Rhaglen, penderfyniadau a chofnodion

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cynghorydd Elin Hywel, Gruffydd Williams a John Pughe

Nodi unrhyw eitemau sy’n fater brys ym marn y cadeirydd fel y gellir eu hystyried.

Fel mater o drefn, adroddwyd, gyda’r Cadeirydd yn ymuno yn rhithiol, mai’r Swyddog Monitro fyddai’n cyhoeddi canlyniad pleidleisiau’r ceisiadau.

I dderbyn unrhyw ddatganiad o fuddiant personol ac i nodi materion protocol. 

Datganodd yr aelodau canlynol eu bod yn aelodau lleol mewn perthynas â’r eitem a nodir:

•           Y Cynghorydd Gareth Williams (nad oedd yn aelod o’r Pwyllgor Cynllunio hwn), yn eitem 5.1 (C25/0418/30/LL) ar y rhaglen

•           Y Cynghorydd Gareth A Roberts (oedd yn aelod o’r Pwyllgor Cynllunio hwn), yn eitem 5.4 (C25/0647/11/LL) ar y rhaglen

•           Y Cynghorydd John Pughe Roberts (oedd yn aelod o’r Pwyllgor Cynllunio hwn), yn eitem 5.5 (C25/0428/14/LL) ar y rhaglen

•           Y Cynghorydd Cai Larsen (oedd yn aelod o’r Pwyllgor Cynllunio hwn), yn eitem 5.6 (C25/0462/02/LL) ar y rhaglen

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 17 Tachwedd 2025 fel rhai cywir  

Derbyniodd y Cadeirydd gofnodion cyfarfod blaenorol y pwyllgor hwn a gynhaliwyd 17 Tachwedd 2025 fel rhai cywir

Cyflwyno adroddiad Pennaeth Adran Amgylchedd

Rhoddodd y Pwyllgor ystyriaeth i’r ceisiadau canlynol i’w datblygu. Ymhelaethwyd ar fanylion y ceisiadau ac ymatebwyd i gwestiynau mewn perthynas â’r cynlluniau ac agweddau o’r polisïau.

Cais llawn i godi 8 tŷ fforddiadwy (safle eithrio) gyda datblygiadau cysylltiedig gan gynnwys creu mynedfa gerbydol, ffordd stâd, tirlunio ac ardal draenio dwr wyneb cynaliadwy.

AELOD LLEOL: Cynghorydd Gareth Williams

Dolen i'r dogfennau cefndir perthnasol

PENDERFYNIAD: Caniatáu gydag amodau 

1.         Amser

2.         Unol a’r cynlluniau

3.         Deunyddiau

4.         Amod tai fforddiadwy

5.         Amodau priffyrdd

6.         Amodau bioamrywiaeth/gwarchod clawdd

7.         Amod tirlunio

8.         Amod Dŵr Cymru

9.         Tynnu hawliau dirprwyedig a ganiateir yn  ymwneud ag ymestyn a defnydd

10.       Materion draenio

11.       Cynllun Rheoli Adeiladu

12.       Datganiad dull trawsleoli clawdd

Cais llawn i godi 8 tŷ par fforddiadwy (safle eithrio) gyda datblygiadau cysylltiedig gan gynnwys creu mynedfa gerbydol, ffordd stad, tirlunio ac ardal draenio dŵr wyneb cynaliadwy 

          Tynnwyd sylw at y ffurflen sylwadau hwyr

          Roedd rhai o’r Aelodau wedi ymweld â’r safle 03-12-25

a)          Amlygodd y Rheolwr Cynllunio y gohiriwyd y cais ym Mhwyllgor Cynllunio Tachwedd 2025 er mwyn trefnu ymweliad safle i asesu effaith y bwriad ar fwynderau’r trigolion cyfagos. Nodwyd bod cynlluniau diwygiedig wedi eu cyflwyno oedd yn amnewid lleoliadau dau fyngalo pâr gyda’r pâr o dai 3 a 4 llofft.

Adroddwyd bod safle’r datblygiad arfaethedig yn bresennol yn dir amaethyddol agored gyda ffiniau o’i amgylch yn bennaf yn wrychoedd naturiol gyda thai preswyl yn gyfochrog a’r safle gydag edrychiadau o ran dyluniad, ffurf a gorffeniadau amrywiol. Saif y cyfan tu allan i ffin ddatblygu gyfredol pentref Aberdaron ac felly yng nghefn gwlad agored gyda ffin orllewinol a deheuol y safle arfaethedig yn cyffwrdd a’r ffin datblygu bresennol. Ategwyd bod ffordd gyhoeddus dosbarth 3 wedi ei leoli yn gyfochrog gyda’r ffin orllewinol a’r hyn fyddai blaen y safle, gyda mynediad a hawl tramwy i mewn i diroedd amaethyddol yn rhedeg ar hyd ffin ogleddol y tir. Y safle oddi mewn dynodiadau AHNE Llŷn a Thirlun o Ddiddordeb Hanesyddol Eithriadol Llŷn ac Ynys Enlli ac o fewn parth 500m i heneb gofrestredig.

Eglurwyd bod pentref Aberdaron wedi ei ddiffinio fel pentref gwledig / arfordirol yn y CDLl gydag oddeutu 95 o dai ac ychydig o gyfleusterau o fewn y ffin datblygu gyfredol. Ar sail maint yr anheddle, nodwyd bod y datblygiad yn golygu twf o 7.6% i’r anheddle, ond gyda chaniatâd diweddar wedi ei gymeradwyo ar gyfer safle eithrio arall am 5 uned i’r anheddle, bydd twf o 12.35% yn ei gyfanrwydd sy’n gyfystyr a’r lefel twf disgwyliedig i’r anheddle yma.

Gyda’r safle wedi ei leoli y tu allan i’r ffin datblygu disgwylid i’r holl unedau fod ar gyfer angen fforddiadwy lleol. Ar gyfer Aberdaron diffinnir hyn fel pobl sydd mewn angen tŷ fforddiadwy ac sydd wedi byw o fewn y Pentref, neu yn yr ardal wledig o gwmpas am bum mlynedd neu fwy yn olynol, unai yn union cyn cyflwyno cais neu yn y gorffennol. Diffiniwyd ‘ardal wledig’ yn yr achos yma fel pellter o 6km o safle'r cais a holl ardal unrhyw Gyngor Cymuned sy'n cael ei rannu gan y pellter 6km, gan eithrio eiddo o fewn ffin datblygu unrhyw anheddiad oni bai am yr anheddiad hwnnw lle mae’r cais wedi’i leoli.

Nodwyd bod Arolwg Hwylusydd Tai Gwledig wedi ei gyflwyno mewn ymateb i’r hyn a godwyd ym Mhwyllgor Tachwedd 2025 a’r arolwg yn cadarnhau bod yr angen wedi ei brofi o’r prif ffynonellau, a thystiolaeth gan yr ymgeisydd. Yn yr achos yma, ac yn unol gyda gofynion y Canllaw Cynllunio Atodol Tai Fforddiadwy, nid oedd pwrpas cynnal arolwg lleol gan Hwylusydd Tai Gwledig ond bod yr Arolwg oedd wedi ei gyflwyno yn mynd tu hwnt i ofynion canllawiau a pholisïau cynllunio'r CDLl.

Cyflwynwyd  ...  gweld y cofnod llawn ar gyfer eitem 6.

Ail gyflwyniad gyda gwelliannau o'r hyn a wrthodwyd yn flaenorol o gais llawn ar gyfer cae carafanau i gynnwys bloc toiled a gwelliannau amgylcheddol

AELOD LLEOL: Cynghorydd John Brynmor Hughes

Dolen i'r dogfennau cefndir perthnasol

PENDERFYNIAD: Gwrthod

Rhesymau

Mae’r bwriad yn golygu creu safle carafanau teithiol newydd yng nghefn gwlad agored i ffwrdd o’r prif rwydwaith ffyrdd. Ni ystyrir y byddai’r unedau arfaethedig yn cydweddu’n rhwydd i’r dirwedd leol ac ni ystyrir  y byddai’n lleoliad anymwthiol wedi'i guddio'n dda gan nodweddion presennol y dirwedd a chredir felly y byddai’r datblygiad yn niweidiol i ansawdd gweledol y dirwedd. Ni fyddai'r bwriad yn ychwanegu at gynnal, gwella neu adfer cymeriad cydnabyddedig Ardal o Harddwch Naturiol Eithriadol Llŷn ac y byddai creu safle carafanau newydd cryn bellter o’r prif rwydwaith ffyrdd cyhoeddus ar lon wledig brysur ble ceir dwysedd uchel o safleoedd gwyliau yn bresennol yn cael effaith ar nodweddion a chymeriad y dirwedd. Fe ystyrir felly fod y bwriad yn groes i ofynion perthnasol Polisïau TWR 5 ac AMG 1 y Cynllun Datblygu Lleol ar y Cyd Gwynedd a Môn a Chanllaw Cynllunio Atodol (CCA): Cyfleusterau a Llety i Dwristiaid.

Ni chyflwynwyd tystiolaeth ddigonol fel rhan o’r cais cynllunio i ddangos fod ystyriaeth lawn wedi ei roi i’r effaith o golli tir amaethyddol gorau a mwyaf aml bwrpas. Ystyrir felly fod y cais yn groes i ofynion maen prawf 6 Polisi PS 6 Cynllun Datblygu Lleol ar y Cyd Gwynedd a Môn 2011-2026 ynghyd a’r cyngor a roddir ym mharagraffau 3.58 a 3.59 o Bolisi Cynllunio Cymru.

Oherwydd diffyg gwybodaeth i asesu yn llwyr, effaith llif carthffosiaeth newydd o’r datblygiad arfaethedig, nid yw’r cynnig yn dderbyniol ar sail gofynion polisi ISA1 sydd yn nodi y caniateir cynigion dim ond pan fo capasiti isadeiledd digonol yn bodoli, neu lle caiff ei ddarparu mewn modd amserol.

Ail gyflwyniad gyda gwelliannau o'r hyn a wrthodwyd yn flaenorol o gais llawn ar gyfer cae carafanau i gynnwys bloc toiled a gwelliannau amgylcheddol.

Tynnwyd sylw at y ffurflen sylwadau hwyr

a)             Amlygodd yr Uwch Swyddog Cynllunio bod y bwriad yn cynnwys creu 13 llain ar gyfer carafanau teithiol, codi adeilad parhaol i gynnwys toiledau/cawodydd ynghyd ag ymgymryd â gwelliannau tirlunio meddal trwy atgyfnerthu a llenwi bylchau o fewn gwrychoedd a chloddiau presennol ynghyd a phlannu gwrych newydd ar ymylon y safle gyda’r ffordd gyhoeddus gyfagos.

Cyfeiriwyd at y prif newidiadau a wnaed rhwng y cais a wrthodwyd yn flaenorol a’r cais presennol sef, lleihau nifer y lleiniau o 15 i 13 a phlannu gwrych newydd.

Adroddwyd bod safle’r datblygiad arfaethedig wedi ei leoli y tu allan i unrhyw ffin ddatblygu cyfredol ac felly yng nghefn gwlad agored gyda mynediad i’w gael oddi ar ffordd gyhoeddus ddi-ddosbarth tra bod cyfres o lwybrau cyhoeddus yn croesi tiroedd cyfagos; y safle wedi ei leoli o fewn dynodiadau AHNE Llŷn a Thirlun o Ddiddordeb Hanesyddol Eithriadol Llŷn ac Enlli.

Cyflwynwyd y cais i’r Pwyllgor am benderfyniad oherwydd bod ardal y datblygiad arfaethedig yn fwy na’r hyn a ellid ei ystyried gan swyddogion trwy’r drefn ddirprwyedig. Cwblhawyd asesiad llawn o’r holl faterion perthnasol gan gynnwys cydymffurfiaeth gyda pholisïau yn ogystal â sylwadau a dderbyniwyd. Daethpwyd I’r canlyniad na ellid sicrhau y byddai’r cynnig yn cydweddu’n rhwydd i’r dirwedd leol, yn ychwanegu at gynnal, gwella neu adfer cymeriad cydnabyddedig Ardal o Harddwch Naturiol Eithriadol Llŷn ac oherwydd tystiolaeth annigonol a diffyg gwybodaeth, ystyriwyd fod y bwriad yn annerbyniol ag yn methu bodloni yn llwyr ofynion y polisïau perthnasol. Roedd y swyddogion yn argymell  gwrthod y cais.

b)             Cynigiwyd ac eiliwyd gwrthod y cais

PENDERFYNWYD:

Gwrthod

Rhesymau

Mae’r bwriad yn golygu creu safle carafanau teithiol newydd yng nghefn gwlad agored i ffwrdd o’r prif rwydwaith ffyrdd. Ni ystyrir y byddai’r unedau arfaethedig yn cydweddu’n rhwydd i’r dirwedd leol ac ni ystyrir  y byddai’n lleoliad anymwthiol wedi'i guddio'n dda gan nodweddion presennol y dirwedd a chredir felly y byddai’r datblygiad yn niweidiol i ansawdd gweledol y dirwedd. Ni fyddai'r bwriad yn ychwanegu at gynnal, gwella neu adfer cymeriad cydnabyddedig Ardal o Harddwch Naturiol Eithriadol Llŷn ac y byddai creu safle carafanau newydd cryn bellter o’r prif rwydwaith ffyrdd cyhoeddus ar lon wledig brysur ble ceir dwysedd uchel o safleoedd gwyliau yn bresennol yn cael effaith ar nodweddion a chymeriad y dirwedd. Fe ystyrir felly fod y bwriad yn groes i ofynion perthnasol Polisïau TWR 5 ac AMG 1 y Cynllun Datblygu Lleol ar y Cyd Gwynedd a Môn a Chanllaw Cynllunio Atodol (CCA): Cyfleusterau a Llety i Dwristiaid.

Ni chyflwynwyd tystiolaeth ddigonol fel rhan o’r cais cynllunio i ddangos fod ystyriaeth lawn wedi ei roi i’r effaith o golli tir amaethyddol gorau a mwyaf aml bwrpas. Ystyrir felly fod y cais yn groes i ofynion maen prawf 6 Polisi PS 6 Cynllun Datblygu Lleol ar y Cyd Gwynedd a Môn 2011-2026  ...  gweld y cofnod llawn ar gyfer eitem 7.

Newid defnydd gorsaf brofi VOSA i ffurfio Masnachwyr Coed ac Adeiladwyr

AELOD LLEOL: Cynghorydd Dewi Jones

Dolen i'r dogfennau cefndir perthnasol

PENDERFYNIAD: Caniatáu gydag amodau

Amodau:

1.         5 mlynedd.

2.         Unol a chynlluniau a dogfennau.

3.         Cyfyngu defnydd o’r safle i ddosbarth defnydd B1, B2, B8 o fewn Gorchymyn Dosbarthiadau Defnydd 1987 a’r bwriad.

4.         Gwelliannau bioamrywiaeth

5.         Gwarchod cyfarpar a phibellau Dŵr Cymru a’u parthau diogelu

Newid defnydd gorsaf brofi VOSA i ffurfio Masnachwyr Coed ac Adeiladwyr

Tynnwyd sylw at y ffurflen sylwadau hwyr

a)             Amlygodd yr Hyfforddai Cynllunio mai cais llawn ydoedd ar gyfer newid defnydd gorsaf profi MOT gan VOSA, sy’n ddefnydd unigryw, i fasnachwyr coed ac adeiladu mewn cyswllt gyda safle presennol yr ymgeisydd union du cefn. Byddai’r safle yn gweithredu ar wahân, ond gan yr un cwmni. Saif y safle o fewn ystâd ddiwydiannol y Cibyn sydd o fewn ffin datblygu Caernarfon ac fel y diffinnir yn y CDLl, sy’n ‘safle sydd wedi ei warchod fel prif safle cyflogaeth’ ar gyfer defnydd cyflogaeth (B1, B2 a B8) yn unol â Pholisi PS13 (Darparu cyfle ar gyfer economi ffyniannus) a Pholisi CYF 1 (Gwarchod, dynodi ac amddiffyn tir ac unedau ar gyfer defnydd cyflogaeth) o’r CDLl.

Eglurwyd bod Polisi PCYFF3 yn datgan y caniateir cynigion, gan gynnwys estyniadau a newidiadau i adeiladau a strwythurau presennol os ydynt yn cydymffurfio a nifer o feini prawf sy’n cynnwys bod y cynnig yn ychwanegu neu yn gwella cymeriad y safle, yr adeilad neu’r ardal o ran y gosodiad, yr ymddangosiad, y raddfa, yr uchder, y mas a’r driniaeth i’r drychiadau; ei fod yn parchu cyd-destun y safle a’i le yn y dirwedd leol; ei fod yn defnyddio deunyddiau sy’n briodol i’r hyn sydd o’u hamgylch ac yn ymgorffori tirlunio meddal; ei fod yn gwella rhwydwaith cludiant a chyfathrebu diogel ac integredig; eu bod yn cyfyngu rhediad dwr a pherygl risg llifogydd ac atal llygredd; ei fod yn cyflawni dyluniad cynhwysol ac sy’n galluogi mynediad i bawb a’i fod yn helpu creu amgylcheddau iach a bywiog gan ystyried iechyd a lles defnyddwyr y dyfodol.

Adroddwyd bod yr  adeilad presennol yn sylweddol ac amlwg o fewn yr ystâd ddiwydiannol ac yn gosod ei hunan fel rhan o’r safle ehangach wrth edrych arno o bell. Cadarnhawyd bod yr ymgeisydd wedi datgan na fydd bwriad gwneud unrhyw newid allanol i’r adeilad na’r iard ac felly ni fydd effaith y bwriad ddim mwy na’r sefyllfa bresennol ar y tirlun. I’r perwyl hyn, y cais yn cwrdd ag amcanion Polisi PCYFF 3 o fewn CDLl.

Yng nghyd-destun mwynderau cyffredinol a phreswyl, mynegwyd bod trigolion cyfagos i’r safle wedi cael eu hysbysu am y cais ond ni dderbyniwyd ymateb. Er bod y safle wedi ei leoli o fewn ystâd ddiwydiannol tua 100 medr i ffwrdd o dai preswyl i’r gogledd a’r bwriad yn debygol o arwain at ddefnydd dwys o’r safle, ni ystyriwyd y byddai’n cael effaith negyddol sylweddol ar fwynderau trigolion y tai agosaf; yn cydffurfio felly ag amcanion Polisi PCYFF 2 o fewn CDLl.

Cyfeiriwyd at sylwadau Dwr Cymru oedd yn cadarnhau gwrthwynebiad i’r bwriad ar sail fod bwriad plannu coeden fel rhan o welliannau bioamrywiaeth o fewn parth diogelu pibellau sy’n croesi’r safle. Amlygwyd bod cynllun diwygiedig sy’n symud y goeden bwriedig i ffwrdd o barthau diogelu’r pibellau wedi ei gyflwyno mewn ymateb i’r gwrthwynebiad. Er nad oedd ymateb wedi ei dderbyn gan Dwr Cymru i’r ail-ymgynghoriad ar sail  ...  gweld y cofnod llawn ar gyfer eitem 8.

Newid defnydd uned ddiwydiannol bresennol (Dosbarth Defnydd B2) i ganolfan chwaraeon padel dan do (Dosbarth Defnydd D2) a gwaith cysylltiedig

AELOD LLEOL: Cynghorydd Gareth A Roberts

Dolen i'r dogfennau cefndir perthnasol

PENDERFYNIAD: Caniatáu’r cais yn ddarostyngedig i amodau cynllunio perthnasol yn ymwneud gyda:

1.               Amser

2.               Cydymffurfio gyda’r cynlluniau

3.               Caniateir defnyddio’r uned fel Canolfan Chwaraeon Padel / pickleball yn unig ac nid at unrhyw ddiben arall

4.               Rhaid dilyn y mesurau lliniaru rhag llifogydd a’u hargymhellir rhannau 7.29 – 7.34 y Datganiad Cynllunio

5.               Oriau Agor  : 07:00 i 23:00 yn ddyddiol

6.               Bydd y datblygiad a gymeradwywyd drwy hyn yn cael ei gynnal yn unol â'r asesiad effaith sŵn, a baratowyd gan ES Acoustics - Noise Impact Assessment for a Proposed Padel Tennis and Pickleball Facility S3, Caernarfon Road, Bangor LL57 4SP Report Reference 22236.NIA-RPT.01. Rev A dated 29th of October, 2025. Ni ddylid cael sŵn yn uwch na lefelau a ragwelir yn Nhabl 10 o'r NIA.

7.               O fewn 3 mis i'r safle ddod yn weithredol, bydd arolwg sŵn yn cael ei gynnal gan ymgynghorydd acwstig cymwys addas, yn unol â'r NIA, a chyflwyno adroddiad i'r Awdurdod Cynllunio Lleol a'i gymeradwyo'n ysgrifenedig ganddo. Bydd yr adroddiad yn darparu gwybodaeth am y sain fesuredig a allyrrir o'r safle ar 1.0m o ffasâd y derbynnydd preswyl a nodwyd ym Maes Berea, Pen y Wern, Cilcoed a Bryn Llwyd.   Pe ganfyddir bod sŵn gweithredol yn fwy na'r lef-elau sŵn cefndir lleiaf, neu mae lefelau sŵn o’r offer mecanyddol allanol sydd â sgôr yn uwch na'r amod allanol isod,  dylid cyflwyno cynllun lliniaru sŵn manwl i'r Awdurdod Cynllunio Lleol i'w gymeradwyo'n ysgrifenedig. Bydd unrhyw gynllun lliniaru yn cael ei weithredu o fewn 3 mis i ddyddiad y gymeradwyaeth ysgrifenedig yn unol â'r manylion cymeradwy, a chaiff ei gadw yn unol â'r manylion hynny ar ôl hynny.

8.               Oriau gwaith

9.               Rhaid cyflwyno manylion unrhyw offer allanol a osodir ar yr adeilad

10.            Rhaid cyflwyno a chytuno Cynllun Rheolaeth Safle gan gynnwys mecanwaith i ddelio gyda chwynion gan aelodau’r cyhoedd.

11.            Dylid gweithredu’n unol a’r Datganiad Seilwaith Gwyrdd

12.            Sicrhau arwyddion Cymraeg / Dwyieithog

Nodiadau

          Dŵr Cymru

Newid defnydd uned ddiwydiannol bresennol (Dosbarth Defnydd B2) i ganolfan chwaraeon padel dan do (Dosbarth Defnydd D2) a gwaith cysylltiedig

a)             Amlygodd yr Uwch Swyddog Cynllunio mai cais ydoedd ar gyfer trosi uned bresennol o fewn safle cyn ffatri Denis Ferranti ym Mangor yn gyfleuster ar gyfer chwarae gem padel dan do. Byddai’r bwriad yn newid defnydd yr uned yn ganolfan chwaraeon padel, gan greu 8 o gyrtiau padel, 2 cwrt “pickleball”, parth cynhesu, derbynfa a thoiledau ynghyd a chyfleuster parcio beiciau. Yn ychwanegol, bydd darpariaeth parcio presennol o fewn y safle yn cael ei ddefnyddio a'i ddyrannu'n benodol gan glustnodi 36 llecyn parcio i'r defnydd arfaethedig. Y bwriad fyddai agor y cyfleuster ar gyfer defnydd rhwng 07:00 a 23:00, diwrnod yr wythnos.

Eglurwyd bod y safle wedi ei nodi fel uned warws sydd wedi'i lleoli'n ganolog o fewn stad ehangach sydd wedi'i leoli o fewn Ffin Datblygu Canolfan Isranbarthol Bangor ond y tu allan i’r ardal Canol Tref a'r Brif Ardal Siopa ddiffiniedig. Ategwyd bod y Mapiau Llifogydd yn nodi bod y safle wedi'i leoli ym Mharth Llifogydd 3 (Afonydd a Dŵr Wyneb) sy'n gysylltiedig â’r Afon Adda sy’n rhedeg trwy gwlfert gerllaw.

Adroddwyd bod y safle cyfan wedi'i amgylchynu gan gymysgedd o ddefnyddiau masnachol a phreswyl tra bod safle'r cais ei hun wedi'i leoli o fewn uned bresennol. Fel rhan o’r cais cyflwynwyd gwybodaeth arbenigol oedd yn cynnwys:

·       Datganiad Cynllunio (yn cynnwys Asesiad Iaith Gymraeg)

·       Asesiad Effaith

·       Asesiad Effaith Man Werthu

·       Asesiad Sŵn (ynghyd â diweddariad mewn ymateb i sylwadau Gwasanaeth Gwarchod y Cyhoedd)

·       Datganiad Ynni

·       Datganiad Trafnidiaeth

·       Datganiad Seilwaith Gwyrdd

·       Datganiad Effaith Cymdeithasol

Cyflwynwyd y cais i’r Pwyllgor am benderfyniad oherwydd bod ardal y datblygiad arfaethedig yn fwy na’r hyn a ellid ei ystyried gan swyddogion trwy’r drefn ddirprwyedig. Cwblhawyd asesiad llawn o’r holl faterion perthnasol gan gynnwys cydymffurfiaeth gyda pholisiau yn ogystal â sylwadau a dderbyniwyd.

Cyfeiriwyd at ymateb Gwasanaeth Gwarchod y Cyhoedd i’r cais, oedd wedi amlygu pryder ynghylch y sŵn a fyddai’n deillio o’r safle. Ymatebodd arbenigwyr acwstig ar ran yr ymgeiswyr trwy gyflwyno eglurhad pellach i’r materion a godwyd gan y Gwasanaeth. Er derbyn y wybodaeth ychwanegol, adroddwyd bod Gwarchod y Cyhoedd yn parhau i gyfeirio at rai pryderon ynglŷn ag agweddau o’r wybodaeth a gyflwynwyd a’r bwriad ei hun. Aseswyd yr ymateb diweddaraf yn llawn, ac er cydnabod y pryderon, ystyriwyd hawl presennol defnydd yr adeilad at ddibenion diwydiannol o fewn dosbarth defnydd B2 (Diwydiannol Cyffredinol), a thrwy osod amodau priodol, ni fyddai defnydd o’r adeilad fel cyfleuster chwaraeon yn debygol o achosi effeithiau mwynderol ychwanegol sylweddol a fyddai’n achosi niwed arwyddocaol i fwynderau cymdogion a’r ardal leol. O ganlyniad, ni ystyriwyd fod y bwriad yn groes i bolisi amddiffyn mwynderau cyhoeddus a phreifat.

Ystyriwyd fod y bwriad yn cydymffurfio gyda gofynion polisïau lleol a chenedlaethol ac roedd y swyddogion yn argymell caniatáu’r cais yn ddarostyngedig i osod amodau perthnasol.

b)             Yn manteisio ar yr hawl i siarad, nododd Asiant ar ran yr ymgeisydd y sylwadau canlynol;

·       Byddai  ...  gweld y cofnod llawn ar gyfer eitem 9.

Newid defnydd swyddfeydd i 5 fflat preswyl, yn cynnwys estyniad ar y cefn. Gosod pwmp gwres ffynhonnell aer a gosod drws i storfa gwastraff.

AELOD LLEOL: Cynghorydd Cai Larsen

Dolen i'r dogfennau cefndir perthnasol

PENDERFYNIAD: Gohirio

Rheswm: Cais am wybodaeth a thystiolaeth pellach o’r angen, er mwyn sicrhau gofynion polisi TAI 8

Newid defnydd swyddfeydd i 5 fflat preswyl, yn cynnwys estyniad ar y cefn. Gosod pwmp gwres ffynhonnell aer a gosod drws i storfa gwastraff

Tynnwyd sylw at y ffurflen sylwadau hwyr

Amlygodd y Rheolwr Cynllunio bod yr adeilad yn un o faint sylweddol wedi ei leoli ar gornel y stryd fawr o fewn ffin datblygu Tref Caernarfon ac Ardal Cadwraeth Safle Treftadaeth y Byd. Nid oedd bwriad newid edrychiad blaen nac ochr yr adeilad sy’n amlwg o’r stryd fawr.  Cadarnhawyd bod capasiti digonol o fewn cyflenwad dangosol Caernarfon ar gyfer y datblygiad yma ar hyn o bryd.

Amlygwyd bod yr eiddo o dan berchnogaeth Cyngor Gwynedd ac y bydd y defnydd arfaethedig yn rhan o ymateb statudol y Cyngor i’r ddyletswydd o letya pobl digartref. Pwysleisiwyd mai grŵp targed y cynllun yw unigolion digartref risg isel, nid llety â chefnogaeth gymhleth na defnydd fyddai’n creu lefel uchel o effaith ar y gymuned. Nodwyd bod yr unedau yn cydymffurfio gyda safonau Llywodraeth Cymru ar gyfer unedau fforddiadwy o ran maint  a‘r defnydd arfaethedig yn mynd i’r afael â digartrefedd (heb achosi gorlwytho ar y ddarpariaeth tai lleol, ac yn darparu unedau fforddiadwy yn unol â gofynion y polisi cynllunio).

Cyfeiriwyd at ddatganiad oedd wedi ei dderbyn gan Adran Tai ac Eiddo Cyngor Gwynedd yn cadarnhau y byddai’r eiddo yn cael ei glustnodi fel eiddo “meanwhile” sy’n cynnig llety sefydlog am gyfnod o hyd at ddwy flynedd tra bod unigolion yn aros am ddatrysiad parhaol addas. Amlygwyd bod cyfanswm o 81 o unigolion wedi eu lleoli o fewn y Dref ar hyn o bryd ac nad oedd cynlluniau ychwanegol yn cael eu hystyried yng Nghaernarfon ar hyn o bryd. Gyda’r bwriad yn cael eu darparu fel eiddo cymdeithasol o dan reolaeth y Cyngor o fewn Canolfan Gwasanaeth Trefol, ystyriwyd fod y bwriad yn cwrdd â gofynion polisi TAI 15 yn ddarostyngedig i gynnwys amod fod y bwriad yn sicrhau unedau fforddiadwy am byth.

Eglurwyd  bod y gwaith addasu yn cynnwys newidiadau mewnol, ac adeiladu estyniad 3 llawr o fewn iard gefn yr eiddo ac felly  ni fyddai’n effeithio ar edrychiad na chymeriad yr adeilad sy’n amlwg i’r cyhoedd na chael  effaith weledol andwyol ar Safle Treftadaeth y Byd na’r Ardal Gadwraeth. Byddai’r gwaith yn cynnwys gosod ffenestri llawr daear a ffenestri llawr cyntaf ar gyfer ystafelloedd gwely cefn a chadarnhawyd y byddai’r ffenestri llawr cyntaf i’w gosod gyda gwydr wedi eu cymylu - bydd modd gosod amod cynllunio er mwyn sicrhau hyn. Nodwyd hefyd fod bwriad gosod amod cynllunio ar gyfer cyflwyno manylion a lleoliad y pwmp gwres ffynhonnell aer. O ganlyniad, ystyriwyd na fyddai’r bwriad yn cael effaith andwyol sylweddol ar drigolion cyfagos.

Yng nghyd-destun materion trafnidiaeth a mynediad, nodwyd bod yr eiddo wedi ei leoli yng nghanol y Dref ble mae gofodau parcio cerbydau ar y strydoedd ac o fewn meysydd parcio cyhoeddus. O ran materion bioamrywiaeth cyfeiriwyd at y gwelliannau oedd wedi eu cynnig ac adroddwyd bod y datganiad iaith a gyflwynwyd yn datgan effaith niwtral i bositif  ...  gweld y cofnod llawn ar gyfer eitem 10.

Cynllun arallgyfeirio fferm ar gyfer gosod 4 uned llety gwyliau symudol ar y tir ynghyd ag 1 uned symudol ar gyfer cyfleuster cawod a toiledau

AELOD LLEOL: Cynghorydd John Pughe Roberts

Dolen i'r dogfennau cefndir perthnasol

PENDERFYNIAD: Caniatáu Gydag Amodau

1.         5 mlynedd.

2.         Yn unol â’r cynlluniau diwygiedig ac adroddiadau arbenigol.

3.         Cyfyngu’r niferoedd i 4 uned deithiol ac 1 uned deithiol ar gyfer defnydd bloc toiled

4.         Tymor gwyliau / lleoli

5.         Cyfyngu'r unedau i ddefnydd gwyliau.

6.         Dim storio unedau teithiol ar y safle y tu allan i’r tymor

7.         Cwblhau’r fynedfa yn unol â’r cynlluniau

8.         Ni cheir gosod unrhyw strwythur fwy na 1m o fewn y llain welededd

9.         Cynllun atal llygredd sy'n cynnwys mesurau i osgoi rhedeg i ffwrdd o briddoedd yn ystod y gwaith adeiladu.

10.       Dim torri coed, gwrychoedd neu glirio llystyfiant o fewn tymor nythu neu aeafgysgu

11.       Cytuno/rheoli goleuo.

12.       Cynllun dull trawsleoli gwrychoedd a chrawiau.

13.       Tirlunio meddal a chaled i gynnwys manylion y llawr caled athraidd

14.       Cynnal tirlunio

15.       Cynllun rheoli safle

16.       Enw Cymraeg

17.       Hysbysebion Cymraeg

Nodiadau

Trwyddedu

SUDS – Draenio cynaliadwy

Llythyrau Cyfoeth Naturiol Cymru, Dŵr Cymru

Cynllun arallgyfeirio fferm ar gyfer gosod 4 uned llety gwyliau symudol ar y tir ynghyd ag 1 uned symudol ar gyfer cyfleuster cawod a thoiledau

a)               Amlygodd yr Hyfforddai Proffesiynol bod cais ar y safle yma ar gyfer newid defnydd tir a datblygu llety gwyliau newydd ar ffurf 5 pod glampio parhaol, wedi ei wrthod gan y Pwyllgor yng nghyfarfod Mai 2025. Cyflwynwyd yma gais ar gyfer newid defnydd tir a datblygu llety gwyliau newydd ar ffurf 4 uned llety gwyliau symudol ynghyd a 1 uned symudol ar gyfer cyfleuster cawod a thoiledau, parcio cysylltiedig, addasiadau i’r fynedfa, draenio a thirlunio.

Eglurwyd bod y safle wedi ei leoli yng nghefn gwlad ac o fewn  Ardal Tirwedd Arbennig.  Gyda  thopograffi’r safle yn goleddu lawr o’r ffordd tuag at  afon Dulas, byddai’r unedau wedi eu lleoli ar y llethr uwchben yr afon.

Tynnwyd sylw at polisi TWR 5 sydd yn nodi bod modd ystyried caniatáu ceisiadau am lety wersylla amgen dros dro cyn belled a bod y bwriad yn cydymffurfio gyda’r meini prawf perthnasol.

·       Bod y datblygiad arfaethedig o ansawdd o ran dyluniad, gosodiad ac edrychiad, a’i fod wedi’i leoli mewn lleoliad anymwthiol sydd wedi’i guddio’n dda gan nodweddion presennol y dirwedd, a/neu lle gellir cydweddu’r unedau teithiol yn hawdd yn y dirwedd mewn modd nad yw’n peri niwed sylweddol i ansawdd gweledol y dirwedd;

Bwriedir gosod yr unedau gwyliau ar y llethr rhwng yr afon ac i’r de o’r trac presennol. O ystyried natur yr unedau, gyda tho gwyrdd o blanhigion , waliau wedi eu cladio gyda phren, a'u lleoliad ymhlith coed / gwrychoedd a chae presennol,  ble mae llethr y tir yn mynd yn is tuag at yr afon, ystyriwyd fod y bwriad o fath a allai gymhathu i’r dirwedd ac na fyddai’n sefyll allan yn amlwg o olygfeydd agos. Mae’n debygol y byddai’r bwriad i’w weld o diroedd uwch ymhellach draw o’r safle ond ni ystyriwyd y byddai’n sefyll allan yn amlwg yn y dirwedd, ac felly y bydd bwriad yn ddatblygiad ymwthiol yn y tirlun.

·       Yn osgoi gormodedd o ardaloedd o leiniau caled;

Y bwriad yn golygu gosod 4 uned ar safle sy’n mesur tua 0.56 hectar a mwy na 10 medr rhwng pob uned sydd yn cael ei ystyried fel dwysedd isel ar gyfer y safle. Bod bwriad creu ardaloedd caled athraidd gyferbyn â’r unedau gwyliau a 4 llecyn parcio newydd athraidd; y bwriad yn llwyddo osgoi gormodedd o ardaloedd o leiniau caled

·       Mae ei gysylltiad ffisegol a’r ddaear yn gyfyngedig ac yn gallu cael ei symud oddi ar y safle yn y tymor caeedig;

Unedau symudol yw’r unedau gwyliau yn ogystal â’r uned toiledau a chawodydd ac felly byddai unrhyw gysylltiad ffisegol â’r ddaear yn y lleiafswm.  Cyflwynwyd Cynllun Storio gyda’r cais yn cadarnhau trefniadau storio oddi ar y safle ar gyfer yr unedau allan o dymor.

·       Dylai unrhyw gyfleusterau atodol, os yw hynny’n bosib, gael eu lleoli mewn adeilad presennol neu fel estyniad i gyfleusterau presennol. Os nad oes adeilad addas ar gael rhaid  ...  gweld y cofnod llawn ar gyfer eitem 11.