fewn Ystâd Ddiwydiannol bresennol ac yn ffurfio rhan o ddynodiad ar gyfer ei warchod ar gyfer defnydd cyflogaeth B1, B2 a B8. Byddai adeiladau mewn cyswllt a’r defnyddiau cyflogaeth yn sylweddol o ran eu natur ac mae’r cynlluniau trawsdoriad yn cadarnhau fod y bwriad gerbron yn achosi effaith weledol debyg i’r hyn sydd wedi bodoli ar y safle yn y gorffennol. Ategwyd bod bwriad darparu ardal storio allanol ar y safle, ac y gellid cyfyngu uchder yr hyn a fydd yn cael ei storio yma i 4m drwy amod Cynllunio; rhan helaeth o’r coed a’r gwrychoedd oedd o gwmpas y safle wedi eu torri ond bod bwriad tirweddu’r safle er mwyn digolledu’r llystyfiant yma.

Yng nghyd-destun mwynderau cyffredinol a phreswyl, nodwyd bod y safle wedi ei leoli o leiaf 170m i ffwrdd o unrhyw eiddo preswyl, gyda’r tai agosaf wedi eu lleoli un ai ar y Stad Ddiwydiannol, neu'r ochr arall i’r ffordd osgoi sy’n rhedeg heibio cyrion y safle. Ar sail hyn, a bod y safle wedi ei leoli ar Ystâd Ddiwydiannol bresennol yn gyfochrog ag unedau diwydiannol presennol eraill, ni ystyriwyd y byddai’n debygol o gael effaith sylweddol andwyol ar unrhyw drigolion cyfagos.

Adroddwyd, yn ogystal â’r defnydd gwasanaethu ac atgyweirio cerbydau masnachol bod bwriad darparu 15 o lecynnau parcio HGV, 40 o lecynnau parcio cyffredinol ( yn cynnwys 3 anabl a 8 pwynt gwefru EV) ac ardal storio beiciau. Amlygwyd bod Cynllun Rheoli Traffig Adeiladu a Rheoli Amgylcheddol wedi ei gyflwyno fel rhan o’r cais yn dangos bwriad o ddefnyddio’r mynedfeydd presennol i’r safle  ac ardal cylch droi cerbyd HGV o fewn y safle.  ...  gweld y cofnod llawn ar gyfer eitem 8.

Cais amlinellol gyda rhai materion wedi eu cadw yn ôl (edrychiad, tirlunio) ar gyfer creu 5 llain hunan adeiladu ar gyfer tai fforddiadwy.

Aelod Lleol: Cynghorydd Gareth Williams

Dolen i'r dogfennau cefndir perthnasol

PENDERFYNIAD: Gohirio fel bod modd cynnal ymweliad safle a gwneud cais i’r ymgeisydd am fwy o wybodaeth

Cais amlinellol gyda rhai materion wedi eu cadw yn ôl (edrychiad, tirlunio) ar gyfer creu 5 llain hunan adeiladu ar gyfer tai fforddiadwy

a)    Amlygodd y Rheolwr Cynllunio, mai cais amlinellol oedd dan sylw i ystyried egwyddor y bwriad, manylion y fynedfa, gosodiad a graddfa’r datblygiad. Nid oedd edrychiad a thirlunio yn ffurfio rhan o’r cais.

Eglurwyd bod y safle presennol yn dir amaethyddol agored gyda’r ffiniau oddi amgylch yn gymysgedd o wrychoedd naturiol, cloddiau pridd a ffensiau postyn a weiren - y  safle cyfan tu allan i ffin datblygu cyfredol pentref Aberdaron ac felly’n safle i’w ystyried mewn cefn gwlad agored, gyda rhannau o ffin ddeheuol y safle yn rhannol gyffwrdd a’r ffin datblygu. Ategwyd bod y safle oddi fewn dynodiadau AHNE Llŷn a Thirlun o Ddiddordeb Hanesyddol Eithriadol Llŷn ac Ynys Enlli.

O ran egwyddor y datblygiad, nodwyd bod Aberdaron wedi ei ddiffinio fel pentref gwledig / arfordirol yn y CDLl gydag oddeutu 95 o dai ac ychydig o gyfleusterau o fewn y ffin datblygu – y ffigyrau tai diweddaraf yn dangos fod capasiti o fewn cyflenwad dangosol Aberdaron ar gyfer datblygiad o’r raddfa yma.

Gyda’r safle tu allan i’r ffin datblygu, amlygwyd mai Polisi TAI 16 oedd y polisi perthnasol a bod angen ystyried derbynioldeb y safle fel safle eithrio. Nodwyd yn yr ymateb ffurfiol a roddwyd i’r ymholiad cyn cyflwyno cais,  y byddai angen tystiolaeth ar ffurf Datganiad Tai i gynnwys asesiad o angen ymgeiswyr cymwys am dai fforddiadwy. Er hynny, derbyniwyd gwybodaeth ar ffurf holiadur wedi ei gwblhau am gyswllt lleol 5 person/cwpwl. Amlygwyd mai’r wybodaeth yma, yn ogystal â phennod o fewn y Datganiad Cynllunio yw’r cyfiawnhad dros yr angen am y 5 tŷ yma, ac er bod cyfeiriad hefyd yn nodi bod yr unigolion hyn wedi cofrestru gyda Tai Teg, nid oes unrhyw dystiolaeth wedi ei gyflwyno ar ffurf asesiad i brofi gwir angen yr unigolion yma am dai fforddiadwy a’r math o dai maent eu hangen.

Nododd y swyddog ei bod yn gwbl hanfodol fod ymgeiswyr am dai fforddiadwy yn cael eu hasesu’r llawn ar gyfer eu hanghenion ac nad oedd ‘dyhead’ yn rheswm digonol dros yr angen am dŷ fforddiadwy. Cyfeiriwyd at sylwadau’r Uned Tai lle nodi’r bod 6 o bobl ar gofrestr Tai Teg am dŷ canolraddol, ond bod Tai Teg yn cadarnhau nad oedd y 6, sydd ar eu cofrestr am eiddo canolraddol, wedi eu hasesu’n llawn ar gyfer cynllun hunan adeiladu. O ganlyniad ni ystyriwyd fod yr angen wedi ei brofi ac felly’r bwriad yn methu cwrdd gyda pholisi TAI 16.

Cyfeiriwyd at Polisi TAI 8 sydd hefyd yn gofyn am ddatganiad tai ar gyfer cais o’r maint hwn er mwyn sicrhau cymysgedd priodol o dai. Adroddwyd na dderbyniwyd datganiad, er bod hyn wedi ei amlygu yn glir yn y cyngor cyn cyflwyno cais, a heb y wybodaeth yma nid yw’n bosib asesu’r cymysgedd a’r math o dai a ddarperir, eu pris fforddiadwy na sut fydd y bwriad arfaethedig yn cyfarch anghenion y gymuned leol. Enghreifftiau  ...  gweld y cofnod llawn ar gyfer eitem 9.