Rhaglen, penderfyniadau a chofnodion drafft

I dderbyn unrhyw ymddiheuriadau am absenoldeb

 

Derbyniwyd ymddiheuriadau gan y Cynghorydd Elin Hywel a’r Cynghorydd Berwyn Parry Jones; Cyng. Llio Elenid Owen (Aelod Lleol cais 5.7)

 

Croesawyd y Cyng. Dyfrig Siencyn fel aelod newydd i’r Pwyllgor

 

I dderbyn unrhyw ddatganiad o fuddiant personol ac i nodi materion protocol. 

 

 

a)           Datganodd y Cynghorydd Cai Larsen fuddiant yn eitem 5.2 (C25/0671/14/LL) oherwydd ei fod ar Fwrdd Llywodraethwyr Ysgol Syr Hugh Owen. Roedd yr Aelod o’r farn ei fod yn fuddiant a oedd yn rhagfarnu ac felly gadawodd y Siambr yn ystod y drafodaeth ar y cais.

 

b)           Datganodd Iwan Evans (Pennaeth Gwasanaethau Cyfreithiol – Swyddog Monitro) fuddiant yn eitem 5.1 (C26/0238/15/LL) oherwydd ei frawd oedd y pensaer perthnasol. Roedd y swyddog o’r farn ei fod yn fuddiant a oedd yn rhagfarnu ac felly gadawodd y Siambr yn ystod y drafodaeth ar y cais.

 

c)           Datganodd yr Aelod canlynol ei fod yn Aelod Lleol mewn perthynas â’r eitem a nodir:

 

Y Cynghorydd Gwilym Evans (nad oedd yn Aelod o’r Pwyllgor Cynllunio hwn), yn eitem 5.1 (C26/0238/15/LL) ar y rhaglen

 

Datganodd yr Aelod canlynol ei fod yn cynrychioli’r Aelod Lleol mewn perthynas â’r eitem a nodir:

 

Y Cynghorydd Gareth Williams (nad oedd yn Aelod o’r Pwyllgor Cynllunio hwn), yn eitem 5.4 C25/0777/39/LL ar y rhaglen

 

 

Nodi unrhyw eitemau sy’n fater brys ym marn y Cadeirydd fel y gellir eu hystyried.

 

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 18ain o Fai 2026 fel rhai cywir  

 

Derbyniodd y Cadeirydd gofnodion cyfarfod blaenorol y pwyllgor hwn a gynhaliwyd 18 o Fai 2026 fel rhai cywir

 

 

Cyflwyno adroddiad Pennaeth Adran Amgylchedd.

 

Rhoddodd y Pwyllgor ystyriaeth i’r ceisiadau canlynol i’w datblygu. Ymhelaethwyd ar fanylion y ceisiadau ac ymatebwyd i gwestiynau mewn perthynas â’r cynlluniau ac agweddau o’r polisïau.

 

Codi ty annedd newydd

AELOD LLEOL: Cynghorydd Gwilym Evans

 

Dolen i'r dogfennau cefndir perthnasol

 

PENDERFYNIAD:

 

Gohirio i gynnal ymweliad safle

 

Codi tŷ annedd newydd

 

a)     Amlygodd yr Uwch Swyddog Cynllunio mai cais llawn ydoedd ar gyfer codi annedd deuluol o ddyluniad deulawr ar wahân, gyda thalcen yr eiddo yn wynebu’r ffordd gyhoeddus; y tŷ arfaethedig o ddyluniad to brig modern wedi ei adeiladu i mewn i’r llethr. Byddai’n mesur oddeutu 7.2m o uchder i fan uchaf y to, gyda balconi ar deras sylweddol yn cael ei osod i gefn yr eiddo fydd yn ymestyn allan oddeutu 2.5m ac yn gwasanaethu'r llawr.

 

Gwrthodwyd cais am eiddo unigol ar y safle hwn (26.02.2026) o dan gyfeirnod C25/0927/15/LL. Er bod rhai newidiadau wedi’u gwneud i gynlluniau’r cais presennol, gan gynnwys dileu dau agoriad llawr cyntaf oedd yn wynebu’r eiddo drws nesaf a lleihau maint y balconi fel nad yw’n ymestyn allan heibio edrychiad ochr y tŷ, roedd maint a gosodiad yr eiddo yn parhau yn gyffredinol yr un fath o ran maint a graddfa.

 

Cyflwynwyd y cais i’r Pwyllgor Cynllunio am benderfyniad ar gais yr Aelod Lleol.

 

Cyfeiriwyd at Polisi TAI 15 o'r Cynllun Datblygu Lleol (CDLl) sy’n datgan y bydd Cynghorau yn ceisio sicrhau lefel briodol o dai fforddiadwy yn ardal y cynllun. Dau neu fwy o unedau tai yw'r trothwy, ond gan mai dim ond un uned sydd yn cael ei gynnig yn yr achos hwn, nid yw Polisi TAI 15 yn berthnasol ac nid yw’n angenrheidiol darparu elfen fforddiadwy.

 

Mae Polisi PCYFF 3 yn ei wneud yn ofynnol i ddatblygiadau fod o ddyluniad o ansawdd uchel sy’n parchu a chyd-fynd â chymeriad a chyd-destun yr ardal. Yn yr achos hwn, ystyriwyd nad yw’r tŷ arfaethedig yn adlewyrchu dyluniad traddodiadol y tai teras cyfagos ar Stryd Warden. Er bod y dyluniad wedi cael ei addasu rhywfaint ers y cais blaenorol, mae ei swmp, ei uchder a’i nodweddion mwy cyfoes yn parhau i ymddangos yn anghymesur ac allan o gymeriad gyda’r amgylchedd lleol. Yn ogystal, oherwydd bod y safle ar lethr, byddai’r annedd yn eistedd yn uwch na’r tai cyfagos ac felly’n sefyll allan yn y dirwedd. O ganlyniad, ystyriwyd y byddai’r adeilad yn creu effaith ormesol ac ni fyddai’n ymdoddi’n naturiol i’r strydwedd na’r dirwedd o’i gwmpas. Nid yw’r bwriad felly yn ychwanegu na gwella cymeriad na golwg yr ardal, ac mae’n groes i ofynion polisi PCYFF 3. Er bod rhai deunyddiau’n ceisio cyfeirio at y dirwedd hanesyddol, ystyriwyd y gallai dyluniad mwy sensitif i’r safle gael ei gyflwyno.

 

O safbwynt mwynderau preswyl, cyfeiriwyd at bryderon sylweddol ynghylch effaith y datblygiad ar eiddo cyfagos. Er bod y balconi arfaethedig, wedi’i leihau, mae’n parhau’n nodwedd amlwg ar gefn yr eiddo ac yn debygol o achosi problemau gor-edrych a phreifatrwydd – y risgiau hyn yn effeithio’n benodol ar drigolion y capel cyfagos a Rhif 10 Stryd Warden.

 

Yn ogystal, ystyriwyd bod lleoliad a gosodiad yr eiddo yn golygu y bydd symudiadau i mewn ac allan o’r tŷ newydd yn digwydd mewn bwlch cul ger Rhif 10, yn hytrach na thuag at y stryd fel gweddill y tai. Byddai hyn  ...  gweld y cofnod llawn ar gyfer eitem 6.

Codi ffens newydd 2400mm o uchder ogwmpas rhan o ffin y cae chwarae.

 

AELOD LLEOL: Cynghorydd Ioan Thomas

 

Dolen i'r dogfennau cefndir perthnasol

PENDERFYNIAD:

 

Gohirio i gynnal ymweliad safle

 

Codi ffens newydd 2400mm o uchder o gwmpas rhan o ffin cae chwarae.

 

a)     Amlygodd yr Uwch Swyddog Cynllunio mai cais llawn ydoedd ar gyfer codi ffens o amgylch rhan o ffin cae chwarae Ysgol Syr Hugh Owen.

 

Cyflwynwyd y cais i’r Pwyllgor Cynllunio oherwydd bod yr Aelod Lleol wedi datgan buddiant ac wedi darparu sylwadau ar y cais. 

 

Amlygwyd bod sylwadau o’r ymgynghoriad statudol a chyhoeddus yn cyfeirio fwyaf at bryderon yn deillio gan gymdogion yn nodi ei fod yn ddatblygiad di angen gan greu effaith weledol, effaith ar fwynderau preswyl ac effaith ar hawliau dynol. Derbyniwyd llythyr hefyd yn cefnogi'r ffens oherwydd bod problemau gyda thaflu cerrig, tresmasu ar eiddo preifat a sbwriel yn cael ei daflu i mewn i erddi.

 

Cyfeiriwyd at Polisi ISA 2, sy’n ymwneud gyda chyfleusterau cymunedol sy’n cynnwys ysgolion, ac yn nodi y bydd y CDLl yn cynorthwyo i gynnal a gwella cyfleusterau cymunedol. Byddai’r bwriad yn cael ei leoli ar ffiniau ysgol bresennol a bod angen y ffens o gwmpas yr adeilad er mwyn gwella diogelwch o fewn tir yr ysgol.  O ran yr egwyddor ystyriwyd bod y bwriad yn un rhesymol ac yn cyd-fynd gydag egwyddor Polisi ISA 2 CDLl.

 

Bydd y ffens bwriedig yn un “weldmesh” o liw gwyrdd, sydd yn ffens lle mae modd gweld drwyddi ac felly ystyriwyd na fydd yn creu golwg gaeedig na gormesol i’r ysgol na’r tai cyfagos. Gan ei fod yn cydweddu â ffensys presennol yr ysgol ac yn caniatáu gwelededd, ni ystyriwyd y bydd yn creu effaith weledol yn yr ardal, ac felly’n cydymffurfio â pholisi PCYFF 3.

 

Adroddwyd bod rhai preswylwyr cyfagos wedi gwrthwynebu ar sail effaith weledol a theimlad gormesol, ond nodwyd bod ffensys o’r math yma yn gyffredin mewn ysgolion er mwyn diogelu staff a disgyblion. Gan fod ffensys tebyg eisoes yn bodoli o amgylch y safle, nid yw’r cynnig yn anghyson â’r amgylchedd. Bydd y ffens newydd tua 4–5 metr o gefn y tai, gan ddarparu bwlch digonol fel nad yw’n cael effaith sylweddol ar fwynderau preifat. Ategwyd bod rhaid ystyried yr angen ar gyfer diogelu disgyblion a thir yr ysgol ynghyd a’r tir tu allan i’r ysgol rhag difrod ac felly, ystyriwyd na fyddai’r ffens o’r math yma’n achosi niwed arwyddocaol sylweddol i fwynderau’r gymdogaeth leol, ac felly yn cydymffurfio  gyda Polisi PCYFF 2 y CDLl. Yn ogystal, tynnwyd sylw at goed sydd â gorchymyn gwarchod ar hyd y ffin gydag amod i’w osod i sicrhau na chaiff unrhyw waith ar y coed ei wneud heb ganiatâd ymlaen llaw – byddai hyn yn diogelu’r coed fel rhan o’r datblygiad.

 

Nid oedd y bwriad arfaethedig yn cyrraedd y trothwyon ar gyfer cyflwyno Datganiad Iaith Gymraeg neu Adroddiad ar Asesiad Effaith Iaith Gymraeg, er hynny ni ystyriwyd byddai’n niweidiol  i’r iaith Gymraeg ac felly yn cydymffurfio a gofynion Polisi PS 1.

 

Ystyriwyd bod y materion cynllunio  ...  gweld y cofnod llawn ar gyfer eitem 7.

Ail gyflwyniad o gais a wrthodwyd yn flaenorol i ddiddymu cytundeb 106 yn ymwneud a chodi tŷ fforddiadwy a ganiatawyd o dan gyfeirnod C10D/0017/33/LL ar rhan o gae ger Penboncyn, Boduan, Pwllheli.

 

AELOD LLEOL: Cynghorydd Anwen J Davies

 

Dolen i'r dogfennau cefndir perthnasol

PENDERFYNIAD: Gwrthod

 

Rheswm:

 

Credir fod y Cytundeb 106 sydd yn cyfyngu'r eiddo i dy fforddiadwy ar gyfer angen lleol yn parhau gyda diben perthnasol ar gyfer defnydd cynllunio a'i fod o'r herwydd, yn parhau i sicrhau defnydd angenrheidiol yn unol â chanllawiau a roddir yn rhan 'Oblygiadau Cynllunio' Ardoll Seilwaith Cymunedol 2010 Cylchlythyr 13/97, Polisi Cynllunio Cymru, Pennod 3 “Gwneud Penderfyniadau Cynllunio a’u Gorfodi” a Deddf Cynllunio Gwlad a Thref (Diwygio a Dileu Rhwymedigaethau Cynllunio), 1992. Byddai gwaredu'r gytundeb fel a nodir yn y cais hefyd yn tanseilio strategaeth y Cyngor mewn perthynas â diogelu nifer derbyniol o dai fforddiadwy o fewn y sir, fyddai yn groes i ofynion Polisi PCYFF 1 a TAI 15 o Gynllun Datblygu Lleol ar y Cyd Gwynedd a Mon, 2017 ynghyd a chanllawiau perthnasol a geir yng Nghanllawiau Cynllunio Atodol: Tai Fforddiadwy, Canllaw Cynllunio Atodol: Ymrwymiadau Cynllunio a Nodyn Cyngor Technegol 2:  Cynllunio a Thai Fforddiadwy.  

 

Ail gyflwyniad o gais a wrthodwyd yn flaenorol i ddiddymu cytundeb 106 yn ymwneud a chodi tŷ fforddiadwy a ganiatawyd o dan gyfeirnod C10D/0017/33/LL ar ran o gae ger Penboncyn, Boduan, Pwllheli.

 

a)     Amlygodd y Rheolwr Cynllunio mai cais ydoedd i ddileu cytundeb 106 ynghlwm a chaniatâd cynllunio yn 2010 sydd yn sicrhau y byddai’r eiddo yn uned fforddiadwy gyda disgownt o leiaf 40%. Cyflwynwyd y cais oherwydd nad yw'r perchnogion presennol yn ystyried y tŷ i fod yn dŷ fforddiadwy hyd yn oed ar raddfa ostyngedig oherwydd ei werth ariannol. Nodwyd nad oedd yr eiddo wedi ei adeiladau, ond bod gwaith mewn cyswllt a’r caniatâd cynllunio, gan gynnwys y fynedfa, wedi cychwyn ac felly’r caniatâd cynllunio yn parhau yn fyw. Bydd yr eiddo, petai yn cael ei adeiladu yn unol â’r cynlluniau a ganiatawyd, yn dŷ unllawr ar ben ei hun, 4 ystafell wely, ystafell fyw wedi ei leoli o fewn ardal wledig Boduan sydd ymhell tu allan i unrhyw ffin ddatblygu gyfredol, ac felly yng nghefn gwlad agored.

 

O safbwynt hanes cynllunio, cafodd cais yr ymgeisydd gwreiddiol (nid yr ymgeiswyr presennol) ei asesu a phrofwyd yr angen am dŷ fforddiadwy. Er hynny, roedd maint yr eiddo yn sylweddol fwy na'r hyn fyddai'n arferol ar gyfer tŷ fforddiadwy 4 llofft ac felly, yr argymhelliad a wnaed gan swyddogion ar y pryd oedd gwrthod y cais. Trafodwyd y cais yn y pwyllgor cynllunio ar y pryd ag fe benderfynodd yr aelodau fynd yn groes i'r argymhelliad a chaniatáu’r cais yn ddibynnol ar gwblhau cytundeb 106 i sicrhau y byddai’r tŷ yn fforddiadwy. Ategwyd nad yw Boduan wedi ei ddiffinio fel pentref gwledig erbyn hyn ac felly, mae'r safle yng nghefn gwlad agored o safbwynt yr ystyriaeth gynllunio berthnasol.

 

Nodwyd fod cais blaenorol ar gyfer dileu’r 106 wedi ei wrthod o dan hawliau dirprwyedig ac fe gyflwynwyd y cais i’r pwyllgor cynllunio am benderfyniad ar gais yr aelod lleol. 

 

Cyfeiriwyd at y drefn ar gyfer asesu dileu cytundebau 106, y meini prawf penodol a bod y cytundeb yn parhau i fod yn berthnasol - y cytundeb ar gyfer sicrhau bod yr uned yn fforddiadwy am byth; Eglurwyd bod y safle yn wreiddiol mewn lleoliad yn union gerllaw adeilad a oedd wedi ei liwio ar fap cynigion Cynllun Datblygu Unedol Gwynedd a oedd yn diffinio Boduan fel Pentref Gwledig ac felly heb gydymffurfio gyda pholisi tai fforddiadwy ar y pryd ni fyddai wedi cael caniatâd yn y lle cyntaf. Ategwyd bod yr angen yn parhau ar gyfer unedau fforddiadwy yn ardal Boduan ac ardaloedd cyfagos sydd wedi ei dystiolaethu gan sylwadau Uned Strategol Tai. Nid oes modd arall o sicrhau fod yr uned yn fforddiadwy ac felly ystyriwyd fod y cytundeb yn parhau’r berthnasol.

 

Amlygwyd bod gwybodaeth a gyflwynwyd fel rhan o’r cais yn cyfeirio at brisiad, ond heb ei gynnwys, a bod yr ymgeiswyr o’r farn fod y pris yn rhy uchel i fod yn fforddiadwy ac felly ar gael i rai a fyddai’n gymwys ar ei gyfer. Nodwyd mai  ...  gweld y cofnod llawn ar gyfer eitem 8.

Cais llawn i ddymchwel eiddo preswyl presennol (dosbarth C3) a chodi eiddo preswyl newydd (dosbarth C3) yn ei le ynghyd a gwelliannau i fynedfa bresennol

 

AELOD LLEOL: Cynghorydd John Brynmor Hughes

 

Dolen i'r dogfennau cefndir perthnasol

PENDERFYNIAD: Caniatáu, yn groes i‘r argymhelliad

 

1. 5 mlynedd
2. Unol a’r cynlluniau
3. Gorffeniad a llechi ar y to
4. Amod archeoleg – cofnod archif
5. Gwelliannau bioamrywiaeth

 

Cais llawn i ddymchwel eiddo preswyl presennol (dosbarth C3) a chodi eiddo preswyl newydd (dosbarth C3) yn ei le ynghyd a gwelliannau i fynedfa bresennol

 

a)     Amlygodd y Rheolwr Cynllunio bod y cynnig yn golygu dymchwel adeilad gwag presennol (sydd yn amlwg wedi cadw ei statws fel eiddo preswyl) a chodi adeilad deulawr 4 llofft yn rhannol dros ôl troed yr eiddo presennol ond fyddai fymryn yn uwch. Eglurwyd bod y safle wedi ei leoli o fewn ffin datblygu pentref Sarn Bach gyda ffordd gyhoeddus dosbarth 3 cyfochrog a llwybr cyhoeddus yn arwain oddi ar y ffordd trwy’r safle. Ategwyd bod mynedfa gerbydol bresennol yn arwain heibio talcen yr eiddo sydd yn gwasanaethu'r safle ac yn fynediad i safle gwersylla a charafanau teithiol sefydledig ynghlwm a'r eiddo tu cefn i'r prif adeilad. Yr adeiladau cyfagos i raddau yn gymysgedd o ran dyluniad a gorffeniadau, ond oll yn cynnwys nodweddion cyffredin o ran ffurf a gorffeniadau megis toeau llechi a gorffeniad o garreg naturiol a rendr. 

 

Cyflwynwyd y cais i’r Pwyllgor am benderfyniad ar gais yr Aelod Lleol.

 

Yng nghyd-destun egwyddor y datblygiad ystyriwyd polisi TAI 13 (dymchwel ac ail-godi tai) gan amlygu nad oedd polisi TAI 5 yn berthnasol oherwydd bod yr eiddo presennol, o gysidro ei hawliau dirprwyedig i ymestyn, y tu hwnt i ofynion y polisi. Nodwyd bod y bwriad yn cydymffurfio gyda gofynion polisi TAI 13 ac nad oedd gwrthwynebiad i’r egwyddor o ddymchwel yr eiddo a chodi un arall yn ei le.

 

Fodd bynnag, ystyriwyd y byddai’r eiddo arfaethedig, oherwydd ei ddyluniad, gorffeniadau a graddfa yn newid cymeriad y safle yn llwyr ac yn denu’r llygaid i raddau annerbyniol. Ni fyddai’n parchu ei gyd-destun safle a’i leoliad o fewn y pentref. Cydnabuwyd bod enghreifftiau amrywiol o ddatblygiadau wedi eu caniatáu o fewn yr ardal, ond bod rhaid ystyried bob cais ar ei haeddiant ei hun - yn yr achos yma, ni ystyriwyd fod y bwriad wedi llwyddo yn gyfan gwbl i wella cymeriad ac ymddangosiad y safle gan y byddai’r dyluniad yn creu nodwedd llawer fwy amlwg ac ni fyddai’n integreiddio na chyfrannu’n gadarnhaol i’r strydlun lleol a phatrwm datblygu'r ardal gyfagos. Cefnogwyd y farn gan sylwadau’r Uned AHNE. Derbyniwyd bod ymdrech wedi ei wneud i newid dyluniad yr eiddo, ond ni lwyddwyd i oresgyn yr holl bryderon o ran effaith weledol ac effaith ar yr AHNE. I’r perwyl hyn, roedd y bwriad yn gwrthdaro â gofynion perthnasol polisïau PCYFF 2 a PCYFF 3 ac AMG 1 y CDLl ynghyd a chyngor Nodyn Cyngor Technegol 12.

 

Cyfeiriwyd at faterion mwynderau preswyl, trafnidiaeth, iaith a bioamrywiaeth gan nodi eu bod yn dderbyniol.

 

Ystyriwyd bod y bwriad yn annerbyniol yn y ffurf fel y cyflwynwyd gan ei fod yn methu bodloni gofynion polisïau a chanllawiau perthnasol. Roedd y swyddogion yn argymell gwrthod y cais.

 

b)     Yn manteisio ar yr hawl i siarad, nododd asiant ar ran yr ymgeisydd y sylwadau canlynol:

·        Y bwriad oedd dymchwel hen dý fferm a chodi tŷ newydd yn ei le - dim  ...  gweld y cofnod llawn ar gyfer eitem 9.

Datblygiad arfaethedig ar gyfer newid defnydd hen Dafarn Waterloo Inn (defnydd A3) a rhan o hen unedau WH Smiths a USC (defnydd ategol A1) i ffurfio 13 o fflatiau preswyl hunangynhwysol (defnydd C3) ynghyd â newidiadau mewnol ac ail gyflunio i gyfuno dwy uned fanwerthu

 

AELODAU LLEOL: Cynghorydd Dylan Fernley a’r Cynghorydd Nigel Pickavance

 

Dolen i'r dogfennau cefndir perthnasol

PENDERFYNIAD: Caniatáu gydag amodau:

1.         Amser 5 mlynedd.

2.         Yn unol â’r cynlluniau

3.         Cyfyngu'r defnydd i anheddau preswyl dosbarth defnydd C3 yn unig

4.         Cyfyngu’r oriau adeiladau

5.         Rhaid gweithredu amcanion y Datganiad Seilwaith Gwyrdd

6.         Amod tai fforddiadwy

7.         Enw Cymraeg

 

Nodyn : Dŵr Cymru

 

Datblygiad arfaethedig ar gyfer newid defnydd hen Dafarn Waterloo Inn (defnydd A3) a rhan o hen unedau WH Smiths a USC (defnydd ategol A1) i ffurfio 13 o fflatiau preswyl hunangynhwysol (defnydd C3) ynghyd â newidiadau mewnol ac ail-gyflunio i gyfuno dwy uned fanwerthu bresennol i ddarparu stondinau at ddibenion manwerthu ar y llawr gwaelod.

 

a)     Amlygodd yr Uwch Swyddog Cynllunio mai cais llawn ydoedd ar gyfer eiddo sydd wedi ei leoli oddi fewn ffin y Ganolfan Isranbarthol ac felly bod rhaid ystyried yr egwyddor o ddatblygu’r safle yn erbyn Polisi TAI 1 y CDLl. Adroddwyd mai’r  lefel cyflenwad dangosol o dai ar gyfer Bangor dros gyfnod y CDLl yw 969 uned. Yn y cyfnod rhwng 2011 - 2025, nodwyd bod cyfanswm o 821 o unedau wedi eu cwblhau yn y ddinas gyda’r banc tir ar hap h.y. safleoedd gyda chaniatâd cynllunio presennol ar safleoedd nad sydd wedi eu dynodi ar gyfer tai, yn Ebrill 2025 yn 164 uned. Er bod y ddarpariaeth eisoes yn cael ei gyfarch trwy’r safleoedd yn y banc tir, mewn amgylchiadau o’r fath bydd ystyriaeth yn cael ei roi i unedau sydd wedi eu cwblhau hyd yma o fewn yr haen Prif Ganolfannau. Mae Polisi PS 17 y CDLl yn nodi bydd 53% o’r twf tai yn cael ei leoli o fewn y Ganolfan Isranbarthol a Chanolfannau Gwasanaeth Trefol gyda diffyg o 135 uned o safbwynt y ddarpariaeth ar hap o fewn yr haen hon.

 

Drwy ychwanegu 13 uned anheddol at y stoc dai,  byddai'r datblygiad yma yn gymorth i gyfrannu tuag at dargedau tai'r CDLl mewn ffordd sy'n ymateb yn gadarnhaol i ofynion y farchnad dai lleol ac felly fe ystyriwyd y gellid derbyn y cynnig dan TAI 1 a PS 17 y CDLl. Nodwyd bod Polisi TAI 9 o’r CDLl yn caniatáu rhannu eiddo presennol yn fflatiau hunangynhaliol cyhyd a’u bod yn cydymffurfio a nifer o feini prawf sydd yn cael ei drafod yn yr adroddiad. Credir bod y bwriad yn dderbyniol ar sail gofynion polisi TAI 9.

 

Cyfeiriwyd at yr asesiad Cymysgedd Tai, sy’n rhan o’r Asesiad Effaith Iaith Gymraeg a gyflwynwyd, bod rhagamcanion Asesiad Marchnad Tai Lleol Gwynedd 2018-2023 yn dangos twf parhaus yn nifer yr aelwydydd 1 a 2 berson yn erbyn diffyg parhaus o eiddo addas. Amlygwyd bod yr asesiad yn nodi, er bod darpariaeth dda ar gyfer y farchnad llety myfyrwyr ym Mangor, bod prinder sylweddol yn y farchnad broffesiynol ifanc ar gyfer unedau sydd o ansawdd uchel. Ystyriwyd bod tystiolaeth ddigonol wedi ei gyflwyno bod galw lleol am unedau o’r maint a math a gynigwyd yma, ac felly bod y gymysgedd dai yn briodol ac yn cydymffurfio gyda pholisi TAI 8.

 

Lleolir y safle mewn ardal o ddefnyddiau tir cymysg, sy’n cynnwys defnyddiau preswyl ynghyd â defnyddiau masnachol a busnes. Ni ystyriwyd y bydd effaith sylweddol ar fwynderau preswyl eiddo cyfagos o ran gor-edrych na cholli preifatrwydd. Yn dilyn ymgynghori â’r Swyddog Cadwraeth ac addasu’r cynlluniau, daethpwyd i’r casgliad na fydd y datblygiad yn  ...  gweld y cofnod llawn ar gyfer eitem 10.

Cais ar gyfer gweithredu gwaith ailgylchu, sgrinio ac adfer deunyddiau gwastraff anadweithiol

 

AELOD LLEOL: Cynghorydd Dafydd Davies

 

Dolen i'r dogfennau cefndir perthnasol

 

PENDERFYNIAD: Dirprwyo'r hawl i Bennaeth yr Adran Amgylchedd gymeradwyo'r cais, gydag amodau'n ymwneud â'r canlynol:

 

1.         Datblygiad i ddechrau o fewn 12 mis o ddyddiad y caniatâd.

2.         Daw'r gweithrediadau i ben erbyn 31/12/2028. Adfer y safle erbyn 30/06/2029 (i gyfateb i ganiatâd mwynau cyfeirnodC24/1126/34/AC). ⁠

3.         Yn unol â'r cynlluniau a gymeradwywyd.

4.         Marcio ffiniau ardal y caniatâd ac adeiladu pwynt casglu dŵr wyneb gan gynnwys bwnd i'w gadw ar y safle cyn dechrau ar y datblygiad. 

5.         Cyfyngu ar yr hawliau datblygu a ganiateir, adeiladau, codi strwythurau, ffyrdd, llifoleuadau a ffensys.

6.         Ni fydd unrhyw beth heblaw deunyddiau gwastraff anadweithiol yn cael eu mewnforio i'r safle (Codau Gwastraff wedi eu nodi yn yr Asesiad Cynllunio Gwastraff).  Dylai archwiliad o'r deunydd fod ar gael ar gais.

7.         Ni chaniateir cludo mwy na 50,000 tunnell o ddeunyddiau gwastraff anadweithiol i'r safle fesul blwyddyn. Ni fydd mwy na 20,000 tunnell yn cael ei storio ar y safle ar unrhyw un amser.

8.         Oni chytunwyd fel arall yn ysgrifenedig, bydd manylion lleoliad a manylebau unrhyw lifoleuadau yn cael eu cyflwyno er cymeradwyaeth yr Awdurdod Cynllunio Gwastraff cyn y gwaith gosod.

9.         Oriau Gweithio. (yn cyd-fynd â'r presennol).

10.       Cyfyngiadau sŵn (yn cyd-fynd â'r presennol).

11.       Cynllun Rheoli Sŵn i'w gyflwyno cyn pen 3 mis o gael caniatâd.

12.       Bydd yr holl gerbydau, offer a pheiriannau a weithredir yn y safle yn cael eu cynnal yn y fath fodd fel ag i gyfyngu uchafswm lefelau allyriadau sŵn i'r rhai a nodir ym manyleb y gweithgynhyrchwr.  Ni fydd unrhyw gyfarpar, offer na pheiriannau yn cael eu gweithredu ar y safle oni bai eu bod wedi eu gosod gyda sgriniau atal sŵn, 'casework', caeadau a distewyddion.

13.       Ni fydd unrhyw weithrediadau yn digwydd ar y safle yn y fath fodd fel ag i achosi i lwch dihangol godi a bydd system chwistrellu dŵr neu system atal llwch yn cael ei chynnal ar y safle bob amser ynghyd â chyflenwad digonol o ddŵr. Bydd deunyddiau stoc gaiff eu pentyrru a'r ardaloedd ble mae cerbydau olwynion yn teithio arnynt neu ble mae'r gwaith o drin neu symud deunyddiau yn digwydd yn cael eu dyfrio neu fel arall yn cael eu trin ar adegau neu gyfnodau fel sydd angen i atal llwch o'r fath rhag codi. 

14.       Dylid sicrhau bod arwyneb y fynedfa i'r ffordd gyhoeddus yn cael ei chadw yn rhydd rhag llaid a malurion eraill a'i bod yn cael ei chadw bob amser mewn cyflwr derbyniol i'r Awdurdod Cynllunio Gwastraff gan sicrhau bod llaid yn cael ei atal rhag cael ei ddyddodi ar y ffordd gyhoeddus. 

15.       Gosodir gorchuddion ar loriau sy'n gadael ac yn cyrraedd y safle gyda cherrig neu ddeunydd sy'n llai na 500mm.

16.       Cyfyngu ar fynediad cerbydau i'r trefniadau mynediad presennol.

17.       Bydd copi o'r penderfyniad hwn â'r cynlluniau a gymeradwyir sy'n dangos y dull a chyfeiriad y gweithio a'r gwaith adfer yn cael ei ddangos yn swyddfa gweithredwr y safle a thrwy'r amser  ...  view the full Penderfyniad text for item 11.

Cais ar gyfer newid defnydd tir ar gyfer creu safle gwyliau teithiol ar gyfer carafanau, 'motor homes’ (25 uned) a pebyll (10), dymchwel adeilad cyfleusterau presennol a chodi adeilad cyfleusterau o'r newydd ynghyd a datblygiadau cysylltiol

 

AELOD LLEOL: Cynghorydd Llio Elenid Owen

 

Dolen i'r dogfennau cefndir perthnasol

DECISION: To approve with conditions

1.         Time

2.         In accordance with the amended plans.

3.         Limit the number of touring units to 25 caravans and 10 tents only.

4.         Holiday use only and keep a register.

5.         Touring unit's holiday season - 1 March to 31 October.

6.         No storing of touring caravans on the site.

7.         Trunk Road Conditions

8.         Natural Resources lighting condition

9.         Biodiversity Conditions

10.       Construction work hours

11.       Welsh name

12.       Welsh language Signs

13.       Hard-standing condition

14.       Footpaths Condition

 

Notes:

NRW letter note

SUDS note

Licensing Note

PENDERFYNIAD: Caniatáu gydag amodau

1.         Amser

2.         Yn unol â’r cynlluniau diwygiedig.

3.         Cyfyngu nifer o unedau teithiol i 25 carafán a 10 pabell yn unig.

4.         Defnydd gwyliau yn unig a chadw cofrestr.

5.         Tymor gwyliau'r unedau teithiol - 1af Mawrth i 31 Hydref

6.         Dim storio carafanau teithiol ar y safle.

7.         Amodau Cefnffyrdd

8.         Amod goleuo Cyfoeth Naturiol

9.         Amodau Bioamrywiaeth

10.       Oriau gwaith adeiladu

11.       Enw Cymraeg

12.       Arwyddion Cymraeg

13.       Amod llawr caled

14.       Amod Llwybrau

 

Nodiadau:

Nodyn llythyr CNC

Nodyn SUDS

Nodyn Trwyddedu

 

Cais ar gyfer newid defnydd tir ar gyfer creu safle gwyliau teithiol ar gyfer carafanau, 'motor   (25 uned) a phebyll (10), dymchwel adeilad cyfleusterau presennol a chodi adeilad cyfleusterau o'r newydd ynghyd a datblygiadau cysylltiol; lledu a gwella’r fynedfa i Gefnffordd yr A487, gan gynnwys gosod arwyddion rhybudd ffurfiol, fydd yn hwyluso llif traffig diogel ac effeithlon rhwng y safle a’r A487

 

Tynnwyd sylw at y Ffurflen Sylwadau Hwyr

 

a)           Amlygodd y Swyddog Cynllunio bod y safle yn un cefn gwlad gyda’r fynedfa wedi ei lleoli yn union oddi ar Gefnffordd A487. Eglurwyd, ar hyn o bryd, bod y fynedfa un trac presennol yn gwasanaethu’r fferm a’r safle ardystiedig presennol, sy’n caniatáu 5 carafán a 10 pabell drwy gydol y flwyddyn; y safle wedi ei leoli mewn Safle Bywyd Gwyllt ac o fewn parth Llifogydd Dŵr Wyneb a Chyrsiau Dŵr Bach 2 a 3.

 

Eglurwyd, gan mai datblygiad ar gyfer carafanau teithiol yw’r bwriad, y byddai’n cael ei ystyried o dan Bolisi TWR 5 CDLl, sy’n gosod cyfres o feini prawf ar gyfer caniatáu datblygiadau o’r fath.

 

Byddai’r datblygiad arfaethedig wedi’i leoli mewn cae gwastad sydd wedi’i amgylchynu gan goed aeddfed ar ei derfynau, ac felly’n guddiedig o leoliadau cyhoeddus; yn cynnwys cadw’r gwrych presennol o fewn y safle ac yn atgyfnerthu’r sgrinio drwy gynnig plannu gwrych newydd brodorol o amgylch y safle i wahanu’r cae carafanau o’r cae ehangach. Nodwyd y byddai’r adeilad cyfleusterau presennol sy’n cynnwys toiledau a chawodydd, y cael ei ddymchwel a’i ddisodli ag adeilad cyfleusterau modiwlaidd symudol o safon uwch. Ategwyd bod y bwriad wedi ei ddylunio i gwrdd â gofynion trwyddedu o safbwynt gofod a chyfleusterau ac felly derbyniwyd bod y datblygiad yn un safonol ac  felly yn cydymffurfio â Pholisi TWR 5 gan ei fod yn bodloni’r meini prawf perthnasol.

 

Adroddwyd bod y datblygiad o ansawdd uchel o ran dyluniad, gosodiad ac ymddangosiad, wedi’i leoli mewn safle anymwthiol sydd wedi’i guddio’n effeithiol gan nodweddion presennol y dirwedd. Nid yw’n arwain at ormodedd o arwynebau caled, ac mae’r safle mewn lleoliad hygyrch o safbwynt y prif rwydwaith ffyrdd, lle gellid darparu mynediad addas heb amharu’n sylweddol ar gymeriad y dirwedd. Yn ogystal, gellid sicrhau, drwy amodau cynllunio, fod y safle’n cael ei ddefnyddio at ddibenion gwyliau yn unig, ar gyfer defnydd carafanau teithiol yn unig, a bod unrhyw unedau’n cael eu symud o’r safle yn y cyfnodau pan nad ydynt yn cael eu defnyddio.

 

Ategwyd bod y safle’n dibynnu ar fynediad uniongyrchol oddi ar Gefnffordd yr A487 ac fel rhan o’r cais, cynigiwyd gwelliannau i’r gyffordd er mwyn galluogi dau gerbyd i basio’n ddiogel wrth ymuno â’r gefnffordd neu ei adael, ynghyd â gosod arwyddion rhybuddio priodol. Yn wreiddiol, roedd Uned Cefnffyrdd Llywodraeth Cymru wedi nodi gwrthwynebiad oherwydd diffyg gwybodaeth a phryderon am ddiogelwch y fynedfa, yn benodol bod y gyffordd yn culhau i oddeutu 3–4m o fewn 7m i’r gefnffordd. Fodd bynnag, yn ystod cyfnod y cais cyflwynwyd gwybodaeth a chynlluniau ychwanegol, gan gynnwys Nodyn Technegol Trafnidiaeth, i ymateb i’r  ...  gweld y cofnod llawn ar gyfer eitem 12.